namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Tuesday, August 30, 2016

සුජාතා අත්තනායක - පළමු හා එකම දුර්ලභ කණ්‌ඩායම් ගීතය

සිංහල කණ්ඩායම් ගී කලාවේ රස මුසු තැන් - 05
අපේ අසල්වැසියාගේ ගී රස කලාවෙන් ඈතට පියමං කල සොඳුරු ගාන්ධාර්වයා - 05 කොටස


තමා නිරතව සිටින කර්තව්‍යය සම්බන්ධයෙන් ඇති උනන්දුව හා කැපවීම මත එහි සාර්ථකත්වය හා දියුණුව රඳා පැවතීම ස්‌වභාවයයි

නිරන්තරයෙන් පුහුණු වෙමින් අභ්‍යාසයන්හි නිරත වීමෙන් ගොඩනගාගත් අඩිතාලම මත ධර්මරත්න සහෝදර කෝකිලයන් නිසොල්මනේ සිය ගී චාරිකාවේ නිරත වෙමින් සිටියහ

සිමිත පිරිසක්‌ සහභාගි වන පෞද්ගලික ප්‍රියසාදයන්ගෙන් එපිටට විත් ප්‍රසංග වේදිකාවේ ශිල්ප දැක්‌වූ ඔවුන්ගේ ඉදිරි ගමන ඒ යුගයේ ඉතා අභියෝගාත්මක විය

මන්ද යත් තමන් වැනිම ගායක කන්ඩායම් ගණනාවක්‌ දිවයිනේ නොයෙකුත් පළාත් වලින් බිහීවීමෙන් හා ඒවාට සහභාගි වූ ශීල්පීන් ගේ තරගකාරිත්වයයි

තවද සිනමා හා ගුවන් විදුලි ශිල්පීන් ට වැඩි අවස්‌ථාවක්‌ ලැබීම නිසා ඔවුහු ඔවුන් පහසුවෙන් අභිබවා යන්නට සමත් වූ අතර එයින් අත්කරගත් අසිමීත ජනප්‍රියත්වයෙන් කටු කොහොල් පෑදී හෙළි පෙහෙළි වූ මාවත ඔස්‌සේ එකී ශීල්පීන් සිඝ්‍රයෙන් වෙළඳ තැටි පටිගත කිරීම් සඳහා යොමුවෙමින් සිටියහ

ඒ අතරවාරයේ ලැබුනු සිමිත ඉඩකඩ ඔස්‌සේ දිවයිනේ එකම විද්යුත් මාධ්‍යය ව පැවතුනු රාජ්‍ය ගුවන් විදුලියේ තමන්ගේ ගී කිහිපයක්‌ පටිගත කරවා ප්‍රචාරය කරවන්නට මුල් වූ එවකට එහි ඉංග්‍රිසි සේවා අධ්‍යක්‍ෂකව සිටි ලිවි විජේමාන්න මහතාත් ඉංගිසි සේවා නිවේදක විජය කොරයා මහතාත් ගෞරව පූර්වකව බැතියෙන් සිහිපත් කරන බව නැවත නැවතත් කියාසිටී


යලිත් ඔහු කියා සිටින වගනම්

එදින කොළඹ ශාන්ත බ්‍රිජට්‌ කන්‍යාරාමයේ පැවැත්වූ ප්‍රසංගයෙන් පසුව අප සාමාජිකයන් දිවයිනේ පොදු සංගීත ලෝලීන් අතරට පිවිසවූ ඒ මහා පෙරළිය ට ඉඩකඩ විවර වෙමින් පැවතිනි

අපේ ඊලග පිම්ම වූ ද ගී සැරිසරේ හැරවුම් ලක්ෂ්‍යයක්‌ ලෙස සැලකුව මනා වූ ඊට මුල්වූයේ කොළඹ වේල්ල වීදියේ ගෞරි කෝර්පොරේෂ්න් අයතනයේ අභිනව හිමිකරුවානන් වූ පැට්‌රික්‌ කොරේරා ගී රසලෝලියා බව කියමි

ඔහු ජාත්‍යන්තර පිලිප්ස්‌ වෙළඳ ලේබලයේ ගී තැටි උදෙසා දේශිය නියෝජිතයා වූ අතර සිංහල පොප් සංගීතය එවක නව තාක්‍ෂණය ලෙස සැලකු භ්‍රමණවට 45 කුඩා ප්‍රමාණයේ ඊ පී තැටිගත කිරීමේ පූරෝගාමි මෙහෙවරක නිරතව සිටියේය

ඔහු ඉහත කි ප්‍රසංගයේ පටිගතකළ කොටස්‌ සවන් දී අප ගැන පැහැදී සිටියේය

ඒ අනුව අපේ ධර්මරත්න සහෝදර කන්ඩායමටද ගීත 04 ක තැටියක්‌ නිකුත් කිරීමේ දුර්ලභ වාසනව උදා වෙමින් තිබිණි

එහෙත් ඊට පෙරාතුව ඉටුකල යුතු දේ බොහෝ විය

ශබිදාගාරය වෙන්කොටගත් පැය අටක කාලයකදී ගීත 04 ම පටිගත කොට අවසන් කළ යුතුබවත් ඊට අසමත් වුවහොත් වැඩිවන සෑම පැයකටම දැරිය යුතු පිරිවැය අප කන්ඩායමට නියමිත ගෙවීමෙන් පිරිමසා ගන්නට සිදුවන බවත් අනතුරු අගවා තිබිනි

මෙය අප කලින් අත්නොවිඳි අවදානම් සහගත අභියෝගයක්‌ බව නොවැටහුනා නොවේ එහෙත් ඉන් ලැබිය හැකි මුදලින් තක්‌සේරු කලනොහැකි කීර්තිය කෙසේ නම් සුඵවෙන් තකන්නද ?

බොක්‌ස්‌ ගිටාර් කොංගෝ මරකස්‌ වැනි සරළ ලතින් ඇමෙරිකානු වාද්‍ය භාන්ඩ අතදරා සිටි අප දැන් වෘත්තිය මට්‌ටමේ පටිගතකිරීමකට හොබනා වාදක කන්ඩායමක සහය ලබාගතයුතු විය

මෙතුවක්‌ කල් කරගෙන ආ පුහුණුවීම් තවත් දැඩිකල යුතුය වාදක කන්ඩායම ද පුහුණුකරවාගත යුතුය

රැකියාවන්හි නිරත වෙමින් සිටි විවාහප්‍රාප්ත ක්‍රිස්‌ටි හා මැක්‌ස්‌වෙල් දෙසොහොයුරන් ගේ ඒ කටයුතු අතරවාරයේ අපට ඉතිරිව තිබුනේ එකම විකල්පයකි එනම් පුහුණුව සඳහා කිසියම් වැඩිපුර කාලයක්‌ අයෑද සිටිමයි

ඒ අනුව අපේ මුල්ම වෙළඳ තැටියේ පටිගතකිරීම් මාස ගණනකට කල් දමන්නට සිදුවූ සිත් තැවුල ද දරාගෙන අප සාමාජිකයන් වාද්‍ය ශිල්පීන් සොයා යෑමේ මෙහෙයුමක නිරත වන්නට සිදුවිය

ඒ සම්බන්ධයෙන් අත්දැකීම් නැති අපේ සාමාජිකයන්ට හා පුරා කියා එවකට ක්‍ෂේත්‍රයේ පළපුරුදු වෘත්තිය ශිල්පීන්ගේ සේවය අහිමි වුවත් අපට හැකි උපරිම අයුරින් වාදක කන්ඩායම එක්‌රැස්‌කරවා අපේ නිවසේදී පමණක්‌ නොව තෝරාගෙන තිබුනු අපේ අනාගත සැක්‌සෆොaන් වාදක මැල්කම් ඇඩමන් මහතාගේ නිවස්‌නයේදී දැඩි පුහුණුවීමක නිරත වන්නට සිදුවිය

අප සංගීත දිsවියේ සදානුස්‌මරණීය ඒකී නියමිත දිනයේ කැළණියේ දඵගම සරසවි ශබ්දාගාරය වෙත අපව කැඳවන ලදී එය කලින් ස්‌ථාපිත කොට තිබුනේ කොල්ලුපිටියේදී වූ අතර එය 50 දශකයේ අපරභාගයේ ගුවන් විදුලියේ සභාපතිධුරය දැරූ ජ්‍යෙෂ්ඨ පරිපාලන නිලධාරී එම් ජේ පෙරේරා සොයුරු එම් එස්‌ පෙරේරා මහතාට අයත් විය

එවක එහි සිදුකෙරුණු සියඵ පටිගතකිරීම් භාරව සිටියේ පටිගතකිරීමේ ඉංජිනේරු මර්වින් රොඩ්රිගෝ මහතා විසිනි


01 හෝ වැස්‌ස වහිනවා
02 පුංචි සුරතලා
03 කඳුකරේ පෙම් කථන්දරේ
04 නොන්ඩි කිරා


ගී ඇතුලත්ව අපේ මංගල ගී ඇල්බමයේ උපත 1967 වසරේදී එසේ සනිටුහන් විය එහි සියඵ පදමාලා මගේ නමුත් තනු නිර්මාණ සොයුරු රොනල්ඩ් විසින් සිදු කරනු ලැබ තිබිනි

පියානෝ - ඩීන් කුමාර්

වයලීනය - ලෙනාඩ් (සොයුරු ක්‍රිස්‌ටිගේ කාර්යාලිය සගයෙකි)

සැක්‌සෆෝන් - මැල්කම් ඇඩමන් හා මෙල්රෝයි ද සිල්වා

රිද්ම් ගිටාර් - සොයුරු රොනල්ඩ් ධර්මරත්න


විසින් වයන ලදී

තැටිය නිකුත් වූ අතර ඉක්‌බිතිව ඉහත ගී ගුවන් විදුලියෙන් නිතර දෙවෙලේ ඇසෙන්නට පටන් ගැණිනි

මේ අතරවාරයේදී අප මිතුරු ක්‌ලැරන්ස්‌ (ක්‌ලැරන්ස්‌ විජේවර්ධන) ගේ මූන්ස්‌ටෝන්ස්‌ ගී තැටි නිකුත් කරනු ලැබූ කොළඹ කොටුවේ චිල්රන්ස්‌ බුක්‌ ෂොප් අධිපති ජෙරල්ඩ් වික්‍රමසූරිය මහතාගෙන් ද යළිත් වරක්‌ ඇරයුමකි

ඒ සඳහා ගීත 04 ක්‌ යළිත් නිර්මාණය කරන්නට අපට සිදුව තිබිණි

මේ අතරවාරටය් අප ක්‍රමයෙන් ක්‍ෂේත්‍රයේ අත්දැකීම් ලබාගනිමින් තිබුනු අතර මෙවර වඩාත් වෘත්තිය මට්‌ටමේ වාදක කන්ඩායමක්‌ වූ ශ්‍රී ලංකා නාවුක හමුදා බිට්‌ ගෘප් තූර්ය වාදක මඩුල්ලේ සහය ලබා ගන්නට සමත් වsය

ඒ සඳහා රාගම වැලිසර නාවුක හමුදා කඳවුර මෙවර අපේ පුහුණුවිම් සඳහා වෙන්කරගැණනි


01 මෙන්න අපේ සුහද පැතුම් සුභ උපන්දිනක්‌
02 ප්‍රියංගිකා මගේ ප්‍රියංගිකා
03 වාසිටි කෙල්ලෝ
04 අව්ව පායලා අව්ව පායලා


අපේ දෙවැනි නිකුතුවයි

මෙවකට ධර්මරත්න සහෝදරයෝ නාමය ලක්‌දිව දසත පැතිරී අවසානය දියණි ශිරෝමි ද කැටුව සංදර්ශන වේදිකාවෙන් වේදිකාවට සැරිසැරූ ඒ සුන්දර යුගයේ මතක සැමරුම් ආවර්ජනය හද පුබුදු කරවාලයි

මේ අතරවාරයේ තමාට යළිත් ගීත 04 ක්‌ අවශ්‍යය යeයි ප්‍රැටික්‌ කොරේරා දන්වා එවා තිබුනු අතර තවද ඒයුගයේ ලක්‌දිව පුරා සංගීත රසකාමින් අතර නම රැන්දු මරදානේ ආර් ඒ චන්ද්‍රසේන සංගීතවේදියා හමුවී වාද්‍ය වෘන්දය යෙදවීම හා සංගීත සංයෝජනය සිදුකරගන්නා ලෙස මෙවර උපදෙස්‌ ලැබිණි

අප ඔහුගේ මරදානේ එල්ෆින්ස්‌ටන් අසල පිහිටා තිබුණු නිවසේදී පුහුණුව සිදුකරනු ලැබ

ඒ අනුව

01 ලංකා ලංකා
02 කලකට පෙර ඒ බෙත්ලෙහෙමේ
03 රත්තරං හඳක්‌ අහසේ පායාලා
04 මායා


ගීත එළිදැක්‌වුනේ යළිත් ගෞරි කෝපරේෂ්න් ආයතනයේ පිලිප්ස්‌ ලේබලයෙනි

මෙලෙස ගතවෙමින් පැවතුනේ කණ්‌ඩායම් ගී කලාවේ වසන්ත සමයයි පෙරනොවූ විරූ ජනප්‍රියත්වයක්‌ හා ඒ හා බැඳුනු සමාජ කථාකාවතක්‌ මේ නවමු ගී රටාව ආශ්‍රීතව ගොඩනැගෙන්නට විය

ඒ අයුරින් අප ධර්මරත්න සහෝදර ගායකයන් වෙත මේ වෙළඳ තැටි පතාක යෝධයන් දෙපොළගෙන් ඇරයුම් වැසි වසින්නට පටන් ගැණනි එහෙත් අපේ සමාජිකයන්ගේ රාජකාරිමය කටයුතු නිසා ත් අප විසින් පවත්වාගෙන ආ විනය හා ප්‍රතිපත්ති නිසාත් ඉල්ලුමට සරිලන සැපයුම යන ඒකී න්‍යාය අපට අදාළ නොවීය

මෙවර යළිත් සූරිය ලේබලය සතු ජෙරල්ඩ් වික්‍රමසූරිය ව්‍යාපාරික මිතුරාණන්ගෙන් ඇරයුමකි

කෙසේනමුදු මේ ඉලක්‌කය කිසිවිටක වරකට ගීත 04 ක්‌ ඉක්‌මවා නොයන බව ස්‌ථිරය ඒ නිසා කඩිමුඩියේ නිර්මාණකරණයේ නිරත නොවී ඒ සඳහා තමන්ගේ උපරීම කැපවීම ද දායකත්වය ද නොඅඩුවම සැපයිමට අප වගබලාගෙන සිටියෙමු

ඊලග ඇල්බමයේ ගීත පෙළ හඳුන්වාදීමට මත්තෙන් ඔබට මා ඒ හා බැඳුනු විශේෂ කරුණක්‌ සඳහන් කළ යුතුමය

අපට ලැබුණු වේදිකා සංදර්ශන මාලාවේ එක්‌ ප්‍රසංගයක්‌ කොළඹ වික්‌ටෝරියා උද්‍යානයේ (වර්තමාන විහාර මහා දේවී උද්‍යානය - කොළඹ නගර ශාලාව අසල) පැවැත්වෙමින් තිබෙන අතරවාරයේ අපව මුණගැසෙන්නට එහි සපැමිණියේ ප්‍රවිණ සහෝදර ශිල්පිණී සුජාතා අත්තනායකයන්ය

සිංහල ගුවන් විදුලි ගීත ලෝලින් මෙන්ම සිනමා රසිකයන්ගේ හදේ ලැගුම් ගත් එවකට අතිශය ජනප්‍රිය ගායනවේදිනියක්‌ වූ ඇය අපවෙත පැමිණ සුභපතා අපේ ගායන හැකියාවන් මහත් සේ අගය කරනු ලැබීය

එතනින් නොනැවතී අප කණ්‌ඩායම හා සමූහ ගීතයකට සහභාගී වන්නට ඇය කැමැත්තෙන් සිටින බවද කියා සිටියාය

මෙයින් මහත් සේ ප්‍රමුදිත වූ මා කන්ඩායම සමග සාකච්ඡා කර අපගේ මිලග ගීත ඇල්බමයට ඇය ද එක්‌කර ගන්නට පියවර ගනු ලැබීය

එයද එක්‌තරා අන්දමකින් ක්‍ෂේත්‍රයේ වාර්තා ගත සිදුවීමක්‌ බව මම විශ්වාස කරමි එසේම එය අප කන්ඩායමට ලැබුනු වරප්‍රසාදයක්‌ ලෙස සළකමි මක්‌ නිසාද යත් ඇය එදා ගැයූ එකම කණ්‌ඩායම් ගීතය බවට එය පත්ව තිබිමෙනි



01 සහෝදරයෝ හතරදෙනා
02 රොමියෝ මමයි සේම ජුලියට්‌ ඔබයි (සුජාතා අත්තනායක සමග)
03 දික්‌කසාද නඩු
04 කෙල්ලනි මේ අහපල්ලා

මෙවර එළිදැක්‌වීය

එහෙත් රසිකයාත් අපවත් යා කරන මහා පාලම වරෙක එයාකාරයේ ම පවුරක්‌ බඳු විය ඒ අනුව ගුවන් විදුලියේ සුපුරුදු අයෝමය ගීත ප්‍රතිපත්තියේ කප්පාදුවට ලක්‌වී ඒයින් ගී දෙකක්‌ම පොදු රසිකයාගෙන් දුරස්‌ ව ගීයේය

එහෙත් එය වඩාත්ම දරුණු අතට හැරුනේ යොවුන් වියේ ජවය ද මුසුකොට අප විසින් මීලගට නිකුත් කරන්නට යෙදුනු ගී ඇල්බමය නිසයි

පිටකොටුවේ නිව් සරස්‌වතී ස්‌ටෝර්ස්‌ නම් වෙළඳායතනයේ සරස්‌වතී ලේබලයට ගැයූ ඒ ගීත අඩංගු වූයේ අපේ පස්‌වැනි නිකුතුවේය

01 බෙබෙ බෙබෙ බේබද්දා
02 හලො ඩල්සි
03 ජීවන උයනේ
04 කුරුල්ලෝ වර්ගයකි


එහෙත් පැට්රික් කොරේරා වෙතින් නිකුත්කල මීලග තැටියේදී ඒ තත්වය තරමක්‌ දුරට සමනය වූ බවක්‌ පෙනනි එහි ද වාදන රටා මැවුයේ නාවුක හමුදා බීට්‌ ගෘප් වාදකයන් විසිනි මේ 1971 පමන වන්නට ඇත

01 මංගලම්
02 සූර සරදියෙල්
03 මෙඩිකල් කෙල්ලෝ
04 කුමරි මගේ


මේ ක්‍ෂෙත්‍රයට එළඹී අප එවකට පසුකරමින් සිටියේ 07 වන වසරයි ගීත නිර්මාණය පුහුණුවීම් සංගීත සංයෝජන ශ්‍රාවක රුචිය යන මේ කරුණු සම්බන්ධයෙන් අත්දැකීම් සම්භාරයකින් අප සන්නද්දය වඩාත් නැවුම් විවිධාකාරයේ තනු රටාද ඒවාට ගැළපෙන සංගීත සංයෝජනයන්ද එක්‌කරමින් නැවතත් නව ඇල්බමයක උපත සිදුවූයේ සූරිය ලේබලයෙනි

එය ධර්මරත්න සහෝදරයන් ලාංකික කන්ඩායම් ගීත කලාවේ හිනිපෙත්තටම ඔසවා තබන්නට සමත් වූ ද එහි ජයදද නංවන ලද්දාවූද හැරවුම් ලක්ෂ්‍යයක්‌ බවට පත්විය


01 රාජ කුමාරි මල්සර දෝණි
02 වැහිදාක ගගනෝදරේ
03 බොරුවට අඩ අඩ (ශිරෝමි ප්‍රනාන්දු සමග)
04 මුතු මැණිකේ



මේ ගී සඳහා නව වාද්‍ය භාන්ඩ යොදාගනු ලැබූ අතර අත්හදා බැලීම් කිහිපයක නිරත විය ප්‍රවිණ සංගීතඥ ඕගන් වාදන ශිල්පී ක්‌ලෝඩ් ප්‍රනාන්දු ගේ ද සිංහල සිනමා ගීතයේ සම්මානනීය වයලින් වාදක සංගීතඥ එම් කේ රොක්‌සාමි ගේ ද දායකත්වය කෘතඥ පූර්වකව සිහිකල යුතුය

පෙරදී සඳහන් කළ පරිදිම මා ඇතුඵ අපේ පවුලේ සහෝදරයන් තිදෙනා අපමණ බාධක මධ්‍යයේ මෙයාකාරයෙන් මෙකී ක්‍ෂේත්‍රයේ රැඳෙන්නට එහි ශිල්ප දක්‌වන්නට පෙළඹවු මහා බලවේගය අපේ දයාබර මැණීයන්ය

සෙවනැල්ලක්‌ මෙන් අප පසුබිමේ ඇය නිරතුරු රැඳි සිටියාය

එයින් ලත් පන්නරය හමුවේ 1965 වසරේ පටන් දශකයට ආසන්න කාලයක්‌ පුරාවට හැකි උපරිම වෙරවීරිය යොදමින් නිරන්තරයෙන් නව ගී නිර්මාණ බිහිකරනු ලැබීය

එදවස අප ධර්මරත්න සහෝදර ගායක කන්ඩායම ලැබූ අපමණ රසික ප්‍රතිචාරයෙන් ලැබු දිරියද ඊට හේතු නොවියෑයි නොකියමි

එදවස හෙළ ගීයේ එකී ආරේ අප ගායක කැළ දැල්වූ ගී ප්‍රදීපයේ ප්‍රභාව අද මෙන්ම මතු මතුද එසේම පවතිවා යෑයි මා පැතුමයි

හැත්තැව දශකයෙන් මෙපිටට මාගේ නිර්මාණකරණය නව මගකට යොමු කරන්නට සිදුවුයේ ජනප්‍රිය වෙනත් ශිල්පීන් ගෙන් මවෙත ලැබුනු ආරාධනා නිසාවෙනි

එහි ද රසමුසු වතගොත මතු දිනක රසික ඔබවෙත ගෙනහැරපාන්නට අදහස්‌ කරගෙන සිටිමි එතෙක්‌ නිහඩවෙමින් ඔබෙන් සමුගනිමි

ආයුබෝවන් !



xxxxxxxxxxxxxxxxxxxxxxxxxxxxxxxxxxxx


රෝමියෝ මමයි සේම ජූලියට්‌ ඔබයි
(සුජාතාවන් ගැයු එකම දුර්ලභ කණ්‌ඩායම් ගීතය)

කණ්‌ඩායම් ගීතයේ ස්‌වරණමය යුගය වුයේ 1962 - 1976 කාලයයි ස්‌පාඤ්ඤ හා ලතින් ඇමෙරිකාණු ගී කලාව අනුව යමින් එයාකාරයෙන් බිහිවූ ගායක කන්ඩායම් ගණනාවකි (පෙර කොටස්‌ පරිශීලනය කරන්න) මෙකී ගී කලාව පෙරදිග සංගීත ගුරුකුලයන් යටතේ භාරතයේ ශිල්ප හැදැරූ සංගීතවේදීන් බහුතරයක්‌ විසින් නුරුස්‌සන ලද අතර ඇතැමුන් එය පිළිකුලෙන් බැහැර කරනු ලැබුවේ එය පළිබොධයක්‌ ලෙස සලකමිනී

ඒ අනුව එසමයේ ගුවන් විදුලි ගායක ගායිකාවන් විසින් එය ප්‍රතික්‍ෂේප කරනු ලැබ තිබිණි

මේ එහි විප්ලවීය වෙනසක්‌ සිදුවුණු අවස්‌ථාවකි

ප්‍රවිණ ජ්‍යෙෂ්ඨ ශිල්පිනී සුජාතා අත්තනායක ගේ හඩ යොදාගැනීමේ
අරමුණ උදෙසාම මෙල්රෝයි ධර්මරත්නයන් විසින් මෙකී ගීය රචනා කරන්නට යෙදුනි පසුව ඇය ද සහභාගිකරගන්නා ලදුව මෙම තැටියේ පිරිවැය දැරූ ව්‍යාපාරික ජෙරල්ඩ් වික්‍රමසූරිය මහතාගේ නිවසේදී පෙර පුහුණුවිම් සිදුකළ බව හෙළිදරුවු කරනු ලැබීය

මේ නිර්මාණය සිංහල ගීත ක්‍ෂේත්‍රයේ හා එහි ඉතිහාසයේ සුවිශේෂී අවස්‌ථාවක්‌ සනිටුහන් කරනු ලබන්නේ එය සුජාතා අත්තනායක ශිල්පිනිය විසින් ගැයූ එකම කණ්‌ඩායම් ගීය ලෙස වර්තාවක්‌ පිහිටුවා තිබීමෙනි

දශක ගණනාවක සිට එය අප්‍රකටව පවතී ශිරෝමි දියණී හැරුණුවිට තම පවුලේ සමාජිකයන්ගෙන් බැහැරව ගීයක්‌ පටිගත වූ මුල්ම අවස්‌ථාවද මෙය බව ද ඔහු වැඩිදුරටත් කියා සිටියේය
මීට සමාන අවස්‌ථාවක්‌ ග්‍රෙන් ලෙනාර්ඩෝස්‌ ගායක කණ්‌ඩායම ගැයූ යාළ යාළ යන්න සතුන් බලන්න නිර්මාණයේදී හමුවන්නේ එයද ගුවන් විදුලියෙන් අත්පොත් තැබූ සරළ ගී ගායිකාවක්‌ වූ මාලනී බුලත්සිංහල ශිල්පිනිය සහභාගී වීම නිසාය එහෙත් එවකට ඇය ආධුනික අප්‍රකට ගායිකාවකි

පසුව ගී තැටිගත කිරීමේ කලාවේදී ක්‍රියාශිලිව ව දායකත්වය දැක්‌වූ ලිඩ් ගිටාර් වාදක මීගමුවේ උපෙන්ද්‍ර ප්‍රනාන්දු සංගීතඥයා ගේ දොරට වැඩුම ද මෙහිදී සිදුවිය

පටිගත කිරීම - සරසවි ශබ්දාගාරය - දඵගම - කැළණිය
වසර - 1971 ?
පටිගත කිරීමේ ඉංජිනේරු - මර්වින් රොද්‍රිගෝ
පද රචනය - මෙල්රෝයි ධරමරත්න
තනු නිර්මාණය හා සංගීත සංයෝජනය - මෙල්රෝයි ධර්මරත්න

වාද්‍ය වෘන්දයට සහය - රිදම් ගිටාරය - රොනල්ඩ් ධර්මරත්න
ලීඩ් හවායන් ගිටාරය - උපේන්ද්‍ර ප්‍රනාන්දු

සවන්දෙන්න මෙතැනින් 

 ංංංංංංංංංංංංංංංංංංංංංංංංංංංංංංංංංං

රාජකුමාරී මල්සරදෝණී සක්‌මන් මඵවේ ඇවිදිනවා

ඉන්දීය සාහිත්‍ය හා කව්‍ය නිර්මාණයේ
(කුමරිය හා කුමරුන් සතරදෙනා  - වික්‍රමාදිත්‍ය කථාපෙළ ඉන්දීය සාහිත්‍යය) ආභාෂය ලද එහි පැණෙන ස්‌වයංවරය වස්‌තු බීජය ලෙස ගෙන ගොඩනැගුණු මේ ගී නිර්මාණයේ දී මුල්වරට 6-8 වේග රිද්මයානුකූල කාවඩි සංගීතය යොදාගත් බව සඳහන් කෙරිණි

වසර - 1972 ?
පටිගත කිරීමේ ඉංජිනේරු - මර්වින් රොද්‍රිගෝ
පද රචනය - මෙල්රෝයි ධරමරත්න
තනු නිර්මාණය හා සංගීත සංයෝජනය - මෙල්රෝයි ධර්මරත්න

වාද්‍ය වෘන්දයට සහය - බේස්‌ ගීටාරය - රොනල්ඩ් ධර්මරත්න
ලීඩ් හවායන් ගිටාරය - උපේන්ද්‍ර ප්‍රනාන්දු


  xxxxxxxxxxxxxxxxxxxxxxxxxxxxxxxxxxxxxxxx
සවන්දෙන්න මෙතැනින් 



ංංංංංංංංංංං The End ංංංංංංංංංංංංංංංංංංං

Wednesday, August 24, 2016

බඹර සිහිනයක මා සතපන්නට

70 දශකයේ මැවුණු නන්දා මාලනී ගී මුතුහර (ප්‍රවිණ ශිල්පිණී නන්දා මාලනී ගී තනු නිර්මාණයකි)
ගුවන් විදුලි ළමා ශිල්පිනියක්‌ ලෙස 14 වියේදී අශෝක කොළඹගේ පද සැකසුමට ඩි ඩී ඩැනී ශිල්පියා සංගීතය නිපැයූ බුදුසාදු මම සමන් වැළක්‌ වෙන්නම් ඇය දොරට වැඩි කලා නිර්මාණයයි එය ගුවන් විදුලි පටිගතකිරීමකි

මයික්‌ විල්සන් ගේ සිමාසහිත ද සෙරන්ඩිබ් ආයතනය විසින්a (රොඩ්නි ජෙන්ක්‌ලාස්‌ මහඇදුරු ආතර් සී ක්‌ලර්ක්‌) 1962 තිරගත කරන්නට යෙදුනු ලාංකීය සම්පූර්ණ වර්ණ චිත්‍රපටය වූ රන්මුතුදූව මහා බ්‍රිතාන්‍යයේ ටෙක්‌නිකලර් නම් මිල අධික රසායනාගාරයේ දී නිපදවනු ලැබීය
එහි සංගීත අංශය භාරවුයේ පන්ඩිත් අමරදේවයන් හටය එතුමෝ ඒ වෙනුවෙන් ලංකාවේ මුල්වරට සිනමාපටයක පසුබිමින් දිවයන මුල්ම වෘත්තිය මට්‌ටමේ පසුබිම් සංගීතයක්‌ නිර්මාණය කරන්නට යෙදිනි ශ්‍රී චන්ද්‍රරත්න මානවසිංහයන්ගේ පද සංකල්පානවන් අනුව ගායනය සඳහා තෝරාගැනුනේ නාරද දිසාසේකර හා නවක ගායිකාවක්‌ වූ නන්දා මාලනී ය

ඇය තමා ගැයු මුල්ම ගීතය වූ ගලන ගගකි ජීවිතේ සඳහා සරසවි සම්මානය දිනාගන්නා ලදී ඉන් අනතුරුව 1965 වසරේ තිස්‌ස ලියනසූරිය විසින් මැවූ සාරවිට සිනමා වෘතාන්තයේ මහගම සේකරයන් ගේ පද රචනාවක්‌ වූ අමරදේව සප්තස්‌වරය අනුවූ මේ සිංහල අපගේ රටයි ගීතය ද

1966 ලයනල් අමරසිංහ ගේ වෙසෙතුරු සිරිත වෙනුවෙන් යළිත් මහගම ගේ ගී පද අනුව පන්ඩිත් අමරදේව සංගීතයට රුවන් වළා දුහුල් කඩින් ගීය ද

1967 ධර්ම ශ්‍රී කල්දේරා ගේ රැණ ගිරව් වෙනුවෙන් ධර්මසිරි ගමගේ පද අනුව පන්ඩිත් අමරදේවයන් සමග රෑණ ගිරා ජෝඩුවයි ගීය ද

1968 අමරණාත් ජයතිලකයන්ගේ ආදරවන්තයෝ වෙනුවෙන් මර්සලීනු ජයකොඩි පියනමගේ පබැඳුමක්‌ වූ ද කේමදාසයන්ගේ තනු නිර්මාණයක්‌ වූද  දවසක මුතුළැල් ගෙනෙනවා ගීය ද

1969 සුගතපාල සෙනරත් යාපාගේ හන්තානේ කථාව වෙනුවනේ ඔහු හා මහගම සේකර එක්‌ව ලියූ කේමදාස සංගීතයෙන් පරිපූර්ණ සරා සොඳුරු මල් පැටලී ගීය වික්‌ටර් රත්නායක සමග ද

ඒ වසරේම දයානන්ද ගුණවර්ධනයන්ගේ බක්‌මහ දීගේ වෙනුවෙන් ඔහුම ලියූ මලකින් මලකට ගොස්‌ පැණි බොන්නද හා බිමට නැමුණු මල් පවනට හැලිලා සෝමදාස ඇල්විටිගල සංගීතයෙන් ඔපවත්ව

යන මේ සිනමා ගී ඇගේ මෝහණිය නිර්මාණ අතරට ගැනිය හැකිය

70 දශකයෙන් මෙපිට ඇය ගුවන් විදුලියට පිවිස එහි ළමා මන්ඩපය මෙහෙයවමින් ද සරළ ගී වැඩසටහන් ඉදිරිපත් කරමින්ද ගැයූ ගී තනු නිර්මාණ හා සංගීත අදියුරු මැවූයේ ඇයමය

එහිදී දේශීය ජන ගී ආර සාම්ප්‍රදායික දේශිය වාද්‍ය භාන්ඩ වැඩිමනත්ව යොදා ගැනුනු ඒ ගීතයන්හි අපුර්ව සුන්දරත්වයක්‌ ගැබ් ව තිබිනි එහිදි ඒ නිර්මාණ සදහා යොවුන් පද රචකයන් ලෙස සුනිල් ආරියරත්නයන්ද මහින්ද අල්ගම මෙන්ම ප්‍රවිණ ගී පද රචකයන් වූ ඩෝල්ටන් අල්විසුහූ හා මඩවල එස්‌ රත්නායකයන්ද සභභාගි විය

පසුව ඒවා ඇගේ මංගල ඒක පුද්ගල සංගීත ප්‍රසංගය වූ ශ්‍රවණ ආරාධනා සඳහා යොදාගැනිනි


චන්ද්‍ර මඩුලු යට
වාසනාව ඇගේ නෙතයි
සාරි පොඩිත්තක්‌ ඇඳගෙන
මිරිවැඩි සගලක්‌ ඉල්ලා හැඩුවෙමි
මල්හිනා පවන් සලා (ශ්‍රවණ ආරාධනා තේමා ගීතය)
වාසනාව ඇගේ නෙතයි
රන් ගිරි ගිරි ගිගිරි වළලු
චාරුලතා
හදවිල කළඹන පෙම් ජල රේඛා
කප්සුවහස්‌කල් පෙරුම් පුරාගෙන
රුක්‌ අත්තන මල මුදුනේ
ඇගිලි තුඩින් ටිකිරි හඩින්
සිංහල හාලේ බත
සකුරා මල් පිපිලා
හෙළ දෙරණේ කඳුල සුසුම
මල් මල් හීනය මිබද උදයේ
ඔබට මතක නෑ මට මතකයි
මිහි මඩලේ අඳුරු කුසේ
උඩගුලියන් ගොත බඳින
මිහිමඩලේ අඳුරු කුසේ


එදවස 70 දශකයේ ගුවන් විදුලි ගී නිර්මාණයන්ය
ප්‍රවිණ නර්තන ශිල්පී ළමා වැඩසටහන් සම්පාදක සුනෙත් ගෝකුල හා සරණබන්ධනයෙන් පසුව ඒ යුගයේ මේ ගී ගුවන් ගත කරවමින් නිවේදකයන් ඇයව අපට හඳුන්වාදුන්නේ නන්ද මාලනී ගෝකුල ලෙසිනි


මේවයේ ජනප්‍රියභාවය කොතෙක්‌ද යත් වෙළඳ තැටි නිර්මාණ සඳහා එයින් ඇතැම් ගී ඇය යළි ගැයුවාය

80 දශකයේ ඇය දොරට වැඩියේ නවමු ආකාරයක නන්දාවක්‌ ලෙසිනි ඒ අනුව ඇය එවක නවතම තාක්‍ෂණය වූ කැසට්‌ පට සඳහා වහා තම ශිල්පිය දායකත්වය ලබාදුන්නී නවපරපුරේ වෙනත් සංගීත අධ්‍යක්‍ෂකවරුන්ට ඇයගේ ගී නිර්මාණ සඳහා දොරවිවර කර දීමෙනි

ඒ අනුව

පෙරදා මහරෑ මා සිහිළැල් - 1980
කැලේ පීදි කැලේ සරසන මලේ - 1980
නෙලාගන්න බෑ මගේ අත දිග නෑ - 1981
මුව දඩයම අතැර දමා - 1980
සුළං කපොල්ලේ තැනු කැදැල්ලේ - 1982
කන්ද උඩින් අටවක සඳ - 1982
යුගයෙන් යුගයේ ඔබ දුටුවා - 1983
සූර්යයා වී ඉන්ද්‍ර දිගින් - 1983
හිරු බිහිරි සඳ ගොඵයි - 1983
පුංචි පුංචි රංචු එක්‌වෙලා - 1982
මධුර ප්‍රේම කල්පනා - 1982


ප්‍රමුඛ ව ගී කැසට්‌ පෙළක්‌ නිකුත් කරනු ලැබීය

ඒ අතරවාරයේ විරෝධාකල්ප ගී ගැයූ හෙළයේ මුල්ම ගායිකාව ලෙස ඇයගේ දෙවන කේවල ප්‍රසංගය වූ සත්‍යයේ ගීතය දියත් කරනු ලැබුවේ අසන්න ඇය ගයන්නී නම් හඳුන්වාදීමේ පාඨය සමගිනි

මෙයින් ඔබ්බට ඇතැම් ජ්‍යෙෂ්ඨ ශිල්පීන් ගීත කලාවෙන් දුරස්‌ වන්නට තැත් දරද්දී ඇය 21 සියවසේ පළමු හා මේ දෙවන දශකයේද තම රසිකයා වෙනුවෙන් ක්‍රියාශීලි මෙහෙවරක නිරත ව සිටිනු දැකීම හෙළ ගී රසිකයන් ලැබු වාසනාවකි

ඇය ගේ මෙහෙවර හා නිර්මාණ වපසරියේ අංශු මාත්‍රයකි මෙසේ සටහන් කරනු ලැබුවේ

පසුගියදා ජනම් දිනය සැමරූ ඇයට නිදුක්‌ නිරෝගී චිර ජීවනය උදා වේවා

බඹර සිහිනයක මා සතපන්නට
නැළවිලි ගී පද එපා කියන්නට
මුසා බසින් මා සිත සනසන්නට
සුරංගනා වත එපා කියන්නට

පහන් දොරින් මා හිරු හා අවදිව
ඔබ නෙත කඳුලැළි පිසදාලන්නම්
මගෙ රට මගේ දැය නිවහල් වන්නට
උදේ හවා හිඳ මෙලෙස පතන්නම්

පද සංකල්පනය - මහාචාර්ය සුනිල් ආරියරත්න
තනුව හා සංගීතය - නන්ද මාලනී

(දේශිය පහතරට බෙර වාදන උපයෝගි කරගත් 70 දශකයේ ගුවන් විදුලි නිර්මාණයක මුල් පටිගතකිරීමකි)

අසන්න මෙතැනින්

Sunday, August 21, 2016

එදා ඇසුණු ගී ඔප ලා අදත් දිදුලවමු - 02



ඔබ ඔහු හඳුනන්නේ ක්‍රිකට්‌ විස්‌තර ප්‍රචාරයෙකු ලෙස නම් ? - 02



ආරාධනා ගීතාවලිය ප්‍රේක්‍ෂකයන් ඉදිරියේ පටිගතකිරීම - පන්ඩිත් අමරදේව - පාලිත පෙරේරා
මේ 80 දශකයේදී ය එවකට ප්‍රවිණ ගුවන් විදුලි මාධ්‍යවේදී පාලිත පෙරේරා මහතා ශ්‍රී ලංකා ගුවන් විදුලි සංස්‌ථා සිංහල සේවා අධ්‍යක්‍ෂ ධූරය හොබවමින් සිටි වකවානුවයි

සේයාරුව පිළිබඳව තොරතුරු විමසන ලදුව හෙතම මෙසේ පැවසීය

ගුවන් විදුලි නිවේදක වෘත්තියේ හා ඒ ආයතනයේ ගෞරවය හා අභිමානය රැකෙන අයුරින් ප්‍රේක්‍ෂකයා ඉදිරියේ හැසිරීමට පමණක්‌ නොව ඊට සුදුසු ඇඳුම් කට්‌ටලයකින් සැරසීමටද අප අමතක කලේ නැහැ 

මෙවන් බාහිර පටිගතකිරීම් වලදී ඒ පිළිබඳව විශේෂයෙන් සැලකිලිමත් වූ බව කිවයුතුයි

ඒ කරුණු සලකා බලද්දී ඒ යුගය හා වර්තමානය අහසට පොළොව මේනැයි මට හැගීයයි


 x -  x - x - x - x - x - x - x - x - x - x - x - x - x - x - x - x




පාලිත පෙරේරා නම් වූ මේ සොඳුරු මිනිසා ගුවන් විදුලියේ රන් යුගය බබළවා සමුගෙන ගිය ප්‍රවිණ නිවේදකයන් අතර තම නාමයද රඳවා තබා දශක පහක ගුවන් විදුලි චාරිකාව නිමවා අදදිනයේ එයින් ඉසිඹු ලැබ අපමණ තෘප්තියකින් එය ප්‍රත්‍යවලෝකනයේ යෙදෙයි

අදින් චතුර්දශකයට ඔබ්බෙන් වූ යුගයක කුජ දිනයන්හි ගොම්මන් අඳුර ගලා ආ නිමේෂයකදී ඔහුගේ ගැඹුරු එහෙත් දැහැන් ගත වූ හඩ ශ්‍රාවක සවන් පත් සිසරා ඇසුනු මනෝරම්‍ය ගුවන් විදුලි වැඩසටහනකි 

ආරාධනා ගීතාවලිය

ආරාධනා නම් ගී රස බිළිදා ගේ ජන්ම ලාභය ට නිමිත්ත වූ රසවත් පසුබිම් කථාව වර්තමාන ගී රසිකයන්ගේ දැනුවත් වීම පිණිස ඔහු මෙලෙස හෙළිදරවු කරනු ලැබිය

එක්‌තරා දිනක අපේ ගුවන් විදුලි කාර්යාලයට දුරකථන ඇමතුමක්‌ ලැබුනා ඒ ලංකා බැංකුවේ එවක ට අධ්‍යක්‍ෂ මන්ඩලයේ සාමාජිකයෙකුව සිටි ඒ එස්‌ ජයවර්ධන මහතාගෙන්

ඒ අනුව ඔහු තම ආයතනය විසින් වෙළඳ සේවය හා සම්බන්ධව සංගීතමය වැඩසටහනක්‌ මෙහෙයවන්නට තීරණය කර ඇති බවත් එය ඉදිරිපත් කරන්නා වශයෙන් මා දැනටමත් තෝරාගෙන ඇති බවත් කියා සිටියා

තමා විසින් ඒ ඔස්‌සේ අරමුණු 02 ක්‌ සපුරාගන්නට උත්සහ කරනු ලබන බවත් 
එයින් පළමුවැන්න ලෙස ඒ වැඩසටහන මගින් පන්ඩිත් අමරදේවයන් විසින් සිංහල ගීත ක්‍ෂේත්‍රයට කළ අපිරිමිත සේවය අගයා ඔහුට මුල්‍යමය අනුග්‍රහයක්‌ දැක්‌වීමට සැළසුම් කර ඇතැයි යන්නත්

දෙවනුව ඒ මගින් වෙළඳ සේවයේ ශ්‍රාවක රසඥතාවය වැඩිදියුණු කරන්නට අතහිත දීමක්‌ සිදුකරන්නට සැලසුම් කර ඇතැයි යන්නත් හෙළිදරවු කරනු ලැබුවා

එකී වැඩසටහනේ ආකෘතිය අනුව පන්ඩිත් අමරදේවයන් යොදාගනිමින් ගුත්තිල කාව්‍යයය ගීයට නංවා එහි දී ගායනා කරවන්නට අදහස්‌ කරගෙන සිටින බව වැඩිදුරටත් කියා සිටි ඔහු ඊට මගේ අදහස කවරේදැයි විමසා සිටියා

එය හොඳ අදහසක්‌ නමුත් ප්‍රායෝගිකව ක්‍රියාත්මක කිරීමේදී ගැටඵ පැනනැගිය හැකි බව මට වැටහි ගිය නිසා අමරදේවයන්ගේ ජනප්‍රිය ගී ප්‍රතිනිර්මාණය කරමින් ඔහු ලවා යළි ගායනා කිරීම වඩාත් ඵලදායි වන බව යෝජනා කරනු ලැබ ඊට එකගත්වය පළ කළා

එහි ප්‍රථිපලයක්‌ ලෙස එය සැලසුම් කිරීම සඳහා භාර කෙරුනේ ලංකා බැංකුවේ ප්‍රචාරක අංශය හා ගිවිසුම්ගත ෆීනික්‌ස්‌ දැන්වීම් ප්‍රචාරක ආයතනයටයි එහි හිමිකරු අර්වින් විරක්‌කොඩි මහතා ට එහි සම්බන්ධිකරණ කටයුතු පැවරී තිබුනා

එහි සංගීතය සැපයීම සඳහා ගුවන් විදුලියේ සංගීත අංශයේ නිෂ්පාදක උපාලි ද සිල්වා මහතා ගේ නම යෝජනා කරනු ලැබූ අතර

එක්‌තරා දිනක මේ පිළිබඳව ඉදිරි කටයුතු සැලසුම් කරන්නට අප කන්ඩායම ෆීනික්‌ස්‌ දැන්වීම් ආයතනය පිහිටා තිබුනු කොටුවේ ටයිම්ස්‌ ගොඩනැගිල්ලේ සතරවන මහලේදී මුණගැසුනා

ඒ වනවිටත් වීරක්‌කොඩි මහතා විසින් මේ වැඩසටහනට සුදුසු නමක්‌ යෝජනා කරන්නට අරිසෙන් අහුබුදුවන් විමසා තිබු බව දැනගන්නට ලැබුනු අතර මෙදින ඔහු විසින් ඉදිරිපත් කෙරුණු නම් අපේ සාකච්ඡාවට බඳුන් කරනු ලැබුවා

ඒ අතරින් ආරාධනා නාමය හොඳින් සුඛෝච්චාරණය වන අයුර අනුව එය වඩාත් සුදුසු යෑයි තීරණය වුනා

එහිදී අපගේ අදහසට පුර්ණ එකගත්වය පළකරමින් එය ලංකා බැංකුව යන නාමයේ ගණ පිහිටුවා ඇති අයුර හා ඉතා හොඳින් සැසඳෙන බව අහුබුදුවන් කියා සිටියා

මගේ මතකය අනුව මේ සාකච්ඡා වේ ප්‍රථිපලය ලෙස 70 දශකයේ මැද භාගයේ දී පමණ

ආරාධනා ගීතාවලිය ලෙසින් එය උත්සවාකාරයෙන් එළිදක්‌වනු ලැබුවා

මෙහිදී ගීතාවලිය ලෙසින් මා එය නම්කලේ බයිබලය අනුව යමින් නමුත් මගෙන් පසුව එය ආරාධනා ස්‌වර දැහැන ලෙස වෙනස්‌ වූවා

1977 ඇතිවු දේශපාලන පෙරළිය නිසා ඇති වු යම් යම් බලපෑම් නිසාවෙන් එය තාවකාලිකව අත්හිටුවන්නට සිදුවූවත් වසරකින් පමණ පසු යළි අරඹා 1996 වනතුරු පමණ පැවැත්වූයේ විශිෂ්ඨ ගණයේ ගායක ගායිකාවන් ගණනාවකගේ සහභාගීත්වයෙන් බව මහත් අභිමානයෙන් යුතුව කියනු කැමැත්තෙමි

ප්‍රවිණ ගුවන් විදුලි මාධ්‍යවේදී පාලිත පෙරේරා විසින් 60 දශකයේ රචනා කරනු ලැබූ ගීතයක්‌ රෝහිත විජේසූරිය සංගීත ශිල්පියා විසින් ගයනු ලැබ ප්‍රචාරය වෙමින් තිබිණි එය සවනත වැකුණු ප්‍රවිණ ශිල්පී අයිවර් ඩෙනිස්‌ ඊට මහත් සේ ඇඵම්කරනු ලැබු බව සඳහන් කෙරිණි

අයිවර් ඩෙනිස්‌ කැඳවනු ලැබ තිබු ආරාධනා වැඩසටහනකදී ඔහු විසින් එය යළි ගායනා කරනු ලැබු අතර ඊට පසුබිම් වූ සිද්ධි දාමය ද හෙළිදරවු කරනු ලැබුවේ පහත අයුරිනි

-----------------
උපුටනය ආරම්භය


මේ ගීතය මා ලියු එකම පෙම් ගීතයයි ඒ මගේ බිරිඳට පෙම් කරන මගේ තරුණ කාලේල ගුවන් විදුලියේ වැඩ කරන අවදියේදී

ඇය එකල පේරාදෙණිය විශ්ව විද්‍යාලයේ ජීව විද්‍යා පිඨයේ උගෙනුම ලබමින් සිටියේ නමුත් මම කලා අංශයෙන් අධ්‍යාපනය හැදෑරුව අයෙක් මම කොළඹ ඇය සිටියේ පේරාදෙණියේ 

දැන් වගේ නොවේ ඒකාලේ ලිපි මගින් තමයි අදහස් හුවමාරු උනේ ලිපියක් තැපැල් කර ඊට පිළිතුරු ලැබෙන්න දවස් 6ක් විතර ගත වෙනවා ඉතින් මේ ගීය ලියවුනේ ඇගෙන් ලිපියක් ප්‍රමාදවී මගේ හිතේ ඇති වූ කාන්සියටයි

ගුවන් විදුලියේ වැඩ ඉවර කොට සවස ගෙදර විත් බලන කොට එදත් ඇගෙන් ලිපියක් ‍නොලැබී ඇඳේ හන්සිවී කල්පනා කර කර ඉන්නකොට මට නින්ද ගිහින්

ඒ නින්දේදී මම ඇයව සිහිනෙන් දුටුවා ඒකයි මගේ අත්දැකීම මට මේ ගීය ලියන්න හේතු වුනු 

ගීතය ලිව්වේ රෝහිත විජේසුරියගේ සරල ගී වැඩසටහනට 1965 කාලේදී ඒ කාලේ සිංහල ස්වදේශීය සංගීත වැඩසටහනක් තිබුන වර්ෂයේ හොඳම ගීතය තෝරන හරියට ගීත ධාරා වගේ එය ඉදිරිපත් කලේ බර්ටි ගලහිටියාවයි වර්ෂ අවසානයේ හොඳම තෙවැනි ගීතය ලෙස මේ ගීතය අසන්නන් තෝරලා තිබුන 

ප්‍රථම ස්ථානය ගත් ගීතය වුනේ මහගම සේකර  සාරවිට චිත්‍රපටියට ලියු නන්දා මාලිනි ගැයූ  මේ සිංහල අපගේ රටයි ගීය දෙවැනි තැනට ආවේ ජෝර්ජ් ලෙස්ලි රණසිංහ හඳපාන චිත්‍රපටියට ලියු සිසිර හා ඉන්ද්‍රානි ගැයූ  හඳපානේ මල් පිපුනා  ගීය මේ ගීත තේරුවේ අසන්නන් එවූ පොස්ට් කාඩ් වලින් 

මේ මගේ ගීතයට ඇලුම් කල ගයක අයිවෝ ඩෙනිස් පසු කලකදී ඔහුගේ ආරාධනා ගීතාවලියටද මේ ගීතය ගයනා කලා 

ගීතය 
------ 
සැනසුම සොයමින් යනක වැතරි 
කාන්සියේ මා සිටින වෙලාවේ 
මීදුම් පිරි මගේ සිහින වරායට 
ඔබ නැග එන නැව සෙමින් ඇදේ 

මා වෙත ඇවිදින් සියුමැලි දෑතින් 
සිහිනෙන් ඔබ මගේ හිස අත ගෑවා 
ලතවිල්ලෙන් තොර සැනසිලි සිතකින් 
මා නිදියන සැටි බලා ඉදන් ඔබ 
අවිහින්සක ලෙස හිනැහෙනු දුටුවා 

ඔබ හා මාගේ කල්පිත ලෝකයේ 
ඇති මහ පරතෙර පෙනෙන නිසා 
ඔබ දුටුවේ සිහිනෙන් කියලා 
ඒ සිහිනේදී මට හැඟී ගියානම් 
අවදි නොවන්නෙමි සිහින වලාවෙන් 


උපුටනය අවසානයි

--------------------

මෙතැනින් සවන්දෙන්න


දශක 05 ක්‌ යනු වර්තමාන මිනිසෙකුගේ සතු පූර්ණායුෂයෙන් තුනෙන් දෙකකටත් වැඩි කාලයකි එතරම් කාලයක්‌ ගුවන් විදුලි මාධ්‍යවේදියකු ලෙස රැඳී සිටිමින් මා කළ කි දෑ ශ්‍රාවක ඔබේ දිවි ගමනට අත්වැලක්‌ වූවා යෑයි මගේ අදහසයි 

එපමණට දිගු වු වෘත්තිය දිවියේදී මගේ ආදරණිය ශ්‍රාවකයන් වෙනුවෙන් මා සතු වූ වගකීම කාර්යභාරය මට හැකි උපරිම අයුරින් කැපවීමෙන් ඉටු කරන ලද්දේයැයි තෘප්තිමත් වෙමි එයින් මා උපයා ගත්තේ ඔබේ දයා-කරුණාවයි එපමණකින් ම මා සෑහීමකට පත් ව සිටිමි මා කිසියම් දිනක මෙලොවින් සමුගෙන ගියත් මගේ නාමය ඔබේ හදවත් තුලින් සමුගෙන යන තුරු මම අමරණීයය

අදද ආරධනා අපමණය එතෙකුදු වුවත් යළිත් එහි යන්නට ගොස්‌ රැඳෙන්නට මා සිත අවසර නොදේ අපමණ පළිබෝධ සහිත ජීවන සයුරේ කැළඹුනු රළ පතරින් මෑත්ව මදකට ගිමන් හරින්නට මා අවසර පතමි 



අයුබෝවන් 

                  -------------(The end)-----------------
 

Thursday, August 11, 2016

නීලා වික්‍රමසිංහ ප්‍රබුද්ධ ගී - 1973

රිජ්වේ තිලකරත්න රන් යුගය  - ප්‍රබුද්ධ ගී වැඩසටහන

නව රජයක්‌ බලයට පත්වන විට එහි පාලක දේශපාලන පක්‍ෂය ද වෙනස්‌වූයේ නම් පූර්වයෙන් පැවති රජයේ මහජන ව්‍යාපෘති අත්හිටුවීම මෙහි සම්ප්‍රදායයි

එහෙත් එයින් තමන් අපකීර්තියට පත්ව ඡන්දදායකයන්ගේ වෛරයට බඳුන්වේනමි ඊට දී තිබූ නාමය වෙනස්‌ කරමින් ඉන් අත්වන සේවාව අඩුවැඩි කරමින් පවත්වාගෙන යන්නට සිදුවේ

1965-70 රජය විසින් කෘෂිකාර්මික නවෝදය නමින් දියත් කරනු ලැබුවා යෑයි වාර්තා වන්නේ එවැන්නකි ඉන් අනතුරුව 1970-77 පත් වූ රජය  එය වගා සංග්‍රාමය නමින් නව සඵ පොරවා පවත්වාගෙන යනු ලැබීය

අදට වඩා හාත්පසින්ම වෙනස්‌ සමාජයක සංවෘත ආර්ථිකයක මෙකි නොකී ව්‍යාපෘති ප්‍රවර්ධනය කිරීම සඳහා එවකට පැවති එකම මාධ්‍ය වුයේ රජයේ ගුවන් විදුලියයි

ඒ අනුව විශේෂ වාර්තා නාට්‍ය හා සංගීතමය වැඩසටහන් දියත් කරන්නට නියම කෙරි තිබිණි

එකී සංගීතමය වැඩසටහන් නිසා උපන් ගීත නිරතුරු ප්‍රචාරය කරවා ජනප්‍රිය කරවීමට බලධාරීන් බැඳි සිටියහ එහෙත් ඒවා එවක ගුවන් විදුලි ප්‍රතිපත්තිය අනුව උසස්‌ ප්‍රමිතියක පැවතුනු අතර ඒ නිසා රසික ශ්‍රාවක යුග යුග හද බැඳ ගත් නිර්මාණ බවට පත් විය

ඒ අනුව කෘෂිකාර්මික නවෝදයෙන් උපන් එඩිතර ලංකා වැඩසටහන වගා සංග්‍රාමය යටතේ ප්‍රබුද්ධ ගී බවට හැරිනි


ඒ ගී රස විඳිනට වරම් ලැබූ වැඩිහිටියන් දශක 04 ඇවෑමෙන් කෙමෙන් දිවියෙන් සමුගනිමින් නික්‌ම යන අතරවාරයේ එවක කුඩා ළමා ළපැටියෝ අද වැඩිහිටියන්ව සිටිති

ඔවුන්ව තම සුන්දර ළපැටි විය කරා පියමං කරවාදෙන එකී ගීතාවලිය යළිත් ඇසිය හැක්‌කේ ද අද ගුවන් විදුලියෙනි නමුත් ඊද
ඉතා සිමාසහිතවය

මෙවන් රසික හවුල් මගින් ඔහුවූ ඒවා යළි රසවිඳිනට අපේක්‍ෂා කරන්නේ ඉහත අතීතාවලෝකනය නිසාමත් නොවේ

ඒවා තම සිත් පහන් කරවා නිවා සනහන නිසාවෙනි

ඉහත සඳහන් ප්‍රබුද්ධ ගී වැඩසටහන එවක ගුවන් විදුලියේ මහ පුටුව හෙබවූ රිජ්වේ තිලකරත්නයන්ගේ මගපෙන්වීමෙන් ප්‍රවිණ ගායන ශිල්පිනි ජී එස්‌ බී රාණි පෙරේරා විසින් මෙහෙයවනු ලැබිය

සංගීත අධ්‍යක්‍ෂණය පැවරුනේ සිංහල සිනමා සංගීතයේ ඒ වනවිටත් විකුම් පෑ කේමදාසයන් හටය

සමන් චන්ද්‍රනාත් වීරසිංහ සුනිල් සරත් පෙරේරා අජන්තා රණසිංහ වැනි එවක ආධුනික ගී පද රචකයන් ඒවා පබැඳුහ

ඒ අතර මෛත්‍රි පනාගොඩ මීගොඩ විල්සන් හා තරමක නව මගක්‌ ගත් ගී ලියු ප්‍රියානන්ද විජේසුන්දර ද විය

ඔහුගේ ගී පද රචනා හෘදයාංගමය මටසිලිටිය ශ්‍රාවකයන්ගේ මානසික ආවේගයන් කුඵ ගන්වන සුඵය

එයින් ප්‍රවිණ ශිල්පිනී නීලා වික්‍රමසිංහ ගැයූ ගී වඩාත් සුන්දරය

සිතක සිතා ගන්නට බැරි දුරක නොවේ ඔබ ඉන්නේ / රන් තැඹිලිය මලේ රුවට / සදා උකුඵ තල මා සුව යහනක

එයින් කිහිපයකි

ජාතික අභිමානය ඉතිහාසය හා කෘෂිකාර්මික ජනදිවිය යා කරමින් ලියු එකී ගීතාවලියේ ආ තරමක අන්දෝලානාත්මක නිර්මාණයකි මේ

මෙහිදී ඔහු සුපුරුදු රටාවෙන් බැහැරව ගොස්‌ පවතින තත්වය විවේචනයට බඳුන් කරයි විරෝධාකල්ප හටගන්වයි

----------------xxxxxxxxxxxxxxxx------------------------

ප්‍රේම යාතිකා ඇති ඔබ ගැයුවා - ගායකයාණෙනි මන බඳිනා මන බඳිනා

සෝ ලතැවුල් හද උතුරණ අයුරින්  - පෙම් ගී නොගයන් මතු දවසේ

වැඩසටහන - ප්‍රබුද්ධ ගී 1973-1977

නිෂ්පාදනය - දිවංගත ජී එස්‌ බී රාණි පෙරේරා

අධීක්‍ෂණය - ප්‍රවිණ පරිපාලන නිලධාරී එවකට ගුවන් විදුලි හා ප්‍රවෘත්ති අමාත්‍යංශයේ ලේකම් - සභාපති හා අධ්‍යක්‍ෂ ජනරාල් (1973-1977) - දිවංගත රිජ්වේ තිලකරත්න (1930-1980)

පද රචනය- ප්‍රියානන්ද විජේසුන්දර

තනු හා සංගීත අදියුරු - දිවංගත ආචාර්ය ප්‍රේමසිරි කේමදාස

ගායනය - ජ්‍යෙෂ්ඨ ගායන ශිල්පිනී / ආචාරිණී නීලා වික්‍රමසිංහ

මෙතැනින් සවන්දෙන්න


---------------------------
(විශේෂ ස්‌තුතිය ජ්‍යෙෂ්ඨ ගායන ශිල්පිනී / ආචාරිණී නීලා වික්‍රමසිංහ මහත්මියට)



Monday, August 8, 2016

සිංහල කණ්ඩායම් ගී කලාවේ රස මුසු තැන් - 04

 අපේ අසල්වැසියාගේ ගී රස කලාවෙන් ඈතට පියමං කල සොඳුරු ගාන්ධාර්වයා - 04 කොටස


කොටහේනේ ශාන්ත බෙනඩික්‌ විද්‍යාලයේ සාපෙ සිසු දරුවෙකුව සිටියදීම තම වැඩිමහල් සොයුරියගේ උපකාරයෙන් පුවත්පත් කලාවේදයට පිවිසි මෙල්රෝයි ධර්මරත්නයන් 60 දශකයේ මැද භාගයේ එවකට පාඨකයන් අතර අතිශය ජනප්‍රසාදයක්‌ දිනාගත් පුවත් පත් ගණනාවකට ලිපි සැපයීම සිදු කලේය

සිමාසහිත සිනමාස්‌ සමගමේ අනුග්‍රහකත්වයෙන් ආරියරත්න කහවිට (ප්‍රවිණ ගායන ශිල්පිනී මල්ලිකා කහවිට ගේ සැමියාණන්) සංස්කරණය කරනු ලැබූ කලා සගරාව (60 දශකයේ ජනප්‍රිය සගරාමය පුවත්පතකි)
මෙන්ම ආතර් යු අමරසේනයන් විසින් කර්තෘත්වය දැරූ විසිතුර හා පුවත්පත් කලාවේදයේ මහගුරු ඩී බී ධනපාලයන් යටතේ වේ වී අබේගුණවර්ධනයන් සංස්‌කරණය කළ සවස (ජනප්‍රිය සැන්දෑ පුවත්පතකි) වැනි පුවත්පත් ඒ අතර විය

පුවත්පත් කලාවෙන් දිවිය ඇරඹ ගී පද රචනා කලාව ගායනය හරහා සංගීතවේදියෙකු ලෙස විවිධ පැතිකඩයන් ඔස්‌සේ තම ප්‍රතිභාව පළකළ එකම ශිල්පියා ඔහු වන්නට ඇතැයි සිතමි

යලිත් ඔහුට සවන් දෙමු


----------------------xxxxxxxxxxxxx-----------------------------
මේ කාලවකවානුවේ එනම් 1965 දී සිදුවු දේශපාලන බල පෙරළිය ත් සමග රජය සතු එකම හා ප්‍රබලම විද්යුත් මාධ්‍යය වූ ගුවන් විදුලියේද මහ පුටුව ට පත්ව ආයේ කෘතහස්‌ත පරිපාලන නිලදරුවෙකු වූ නෙවිල් ජයවීර මහතාය

එකවට වෙළඳ සේවයේ බහුලව ඇසුනේ හින්දි ගීත හා ඒවයේ තනු උපුටා පටිගතකරන ලද සිංහල ගීතයන් බව මතකය

එහි ඉංග්‍රිසි සේවය අනුව යමින් තමන්ටද අදාළ හින්දී ගී සඳහා කර්තෘ භාගය ගෙවිමට කටයුතු පිළියෙල කරන ලෙස ඉල්ලීමක්‌ එහි බලධාරින් වෙත ලැබි තිබුනු අතර එම ඉල්ලීම ප්‍රතික්‍ෂේප කරමින් පිළිතුරු යවන ලදැයි කියෑවේ

තවද ඊට හේතු ලෙස දක්‌වා ඇත්තේ අදාළ ගී ඇතුළත් සිනමා කෘතියට ඒ හරහා ලැබුනු ප්‍රචාරය නිසා ඒවා මෙහිදී වාර්තා පිහිටවමින් තිරගත වීම බව වැඩිදුරටත් සඳහන්ය

ඊට එරෙහි වූ ඉන්දීය බලධාරීන් ගුවන් විදුලි හින්දි සේවයට ලබාදෙන වෙළඳ අනුග්‍රහකත්වය අත්හිටුවන බවට දන්වන ලද අතර එසේවීනම් හින්දි සිනමා පට මෙහි ප්‍රදර්ශනය ද අත්හිටුවිම සිදුවන බව ලංකා බලධාරීන්ගේ පිළිතුර විය

අවසානයේ හින්දි ගී කර්තෘ භාග මතභේදය සමථයකට පත්වුනත් සිංහල සේවාවන් ඔස්‌සේ හින්දී ගී ප්‍රචාරය කිරීම දැඩි සේ සීමා කිරීමට ගුවන් විදුලිය ගත් තීරණය අප ඇතුඵ ක්‍ෂේත්‍රයේ නවකයන්ට මහත් ම ආශීර්වාදයක්‌ වූ අතර අප වැන්නන්ට එහි දොරටු වැඩි වැඩියෙන් විවර වන්නට විය

ඒ අවධියේ ජනප්‍රිය ගුවන් විදුලි නිවේදක විජය කොරයා මහතා ගේ මැදිහත්වීමෙන් ලොස්‌ කැබැයියරෝස්‌ මූන්ස්‌ටෝන්ස්‌ හා සිලොනියන්ස්‌ ගායකයන්ගේ ගීත ගුවන් විදුලයේ ඉංග්‍රිසි සේවය ඔස්‌සේ ප්‍රචාරය වන්නට පටන් ගෙන කිසියම් කාලයක්‌ ගතවී තිබි ඇති නිසා ඔවූහු අසන්නන් අතර දැනටමත් ජනාදරයට පත් වි සිටියහ

මේ අතරවාරයේ එවකට ප්‍රසංග සංවිධාකයෙක්‌ ලෙස අතිශය ජනාදරයට පත් මැල්කම් ඇන්ඩ්රී මහතා අපේ ගීත ශ්‍රවණය කර තිබිනි

ඔහුගෙන් කරන ලද කාරුණික ඉල්ලීමකට ප්‍රතිචාර වශයෙන් ඉලාස්‌ටෝ පාවහන් සමාගමේ අනුග්‍රහකත්වය යටතේ දියත් කළ ගුවන් විදුලි වෙළඳ වැඩසටහනකට අපව සහභාගි කරවන්නට ගිවිසිගෙන තිබුනේ ඊට නියමිත සම්මුඛ පරික්‍ෂණයෙන් අනතුරුවය

ඒ අනුව දැඩි පුහුණුවකින් හා කැපවීමකින් අපගේ කටයුතු සිදු කරමින් අදාළ වැඩසටහනට අපටද ගී ගැයීමට අවස්‌ථාව උදාකරගන්නට ලැබීම ජීවීතයේ අමතක නොවන සුන්දර අත්දැකීමකි

ඒ අනුව කලකට පෙර මේ බෙත්ලෙහෙමේ නත්තල් බැති ගීයද ඈත හෙමින් වලා රොදක්‌ පාවෙනවා (වැස්‌ස) ගී යුගලයට අමතරව වෙළඳ තැටියක්‌ උදෙසා යළි නොගැයූ ලන්තෑරුම එල්ලෙන්නේ නම් ගීය මා විසින් අඵතෙන් නිර්මාණය කරනු ලැබ පුහුණු වන ලදී

මේ අතරවාරයේදීම ශීරෝමි දියණියට අවස්‌ථාවක්‌ ලබාදෙන්නට එකග කරවා ගත් අප ඇය ව සුමනා ජයතිලකයන් විසින් අදද මෙහෙයවනු ලබන එකල අතිශය ජනාදරයට පත් හඳමාමා ළමා වැඩසටහනට යොමුකරවන්නට තීරණය කර තිබිණි 

ඒ සඳහා ඇය වෙනුවෙන් ද නව ස්‌වත්‍රන්ත්‍ර ගීතයක්‌ අඵතෙන් නිර්මාණය කරවා පුහුණු කෙරුවෙමි

වැඩසටහන පටිගත කරන අතරවාරයේ දී ඇයගේ ගැයුමෙන් මහත් සේ ප්‍රමුදිත වූ හඳමමා කාර්ය මන්ඩලයේ නොමද කිත් පැසසුම් ලැබූ ඒ ගීතය ඇයට වසනාව උදා කර දී තිබිණි

මෙකී වැඩසටහන පටිගත කරනු ලැබු වකවානුවේ සුමනා ජයතිලකයන් පුහුණුවක්‌ සඳහා දිවයිනෙන් බැහැරව ගොස්‌ සිටි බවත් ඇගේ සහයක නිවේදක ලැම්බට්‌ පෙම්මාවඩු එය මෙහෙයවන ලද බවත් සඳහන් කරමි

ඒ එවකට දිවයිනේ නමගිය දැවැන්ත ගායන ශිල්පීන් වූ සූජාතා අත්තනායක ජෝති ඇන්ජලීන් ලතා ගී ගැයු සිංහල වෙළඳ සේවයේ ගීතධාරා වැඩසටහන ඔස්‌සේ එය ද ප්‍රචාරය කරවීමට ඔවුන් විසින්ම තෝරාගැනීම නිසාවෙනි එය එකළ ප්‍රවිණ ශිල්පියෙකුට පවා ලැබෙන මහත් ආශිර්වාදයකි ආධුනික කුඩා දැරියක්‌ පිළිබඳව කියනුම කිම රෑ

පසු වසරක දී මා මතකය නිවැරදි නම් 1971 දී පමණ වෙළඳ තැටි ව්‍යාපාරයේ පතාක යෝධයෙකු ලෙස සැළකුණු ජෙරල්ඩ් වික්‍රමසූරිය (Jerald Wickramasooriya - The children's Bookshop Fort, Colombo 01) මහතා විසින් සූරිය ලේබලයෙන් ඇයගේ තැටියක්‌ එළිදැක්‌වීමට කටයුතු කරනු ලැබිය ඒ සිංහල ගීත ලෝකයේ ප්‍රථම ඒකල ළමා පොප් ගායිකාවගේ උපත සිදුවු ආකරයයි

එසේ ඇයවෙත සිරිකත කැන්දුවේ ඇයව ළදරු වියේ සිට හදාවඩා බලාකියාගත් ඇගේ මිත්තණිය වන මා මව වෙනුවෙන් මා විසින්ම වදන් අමුණා ස්‌වර මාලා පැළැන්දූ කොන්ද නමාගෙන හැරමිටි ගහගෙන ගීතය යි

යළිත් අපේ ධර්මරත්න සහෝදර කැළ වෙත යොමුවන්නට ඔබට ආරාධනා කරමි

මේ අතර අප කන්ඩායමටද නැවතත් වාසනාවේ රන් දොරටු විවර වුයේ ඉංග්‍රිසි සේවයේ සේලර්ස්‌ සන්ඩවුන් (Zellers' Sun dawn) නම් ගුවන් විදුලි වැඩසටහනේ ගී ගයන්නට ලැබුනු ඇරයුමෙනි

එවකට එහි ඉහළ තනතුරක්‌ හෙබවු ලිවී විජේමාන්න හා ඉංග්‍රිසි සේවයේ නිවේදක විජය කොරයා යන මහත්වරුන් විසින් අප කන්ඩායම් ගී සාමාජිකයන් වෙත දෙන ලද සහයෝගය ප්‍රණාම පූර්වකව මෙහිදී සිහිපත් නොකළොත් එය මාගේ යුතුකමක්‌ පැහැර හැරීමක්‌ වනු ඇත

එහි හින්දි ගීත වාරණයෙන් ඇතිවු ආශීර්වාදාත්මක රික්‌තයේ දී වැයෙන්නට පටන් ගත්තේ අප ඇතුඵ සෙස්‌සන්ගේ ඉහත කී නව කණ්‌ඩායම් ගීතයන්ය

ක්‍රම ක්‍රමයෙන් ධර්මරත්න සහෝදරයෝ නාමය එසේ රසික දන තුඩ තුඩ රැව් පිළිරැව් දෙන්නට වූ අතර දිවයින පුරා ප්‍රසංග වේදිකා සංදර්ශන ආරාධනා ගලා එන්නට වූ බව මහත් සතුටින් සිහි කරමි


1965 වසර එළඹ තිබිනි

ගුවන් විදුලියෙන් අපගේ ගීත ඇසෙන්නට පටන් ගත් පසුව කන්ඩායම් ගී රැල්ල මහා ප්‍රවාහයක්‌ බවට පත්වෙමින් තිබුනු අතර මේ නවමු හර්මනි ගී රටාව අනුගමනය කළ කන්ඩායම් ගණනාවක්‌ අප දිවයිනේ බටහිර මුහුදුකරය ඇසුරේ හැදී වැඩී පෝෂණය වෙමින් පැවතිනි


මේ අතර මෙතෝදිස්‌ත දේවස්‌ථානයේ සංගීත උළෙලේදී පැවති හමුවෙන් ගිවිසගත් පරිදි අප සියල්ල එකමුතුව අගනගරය ඇසුරේ මහා සංගීත ප්‍රසංගයකට සුදානම් වෙමින් සිටියහදි

ඒ අනුව කොළඹ 07 ශාන්ත බ්‍රිජට්‌ කන්‍යාරාමය හාත්පස පරිසරය ගිගුම් දෙවමින් අතුරු සිතුරු නැතිව පිරිගිය මහා ජනකායක ප්‍රිතිඝෝෂා මධ්‍යය සෝංග්ස්‌ ඔෆ් ලංකා නාමයෙන් එය වෙsදිකා ගත කෙරිනි

ධර්මරත්න සහෝදරයෝ සංවිධානයෙන් එහි ගැයුවෝ වැයුවෝ අතර

මූන්ස්‌ටෝන්ස්‌ (මංගො නැන්දා) Moonstones
ලා සිලනියන්ස්‌  (හෝයියා හෝයියා) La ceyloneanse 

ලා බම්බාස්‌ (කලේ උකුලේ තියාලා) La bambas

ලොස්‌ මුචාචෝස්‌ (යකඩ තලන්නා) Los muchachoes
ලොස්‌ ෆ්ලෙමින්කෝස්‌  (කඵ කෙල්ලේ ඔබ හරිම හැඩයි) Los flemincos
බඹරාස්‌ ළමා ගායකයෝ The Bambaras
ලොස්‌ සෙරනාඩෝස්‌ 
Rio Los Serenaders.
හමිංබර්ඩ්ස්‌ (මධු අඹරැල්ලේ) Humming Birds

ග්‍රෙන් ලෙනාර්ඩෝස්‌  (යාල යාල යාල යන්න) Gren Lenardos
ලා ලැවිනියන්ස්‌ La lavinians
ලොස්‌ කොම්පඤ්ඤගරෝස්‌ Los compannagaros


ග්‍රෙන් ලෙනාර්ඩෝස්‌ යාල යාල තැටිගත කිරීම සඳහා එවක නව යොවුන් ආධුනික ගායිකා මාලනී බුලත්සිංහලද කන්තා හඩ දෙමින් සහභාගී වූ අතර  කන්ඩායම් වූ අතර
එවකට ජනප්‍රියතාවයේ හිනිපෙත්තේ විසු ලොස්‌ කැබැයියරෝස්‌ ද සමනළයෝ ද සහභාගි නොවීය

-------------------------^^^^^^^^^^^^^^^^^---------------------


ප්‍රියංගිකා මගේ ප්‍රියංගිකා - ලස්‌සන ඇස්‌ ඇති ප්‍රියංගිකා
යන්න ගියා ඈ යන්න ගියා - ඈතට නොපෙනී යන්න ගියා
නිල්මිණි පරයන ලස්‌සන උතුරණ - දිලිසෙන දෑසට හිමිකාරී
මුතුකැට දත්පෙළ පිම්බුණු කම්මුල - සුරලොව සිට ආ ලියක්‌ වගේ
මා දෙස බල බල සිනහව පෑ කල රත්තරනින් තැනු රුවක්‌ වගේ
ගමන පියකරුයි - පෙනුම මනහරයි - දණහිස තෙක්‌ ඇගේ නෙත් කළඹ
කොමල අත් දෙකයි සිනිදු පා දෙකයි - ළිඳට යද්දි සෙළවෙයි නිතඹ

පද රචනය සංගීත අධ්‍යක්‍ෂණය  මෙල්රෝයි ධර්මරත්න

තනුව - රොනල්ඩ් ධර්මරත්න

ගායක කණ්‌ඩායම - ධර්මරත්න සහෝදරයෝ

නිෂ්පාදනය - ජෙරල්ඩ් වික්‍රමසූරිය - සූරිය තැටි ලේබලය (The Sooriya Label 45 r.p.m.)

වසර - 1969

පුහුණුවිම් - ශ්‍රි ලංකා නාවුක හමුදා කඳවුර - වැලිසර රාගම

වාදක මන්ඩලය - ශ්‍රි ලංකා නාවුක හමුදා සංගීත කණ්‌ඩායම - (Sri Lanka Navy beat group)

පටිගතකිරීම - සරසවි ශබ්දාගාරය - නුවර පාර දඵගම - කැළණිය

(ශ්‍රී ලංකා නාවුක හමුදා බටහිර සංගීත කන්ඩායම වූ කලි එහි නිල තුර්ය වාදක කණ්‌ඩායමේ තෝරාගත් සමාජිකයන් පිරිසකගෙන් සමන්විත වූ වාදක කන්ඩායමක්‌ බවත් වෙළඳ පටිගතකිරීම් හා වෙනත් බාහිර උත්සව ප්‍රිය සම්භාෂණ සිනමා ගී සඳහා වාදනයෙන් සහය වූ පිරිසක්‌ බවත් සඳහන් කළ යුතුය)


තැටියේ සෙසු ගී 03
1 මෙන්න අපේ සුහද පැතුම් (උපන්දින ආසරි ගීය)
2 වාසිටි කොල්ලෝ
3 අව්ව පායලා

පසුබිම් සටහන -

සංගීතඥ මෙල්රෝයි ධර්මරත්නයන් විසින් මේ ගීතයට පාදක වූ සිදුවිම් පෙළ විස්‌තර කරමින් හෙළිදරවු කරණු ලැබුවේ මේ ගීතය ට පසුබිම් වූ නමට ඔහු ඉතා ඇඵම් කළ බවයි ඔහුගේ වැඩිමහල් සහෝදර ක්‍රිස්‌ටි ධර්මරත්නගේ බිරිඳ ගේ සොයුරියගේ දියණියගේ නම ප්‍රියංගිකා ඊට මුල්වූ බවත් කියා සිටියේය 1964 දී හදිසි අනතුරකින් මියගිය තම වැඩිමහල් සොයුරියක්‌ වෙනුවෙන් මේ ගීතය පබැඳුනු බවට කටකථාවක්‌ පැතිර තිබුනත් එය දුර්මතයක්‌ බවත් යව්වන වියේ සිටි තම කන්ඩායමේ සාමාජිකයන් විසින් හා පුරා කියා ගැයූ පෙම් ගීතය ලෙස මෙය හැඳින්විය හැකි බවත් එවකට රැල්ලක්‌ සේ ජනප්‍රිය ව තිබූ කාන්තා රුව වර්ණනාකිරීමේ ගී නිර්මාණයන් අනුව යමින් තමන්ද මෙය රචනා කළ බවත් වැඩිදුරටත් කියා සිටියේය


සවන්දෙන්න මෙතැනින්


 

යළි හමුවෙන තෙක්‌ විරාමයකට යොමුවෙමු

-----------------( to be continued )------------------------------