namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Tuesday, December 19, 2017

ප්‍රවිණ සංගීතඥ මෙල්රෝයි ධර්මරත්න නිර්මාණ - 1977


එදා ඔහු මැවු අපමණ රස මිහිර........

නැසිගිය විජය රාමණායක ගී තැටි එකතුවෙන් - තරංගා  (Tharanga)


ශ්‍රි ලාංකීය වෙළඳ තැටි ව්‍යාපාරයේ ඊ පී (EP) ඛන්ඩය යටතේ නිකුත් කරනු ලැබූ ප්‍රමාණයෙන් සාපේක්‍ෂව කුඩා තැටි වෙළඳ පොලට ගලා ආවේ 60 දශකයේ මුල් භාගයේ සිට බව කියෑවෙයි

ජාත්‍යන්තර පිලිප්ස්‌ ලේබලය වෙනුවෙන් පැටි්‍රක්‌ කොරේරා ද 

පසුව

සූරිය ලේබලයෙන් ජෙරල්ඩ් වික්‍රමසූරිය ද 

ජෙම්ටෝන් ලේබලයෙන් විජයපාල හෙට්‌ටිආරච්චි ද 

සිල්වර්ලයින් නාමයෙන් කෙනත් පෙරේරා ද

නිව් සවුන්ඩ් හි ඊ බී ඩී කේ පෙරේරා ද




----------------
ධර්මරත්න සහෝදරයෝ සිය මව සමග 60 දශකය අගභාගයේදී  දකුණු කෙළවරේ සිටිනනේ මෙල්රෝයි ධර්මරත්නය
--------------------

මෙකී තැටි ව්‍යාපරයේ වෙළඳ පොල  ප්‍රමුඛයෝ විය  දශක පහක පමන කාලයක සිට රසික හද දිනු සුමධුර ගී නිර්මාණ සැළකිය යුතු සංඛ්‍යාවක්‌ බිහි කලේ මෙකී ලේබලයන් විසිනි

එය එදා ඇසුණු සම්පූර්ණ ගීත එකතුවෙන් සියයට හැටක පමණ ප්‍රමාණයක්‌ විය හැකි යෑයි අනුමාන කෙරේ සෙසු ගීතයන් ජාතික ගුවන් විදුලියේ නිර්මාණයන් වු අතර මේ දත්ත කැසට්‌ පට ආගමනය සිදු වූ 1978 වසර පමණ තෙක්‌ වලංගු විය  

පසුව සිංග්ලංකා ඇතුඵ කැසට්‌ ලේබල විසින්  නිමැයු ගීත නිසා ඒ දත්ත වෙනසකට බඳුන් විය

වෙළඳ තැටි ව්‍යාපාරය වෙත 70 දශකයේ පිවිසි සහෘදයා නැසිගිය විජය රාමණායකය ඔහු කොළඹ කොටුවේ වර්තමාන රීගල් සිනමා ශාලාව ට යාබද ව සිය තරංගා රේකෝඩ් බාර් ආයතනය පවත්වා ගෙන යනු ලබමින් මෙකී තරංගා ලේබලයෙන් තැටි නිකුත් කරනු ලැබීය

මෙම ව්‍යාපාර ජාලයේ සෙසු සාමාජිකයන්ගෙන් සුවිශේෂි ව සිංහල ගීත වංශයේ සිය නාමය සටහන් කරවාලන්නට දායක වුයේය

ඒ කෙසේද යත්  ශ්‍රී ලංකාවේදී මෙකී ගීත බෙදාහැරිමේ මාධ්‍යය වු තැටි තාක්‍ෂණයෙන් කැසට්‌ පටය වෙත යොමුවුයේ ඔහු එහි ප්‍රමුඛයෙකුව සිටි අවධියේ වීමත් ඒ අනුව මෙහි වෙළඳ කැසට්‌ මාධ්‍යයේ පුරෝගාමියා බවට පත් වන්නට එයින් ඔහුට අවස්‌ථාව ලැබීමත් නිසාය

ඒ අනුව කැසට්‌ පටයකින් නව ගී නිර්මාණ එළිදැක්‌වු පුරෝගාමියා වු විජය රාමණායක ඒ සඳහා එවකට යොවුන් ගී ලොවේ සිහින කුමරා මිල්ටන් මල්ලවාරච්චි වෙත ඇරයුම් කලේය

හෙත් ඔහුට ප්‍රථමයෙන් සූරිය ලේබලය විසින් සිය වෙලඳ තැටි ගී නැවතත් කැසට්‌ මාධයෙන් නිකුත් කිරීමේ ක්‍රමවේදය අරඹා තිබිණි 

සී ටී ප්‍රනාන්දු සහ වික්‌ටර් රත්නායක ගේ ස ප්‍රසංගය ඒ අනුව නැවතත් කැසට්‌ මාධ්‍යයෙන් එළිදැක්‌විනි

එසේම විජය රාමනායක දෙවැනි වෙළඳ තැටි නිර්මාණය  වෙනුවෙන් දායකත්වය දක්‌වන්නට ඇරයුම් ලැබුවේ ප්‍රවිණ සංගීතඥ මෙල්රෝයි ධර්මරත්න ටය

ඒ අනුව තරංගා ලේබලය වෙනුවෙන් නව නිර්මාණ 04 ක උපත සිදුවුයේ ප්‍රවිණ ශීල්පිනි ඉන්ද්‍රාණී පෙරේරා ගේ හඞිනි 

ඒ මෙසේය

01 නොනිඳා පහන් කලේ - පද රචනය කේ ඩි නිකලස්‌

02 කාලෝ -  පද රචනය මෙල්රෝයි ධර්මරත්න

03 ගිය ඉරිදා ඔබ - මෙල්රෝයි ධර්මරත්න 

04 සලා දෙතොල් (පුතු හිනැහෙනවා) -  කේ ඩි නිකලස්‌



සංගීතඥයා නම් රසවතා සහෘදයා  පදවැල නමැති සියපත  රිද්මය-තනුව නම් සිසිකිරණයෙන් නහවා පුබුදුවා දිදුළවන හිමකර වැන්න

එතැන් හි සිට එසේ පුබුදුවා දසත සුගන්ධවත් කරණ සියපත ඔහුගේම මිසක අන් කවරෙකුගේද ? ඔහු සිය ගී කුසුම් මාලා දාමය පිළිබඳව නිසැකවම උදම් වනවා ඇත

සංගීතඥයෙකුගේ ඒ කර්තව්‍යය කිසිලෙසකත් කවරකලෙකවත් ලඝූ කොට සැළකිය හැකි නොවේ  ඔහු පෙරා කළතා බෙදා දෙන ඒ ගී රසය නිසි ලෙස උරා බොමින් විඳගන්නෝ නොවී එය මතුපිටින් නරඹන්නෝ ද ස්‌පර්ෂ කරන්නෝද එය කෙසේ නම් දනීද ? හැඳිනගනීද ?

ඒ කටයුත්ත එතරම්ම සංකීර්ණය භාරදූරය පද අරුත උද්දීපනය වන ලෙසින් ඊට සුදුසු වාද්‍ය භාන්ඩ තෝරා සිය මනසේ ඇඳි රිද්මයෙන් බිහිවු ස්‌වර ලිපිය අනුව පෙළගස්‌වනු ලැබ අනතුරුව ඊට වඩාත් ම සුදුසු යෑයි තමාට හැගෙනා ස්‌වර පන්තියෙන් වයනු ලැබීමේ මෙකී කටයුත්තේ නිරතවන්නේ යම්සේද ඒ තරමට එහි රසය දියුණු තියුණු වන්නේය

අවසනාවකට මෙකී ක්‍රියාදාමය පිළිබඳව නිසිලෙස අවබෝධයක්‌ ලැබූ එහි අගය හා වැදගත්කම වටහාගත් ලංකීය සිහල ගී රසිකයන් අල්ප වන්නා සේම එයින් ඔවුහූ එකී ගී පුෂ්පයේ සුගන්ධය - පැහැය කිසිදා නොහඳුනන ජාතිඅන්ධයන් වැනිය ඔවුහු ඒවායේ පදවැල් නමැති පෙති පමණක්‌ ස්‌පර්ෂ කරමින් සෑහීමකට පත්වෙති එහි සිනිඳු බව පමණක්‌ අගය කරති

එය එසේ නම් කුමකටද සුගන්ධවත් පැහැබර ගී පුෂ්පමාලාවෝ ? යන පැණය හටගැන්ම නොවැළැක්‌විය හැකිය එහෙත් ලෝ පැවැත්ම උදෙසා එය සැමදා පැවතිය යුතුය

පෙරකී රසිකයන් කෙසේනම් එබන්දෝ වීද ?

මල්බර හිරිමල් වියේ සිට ඔවුහු නිසි ගුරු ඇසුර නොලබා මෙකි සත්සර මිහිර වෙතින් රසවින්දනය වෙතින් දුරස්‌ වීමම ඊට හේතුවිනිද ?

චතුර් පුෂ්පයකින් හෙබි ඉහත ගී කුසුම්දම් පුබුදුවා ලූ සිසි තෙමේ ධර්මරත්න සහෝදර ගායක කන්ඩායමේ නායක සංගීතඥ මෙල්රෝයි ධර්මරත්නයන්ය

හෙළ ගී ස්‌වර්ණදාමයේ කාන්තිය විහිදුනු 70 දශකයේ ගාන්ධර්ව පෙලේ සාමාජිකයෙකු වු ඔහු ද සෙස්‌සෝ මෙන්ම  සිය කටයුත්තේ වගකීම මනාව අවබෝධ කරගනු ලැබිය

ගායකයා තනුවට මනාලෙස අවතීර්ණ වන්නේද යන්නෙන් නොනැවතී

ගීතය ගැයෙද්දී වැයෙන්නට පෙළගැස්‌වූ වාද්‍ය භාන්ඩයන් එක එකෙන් නැගි එන තනි ස්‌වරය පවා ඊට නියමිතව පෙළගැස්‌වු ලෙසින් වැයෙන්නේද යන්න මතුද නොව එහි තිව්රතාවය සහ පරාසය පවා නිසි ලෙසින් සකස්‌ වි ඇද්ද යන්න පිළිබඳව දැඩි අවධානයෙන් සිටීම ද

වාදක මන්ඩලයේ සාමාජිකයන් ඒ සඳහා නියමිත පරිදි පුහුණුවී සූදානම් වී ඇද්ද යන්නද මතුනොව 

එක්‌ එක්‌ වාද්‍ය භාන්ඩය  එහි උපරිම කාර්යක්‍ෂමතාවයෙන් ක්‍රියා කරනු වස්‌  සුසර වි ඇද්ද යන මේ කරුණු කෙරෙහි උපරිම අන්දමින් සැලකිලිමත් විම ද 

යන මේ කරුණු එකී ගී නිර්මාණය අමරණීය බවට පත් කරනු ලබති

යම් සත්සර නිර්මාපකයෙකු නිති හදාරන්නෙකු  - විශ්ලේෂකයෙකු - තාක්‍ෂණවේදියෙකු වීමෙන් හා අත්දැකීමෙන් සපිරීමෙන්  එහි ප්‍රවිණත්වයට පැමිණෙයි ලෝ වටා පැතිර පවත්නා විවිධ සංගීත ශිල්පීය ක්‍රම -  ශෛලීන් - නාදජනන ප්‍රයෝග අතැඹුලක්‌ සේ මිටින් ගත හැක්‌කේ එයාකාරයෙනි


නොනිදා පහන් කලේ  .....

මේ මුඵ රෑ කවුරු නිසාදෝ....

නොනිදා පහන් කලේ....


සොඳුරු අතීතේ කඳුලින් ලියෑවුනු.....

මතක පොතේ රන්වන් පිටු පෙරළා....

ඉවුරු තලා ගිය සතුටු සිනා මැද....



සඳගිරි පවුවේ සඳකිඳුරිය සේ....

අශා සඵවෙන් සියොළග සරසා.....

මියුරු නුරා රස මා සිත පුරවා....


මධුසඳ කිරණේ සිසිලෙන් නහවා...
.
සුදුමල් කැකුළක මුවරද පුරවා....

මුවගොඵ වුන රෑ සිත දොඩමඵ වී........


අසන්න මෙතැනින්
------------------



අප්‍රිකානු ජන සංගීතය ඇසුරේ නිර්මිත ඉහත කී නිර්මාණයේ නාදරටා ට්‍රෙම්ලෝ ආර්ම් (Tremlo Arm) ක්‍රමය අනුව වැයෙයි 1960 දශකයේ ලෝ පුරා සංගීත කන්ඩායම් අතර අතිශය ජනාදරයට පත්වු වහ් වහ් පැඩලය (Wah ...wah... paddle ) හා ක්‍රියාත්මක ගිටාර් වාදන පෙළකින් එය සංගීතවත් කෙරී ඇත

එයින් කෙරෙන්නේ ගිටාරයෙන් හුදකලාව වැයෙන එක්‌ එක්‌ ස්‌වරය ළෙලවීමයි එනම් එය යම්තාක්‌ දුරකට විස්‌ථාපනය කරවා ප්‍රතිරාවය නැංවීමයි 

මේ ශිල්පීය ක්‍රමය ප්‍රවිණ සංගීතඥ නැසිගිය ක්‌ලැරන්ස්‌ විජේවර්ධන විසින් සිය මුල් නිර්මාණ සඳහා යොදාගනු ලැබ තිබේ

මුහුදු රැල්ල ඔස්‌සේ ඔරුවක්‌ පැද යනවෝ (ආරම්භක සහ අන්තර් ගිටාර් නාදරටාව)

සිහිල් නුවන් යුග (අන්තර් වාදනය ගිටාරයෙන්)

සඳයි තරුයි රැයයි හිරුයි මගේ මේ ලොවේ (ආරම්භක සහ අන්තර් වාදන)

ඉහත නිර්මාණයේ මෙම වාදන රටාව ක්‌ලැරන්ස්‌ ගේම සුපර් ගෝලඩන් චයිම්ස්‌ වාදක මන්ඩලය නියෝජනය කල අග්‍රගන්‍ය රිදම් ගිටාර් වාද්‍ය ශිල්පී ඩික්‌සන් ගුණරත්නයන් විසිනි

ඊට අමතරව මෙම ගීතය වෙනුවෙන්  පසුබිමින් තාල වාදනය සැපයෙන්නේ කොංගෝ බෙර හඩ නංවමිනි ඒ සංගීතඥ නැසිගිය ස්‌ටැන්ලි පීරිස්‌ ගේ ෆොaර්චූන්ස්‌ වාද්‍ය වෘන්දයේ නිත්‍ය වාදක  ප්‍රවිණ තාල තරංග වාද්‍ය ශිල්පී ප්‍රේමනාත් කොඩිතුවක්‌කු විසිනි ඔහු පීලික්ස් ඇන්ටන්  සහ චන්ද්‍රා බන්ඩාර ගැයු හද ගී පොතේ පිටුවක්‌ ඉරා මුල් ගුවන් විදුලි නිර්මාණයේ තනු නිර්මාපකයාද සංගීත සංයෝජකයාද වෙයි


කාලෝ - කාලෝ .....

මින්මත්තේ අපේ ගේ පැත්තේ ඔබ එන්න එපා කාලෝ....

ඔබේහැටි හොඳහැටි මම දනිමි ඔබේ හැටි දනමී හොඳහැටි දනිමි.....

කාලෝ - කාලෝ.....

නුවන් අගින් හිනැහි මල් හි බැලුම් හෙලා.....

හෙමින් සැරේ ලංවී මායම් දැළින් වෙලා.....

කලින් කලේ මලින් මලේ යන පැණි බී ඉවත්වෙලා....

යන සමණළයෙකුගෙත් ඔබෙත් අතර වැඩි වෙනසක්‌ නෑ කාලෝ.....


රජෙක්‌ වගේ නිරතුරු පුදසුන පිළිගනිමින්....

මැණික්‌ මුදල් වස්‌තුව සිය රජ දහන කරන්....

දුකක්‌ කියා දෙයක්‌ නොවේ දුක හඳුනන විලසින්....

ජීවත් වන ඔබෙත් මගෙත් ලොකු වෙනසක්‌ නෑ කාලෝ.........


කවුරුද මේ කාලෝ ?

------------------------------------
පද සංකල්පනාව - මෙල්රෝයි ධර්මරත්න

තනු රටාව සහ සංගීත මුසුව - මෙල්රෝයි ධර්මරත්න

ගායනය- ඉන්ද්‍රාණි පෙරේරා

ලේබලය - තරංගා

යුගය - 1977
------------------------------------------------

අසන්න මෙතැනින්
----------------

Free Music - Download Audio -

එදවස නාගරික සංකර යෞවනයේ එකී  සංස්‌කෘතියේ සංකේතයකි කාලෝ ඔහු නවීන විලාසිතාවෙන් සිය ගත සරසා හැඩවැඩ වෙමින් ඇස්‌පැහැර ගන්නා මෝටර් රථයක ගමන් බිමන් යමින් යොවුන් ළඳුන් සිය වසගයට ගන්නා සළෙලකි 


අහිංසක ගැමි ළඳුන් කාලෝ ගේ වසගයට පත්වූවද මේ යුවතිය එසේ නොවේ ඇය ඔහුට අභීයෝග කරයි 

මෙහි වැයෙන අන්තර්වාදනයෙන් සිනමාලෝලි ඔබ ට එදවස රිදී තීරයේ ඇඳුනු උද්වේගකර දර්ශන මැවි නොපෙනේද ?

පෙම්වතා වෙත දුෂ්ඨයා එළෙඹෙමින් කරණ වීසුකදස්සන  ?



එය එසේ නම් මේ නිර්මාණවේදියා ගේ ප්රයන්තය ඵල දරා තිබේ

 තෙලදසුන සිහිනයක්‌ වු අදින් වසර 40 ක අතීතයට  ඔබ පියමං කරද්දී මෙයින් සවනින් සළරු දසුන් පෙළක අසිරිය ලබනවා ඇත


මේ නිර්මාණ ද්විත්වය  වෙනුවෙන් හඞ මුසු කල ප්‍රවිණ ගායිකා ඉන්ද්‍රාණි පෙරේරා මේ නිර්මාණ ද්විත්වය යළි නොගැයිය වෙළඳ කැසටයකට හෝ සංගත තැටියකට හෝ මතු නොව එදා ද පසුවද ප්‍රසංග වේදිකාවේදී ගැයෙන ඉන්ද්‍රාණි වේගරිද්ම පොප් ගී සැරියේ දී මෙම නිර්මාණ යුගල හුදකලාවුවද ඒ මිහිර විඳි එදා වෙලඳ තැටි ගී රසිකයන් මෙන්ම වසර 40 කට පසු අද රසික ඔබද ඒවා නිති අගයනු නිසැකය


ප ලි - සිනමාවේදියෙකු කවියෙකු පුවත්පත් කලාවේදියෙකු වු කේ ඩි නිකලස්‌ 2013 වසරේදී මෙලොවින් සමුගෙන ගියේය



මුලාශ්‍ර - ප්‍රවිණ සංගීතඥ පුවත්පත් කලාවේදී ගීතරචක මෙල්රෝයි ධර්මරත්න



ගී මුතු මාලා - 20 දෙසැම්බර් 2017


Tuesday, December 5, 2017

සත් සමුදුරෙන් එතෙර රැව්දුන් මුණසිහ සත්සර ....06

ඔස්‌ටින් මුණසිංහ නිර්මාණ මියැසි රස ගුලාව ....... 06

ඈත ලොවක සිට හිනැහෙන හඞින් සුවය වේවා ................  06 කොටස

මේ අතර පත්වූ නවරජය විසින් දියත් කෙරුණු වැඩසටහන් ගණනාවක්‌ අතර ඉහළින්ම රැඳුනේ  රණසිංහ ප්‍රේමදාස අභිනව අග්‍රමාත්‍යවරයාගේ ගම් උදාව ව්‍යාපෘතියයි  ඔහු කලා ලෝලියෙකි රසවතෙකි නවකථාකරුවෙකි කවියෙකි

-------------
සංගීතඥ ඔස්‌ටින් මුණසිංහ ජපානයේ පැවති සංගීත උළෙලකදී
ආමාත්‍ය ඒ ජේ රණසිංහ (ටයිපටියක්‌ පැළඳ) පන්ඩිත් අමරදේව ගායිකා චන්ද්‍රාණී ගුණවර්ධන ද සේයාරුවේ වෙති
----------------------




නුර්ති සහ වේදිකා නාට්‍ය ගීත සයුරේ කිමිදි ශිල්පීන් අතර ඔස්‌ටින් මුණසිංහ නාමය ද නිතැතින්ම ලැයිස්‌තුගතවේ 1979 වසරේ එක්‌තරා දිනක මේ රංගනශිල්පීන් ගේ සාදයකදී සර්පිනාව වයමින් සිටි ඔහු දෙස මහත් ඕනෑකමින් දෑස්‌ හෙලා සිටි පුද්ගලයෙකි බලවතෙකි කලාලැදියෙකි 


ඒ ජේ රණසිංහ නම් වු ඔහු අග්‍රමාත්‍ය ප්‍රේමදාස යටතේ ක්‍රියාත්මක වු මරදානේ ටවර් රගහල ආශ්‍රිත පදනමේ අධ්‍යක්‍ෂවරයෙකු ලෙස එවකට සේවය කලේය ඔස්‌ටින් මුණසිංහ වාදන නිපුණතාවය  මහත් සේ අගයා ගම්උදා වැඩසටහන් හා එක්‌වෙන්නට ආරධනා කරනු ලැබිය
එතැන් පටන් ඔහු ගේ උරමත ගුරු - වේදිකා භුමිකාවට සමාන්තරව ගම්උදා සංගීතමය වැඩසටහන් මෙහෙයවිමේ වගකීමද පැවරිණි

එකී ගම්උදා නිවාස සංවර්ධන ව්‍යාපෘතියේ ම කොටසක්‌ ලෙස නාගරික නව මහල් නිවාස සංකීර්ණ ගොඩනගන ලද අතර කොළඹ නගරය ආශ්‍රිතව මරදාන ප්‍රදේශයේ මාලිගාවත්ත මහල් නිවාස සංකීර්ණය ඉදිවිනි ඒවායේ නිවාස ඒකක බොහොමයක්‌ එහි නිර්මාතෘවර කලාකාමි අගමැතිතුමා විසින් ම කලාකරුවන් වෙත ප්‍රදානය කරන්නට තීරණය වි ඇත

මොරටුවේ සිට දිනපතා අගනුවරට පියමං කිරීමේ දෂ්කර ක්‍රියාව ට වැයවෙන සිය වටිනා කාලය පිළිබඳව සැළකු මුණසිංහයන් තමන්ටද ඉහත නිවාස සංකීර්ණයේ නිවාස ඒකකයක අවැසිතාව පෙන්වා දෙමින් අග්‍රමත්‍ය ප්‍රේමදාසයන් හමුවී ලිපියක්‌ භාර දුන්නේය ඒ ඔහුගේ කලා ලැදි නිලදරුවන්ගේ දැනුම් දිම පරිදිය

මෙහිදී අගමැතිඳු ගම් උදා වැඩසටහනේ සාමාජිකයෙකු වු ඔහු හට සිය කාලයේ සැලකිය යුතු ප්‍රමාණක්‌ ඒ වෙනුවෙන් වැයකරන්නට සිදු වි තිබිම සැළකිල්ලට ගනු ලැබිය 

ඔස්‌ටින් ඇයි මෙච්චර කල් හිටියේ ඕක ඉල්ලන්න ඔයාගේ වැඩේ කෙරෙවි  ............

අගමැති කියා සිටියේය

කෙසේ වෙතත් මෙවැනි ඉල්ලීමක ප්‍රතිඵලය ලබන්නට මාස ගණනක්‌ ගත විය හැකි බව අත්දැකීමෙන් පසක්‌ කරගත් ඔහු ඒ සඳහා කාලයට ඉඩ දී තිබුනි  මහත් විශ්මයකි ලිපිය යවා පසුදින ඔහු වෙත දැනුම්දුන්නේ ඇදැහිය නොහැකි ප්‍රවෘත්තියකි

ඔයා අගමැතිතුමාගෙන් ගෙයක්‌ ඉල්ලලා ලිපියක්‌ ඉදිරිපත් කරලා තියෙනවා ඊයේ ................

ඔයා අපේ සම්බන්ධිකරණ නිලධාරි ක්‌වින්ටස්‌ වීරකෝන් එක්‌ක ගිහින් ඉක්‌මනට ගෙයක්‌ තෝරාගන්න....

මේ සතියේම ඒක ඔයාට භාරදෙන්න ඕනෑ........

ඒ පිළිවදන ඒ ජේ රණසිංහගෙනි

මෙහි ප්‍රතිඵලය වුයේ යොවුන් වියේ සිට වාමාංශික අදහස්‌ ගරුකළ ඔස්‌ටින් අග්‍රමත්‍යවරයා කෙරෙහි මහත් සේ පැහැදීමයි සිය අවශ්‍යතාවය වෙනුවෙන් වහා ක්‍රියාත්මක වුවා පමණක්‌ නොව තම දේශපාලන මතය පවා නොසළකා හැරි බව ඔහුට වටහගත්තේය

මේ අනුව සිය දියණියගේ සතරවන උපන් දින සැමරුම ඉක්‌මවා යත්ම 1981 බිනර මාසයේ මුණසිංහ සාමාජිකයන් අගනුවර මරදාන ප්‍රදේශයේ කැදැලි ගතවුහ

මේ වකවානුවේදී එහි නුදුරින් පිහිටා තිබෙන අභිනවයෙන් ප්‍රතිෂ්ඨාපිත ටවර් හෝල් රගහල පදනම විසින් නිතිඥ ජොන් ද සිල්වා ගේ සිරිසගබෝ නාත්‍යය ප්‍රතිනිර්මාණය කරමින් පැවතුනු අතර එහි සංගීත අංශය භාරව සිටි පන්ඩිත් අමරදේවයන් ගේ වාද්‍ය වෘන්දය වෙනුවෙන් ඔස්‌ටින් වද තෝරාගනු ලැබිය

  මිලග මාසයේ චිනයේ සයවෙනි ආසියානු කලා උළෙල වෙනුවෙන් ශ්‍රී ලංකාව නියෝජනය කරන්නට නියමිතය  ඒ අනුව ඔස්‌ටින් හටද සිය කුඩා දෙදරුවන් හා භාර්යාව නුහුරු නුපුරුදු පරිසරයක හුදකලා කරවා රටින් බැහැරව යන්නට සිදුවි තිබිම සම්බන්ධයෙන් සසලව සිටියේය

සකසුරුවම්කම උපරිමයෙන් අගය කල ඔහු සිය නිවස අරුමෝසම් විසිතුරු ගෘහ භාන්ඩ ප්‍රදර්ශනාගාරයක්‌ නොවන්නට වගබලාගත්තේය

සිය ඇඳුම ගැන මහත් සේ සැළකිලිමත් වු ඔහු බැහැරව යන ගමනකදී ඒවායේ ඇදපලුදු කිලිටි විම් සිදුවිම නොඉවසුවේය තෙරපිම් මගහරිමින් තුන්රෝද රථයෙන් බොහෝවිට සිය ගමන් පහසුව සලසාගත්තේය කුඩා දරුවන්ට මහත් සේ ප්‍රියකළ අතර ලැබෙන විරාමයේ ඔවුන් හා නිතර අල්ලාප සල්ලාපයේ නිරත විය එසේම  නිවාස සංකීර්ණයේ අසල්වැසියන් හා ඉතා සුහද ඇසුරක වෙළි සිටියේය

පසු යුගයක රූපවාහිනි ටෙලි නාට්‍යය ගීත ආකරයේ මිණක්‌ බඳුවන් නිර්මානයක්‌ බිහිකල ඔහුගේ එකී ක්‍ෂේත්‍රයට පිවිසිම සිදුවුයේ ද සිය වේදිකා මිතුරු ලුෂන් බුලත්සිංහලයන් ගේ ඇරයුමෙනි ඒ ඔහු රූපවාහිනි නාට්‍ය අංශයේ ප්‍රධානියා ලෙස කටයුතු කරන්නට පටන් ගත් 1981 යුගයේ ඔහු ගේ සෝමා ගේ සිහිනය ටෙලිනඵව වෙනුවෙනි

1982 වසරේ දී යළිදු වරක්‌ ජපානයේ එන් එච් කේ ආයතනයේ සංගීතමය වැඩසටහන සඳහා නිර්මාණයක්‌ ඉදිරිපත් කිරීමට අවස්‌ථාවක්‌ එළැඹියේය  මෙවර ඔහු ජාතික ගුවන් විදුලියේ අධ්‍යාපන සේවය නියෝජනය කරන්නට නියමිත නිර්මාණය සඳහා නවක  ළමා ශිල්පි පාසල් සිසුවෙකු වූ ලලිත් කුමාර දවුන්ඩසේකර යොදාගන්නට තීරණය කළේ අධ්‍යාපන අමාත්‍යංශයේ එච් ඒ පියසේනයන්ගේ සරළ පදවැලකට පණපෙවිම පිණිසය

මුහුද ලස්‌සනයි - මුහුද හරි ලොකුයි.........

හෝ හෝ හෝ හෝ හෝ හෝ හෝව නතර වෙන්නෙ නෑ...............

රැල්ල වැදෙනවා - වැල්ලේ හැපෙනවා..............

සමන් මොට්‌ටු වගේ වතුර බිංදු ඉහිනෙවා..................

මෙතැනින් සවන්දෙන්න
-----------------------



මෙවරද ඔහු සිය ගී නිර්මාණය පළමුවන ස්‌ථානයෙන් එපිටට නොයවන්නට වගබලා ගත්තා පමණක්‌ නොව එයට ජුරි සභාවේ කුසලතා සම්මනයක්‌ අත්කර දෙන්නටද සමත්වුයේය 

මෙවකට ඇරඹ තිබුනු ජාතික රූපවාහිනි අධ්‍යාපන සේවය විසින් එකී ගීතයද රූපාවලියක නංවා සිය වැඩසටහන් අතරවාරයේ විසුරුවා හැරියේය

ලක්‌දිව සුවසහස්‌ සිසු දරු දැරියන්ගේ නැණැස පාදවන්නට නියම වු  අධ්‍යාපන ක්‍ෂේස්‌ත්‍රයට සෘජුව බැඳි පියසේන -මුණසිංහ - මාලනී බුලත්සිංහල ත්‍රිත්වයේ සුසංයෝගයෙන් බිහිවු මේ නිර්මාණයද ගුවන් විදුලි අධ්‍යාපනය සේවය ඔප කළේය එහිදි මුණසිංහයන් බටහිර සංගීතයේ සුසංවාදී ප්‍රසංවාදී අංග භාවිතා කරනු ලැබ ඇති බව පෙනීයයි එහි මාලනී බුලත්සිංහල සිය හඞ ලෙළවද්දී  පසුබිමින් වැයෙන මනහර වයලීන නාදරටා එකී නිර්මාණයේ රසය දෙගුණ තෙගුණ කරයි 

බෝනික්‌කෝ - බෝනික්‌කෝ ............

ඔයා මගේ පුංචි දුවයි ................

ඔයාට මං කඩේ ගිහින් මල් රෙද්දක්‌ අරගන්නම් ...................

මල් රෙද්දෙන් හරි ලස්‌සන ගවුමක්‌ මහලා දෙන්නම් ...................

මෙතැනින් සවන්දෙන්න
------------------


යළි හමුවෙමු...........තොරතුරු මුලාශ්‍රය සහ වැඩිදුර කියවිම

(සොඳුරු ගාන්ධර්වයා - අචිරවතී යාලගම)

ප්‍රණාම පූර්වක ස්‌තුතිය

- අචිරවතී යාලගම (ඔස්‌ටින් මුණසිංහ මහත්මිය)  වෙත
ජයාරෑප 
අනුග්‍රහය  - අචිරවතී යාලගම මහත්මිය



Wednesday, November 22, 2017

මෙල්රෝයි ධර්මරත්න අරුමැසි මියැසි රාවය - 1975


ආාාාාආාාා...........ඉඉඊඊඊඊඊග්.............................
 - 1975


මෙයින් සතලිස්‌ වසකට පෙර ලක්‌බිමේ සිදුවු ආර්ථික සහ එයින් පසුව
ක්‍රමයෙන් විකසනය වු සමාජ පෙරළියට පෙර යුගය කෙබඳු වන්නට ඇතැයි යන්න ඇතැමුන්ට අනුමාන කරන්නට ද ඒ යුගයේ අත්දැකීම් ලැබුවන්හට ආවර්ජනය කරන්නටද මෙම ලුහුඞු සටහන  මෙසේ ලියා තබන්නට සිත්විය

කොළොම් පුරවරයෙන් මදින් මද ඈත්වෙමින් යන්නෝ එහි දකින්නට ලැබුනු මාවත් හි පුඵළින් හරිඅඩක්‌ පමණ වු මංපෙත් කරා පිවිසියහ උතුරු දෙසින් කිරිබත්ගොඩ හෝ කඳාන පසුකරද්දී ද දකුණු දෙසින් මොරටුව හෝ මහරගම පසුකරද්දී ද ඉඳහිට හමුවන්නේ නීල වර්ණ හරස්‌ තීරූවේ සිංහ රුව රැගත් ලංගම බස්‌ රථයකි ඒවා මගීන්ගෙන් පිරී නොපවතී ඔස්‌ටින් ලේලන්ඩ් වෙළඳ නාමය සළකුණු කරමින් දුම් දමමින් සෙමින් ඇදියන ලොරි රථයක හෝ බවුසර් රථයක්‌ හැරුණුවිට තියුණු නාදයක්‌ නිකුත් කරමින් ඇදීගියේ වොක්‌ස්‌වර්ගන් මෝටර් රථයකි වෑන් රථයකි 

එකී මාවත දෙපස දිරාගිය තහඩු වලින් අටවනු ලැබු ලංගම බස්‌රථ නැවතුම් හා අතරින් පතර මුණගැසෙන තාප්පයන් වසා විරාජමානව නැගී සිටියේ එසමයෙහි තිරගත වෙමින් පැවතියා වු සිංහල හින්දී ද්‍රවිඩ හෝ ඉංග්‍රිසි සිනමා පට වේදිකා නාට්‍ය හෝ ඉඳහිට ගී ප්‍රසංගයක තතු විත්ති රැඳවු දැන්වීම්ය

ඒ අතර නන්දා මලිනියගේ ශ්‍රවණ ආරධනා හෝ වික්‌ටර් ගේ ස මෙන්ම සනත් නන්දසිරි ගේ ස්‌වර්ණ කුණ්‌ඩල ප්‍රසංගයක තොරතුරු ද අඩංගු වු අවස්‌ථා ද තිබුනි 

ඊට අමතරව එවක යොවුනන්ගේ පර්මාදර්ශී විරයන් අතර ප්‍රමුඛයා වු අසහාය සටන් නඵ බෘස්‌ලී පෙනී සිටින බටහිර ඉංග්‍රිසි සිනමා පටයක දර්ශන වාර වේලාවන් සහ සිනමාශාලාවේ නම පමණක්‌ බොඳ වි ගිය අකුරෙන් මුද්‍රිත පෝස්‌ටරය එකී සිනමාහල වසා ප්‍රේක්‍ෂක මි මැසි පොදි බඳවන්නට හොඳටම ප්‍රමාණවත් විය

   ඕඩියන්  - ගල්කිස්ස

     ENTER THE DRAGON

    දිනපතා.....

   10 30-2 30-6  9



ලෝ පුජීත බොක්‌සිං ශූරයා කඵ ජාතික  මොහොමඩ් අලි හෙවත් කැෂියස්‌ ක්‌ලේ ගේ වික්‍රම රස ගන්වා ලියෑවුනු පුවත් පත් වාර්තා හා ඡයාරූපයන් ය ඒවා ද ඉහත කී පෝස්‌ටරයන්ට දෙවැනි නොවේ අවපැහැ ගැන්වුනු කඩදාසියේ බොඳව ගිය කඵසුදු සේයා රූ වටා යම්තමින් සායම් ගැන්වුවා සේ පෙනෙන දාර කැඩි පෙනෙන අකුරු පේලිය

ඒ අතරින් තැපැල් මගින් දායකත්වය ලබා ඇතැම් නිවස්‌නයන් ට ලැබෙන ඔපදැමු කඩදාසියේ විදෙස්‌ සගරා තියුණු කාන්තිමත් වර්ණ දසුන් වලින් බබලයි ඒවා නිසැකවම පවුලේ සහ අසල්වැසි දරුවන්ගේ පාසල් පෙළ පොත් වසා ලැගුම් ගනී වසර අවසනයේ දියවි ඉරී වැහැරි යනතුරු ඒවා ඔවුන් අතැර නොයන සේය

මෙයාකාරයෙන් සැලොලයිඩ් පටයෙන් ඉපිද කළ එළි බට බෘස්‌ලී - කරාටේ සටන් කලාව  ෂවැලින් ටෙම්පල් සටන්  - කුං ග් ෆු - ජිට්‌ කො න් ඩු - උන්මාදය 70 දශකය ඉක්‌මවා 80 දශකයට අවතීර්ණ වී දෙගොඩ තලා ගලා ගිය අවස්‌ථා ද විය

ලාංකික කරාටේ ක්‍රිඩාවේ නිපුණත්වය ලද  ජ්‍යෙෂ්ඨතමයා  ජී ඒ ටී ලිවේරාය ඔහුගේ නාමය විසින් මෙහෙයවු කරාටේ පාඨමලා සම්බන්ධ දැන්විම් ද අතරින් පතර දිස්‌වේ එකී වෙළඳ දැන්විම් පැවති එකම විද්Hqත් මාධ්‍යය වු ගුවන් විදුලියේ ඇසේ ... කරාටේ ක්‍රිඩක ඉරියව් දක්‌වන ඔහු පුවත්පත් දැන්විම් පළවේ

here's the story of Cassius Clay Who changed his name to Muhammad Ali ........
Black Superman lyrics by Johnny Wakelin


ලෝ පුජිත මොහොමඩ් අලී පිළිබඳව පබැඳුනු අතිප්‍රකට ගීතය ඉංග්‍රිසි සේවයන් සිසාරා නිතර වාදනය වෙයි.......



මේ ප්‍රවණතාවය එනම්  එදා සටන් කලා රැල්ල ක්රීඩා ගී රැල්ල හා  එදා ගීත කලා රැල්ල හා යා කරමින් ගොඩනැගුනු සොඳුරු ගී නිර්මාණයක තතු විත්ති සටහනකි මේ

ක්‍රිඩකයා සිය පාදය ඔසවා අහසට විහිදුවමින් පිම්මක්‌ පනී 

ආාාා ....... ඊඊඊඉඉඉඉ ....උ..................

ගඩොල් ලී පටි රට උඵ අතින් පයින් ඇන දෙපඵ කරයි.........

කඩු මිටි කිණිසි යකඩ පොලු අවි දරන්නෝ මෙල්ල කරයි...........


70 දශකයේ සහ ඉන් මෙපිට ශ්‍රි ලංකාවේ කරාටේ රජු මාස්‌ටර් ජී ටී ඒ ලිවේරා ගේ ජව සම්පන්න සිසු සිසුවියන් විසින් පවත්වනු ලැබු සංදර්ශනයන්හිදී දෙබැම හකුඵවා නෙතු නොසලා ගත් සිය ප්‍රේක්‍ෂක ජනතාව හමුවේ පෑ විස්‌කම් මෙයාකාරයයෑයි එසේ ගෙනහැර පාමින් තවද 

ආයුධ සන්නද්දව සතුරා......

සටනට ආවොත් වටකරලා........

කරාටේ දෙයි නිලබලා..............

සතුරා යයි පරලොව සොයා...............

ක්‍රිඩාව නමැති රාමුවෙන් ඔබ්බට පියමං කරමින් එය තම ජීවිතය රැක දෙන්නාවු ආත්මාරක්‍ෂක සටන් ක්‍රමයක්‌ ලෙස යොදාගන්නා අතරවාරයේදී එහි තාක්‍ෂනය ශාස්‌ත්‍රානුකූලව සිය ජවය හා මුසුකරමින් අදාල වෘත්තිය සටන් කරුවා ක්‍රියාත්මක වෙන අයුරු විස්‌තර කරයි  එහෙත් එහි ගුරු පරම්පරාවන්ට ගරු කරමින් එහි ආචාර ධර්මයන් ට අනුකූලව ක්‍රියා කීරිමේ වැදගත්කම පහත ලෙසින් හුවා දක්‌වා


කරාටේ නීතිය ආරක්‍ෂාවයි..............

කරාටේ රීතිය යුක්‌තියයි...............

වාසිය නම්බුව පිනිස නොවෙයි.............

කලයුතු මාරක සටනක්‌ නොවෙයි.............

සිය නිර්මාණ එකතුව ගී පද රචනයකින් සරසාගන්නේ  මෙකී ආකර්ශනීය ක්‍රිඩාව ගීතයකට කැටිකර දක්‌වාලු  ලාංකිය ගීත කලාවේ ප්‍රථමයා සහ බොහොවිට එකම පුද්ගලයා වශයෙනි

ඔහුගේ භුමිකාව විවිධය විෂමය 

ඔහු වරෙක පුවත්පත්කලාවේදියෙකි  වරෙක ගත්කතුවරයෙකි  වරෙක ගී පද රචකයෙකි  වරෙක තනු නිර්මාපකයෙකි  වරෙක  සංගීත අධ්‍යක්‍ෂවරයෙකි 

ඔහු ලාංකිය ළමා වේගරිද්ම පොප් ගී කලාවේ පුරෝගාමියා ද වු ප්‍රවිණ ජ්‍යෙෂ්ඨ සංගීතඥ මෙල්රෝයි ධර්මරත්නයන්ය 

මින් වසර සතලිසක දුර අතීතයේ ලාංකික නාගරික තරුණ තරුණියන් අතර උන්මාදයක්‌  බවට පත්ව පැතිර ගිය කරාටේ ක්‍රිඩාවේ විසිතුරු ඔහු එදා එසේ ලියා තැබුවේය 

ඉන් නොනැවතී එය ඊට සුදුසු තනුවකින් හැඩ ගැන්විය

පසුව ප්‍රසාංගිකත්වයට නැඹුරු වු වේගරිද්ම ගී ගැයිමේ පතළ කලාකරුවා ගායක ඩෙස්‌මන්ඩ් ද සිල්වා වෙතින් එය ජනගත කලේ වෙළඳ තැටියක්‌ ඔස්‌සේය


එවකට ක්‍ෂෙත්‍රයේ රසික ප්‍රසාදය හිමිකරගත් ක්‌ලැරන්ස්‌ විජේවර්ධනයන් ගේ ද සුපර් ගෝල්ඩන් චයිම්ස්‌ හි ඉන්ද්‍රජාලික ඩ්‍රම්ස්‌ වාදකයා ශ්‍රී කාන්ත දසනායක ද සිය ලිඩ් ගිටාර්යෙන් විවිධ තාක්‍ෂණික ශිල්පි ක්‍රම අත්හදා බලමීන් සුරුවිරුකම් පෑ වාදනශිල්පී ඩික්‌සන් ගුණරත්න ද  සංගීතඥ ස්‌ටැන්ලි පීරීසුන් නියමු වා ලෙස කටයුතු කල ෆොර්චූන්ස්‌ හි ඔහු කණිටු සොයුරු මිල්ටන් පීරීස්‌ සිය රිදම් ගිටාරය ද අතරදා එය හැඩවැඩ ගැන්වීය

මෙල්රෝයි ධර්මරත්න යනු සිය නිර්මාණයන්හි ප්‍රාණවත් බව ප්‍රසාංගික බව උද්දීපනය කිරීම සඳහා විවිධ රසංග ගායන ශිල්පීය ක්‍රමවේද  භාවිතා කරනු රිසියෙකි රුසියෙකි

ආ..... ලේ ............ ලු ..............යි ..............යා....යාාාාාාාා (පුංචි බබා ජේසු බබා - ශීරෝමි ප්‍රනාන්දු)

ලාාාාා............ලල්ල................ල ....................ල................ලාාාා  (වාසනා ලොවක්‌ ගෙනාව- තිස්‌ස නාගොඩවිතාන)

ආාා.... ද.... රේ .................. ආාා ............ද.............රේ ...ආාා ද ..............රේ (පුංචි පුංචි තාරකා  - මිල්ටන් පෙරේරා)

ල ල්ලා ..... ලලලා ................ ල් ල්ලා ....ලා.....(සිගිති සිනාහඞ - පොඩි කාලේ දග කෙරුවාම - ශිරෝමි ප්‍රනාන්දු)

ඒ අනුව යමින් ඔහු මෙකී නිර්මාණය උදෙසාද පසුබිම් හඞ ප්‍රයෝග භාවිතා කරනු ලැබ ඇත්තේ කරාටේ ක්‍රිඩාවේ තාක්‍ෂණික පහරවල් එල්ල කිරීමේද මුව හයා සිරුරේ ජවය  එක්‌තැන් කරවනු පිනිස නංවන ශබ්ද අනුකරණය කිරීමෙනි

60 දශකයේ යොවුන් ආධුනිකයෙකු ලෙස ජ්‍යෙෂ්ඨ මාධ්‍යවේදී ආතර් යු අමරසේන සහ නැසිගිය ආරියරත්න කහවිට ගෙන් පුවත් පත් කලාවේ  ගුරුහරුකම් ලබාගත් ඔහු ගේ මෙම නිර්මාණය බිහිවී මද කලකට පසුව ප්‍රවිණ මාධ්‍යවේදී පර්සි ජයමාන්න (ලේක්‌හවුස්‌ නවයුගය කර්තෘ) විසින් තමාට විජය පුවත්පත් සමාගම මගින් ප්‍රකාශයට පත් කරන තරුණයා පුවත්පත වෙනුවෙන් කරාටේ ක්‍රිඩාව සම්බන්ධ ලිපි පෙළක්‌ සම්පාදනය කරන මෙන් ආරධනය කරනු ලැබු බව හෙළිකර සිටියේය ඒ අනුව ජී ඒ ටී ලිවේරා හමුවි ඔහුගේ කෘති ද අධ්‍යයනය කරමින් එය සිදු කරන්නට සමත් වු බවද කියා සිටියේය

මෙකී ආත්මාරක්‍ෂක සටන් ක්‍රමය 14 සියවසේ ජපානයේ ඔකිනවා දුපත් වාසින් අතර ප්‍රචලිත ව පැවති බව හෙළිදරවු වේ එය වර්තමානයේ ජගත් කරාටේ සංසදය විසින් පාලනය කරනු ලබයි ඊට නව ජවයක්‌ අත්කරගත් සුවිශේෂි සිදුවිම වුයේ ඉතා මෑතදි එනම් 2016 වසරේ දී එය ඔලිම්පික්‌ ක්‍රිඩාවක්‌ ලෙස අභීෂේක කිරීමයි ඒ අනුව මිලග 2020 දී වසන්ත ඔලිම්පික්‌ උළෙල කරාටේ ක්‍රිඩාවේ ජාත භුමිය වූ ජපානයේදී යළි උපදිනු ඇත

ආත්මාරක්‍ෂක සටන් ක්‍රමයන් හි ක්‍රිඩක නිපුණතාවය ශ්‍රේණිගත කර දක්‌වන වර්ණ හිණපට ක්‍රමවේදයේ කරාටේ ක්‍රිඩාවේ නිර්නායක පහත පරිදිය


සුදු පටිය- අධුනික ආරම්භක
කහ පටිය - ප්‍රාථමික  මුලධර්ම නිපුණ

ඉන් පසුව

තැඹිලි ---- කොළ ---- නිල් ---- දම්  ---- දුඹුරු ---- රතු ----- කඵ (කඵ වර්ණය යටතේ ශ්‍රේණි 09)
------------------------------------------

තැටි ලේබලය - නිව් සවුන්ඩ් 

නිෂ්පාදනය - සිමාසහිත නිව් සවුන්ඩ් එන්ටප්‍රයිසර්ස්‌

නිෂ්පාදක - ඊ බී ඩී කේ පෙරේරා

සංගීත අධ්‍යක්‍ෂණය සහ තනුව - මෙල්රෝයි ධර්මරත්න

පද රචනය - මෙල්රෝයි ධර්මරත්න

ගායනය - ඩෙස්‌මන්ඩ් ද සිල්වා

වාද්‍ය වෘන්දය - ශ්‍රි කාන්ත දසනායක (ඩ්‍රම්ස්‌) මිල්ටන් පීරිස්‌ (රිදම් ගිටාරය)  ඩික්‌සන් ගුණරත්න (ලීඩ් ගිටාරය)  ක්‌ලෝඩ් ප්‍රනාන්දු (සරපුවරු)

වසර - 1975 ?
-----------------
මෙතැනින් සවන්දෙන්න




සංවාදය අවසන් කරන්නට මත්තෙන් ඔහු මෙසේ ප්‍රකාශ කළේය


ඕකට  පස්‌සේ ශ්‍රි කාන්ත මුණගැහෙන හැම වෙලාවකවම ඔහු කිව්වේ මෙහෙම දෙයක්‌

මෙල්රෝයි.............. මම කොච්චර නම් වාර ගණනක්‌ රෙකෝඩිංග්ස්‌ වල ඩ්‍රම්ස්‌ ප්ලේ කරලා ඇද්ද ? ඒ මොනවා ගත්තත්  ඔයාගේ කරාටේ ශූරයා අමතක වෙන්නේ නෑ අමතක කරන්නත් බැහැ ...................................මට ඒකට එච්චර හිතගියා

-------------------------

තොරතුරු මුලාශ්‍ර  - අන්තර්ජාල වෙබ් අඩවි

(ස්‌තුතියි ප්‍රවිණ සංගීතඥ මෙල්රෝයි ධර්මරත්න)


Tuesday, November 14, 2017

ඔස්ටින් මුණසිංහ ගැයු ළමා ගී ......



අසනු මැනවි යොමා සවන් යුග ඔහු ගේ ම ගැයුම් මිහිර වෙත ........

ඔස්‌ටින් මුණසිංහ නිර්මාණ මියැසි රස ගුලාව ................. 05

ඈත ලොවක සිට හිනැහෙන හඞින් සුවය වේවා ................  05 කොටස















------------
සංගීතඥ
ඔස්ටින් මුණසිංහ ලංකා සම සමාජ පක්ෂයේ ‍ නායක ආචාර්ය ඇන් ඇම් පෙරේරා මහතා සමග
 
--------------

දම්පාටින් ළා සඳ බැසයනවා ගයමින් වසර කිහිපයකට පෙරාතුව ගුවන් විදුලියේ දී සිය හඞ අවදිකල ඔහු යළිත් ජාතියේ ළමා පරපුර වෙනුවෙන් යළිත් එහි අධ්‍යාපන සේවයේදී ගීත ද්විත්වයකට දායක විය ඒ අධ්‍යාපන අමාත්‍යංශයේ නිලදරුවෙකු වු එච් ඒ පියසේනයන්ගේ පදවැල් උදෙසාය 


මේ වැයෙන්නේ ජාතික ගුවන් විsදුලියේ ද වේදිකා නාට්‍ය ක්‍ෂේත්‍රයේද බාහිර ශිල්පීන් වෙqනවෙන් මනමෝහනීය තනුරටා නිමැයු මේ අපුර්ව සංගීතඥයා සිය තනු වෙනුවෙන්ම සිය හඞ අවදිකරනු ලැබු දුර්ලභ නිර්මාණ යුගලයකි 

එයින් එකකදී සිසු දරුවන්ට පාරිභෝජනයට ගන්නා මාඵ වර්ග හඳුන්වාදෙයි


මාඵ මාඵ මුහුදු මාඵ දැනුයි ගෙනාවේ ...............

ගන්න ගන්න දැන්ම ගන්න ටිකයි තියෙන්නේ ................

තෝරු මෝරු මීවැඩියෝ - පාරව් කටිsල්ලෝ .........

ඉස්‌සෝ කොස්‌සෝ ගිම්මැටියෝ - වැඩව් - හඞල්ලෝ ....................

-------------------

මෙතැනින් සවන්දෙන්න


අනිත් ගීතය ගොවියා මාතෘකා කරගනු ලැබුවකි


කුකුළත් එක්‌කම - මං නැගිටිනවා ..........

උදැල්ල අරගෙන කුඹුරට යනවා ..............

මගේ රන් දහදිය බිමට හෙළනවා ..............

රටටම බත්දෙන ගොවියෙකි මං ..................

---------------------

මෙතැනින් සවන්දෙන්න


මෙසේ සත්සර සයුර කිමිද ගිලෙමින් යන මුණසිංහ කුටුම්භයේ දෙවැන්නිය ගේ ආගමනය නව රජයක පත්විමෙන්  ආසන්නව දින 30 ක ඇවැමෙන් සිදුවිය ඒ 1977 වසින් නිකිණි මස 23 දාතමින් උපන් ස්‌වේතකී නිරංජලාය

එසේ පත්වු නවරජයේ මතු සැලසුම් මුණසිංහ සංගීතඥයාගේ ගේ මතු දිවියට සෘජුවම බලපෑවේය

---------
ඔස්ටින් දියණිය ශ්වේතකී සහ පුතු ත‍‍ර‍ැපති සමග පවුලේ උත්සවයකදී
---------
මිතුරු ලුෂන් ගේ දයාබර බිරිඳ අනුලා මේ අවධීයේ ජාතික ගුවන් විදුලියේ  ගායන ශිල්පිනියක්‌ ලෙස ශ්‍රේණිගතව සිටියේය ඇය ට ගයන්නට නියමිත තිබු සරල ගී වැඩසටහනක්‌ වෙනුවෙන් එවකට ආධුනික කවියෙකු වු රත්න ශ්‍රී විජේසිංහයන් ගේ පබැඳුමක්‌ ස්‌වර මාලාදාමයන්ගෙන් සරසවාලිමේ වගකීම පැවරුනේ ද ඔස්‌ටින් හටය


එය දෙවන වරටද උතුම් පිය පදවියේ කිරුළ හිමිකර දුන් සිය කිරිකැටි බිළිඳිය වෙනුවෙන් ලද ගී තිලිණයක්‌ බඳුය 


ඉද්ද මල් දෙණිය වත්තෙන් ඉද්ද මල් නෙළා - පිච්ච මල් කඩා ගන්නෙම් මාලයක්‌ හදා ..........

හැන්දෑවේ මං එනකොට දූට ගේනවා - ඉන්න නාඞලා එනකල් ඉන්න නාඞලා ..............

පුංචි දුවේ බලන්න බිං තඹුරු පිපිලා - රූං කියනවා බඹරුන් රොනට ඇවිල්ලා ....

පුංචි දූට අහන් ඉන්න සිංදු කියනවා .......

-----------
මෙතැනින් සවන්දෙන්න


සිරි සරසවි දෙවි අසිරි ලබමින් ස්‌වර සප්තකයේ ඇසුර උරුමකරගත්තද සිය තුරුණු වියේ පටන් ඇඵම් ඇගැලුම් දැක්‌වු දේශපාලන දර්ශනයේද ඊට කැපවු සෙසු සාමාජික කැළගේ ඇසුර ද නොහළේය

පැවති රජයට පෙරාතුව බලයේ රැඳි සමගි පෙරමුණු රජයේ කොටස්‌කරුවෙකු වු ශ්‍රි ලංකා සම සමාජ පක්‍ෂයේ 43 වන සංවත්සර උළෙල වර්ණවත් කළ ගී නිර්මාණ පෙළහර වෙනුවෙන් ඔහු මැදිහත් විය ඒ වසර 1978 දීය

ආචාර්ය එන් එම් පෙරේරා - කොල්වින් ආර් ද සිල්වා - බර්නාඩ් සොයිසා - අතාවුද සෙනවිරත්න - විවියන් ගුණවර්ධන යන ලංකික දේශපාලනයේ අති දැවැන්ත චරිත එකට එක්‌වු එකී උත්සවයේ රණ ගී පෙළෙහි මෙහෙයුම් කරුවා ද ඔස්‌ටින්ය

මේ අතරවාරයේ තෝලංගමුව මහ විදුහලට සමුදුන් ඔහු ගේ ගුරු භුමිකාවේ මිලග නවාතැන වුයේ සිය නිවසට ආසන්නව පිහිටි මොරටුව එගොඩඋයනේ සුනන්දෝපනන්ද තක්‌සලාවටය ඊට මැදිහත් වුයේ තම සංගීත සිසු භුමිකාවේ කටයුතු කරද්දී ඔහු හා එක්‌ව සිටි එවකට කලාප අධ්‍යාපන අධ්‍යක්‍ෂවරයෙකු ලෙස කටයුතු කල ප්‍රවිණ සංගීතඥ නවරත්න අත්තනායකයන් ය එනම්  වැඩිමනත් ඔස්‌ටින් නිර්මාණයන්ට පණදුන් ගායන ශිල්පිනි සුජාතා අත්තනායකගේ සැමියා ය

හෙළ සිනමාවේ ස්‌වර්ණයුගය ගතවෙමින් පැවතියේ මේ අවධියේය භාරත ගී ව්‍යාධියෙන් සම්පුර්ණයෙන්ම පාහේ මිදුනු ලාංකිය සිංහල සිනමාවේ ඒ මියෑසිය පරයන සුඵ මෝහනීය තනු නිර්මාණය කරන්නට හෙළ ගාන්ධර්වයන් සමත් වී තිබුනි 

1976 වසරේ මුදාහළ දුහුඵ මලක්‌ නම් සිය නිර්මාණය  ඔස්‌සේ සුමධුර ගීතාවලියක්‌ තිළිණ කළ විජය ධර්ම ශ්‍රී සිය නවතම නිර්මාණය නම්කර තිබුනේ සූරියකාන්ත නමිනි එහි ගීත තනු නිර්මාණය කරන්නට තෝරාගෙන තිබුනු මියෑසි අදියුරුවරු දෙදෙනා අතර ඔස්‌ටින් මුණසිංහයන් ද විය

ඔහු සිය ගුවන් විදුලි ගී රසදහර මැවු ප්‍රවිණ ගායිකා සුජාතා අත්තනායකට තමන්ගේ  කුඵඳුල් සිනමා ගීය ට පණපොවන්නට ආරධනා කලේය 


රහසක්‌ සඳ නොදන්න - මොනර පිළක නොලියවන්න නමින් ඇරඹෙන එකී නිර්මාණය ඇය විසින් ශබ්ධාගාරයේ  පුහුණුවෙමින් තිබෙද්දී පටිගත කළ පිටපතක්‌ අවසන් පටිගත කිරිම ලෙස හගවා විජය ධර්ම ශ්‍රී වෙත යවා තිබු ජුගුස්‌සාජනක පුවතක තතු විස්‌තරය පසුව හෙළිදරවු වු ඔස්‌ටින්ට තමා අභිනවයෙන් පිවිසි ක්‍ෂේත්‍රයේ සැබැ මුහුණුවර අවබෝධ කරගන්නට එතරම් අපහසු නොවිය

ඊට මුල්වු පුද්ගලයන් ගේ නම්ගම්ද දැනගන්නට ලැබුනු ඔහු ඒවා දෙකේ කැලැසියේ බාලවැඩ ලෙසින් දුටුවේය

රංගන වේදිකාවේ මිතුරු ලුෂන් බුලත්සිංහල ලියු පිටපතක්‌ අනුව ප්‍රවිණ සිනමාවේදී නැසිගිය තිස්‌ස අබේසේකරයන් ගේ  සිටු දියණියෝ ඒ වසරේදීම තිරගත කෙරිනි එහි මියෑසි විසිතුරු මැවු ඔස්‌ටින් ගේ නිර්මාණ නිසිලෙස ජනගත නොවුයේය 


ඉතිරි කොටස මතුවට............
තොරතුරු මුලාශ්‍රය සහ වැඩිදුර කියවිම

(සොඳුරු ගාන්ධර්වයා - අචිරවතී යාලගම)

ප්‍රණාම පූර්වක ස්‌තුතිය

- අචිරවතී යාලගම (ඔස්‌ටින් මුණසිංහ මහත්මිය)  වෙත
ජයාරෑප 
අනුග්‍රහය  - අචිරවතී යාලගම මහත්මිය
 - හද ගී පොත  - බ්ලොග් සම්පාදක - තිස්ස දොඩංගොඩ මහතා 

Sunday, October 29, 2017

මගේ සිරිලක ගැන ලොවට කියමි මම...... ......

ඔස්‌ටින් මුණසිංහ නිර්මාණ මියැසි රස ගුලාව ................. 04

ඈත ලොවක සිට හිනැහෙන හඞින් සුවය වේවා ................  04 කොටස


---------
ඔස්‌ටින් මුණසිංහ -  ලංකා සමසමාජ පක්‍ෂයේ සංවත්සර වැඩසටහනකදී ගීතයක්‌ ගයමින්
-----------------

1976 වසරේ දිනක ප්‍රේමකීර්ති ද අල්විස්‌ ගේ පදපෙලක ට සත්සර පහස ලබාදෙන්නට වරම් ලැබු ඔහු ඒ සඳහා ද ජන සංගීතය සහා සිපද ගායනා අකෘතියේ පිහිට සෙවීය ඒ ගුවන් විදුලි සරළ ගී ගායිකා මාලනී බුලත්සිංහල වෙනුවෙනි


මා එක්‌කලා අමනාපව වී දබර - දූගේ තාත්තා එන්නේ නෑ ගෙදර.......

වැළි පොල්කටුයි හැඳි රෑනයි පෙරළාලා  - මිදුලේ වැටුනු කොළ සේරම අතුගාලා......

ගේ ලග වැට කඩුල්ලට බැරි බර දීලා - රෑ එළිවෙන තුරා ඉමු මිදුලට වීලා.........

(ප්‍රේමකීර්ති ද අල්විස්‌ - මාලනී බුලත්සිංහල)

අසන්න මෙතැනින්
-------------------



හින්දුස්‌ථානි සංගීතයේ ස්‌ථායි අන්තරා ආකෘතිය අතික්‍රමණය කරනු ලැබ ඇත්තේ කුරක්‌කන් කවි නාද මාලාවෙනි


මාල් මල් මල් මල් මල් - මාල් මල් මල් මල් මල්
මාල් මල් මල් මල් මල් - මල මල පිට බඹරිඳු රොන් ගන්නා සේ

(සොඳුරු ගාන්ධර්වයා 134 පිටුව)

මේ යුගයේදීම සිය ගම්පියස ට ආසන්නව  සමන් කලායතනය පිහිටුවා ප්‍රදේශවාසී දරු දැරියන්ට සප්තසර රස මිහිර බෙදාදුන් ඔහු  පසුව රත්මලානේ කම්කරු සේවනේ ද අභිනව සංගීත පන්තියක්‌ පවත්වාගෙන ගියේය

පසුකලක මාරිම්බා සංගීත කන්ඩායමේ නායක බන්දු කන්නංගර ඇතුඵ සිසු සිසුවියන් රාශියක්‌ මෙහි අධ්‍යාපනය ලැබීය

ගුවන් විදුලියෙන් පරිබාහිරව රසිකයන්ගේ පෞද්ගලික රසවින්දනය උදෙසා මේ යුගයේ භාවිතා වුයේ වෙළඳ සමාගම් මගින් නිතිපතා නිකුත් කරමින් පැවති තැටි නිර්මාණයන්ය ඒවා සඳහා නව ගී රචනයේ යෙදුනු ගුවන් විදුලි නිවේදක සංසදයේ සාමාජිකයන් අතර ප්‍රමුඛයන් වුයේ කරුණාරත්න අබේසේකර ප්‍රේමකීර්ති ද අල්විස්‌ සහ කේ ඩි කේ ධර්මවර්ධන තිදෙනා ය

දිනක කේ ඩි කේ පෞද්ගලික තැටි නිෂ්පාදකයෙකු වෙනුවෙන් ලියු සිය පදවැල් යුගළයක්‌ මුණසිංහයන් වෙත ලබාදී ඊට හැකි ඉක්‌මනින් තනු හා සංගීතය යොදන ලෙස ඉල්ලා සිටි අතර එහි ගායකයා මිල්ටන් මල්ලවාරච්චි බවද දන්වා සිටියේය

සිය ගුරු භූමිකාව හා වේදිකා නාට්‍යය සංගීත සංකලන අතර සිරවී කාර්ය බහුල වු ඔහු ඒ වෙනුවෙන් සුන්දර තනු යුගලයක්‌ නිර්මාණය කලද සංගීත සංයෝජන කරන්නට අවස්‌ථාවක්‌ නොලද්දේය  පසුව වානිජමය කටයුත්තක්‌ වු ඒ සඳහා නිතිපතා මිල්ටන් ගී සංගීතවත් කරනු ලැබු ක්‌ලැරන්ස්‌ විජෙවර්ධනයන් යෙදවීය

මලින් මලේ රොන් ගන්නා  බඹරු බඹන්නා ..................

රැළින් රැළේ මොණරුන් ඉඳ පිල් විහිදන්නා ......................

බඹරු බඹන්නා මොණරු රගන්නා ...........................

අසන්න මෙතැනින්
----------------





කියනු එපා බොරු කියනු එපා - මා රවටන්නට හඞනු එපා ......................


මා මෙහි නොසිටිය දින කිපය තුල - සිදුවු දේ සගවන්න එපා ...........................


දිවයිනේ පාසල් දරුකැළ වෙනුවෙන් ජාතික ගුවන් විදුලිය විසින් මෙහෙයවු අධ්‍යාපන සේවයේ සංගීත අංශය වෙනුවෙන් බාහිර සංගීතඥයෙකු ලෙස ඔහුගේ සේවය ලබාගන්නට හේතු වුයේ ඔහු එවකට ද අධ්‍යාපන ක්‍ෂේත්‍රය ට සෘජුව සම්බන්ධ වෙමින් සිටි නිසා වන්නට ඇතැයි අනුමාන කළ හැකිය 

ඒ වෙනුවෙන් ඔහු පබැඳු තේමා වාදනය ම පසුව ඉන් වසර 06 කට පසුව විකාශය ඇරඹි ජාතික රූපවාහිනියේ උදා විකාශයේ  අධ්‍යාපන සේවය වෙනුවනේ භාවිතා කෙරිනි

මේ වසරේදීම ජපානයේ එන් එච් කේ රූපවාහිනි සහ ගුවන් විදුලි ආයතනය පැවැත්වූ දක්‍ෂිණ ආසියානු ගුවන් විදුලි තරගයක්‌ නියෝජ්නය කිරිම පිනිස ඔහු තනුරටාවක්‌ මැවිය  ප්‍රවිණ නර්තන ශිල්පිනි මිරැන්ඩා හේමලතා සිය ගම්පියස කරා බසයෙන් ගමන් කරමින් සිටියදී මනසේ නැගුනු සිතිවිලි පෙළ බස්‌ ටිකට්‌ පතක ලියු එකී පදවැල ට පණ පොවන්නට ද සහභාගි කරගත්තේ මාලනී බුලත්සිංහලය

මේ රට මගේ රට මා ඉපදුනු රට - හැදෙන වැඩෙන රට - මගේම මව් රට ..........

සරුපස පොළොවෙන්  - වැහිබිඳු අහසින් ...............

(මිරැන්ඩා හේමලතා  - මාලනී බුලත්සිංහල) - ගුවන් විදුලි අධ්‍යාපන සේවය

අසන්න මෙතැනින්


රටවල් 20 ක අභිබව එය ඔහුගේ හැදෙන වැඩෙන රටට මගේම මව් රටට ජයග්‍රහනය අත්කර දුන්නේය

නැවතත් ඔහු පිළිබදව දොඩමඵ වන්නට  යළිත් දිනක  හමුවෙමු .....

තොරතුරු මුලාශ්‍රය සහ වැඩිදුර කියවිම


(සොඳුරු ගාන්ධර්වයා - අචිරවතී යාලගම)

ප්‍රණාම පූර්වක ස්‌තුතිය - අචිරවතී යාලගම (ඔස්‌ටින් මුණසිංහ මහත්මිය)  වෙත
ජයාරෑප 
අනුග්‍රහය
අචිරවතී යාලගම මහත්මිය

Wednesday, October 11, 2017

ඔස්‌ටින් මුණසිංහ නිර්මාණ මියැසි රස ගුලාව ................. 03

ඈත ලොවක සිට හිනැහෙන හඞින් සුවය වේවා ................  03 කොටස


ඔස්‌ටින්- අචිරවති නැවුම් කැදැල්ලේ සුව පහස විඳි මේ අවධියේ ගුවන් විදුලියේ එක්‌ව සුසැදි ලුෂන් - ඔස්‌ටින් සුසංයෝගයේ නව මානයක මං සළකුණු මෝදුවෙමින් තිබුනි  පළමුවැන්නා ගේ නවතම වේදිකා නාට්‍යයේ ඔහු ම ලියූ පදවැල් වෙනුවෙන් තනු සහ සංගීතය දෙවැන්නා වෙත පවරනු ලැබීය  රතු හැට්‌ටකාරී නම් වූ එහි ස්‌වර රටා රෑහි හඞ නැගනු නිශා යාමයේ ඔහු අතැගිලි පහස ලැබු හර්මෝනියම් යතුරු වෙතින් මැවෙමින් තිබුනි


ඒවා ද සිංහල වේදිකා නාට්‍ය වංශයේ නොමැකෙන මං සළකුණු සටහන් කළ ගීතාවලියට ඇතුළත් ව වත්මනෙහි ද දශක 04 අයු ලබමින් රසික හදවත් සනහාලයි

දීකිරි දීකිරි ගෙනවා දීකිරි මිහිපිට කාටත් - ගුණදෙන දීකිරි

පැටියා මෝරපු දෙනගෙන් රාන්කිරි - හොඳහැටි උණුකර බීවා රන් කිරි

නැවුම් මුට්‌ටියේ වත්කළ මේ කිරි - පණමට ලාබයි මං දෙන දී කිරි

(ලුෂන් බුලත්සිංහල - අනුලා බුලත්සිංහල)

මෙතැනින් සවන්දෙන්න
------------



මෙහිදි වාදනය කෙරෙන්නේ මැටි කළගෙඩියක්‌ සහ පහතරට බෙරයකි පහත රට බලි තොවිල් ඇසුරේ යෙදෙන රොකු දෙක තිත යනුවෙන් ව්‍යාහරිත තාලයයි (සොඳුරු ගාන්ධර්වයා පිටුව 132)


ළමා කාලයේ සිය ජාත භූමි පියසේ කටුබැද්දේ පුරාණ සත්පත්තිනි දේවාලයේ ද  එහි පෙරහැර මංගල්‍යයේ ද වැයුනු බෙරපද නාදයෙන් වශීකෘතවු ඔහුට ඒවා සිය නිර්මාණ උදෙසා යොදාගන්නට නොහැක්‌කේ මන්දැයි යන්න වැටහෙන්නට ඇත


පාරම්පරික ගැමි ජනහදවත් දිනු ඔවුන්ගේ සංස්‌කෘතිය මෙන්ම එදිනෙදා දිවිය හා දැඩිව බැඳුනු  පෙරහැර උත්සවයන් හි හේවිසි  වැයෙන්නේ  දහඅට වන්නම් මාලාවේ එන ගජගා වන්නමෙනි  ඒ ඇත් ගමන සිහිගන්වමිනි 

එහි නාදරටාවෙන් මැවු අපුර්වත්වය වේදිකා නාට්‍යය ගීතය වෙත කැඳවාලුයේ ද රතු හැට්‌ටකාරි වෙතිනි

යස ඉසුරු පිරුණු තැනා - සිරි දෙව් දූ සිටින තැනා''''''

ලගම ඇතේ දුරක නැතේ - අපි යන්නේ මේ පාරේ'''''''


රජවරු රජ මැතිවරු - යස රාජ බිසෝවරු''''''

කළ කෙළි සෙල්ලමම් දැක - තව කාසි දියං මට''''''


හොඳ තෑගි දියං මට - හොඳ තෑගි දියං මට''''''


මෙතැනින් සවන්දෙන්න
-------

(ලූෂන් බුලත්සිංහල - ජය ශ්‍රී චන්ද්‍රජිත්)

ඔස්‌ටින් මුණසිංහ නාමය පෙරටුකොටගත් මෙකී පෙරළිකාර සංගීත නිර්මාණ උදෙසා ඔහුට නියමිත  නිසි ගරු බුහුමන නිසි අවධියේ නිසි ලෙස ලැබුනේ එය 1974 වසරේ හොඳම නාට්‍ය සංගීතයට හිමි සම්මානය දිනගනිමිනි එයාකාරයෙන් ඔහු මැදිවිය ඉක්‌මවා යන්නට පෙරාතුවම සිය කලා දිවියේ තුරුණු මල් සමයේදීම සිය උපන් බිමේ සහෝදර ජනතාවගේ රසික දනන්ගේ කෘතවේදීත්වය ලබන්නට වසනාවන්ත විය

ඉහත ගී බිඳු ගී රසික තුඩ තුඩ බිඳ බිඳ වැහෙද්දී රතු හැට්‌ටකාරි ශිල්පි කැල සමගින් ඔහු ලක්‌දිව සිසාරා යමින් වේදිකාවේ ඉදරිපස සිට සිය වාද්‍ය භාන්ඩය වැයුවේය 

මේ වකවානුවේ එක්‌තරා දිනක රතු හැට්‌ටකාරි දර්ශන වාරයක්‌ වේදිකා ගත කරන්නට සුදානම් වී තිබෙද්දී වාද්‍ය වෘන්දය මෙහෙයවමින් සිටි ඔහු වෙත කිසියම් පණිවිඩයක්‌ ලැබුනේය

ප්‍රේක්‍ෂක ඔල්වසරන් මැද සුපුරුදු පරිදි එය නියමිත ලෙසම අවසන් වු අතර සිය නායකයාගේ මුහුණ අඳුරු වි ඇතිබව දුටු සෙස්‌සෝ 
ඒ පිළිබඳව විමසා සිටියහ

ලැබුණු පිළිතුරෙන් ඔහුවු වික්‍ෂිප්ත වුහ දැඩි ලෙස සසල වුහ එතරම්ම තැන්පත් ඉවසිලිවන්ත බවක්‌ කෙසේ අදහම්ද ?

ඒ පනිවිඩයෙන් කියෑවි තිබුනේ මුණසිංහයන් ගේ දයාබර මැණියන් මෙළොව හැර ගොස්‌ තිබුනු බවති


මෙලොව වෙසෙන මිනිසා වරෙක අසිමිතව ප්‍රිති ප්‍රමෝදය ලබයි ඊලග පැයේ දුක්‌ වේදනා අනුභව කරන්නට පොළඹවයි ඊලග වසරේ රෝ ගී සිය  දයාබර මැණියන්ද පියාණන්ගේද වියෝව අත්විඳින්නට සිදුවු ඔහු මාස ගණනක ඇවැමෙන් උතුම් පිය පදවියේ කිරුඵ දැරීය 

ඒ 1975 වස බිනර මස 04 දාතමින් මෙලොව ජනිත වූ තිසර තරුපති පුතු නිසායමතු දිනක ඉතිරි කොටසින් යළි හමුවෙමු .....
තොරතුරු මුලාශ්‍රය සහ වැඩිදුර කියවිම


(සොඳුරු ගාන්ධර්වයා - අචිරවතී යාලගම)

ප්‍රණාම පූර්වක ස්‌තුතිය - අචිරවතී යාලගම (ඔස්‌ටින් මුණසිංහ මහත්මිය)  වෙත

Sunday, September 24, 2017

ඔස්‌ටින් මුණසිංහ නිර්මාණ මියැසි රස ගුලාව ................. 02

ඈත ලොවක සිට හිනැහෙන හඞින් සුවය වේවා ................ 02 කොටස


සුජාතාවන් සිය කිංකිණි හඞ අවදිකරන ස්‌වර පරාසය ඔහු හොඳින් අවබෝධ කරගෙන තිබේ ඊට වඩාත් ගැළපෙන තනුව ඔහුගේ සිතේ ඇඳි නැගි ගියේ වෙරළ වෙත සෙමින් ඇදෙන තරග මෙනි 


දිනෙන් දින සිතකය නළවන දෙසවන් පිනවන  වඩාත් සුමධුර මෝහනීය තනු රටා මැවූ ඔහු ට ලැබුනු තෙවැනි පදමාලාව යළිත් වරක්‌ ප්‍රේමකිර්ති ගෙනි

රණඹර අබරණ ගෙළ රැව් දී දුනු - මලවට බඹර තුඩු........

සිතකය නළවන ඔබ ලග ඇත්නම් - මට මොන දෙයද අඩූ..............

------
මෙතැනින් සවන්දෙන්න



1972 වසර ගතවෙමින් පැවතිනි නවක මුහුණු ගණනාවක්‌ ඊට එක්‌ වෙමින් පැවති යුගයයි නව වැඩසටහන් සම්පාදකයන් නිවේදකයන් නිෂ්පාදකයන් තාක්‍ෂණ ශිල්පීන් යන මෙකි නොකි සේවක කාරකාදින් අතර වේදිකාවෙන් ඊට එකතු වු ලුෂන් බුලත්සිංහල නම් වැඩසටහන් සම්පාදකයා විසින් ද පබැඳු ගීතයකට තනුව නිර්මාණය පිනිස මෙවර මුණසිංහයන් අතට ලැබිනි එය ලූෂන් ගේ කුඵඳුල් නිර්මාණය බව පසක්‌ කරගත් මුණසිංහයන් සිය සහෝදර කලාකරුවෙකුගේ නිර්මාණ දිවියේ සංධිස්‌ථානයකට දායක වන්නට ලැබිම භාග්‍යයක්‌ කොට සලකන්නට ඇතැයි නොඅනුමානය

සඳ බැස නෑ වෙසක්‌ සඳ - ඉර බැස නෑ අවරගිර...........

තරුකැට නුඹ දිදුළන - ඔබ නිසා නෑ අඳුරක.............

---------

මෙතැනින් සවන්දෙන්න (ගුවන් විදුලි මුල් පිටපත)


සංගීත අධ්‍යක්‍ෂණය - ඔස්‌ටින් මුණසිංහ
තනුව  - ඔස්‌ටින් මුණසිංහ

---------

මෙතැනින් සවන්දෙන්න (70 දශකයේ වෙළඳ තැටි පිටපත)

ඇසි මිහිර  - ජෙම්ටෝන් ලේබලය වෙනුවෙනි


සංගීත අධ්‍යක්‍ෂණය - නවරත්න අත්තනායක
තනුව - ඔස්‌ටින් මුණසිංහ



සුන්දර යව්වනයේ වියේ දඵලා නැගී ආ හැගුම් සිත තුල තෙරපී වැඩි පැතිරෙන දිවිමගේ තෙවන දශකයේ එළිපත්තට පියමං කරමින් සිටි ඔහු අතින් ඒ සුවඳ කැවුණු සත්සර නාදමාලා බිහිවීම අරුමයක්‌ නොවේමය

ගායිකාවගේ හඞට පමණක්‌ දෙවැනි ව පසුබිමින් අඛන්ඩව වැයෙන අපුරු සිතාර් වාදන රටාවෙන් එය සරසවා තිබිනි

එකී නාද මාලාවෙන්  ඔහු කියන්නට තැත් කළ දේ කුමක්‌ විය හැකිද ? සඳ බැස නෑ ගුවන් විදුලි සරළ ගී ආකෘතියේ නවමු ඉසව් ස්‌පර්ශ කළ අපූර්ව නිර්මාණයක්‌ විය

දිමේ අවධිය වනවිට මුණසිංහයන් ගුවන් විදුලි ශිල්පී ශ්‍රේණිගත පරීක්‍ෂණයෙන් සමත්ව ගායන වරම ද හිමිකරගෙන තිබුනි 

මේ අවධියේම තවත් අවස්‌ථාවකදී මිතුරු ලුෂන් විසින් ලබා දෙන ලද පදපෙළක්‌ යුග ගීතයක්‌ ලෙස  තමන්ගේම සරළ ගී වැඩසටහනක්‌ වෙනුවෙන් තොරාගන්නා ලද අතර ගුවන් විදුලි කටහඞ පරීක්‍ෂණයෙන් සමත්ව සිය සරළ ගී වැඩසටහනකට සුදානම් සිටි අනුලා බුලත්සිංහල සමග ඊට හඞ පොවණ ලදී

පටිගත කිරීමේ  මැදිරි තාක්‍ෂණ ශිල්පී ලෙස කටයුතු කල ගුණදාස කපුගේ  ගීතය ට වශී වි ගොස්‌ තිබිණි කාලයක්‌ ගත වුවද අදාල තැටිය නිෂ්පාදනය වන සෙයක්‌ නැත 

මේ අතරවාරයේ හඞ පරීක්‍ෂණයෙන් සමත්ව සිය සරළ ගී වැඩසටහන ඉදිරිපත් කරන්නට නියමිත සිටි ගුණදාස කපුගේ ලුෂන් මුණගැසි අදාළ ගීතය තමන්ගේ වැඩසටහන වෙනුවෙන් ලබාගන්නට අවසර පැතුවේය 



ඒ වැඩ කඩුල්ලෙන් එතෙර වු ඔහු දෙවනුව මුණසිංහයන් ගේ කැමැත්තද මතුනොව එදින ට ඔහුගේ සහභාගීත්වය ද දිනා ගන්නට තරම් වසනාවන්ත විය ඒ වාරයේ එහි සහය ගායිකාව  සිංහල ගී රසසයුරේ කිමිද ගිය  තවත් බුලත්සිංහලවරියකි ඇය එවකට රජයේ සංගීත විදුහලේ ශිෂ්‍යා මාලනී බුලත්සිංහලය 


ගුණදාස කපුගේ නාමය එදා රසික හදවත් හි නොමැකෙන ලෙස ලැගුම් ගන්වන ලද මේ ගීතයේ හිමිකරුවාණෝ වූ මුණසිංහයන් ට ඒ පිළිබඳව සියඵ ගෞරව හිමිකරදිය යුතු වේ

දම්පාටින් ළා සඳ බැස යනවා...................

 ආකාසේ රන්වන් පාටයි ...............

 සමුගෙන යන්න මගෙන් තව මොහොතයි...............


නොදොඩා ඉන්නේ ඇයි...............

දම්පාටින් සඳ මුහුණ පෙනෙනවා  ...............

 වෙන්වි යන මොහොතක්‌ නැගේ..................


දෑසට ලංව තවත් මේ මොහොතේ.............

ගොඵවී ඉන්නෙමි මං ගොඵවි ඉන්නෙමි මං...............


---------------

මෙතැනින් සවන්දෙන්න


මෙයාකාරයෙන් ලුෂන් බුලත්සිංහල විසින් සිය ගුවන් විදුලි භූමිකාවේ මුල් අවධීයේ නිරත වු ගී පබැඳුම් කලාවේ  වැඩිමනත් තනුරටා වියමන් උදෙසා දායකත්වය දැක්‌වුයේ මුණසිංහයන්ය

මේ අවධියේදීම ජේ ඒ ධර්මරත්න නම් අධුනික සරළ ගී ශීල්පියා ලුෂන් - ඔස්‌ටින් නිර්මාණ පහස ලබන්නට වසනා මහිමය ලද්දේය


නුවන් කැඵම් වතුරේ -  පීනා නොයන් ළඳේ ...............

හසගන සේ පියුම් විලේ - මා හදවත් පොකුණේ ............

සැගවි නොපෙනී  - හිඳින් ළඳේ ...........................

දෑසේ නිඵපුල් මවනු එපා - නළලත අඩසද ගන්න එපා ...............

වත පියුමක්‌ සේ පුබුදන්න එපා - නීර වරල උරලා .............

කවියෙකු එනමග යන්න එපා - මා හදවත් පොකුණේ ...........

-------------
මෙතැනින් සවන්දෙන්න




අනුලා බුලත්සිංහලගේ   තවත් සරළ ගී වැඩසටහනක්‌ උදෙසා එදවස ගුවන් විදුලි නිවේදක සංසදයේ සමාජික හඩ්සන් සමරසිංහයන් විසින් නැවම් මගක පෙම් ගීතයක්‌ ලියවා දුන්නේය ඒ එවකට සිංහල ශෛලිගත වේදිකා නාට්‍යයේ ක්‍ෂේත්‍රය කළඹවන සැඩ මාරුතයක්‌ බඳුව වේදිකා ගත කෙරුණු මහඇදුරු සරත්චන්ද්‍රයන්ගේ මනමේ නාට්‍යයය පදනම් කරගනිමිනි   1960 තරම් ඈත යුගයකදී සිය සරළ ගී පරීක්‍ෂණයෙන් සමත් වුව නමුදු  නිති සිය හඞ අවදිනොකළ ප්‍රවිණ ගුවන් විදුලි රංගනශීල්පී විජේරත්න වරකාගොඩ මෙවර ඇයගේ සහය ගායකයා විය 

රගහල දැන් නැත අඩ අඳුරේ - අපි දෙදෙනා පෙම් පිළිසඳරේ......

අන්න බලන් කුමරිය මනමේ තනිවි ඇත හිම ගිරි අරනේ......


ශෛලිගත නාඩගම් සම්ප්‍රදායේ වැයෙන මද්දලය උපයෝගි කරගනිමින් මෙවර සිය වගකීම ඉටුකරවාදුන් මුණසිංහයන් ගේ මෙකී නිර්මාණය එකග සිතින්  රසනෙවිඳින  නොදැනුවත් ඇතැම් ශ්‍රාවකයන් ඊට වසගවයන්නේ එයද මනමේ නාට්‍යයේම ගීතයක්‌ යෑයි සළකාගෙනය 


සරසවි දෙව් අසිරි  ලද මේ සංගීතවේදියා විසින් මැවු එකකට එකක්‌ නොපරදින මෙකී සුමධූර ස්‌වර රටා වියමන් විසින් ඔහු නාමය ගීත කලාවේ නිරතවුවන් අතර අමර වරම ලබන්නට හේතුභුත විය

එදා මෙන්ම අද  - ඈත අහසේ ...................

රුවන් තාරකා මතුවන යාමේ .........................

ඔබ මට පෙන්වු කුරුඵ පෙම්වතුන් ...............


කටරොඵ මල් පඳුරට ආවා......................

ඔහුගේ මෙකී ස්‌වර ගෙත්තම බැබළවු තවත් නිර්මාණයකි එහි ගායනය ත්‍යාගා එන් එඩ්වරඩ්ගේය පද රචනය - දයානන්ද කුමාරසිරිගේ ය 
--------
මෙතැනින් සවන්දෙන්න


1973 වසර උදව ඔහුගේ දිවිගමනේ නව මාවතක්‌ විවර කළ සිදුවිම් මාලාවක ආරම්භය සනිටුහන් කලේය 

රජ්‍ය සේවයට සංගීත ගුරුවරුන් බඳවාගැනීමේ ව්‍යාපෘතියක්‌ හඳුන්වාදුන් අතර ඔස්‌ටින් ද ඊට නොපැකිළිව ඉදිරිපත්විය  මතුදින සිය ඉරණම් චාරිකාවේ අත්වැළ වු අචිරවතී යාලගම යුවතිය හා  ඔහු ගේ දෛවෝපගත හමුවිම සිදුවුයේ මෙහිදීය

සිය පුර්ණ කාලින ගුවන් විදුලි රාජකාරියෙන් ඉසිඹු ලත් ඔහු ගේ ගුරු භුමිකාව ඇරඹෙන්නේ අගනුවරින් දුර බැහැර කන්ද උඩරට පිවිසුම් මාර්ගයට යාබදව අගනුවර මහනුවර හරිමැද පිහිටි කෑගල්ල තෝලංගමුව මහා විදුහලෙනි 

තමා ප්‍රගූණ කළ ශිල්පය සිය ජන්මිය පුරුද්දෙන් හා පළපුරුද්දෙන් ඔප කරවාගත් හෙතම ඒවා එක්‌ව ගෙන කිරා මැන පෙරා සිය සිසු දරුවන් ගේ ස්‌වරඥානය දියුණු තියුණු කලේය සිය පෞද්ගලික වැඩකටයුතු දෙවැනි තැනද ගුරුකම පළමු තැනද ලා නිති සැලකීය
ඔහුගේ අප්‍රතිහත ධෛර්යයේ  ප්‍රතිඵලය වහා අත්කරදෙමින් ඒ යුගයේ තෝලංගමුව මහා විදුහල වෙත සමස්‌ත ලංකා ජය මාවත් විවර කර දුන්නේය

මිනිසෙකුට සිය දිවිමගේ චාරිකාවේ නවමංපෙතකට කැඳවාලන සිය පියඹ හා කැදැළි ගත විමේ සුභ මංගල්‍යයය ඔහුවෙත උදාවුයේ 1974 වසරේ වප් මස දීය එය එසේ වෙතදු  සෙසු සහෝදර කැළ ඉක්‌මවා මහත් සේ සෙනෙහස්‌ දාමයෙන් වෙළි බැඳි සිය මවගේ රෝගි තත්වයද සලකා එය ඉතා චාම්ව සිදුකරන්නට තීරණය විය

යළි හමුවෙමු .....
තොරතුරු මුලාශ්‍රය සහ වැඩිදුර කියවිම

(සොඳුරු ගාන්ධර්වයා - අචිරවතී යාලගම)

ප්‍රණාම පූර්වක ස්‌තුතිය - අචිරවතී යාලගම (ඔස්‌ටින් මුණසිංහ මහත්මිය)  වෙත