namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Tuesday, March 29, 2016

නලලතේ රැඳි සිකුරා හිනැහෙයි




සුන්දර කන්ද උඩරට දළදා සමිඳු වැඩසිටින ඉසව්වට පෙනෙන දුරින් දම්රදයේ සිට අකුරු කළ ඔහු ගේ නිති ඇසුර ඉන් මදක්‌ ඔබ්බෙන් වැව් ඉවුරේ මල්වතු මහ විහාරයේ මහා යතිවරුන් අතර විය

පාලි-සංස්‌කෘත ද්විභාෂා මනාව ප්‍රගුණ කළ ඔහුගේ සිත නැවතුනේ ගුවන් විදුලියේය
ඒ නොනිමි ආශාවෙන් මඩනා ලදින් පේරාදෙණිය සරසවියේ රැකියාවෙන් ඉවත්වූ ඔහුගේ මිලග නවාතැන ගුවන් විදුලි තැටි ගබඩාවයි

1967 වසරේ කැඳවනු ලැබ තිබූ සහන නිවේදක තනතුරකට අයදුම් කරනු ලැබ එයින් 1970 ස්‌ථිර නිවේදකයෙකු ලෙස සේවය කරන්නට වරම් ලැබ දිවි ගමනේ විරාමය දක්‌වා රසඋල්පතක්‌ වන් ගී මුතු පොකුරක නිර්මාපකයාණෝ ලෙස අබිසෙස්‌ ලැබූවේය


1978 ප්‍රථම විධායක ජනපති පදවි ප්‍රාප්තියේ විසිතුරු  රටට හෙළිකරන්නට ඔහුගේ හඩ අවදිවිය
------
බිතුසිතුවම් රූ මෙන් පිටු නොපෑ හිතමිතුරාණෝ මිල්ටන් මල්ලවාරච්චිගේ පෙළඹවිම ඇවිටිල්ලක්‌ වී එයින් මගහැර නෑසුකන්ව නොසිටින්නට සිදුව


ආදරයේ මිහිර රැඳි - වියෝගයේ සුසුම් මැකී
සෙනේහයේ සුවඳ රැඳී - මහද පැසේ පැතුම් පිරී


නමින් තම කුරුටු ගෑ ඔහු ගේය පද ස්‌වර පද හා සංයෝග කලේ මිතුරුකැළේ යාවජීව සාමාජික වික්‌ටර් රත්නායකය

එයිනුදු නොවේ ඇවිටිල්ල නිමවූයේ ........

තමන්ගේ තුරුණුවියේ සාහිත්‍ය ඇසුරේ වනපොත් කල සැළලිහිණි සංදේශය අනුව යමින් යළිත් පෑන්තුඩ මෙහෙයවමින්


දෙඅදර විළිකුන් සුරත් පලේ - පෙම් මදිරා අයදිමින් සැලේ
සීත මීඳුම් සිහින වැල් පැටලේ


නමින් ලියූවේය

එයින් ලැබූ අසිමීත රසික ප්‍රතිචාරය විසින් මෙහෙයවනු ලැබ තමා කලෙක ප්‍රගුණ කල සංස්‌කෘත - සිංහල සාහිත්‍ය ඇසුර ලබමින්


උකුළ ළැමහස මලවි කරළිය මුවා කළ ඇගේ දුහුල් සඵතිර - විවර කෙරුවා

මනස්‌සළෙඵන් උමතු වූ දෙනුවන් රැහැන් ඇද

මා අබියස මැවෙන තුසිතය - සුරන් නැළවූ සුයාමය

නම් හෙළගීකෙත උඩුයටිකුරු කල නිර්මාණය සංයමයෙන් දැහැන්ගතව රසවිඳින්නට සමත් ශ්‍රාවක පිරිසකගේ මනදොළ සැපිරීය

1990 වසරේ තම ජිවිකාව සපයා දුන් ආයතනයට 21 වන සියවසේ තාක්‍ෂණික අරුමැසි අරුමයක උදාව සනිටුහන් කරන්නට දාඩිය මුගුරු හෙඵ ඔහු එහි පුරෝගාමි නිවේදකයාණෝ බවට පත්ව ඉතිහාස ගතවිනි

ඔහුද අද නැත - ඒ ශ්‍රාවක පිරිසද වියපත් ව යමින් සිටි

ඔහු වැන්නෝද  ඒ තැන ගන්නට සමත් ශ්‍රාවකයෝද පෙනෙන ඉසව්වක වත්  නොමැත

ඒ හෙළ ගී කෙත කටුකොහොල් වසා පැතිර වියළි යමින් පවතී


මේ උදාවන්නට නියමිතව ඇත්තේ ඇත්තේ ඔහු සමුගත් ඉක්‌බිති සොළොස්‌වන බක්‌මහ උළෙලයි

කඵආරච්චිගේ දොන් කුලසිරි ධර්මවර්ධන ප්‍රවිණ ගී පද රචකයාණෙනි ඔබ අපට යළි හමුවේවා
ඇසුර - හඩ සගරාව ඩබ්ලිව් කේ ඒ ප්‍රනාන්දු සටහන
-----------------------
නිර්මාණය

ඒ යුගයේ පැවතුනු එසේම ඔහුගේ සුපුරුදු  ගී පද රචනා කලාවෙන් විනිමුක්‌තව කරනු ලැබු නවමු අත්හදාබැලීමකි

තම්මැට්‌ටමක්‌ වයමින් පංචතූර්ය නාදය නංවන්නට උපයෝගි වූ සම්ප්‍රදායික හොරණෑවට ඉතා සමීප ඕබෝව නම් සුශිර භාන්ඩය යොදාගනු ලැබ තිබෙන පදමාලාව කුඵගන්වන ඊටම ගැලපෙන සංගීත සංකලනය ගීතයේ රසය දෙගුණ තෙගුණ කරයි


----------------------------
සංගීත අදියුරු ස්‌වර සංකලනය - සිසිර සේනාරත්න

හඩ ගන්වා පණපෙවීම - ඉන්ද්‍රාණි විජයබන්ඩාර

70 දශකයේ වෙළඳ තැටියකින් උපුටාගතිමි

වි‍‍‍ශේෂ ස්‌තූතිය- ඉන්ද්‍රාණි විජයබන්ඩාර මහත්මිය

මෙතැනින් සවන්දෙන්න


Tuesday, March 1, 2016

පවසනු බස මට වැටහේ  - දුර අතීතයක ඇසී නැසී ගිය මියුරසයක ආවර්ජනය


1960 දශකයේ අවසන් වසර කිහිපය අතරින් එක්තරා දිනයකි

ගුවන් විදුලියේ 06 වන මැදිරිය කෙමෙන් කාර්යබහුල වෙමින් පවති

ඒ තවත් නොබෝ වෙsලාවකින් පටිගත කිරීමට සංගීතමය වැඩසටහනක් වෙනුවෙනි


ලැයිස්තුගත කර ඇති ගී අතරින් එකක් තෝරා අප කථානායකයා වෙත කලින් ලබාදී තිබුනෙන් ඔහු එය පුහුණුවන්නට සුදානමින් සිටින්නේ වාදක මන්ඩල ප්රධානියා ගේ අවසරය ලැබෙන තෙක්ය

වාදක මණ්ඩලයේ ඔහු හොඳින් හඳුනන්නේය

මැදිරියට ඇතුඵවුනු උස් පුද්ගලයා හඳුනාගන්නට ඔහු ට අසිරු නොවෙs ඒ රටෙs තොටෙs නමක් දිනා සිටි පී එල් ඒ සෝමපාලයන් ය

එක් පසෙක රොක්සාමි මාස්ටර් ය ඔහු දැහැන්ගතව වයලිනය සෙමෙන් හඩවනු පෙනේ

ඔහු පසුපසින් එඩිගා පෙරේරා වින්සටන්ටිද අල්විස් ඒලියන් ද සොයිසා වයලීන් අතැතිව අසුන්ගෙන සිටිති

ඈත කොනේ තාල තරංග වාදකයා නව යවිවනයෙකි ඒ රංජිත් බෝගෝඩ ය

තවත් නොබෝ වෙsලාවකින් පටිගතකරන්නට නියමිත ගීතයේ සංගීත අධ්යක්ෂවරයා මැදිරියට ඇතුඵ වෙමින් තමා දෙසට පියමං කරනු ඔහු දකි 

එහෙත් ඔහු පසුපසින් සෙමින් හා අසීරුවෙන් පා තබමින් ළමා සාරියකින් සැරසි එන මේ හිරිමල් යුවතිය කවුරුන්ද ??????

ආ .................

.......මෙs ළමයා අඵතෙන්ම මෙහෙ අපු කෙනෙක් හොඳටම සිංදු කියන්න පුඵවන් මෙයාව ඩුවටි එකට දැම්මට කමක් නෑ නේද ?

හරි හරි ඒකට කමක් නෑ අපි ප්රැක්ටිස් පටන්ගමුද ?

ඔවි එහෙනමි ලෑස්තිවෙමු

--------------------------------

මම උපන්නේ 1931 අවුරුද්දේ ජේසු ස්වාමි දරුවාණන් මෙs ලෝකෙට ආපු ඒ නත්තල් මාසේ 12 වෙනිදාවක

ගම නමි කඩුවෙල වැලිවිට කියන දිහාව

පුංචි කාලේ එහේ ඉඳන් ඉස්කොලේ ආවෙs ඔය ග්රැන්ඩිපාස් එකේ තිබුන සෙන්‍ ‍ජෝසප්ස් එකට

අපේ ගමේ පල්ලියේ කන්තාරු කන්ඩාය‍‍‍‍‍මේ වයලින් ගැහැව්වේ මමයි

 ඒ පල්ලිය දේව මෑණියන්ට කැප කරලා තිබිබ එකක්

එතකොටත් මට ඉයර් එකට ඕනෑම සංගීත භාන්ඩයක් ප්ලේ කරන්න පුඵවන් වුනා අදටත් ඒක එහෙමම තමයි

පස්සේ  මම රැකියාව කලේ කොටුවේ ගෆූර් බිල්ඩිමේ තිබුණු කේවි ඇන්ඩි කොමිපැනි කියන සමාගමේ ඔය ජෝතිපාලලාට ගීත ලියාපු ඇලෝයි ගුණවර්ධන ත් එහේ මාත් එක්ක වැඩකළා

මට තිබිබ ආසාව නිසාම ඉතින් ඔය කරුණාරත්න අබේසේකර එඩිමන්ඩි විජේවර්ධන මහත්තයාලා කරපු ආධුනික පැය වැඩසටහන් වලට ඇප්ලිකේෂ්න් දැම්මා

කැඳවීමක්‌ ලැබුනාද ?

ඔවි මම ගියා රේඩියෝ සිලෝන් එකට

නමුත් කිව්වේ නම් අනුන්ගේ සිංදු මොහොමඩ් රාෆි ගේ මෙරේ කහනි...... මට හොඳටම කියන්න පුඵවන් කම තිබිබා ඒ කාලේ

එතකොට පදිංචිය ?

ගමේ ..... 1950 දශකයේ ඒ

ඒ කාලේ රේඩියෝ සිලෝන් එකේ හිටියා පොස්ෆර් ප්‍රනාන්දු මහත්තයත් මගේ හිතේ

තව ඔය එඩී යාපා  බී ඇස් පෙරේරලා ත් මුණගැහෙනවා එයා පුදුම දක්‍ෂයෙක්‌ එහේ හිටපු


මම විවහ වුනේ 1958 අවුරුද්දේ

පස්සේ අපි මෙහෙ කුරණට පදිංචියට ආවා

ඔහොම ඉන්නකොට 60 දශකයේදි

ඔඩිෂන් එකකට අරන් සමත් වෙලා මට ලැබුනේ බී ශ්‍රේණිය ස්‌වදේශිය සේවයේ

පස්සේ මට එහෙ තරු හමුව කියලා වැඩසටහනකට සහභාගි වෙන්න ලැබුනා

එකේ එක සැරයක් ගීත 3 ක් ද

පසේසේ තරු වැණුම කියලා තවත් වැඩසටහනක 6 ක්ද පටිගත කලා

පුංචි දුවලා දෙන්නවත් එක්කරගෙන ගිහින් ළමා පිටියට සමිබන්ධ කළා
සුමනා ජයතිලක මහත්මිය ගේ වැඩසටහන් වලටත් දැම්මා

එයාලාත් ගීත තැටිගතකිරීමි වලට සහභාගි වුනා

ඔහොම ඉන්නකොට ........එක දවසක් මට සංගීත වැඩසටහනක කැඳවලා ලියුමක් ඇවිත් තිබිබා

එකේ නම තමයි  මියුරස වින්දන නිෂ්පාදනය දයාරත්න රණතුංග මහත්තයා ගේ

ඔය ගීතය කිවිවේ ඒ වැඩසටහනේ දී

රෙ‍කෝඩිං වලට හිටියේ මට මතක විදියට ගුණදාස කපුගේ එයා තමයි එහෙ ටෙක්නිකල් ඉන්ජිනියර් සිංදු කියන්නේ නෑ එතකොට එයා

ගීතය මගේ අතට දුන්නේ රේඩියෝ සිලෝන් එකට ගියාට පස්‌සේ  ලියලා තිබ්බේ  චින්තන විජේසිංහ කියලා කෙනෙක්

එම් එඩ්වඩ් පෙරේරා අපේ බොහොම දක්ෂ වයලින් වාදක මහත්තයෙක් එයා තමයි
ඕකේ සංගීතය හා තනුව නිර්මාණය කලේ

එදා එයා ඩුවට් එකට ගත්තේ එතකොට කවුරුත් අඳුරන්නේ නැති අඵත්ම  ළමයෙක්

එයා තමයි දැන් ඉතිං කවුරුත් දන්න   අපේ ජනප්‍රිය ගායිකාව නීලා......

නීලා වික්‍රමසිංහ

ඊට පස්සේ මම කරුණාරත්න අබේසේකර මහත්තයා නිවේදන කටයුතු කරපු ඉලාස්ටෝ ආයතනය විසින් ඉදිරිපත් කරපු වැඩසටහනකට ගීතයක් ගැයුවා

ඒ ගීතය ??

ඒ ලස්සන මැණිකාට මම ආදරෙයි කියලා එකක්‌

ඒකත් කාලෙක බොහොම ජනප්‍රිය  වුනා

ක්‍රිස්‌ටෝපර් පෝල්  ක්ලොඩ් ද සොයිසා ජී එස් බී රාණි වගේ අය මා සමග සමකාලිනව ඔය වැඩසහන් සමහරකට ගීත ගැයුවා ඔය කාලේම


ඒත් ඉතිං ඉන් පස්සේ මේ ක්‍ෂෙත්‍රයේ දිගටම රැඳෙන්න උත්සහ කලේ නැහැ

මොකද පෞද්ගලික වගකීමි හා රාජකාරි වැඩ ගොඩක් තිබිබ නිසා

පස්සේ අපි මේ පැත්තේ සංගීත කණ්ඩායමක් පටන් ගත්තා ටිකක් වෙනස් එකක් වෙනස තමයි ඒකේ වයලින් සර්පිනා ඩොල්කි මේ වගේ දේවල් තමයි වාදනය කලේ

ගමේ උත්සව වලදී වගේම පල්ලියේ මංගල්ලේ අපි ගායන වාදන ඉදිරිපත් කරා


විශේෂයෙන් මම කියන්න ඕනෑ මේ දේ මේ රටේ තමන්ගේ රැකියාව බවට පත් කරගන්නට නමි අපහසුයි එහෙම උනොත් අමාරුවේ වැටෙන්න පුඵවන්

 වෙනත් ආදායමි මාර්ග සමග කරන්නට ඇත්නම් තමයි වඩාත් හොඳ

සංවාදය අවසන් කරමින් ඔහු කිවේය
----------------------------
ඔහු වර්තමානයේ ගී-සිනමා-නdට්‍ය යන මෙs තුන් ඈඳුණු මාධ්ය වෙනුවෙන් මිණිමුතු වන් කලාකරුවන් ගණනාවක් ජනිත කළ කලා පවුල් ගණනාවක්‌ අදටත් වෙසෙන මිගමු පුරවරයේ පදිංචිව නිහඩව ම සංගීතය හා සමිබන්ධවම තමන්ගේම එසේම සිත්ගන්නාසුඵ ව්‍යාපාරයක නිරත වෙමින් දිවියේ සැඳෑ සමය ගතකරයි

එහිදී ඔහුගේ සුරතින් හැඩවැඩ වී කළඑළි බසින ස්‌පාඤ්ඤ ගීටාර් මෙන්ම විද්්‍යුත් ගිටාර් හුරුබුහුටිය කුඩා ය   ළමුන් උදෙසාය   නමුත් ඒවාද මියුරු සත්සර නාද රටා නැංවිමට අපොහොසත් නොවේ

අපි ඔහුට නිදුක් නිරෝගි සුව පතමු

ඔහු ගුවන් විදුලි ගායන ශිල්පී වැලිවිටවිතානගේ දොන් හෙන්රි ය



70 දශකයේ මතුනොව 80 දශකයේ ප්‍රචාරය වූ යුග ගී තීරය නමි වැඩසටහනේ දී වැඩිමනත්වද අසන්නන්ගේ ඉල්ලීමි තීරයේදීද නිවේදක කැළ අතරැඳි එල් පී තැටි ලේබලය කියවමින් ඔහුව අසන්නන් අතරට ගෙනගියේ මෙසේය

මේ ගීතය ගයන්නේ ශිල්පී ඩබිලිව් ඩි හෙන්රි සමග ශිල්පිනි නීලා වික්‍රමසිංහ
--------------------
නිර්මාණ සටහන

                  රෑණ කිතුල් නිල් වරළස......................
                                                මුකුඵ ලතාවට නැළවී......................
                                                              මට අමතන්නේ කුමටද මල්      හිමිදිරියේ...............................

සහය ගායනය - නීලා වික්‍රමසිංහ
පද රචනය - චින්තන විජේසිංහ
තනුව හා සංගීතය - එම් එඩිවඩි පෙරේරා -  ගුවන් විදුලි වද්‍ය වෘන්දය - 60 දශකය

වැඩසටහන - මියුරස වින්දන
නිෂ්පාදනය - දයාරත්න රණතුංග
පටිගත කිරිමෙs මැදිරි ඉංජිනේරු - ගුණදාස කපුගේ

--------------------------------------
(සමිබන්ධිකරණය වෙනුවෙන් විශේෂ ස්තූතිය - කෙනත් පෙරේරා - ලින්ඩා පෙරේරා මහතaම මහත්මීන් යුවළ  - කුරණ - මිගමුව)

සවන්දෙන්න මෙතැනින්