namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Sunday, April 23, 2017

නන්දා පතිරණ පළමු හා එකම වෙළද ගී තැටිය


හෙළ ගී රැජින නික්ම යන්නට මත්තෙන් ඇය  නැළවු  නන්දා ගී  රාවය - දර්ශණ ලේබලය -1978
මේ 1978 වසරයි නව රජයක්‌ බලයට පත් වී තිබේ විපර්යාස රැසක්‌ සිදුවෙමින් පැවතිනි නව ආන්ඩු ක්‍රම ව්‍යවස්‌ථාවකින් ලංකීය ඉතිහාසයේ මුල්වරට විධායක ජනපති වරයෙකු දේශය පාලනය කරයි ඔහු යටතේ නව අග්‍රමාත්‍ය ධුරයේ කටයුතු කරන්නට තෝරාගෙන සිටියේ ලංකිය ඉතිහාසයේ මුල්වරට අගනුවර මැද නාගරිකයෙකුය හෙතම රණසිංහ ප්‍රේමදාස නමිනි
විදුලි වේගයෙන් කොළොම්පූරය මහා පරිවර්තනයකට ලක්‌වෙමින් පැවතිනි නගරය සිසාර වටරවුම් ඉදිවිනි එහි නා නා වර්ණයෙන් සමලංකෘත පුෂ්පයෝ සුලගේ ලෙළදෙති ලංකිකයන්ට මතුනොව අගනුවර වැසියනට පවා අගන්තුක ව පැවති අහස්‌ පදික මාරු හතු පිපෙමින් තිබිනි
කොළඹ කොටුව දුම්රිය නැවතුම ට යාබදව කඩ සාප්පු රැසක්‌ වහ වහා ගොඩනැගිනි ඒවායේ මින්පෙර මෙහි කිසිදිනක නොතිබු නොදුටු විසිතුරු ඇඳුම් පැළඳුම් අයිත්තම් නෙක වර්ණ බහලුම් ගමන් මඵ පිරි ඉතිරී ගොසිනි
ඒ වෙනුවෙන් ගීත ද පබැඳිනි එවකට දගකාර යව්වනයේ වේග රිද්මයේ ගායන තරුව නිහාල් නෙල්සන් විසින් ඊට හඩ මුසු කෙරිණි එහි ලියෑවි ගැයුණු දෑ අතිශයෝක්‌තිය නොවේ

කොළඹ කොටුවේ කොටු දොරකඩ තිබුනු තැනට ටිකක්‌ එහා.................

ලෝකේම ඇති ඔක්‌කොම දේ තිබුනු තැනක්‌ තියනවා...........

මේක ලෝක වෙළඳ පොළ අපේ මේක ලෝක වෙළඳ පොල අපේ.....................
මේ නාමය දිවයිනේ අස්‌සක්‌ මුලලක්‌ නෑර විදුලි වේගයෙන් පැතිර යමින් තිබිනි නා නා දෙසින් ජනය එහි එක්‌ රොක්‌ වන්නට වුයේ මේ විසිතුරු බඩු කන්දරාවෙන් තමන්ට ඇවැසි දෑ පොරකමින් මිළදී ගන්නටය
මෙහි සේවය කල තරුණෙකි ඔහු ධර්මදාස දලබඩගේ නමිනි එහි යනෙනා කලාකරුවන් ඔහු ඇසුරට ද පත්වෙයි සතුටු සාමිචියේ නිරත වෙයි ඔහුගේ බිරිඳ එවක ජාතික ගුවන් විදුලියේ ජන ගී ගායන ශීල්පිනියක්‌ ලෙස පතල නන්දා පතිරණය
මේ අතර ෆෝර්චූන්ස්‌ (The Fortunes) නායක ප්‍රවිණ සංගීතවේදි ස්‌ටැන්ලි පීරිස්‌ ද වෙයි ධර්මදාසට ඔහුගෙන් යෝජනාවකි
නරකද අපි ඇල්බම් එකක්‌ කරොත් ?
ඔව් අපි කරමු අනිවාර්යෙන්ම
කලාලැදි රසිකයෙකු වු ධර්මදාසයන් ඊට එකහෙළා එකගත්වයට පළ කරයි
        xxxxxxxxxxxxxxxxxxxxxxxxxxxxxxxxxxxxxxxxxxxxxx
ස්‌ථානය කොළඹ අගරදගුරැ නිල නිවස්න යාබද බොරැල්ලේ බිෂොප් හවුස්‌ - ශබ්දාගාරයයි

ප්‍රධාන පටිගත කිරිමේ ඉංජිනේරු ඩොනල්ඩ් අයිවන් ගේ සංඥාව
ලැබෙනතුරු සංගීතවේදී ස්‌ටැන්ලි පිරිස්‌ ඇතුඵ ෆෝර්චූන්ස්‌ වාදක මන්ඩලය සුදානම්ය සංඥාව ලැබී ශීල්පිනි නන්දා පතිරණ ගීතය ගැයීම පිනිස තම අවදිකරනු ලැබීය

ලන්ද දිගේ හැංගි හොරා - සැඳෑ කාලයේ ..........................

රැන්දු සිනා ඇයිද මෙසේ මැකීලා ගියේ ..........................

ස්‌ටැන්ලි පිරිසුවන් ගේ කණිටු සොයුරු මිල්ටන් ලතාවකට බඳ ළෙලවමින් තම උරහිස රුවා ගත් විදුලි ගිටාරයේ තත් සුරතින් පිරිමදිනු පෙනේ
පළමුවන අන්තර් වාදනය ඇරඹ ශබ්දාගාරය සිසාරා දෝංකාර නංවන අතිශය සුමියුරු වස්‌දඞු රවයකි හිස පහතට රැවා ගනිමින් සදාකල් පියවුනු දෑස්‌ සහිත ඔහුගේ අතැගිලි යුහුසුඵව වස්‌දන්ඩ ඔබ මොබ සිසාරා දිවයනු පෙනේ ඔහු කවුරුද ?
ඈත දුර ඌව පලාතෙන් අගනුවර කර පියමං කරමින් මහත් සේ දුක්‌ කරදර කම්කොටඵ මධ්‍යයේ තමන් දිවි දෙවැනි කොට ඇඵම් කරණ සංගීතය හැදැරීම පිනිස ආ ඔහු දෑස්‌ අඳ යව්වනයෙකි නමින් වී හේමපාල පෙරේරා ය ඔහු ෆොර්චූන්ස්‌ වාදක මන්ඩලය වෙනුවෙන් වාදන සහය සපයයි
පටිගත කිරිම නරඹමින් සිටින නෙක දනා අතරින් එහි සිටි සියල්ලගේම නොමද අවධානයට ලක්‌වු කාන්තා රුවකි ඇය එහි රස පහසෙන් කුල්මත් වි ඇති සේය
ගායනය අවසන්ය

හරිම ලස්‌සන මෙලඩි එකක්‌ නංගී ...............

ඇය තම රන්රසුදැල් රාව පරදින කිකිණිහඩ නංවමින් පිළිවදන් දිනි
අය වන් දැවැන්තයෙකුගෙන් එවැනි වදනක්‌ ? ඒ සහතිකය අමිලය
එදා මෙදා තුර සිංහල වේදිකාවේ සිනමාවේ ජයකෙහෙළි බැඳි තම අසමසම හඞ පෞරුෂයෙන් අපමණ රසික රසිකාවින් වසග කල අදටත් නොබිඳි වාර්තාව වු තමන් පෙනි සිටි ජවනිකා වෙනුවෙන් වැඩිම වාර ගණනක්‌ තමන්ගේම හඩින් ගැයු ඇය එවකට ලංකීය කලා ක්‍ෂේත්‍රය අග රැජිනි රුක්‌මණි දේවිය ඇය 
එදින ඇය ගුවන් විදුලි ජන සංගීත පර්යේෂණ අංශයේ ම සහය ගායක ටී එම් ජයරත්න ද සහභාගි කරවාගෙන ගීත 04 ක්‌ පටිගත කරනු ලැබිය
තැටි වෙළඳ ව්‍යාපාරය ට බට නවතම සාමාජිකයන් ව තම පවුලේ නිෂ්පාදනයක්‌ වූ එහි ලේබලය ස්‌වකීය ළදරු කණිටු පුතු ගේ නම යොදා දර්ශණ නමින් වෙළඳ පොළට නිකුත් කලේය
ඒ වහාම ඒ ගීත 04 ම ගුවන් විදුලියේ වෙළඳ සේවය සිසාර ගුවනට මුසුකෙරිණි
01 මල්වනේ රෝස කැකුඵ මැදින් මට පෙනේ  ....................

02 හිරු දෙවියන් වැඳ අවසර ගත්තා - ..................

03 මගේ දෑස ඔබේ කියා ඔබ පවසනවා - මම සැනසෙනවා ................

රසිකයන් අන්ද මන්ද කලේ තම සුපුරුදු ජන ගී ආර හැරදා යළි ඉපදුනු නන්දා පතිරණ ගේ නැවුම් හඩ නුපුරුදු ලෙසින් සවනක වැකිමෙණි
හෙළයේ මහා ගීත කෝකිලාවිය නිළි රැජින ගේ මුවින් නැගි පැසසුම් කෙසේ සුඵකොට තකන්නද තැටිය අලෙවි වාර්තා තබමින් විකිණි යන්නට විය
එහෙත් එය අසන්නට දකින්නට ඇය මෙහි නොවිය ගීත ඇල්බමයේ ආගමනය ට පෙරාතුවම ඇය යළි නෙඑන්නටම නික්‌ම ගියාය

01 මා අමතන්න එපා පාඵ මේ රෑයේ.....................

ඔබේ ශෝකි වෙණ නදින් මා හඞවන්න එපා................

මා අමතන්න එපා.....................

සවන්දෙන්න මෙතැනින්
02  ලන්ද දිගේ හැංගි හොර සැදෑ කාලයේ .....................
   රැන්දු සිනා ඇයිද මෙසේ මැකීලා ගියේ .................


මෙතැනින් අසනු මැන



03   මේ වේදනා මේ චේතනා විඳිනා..............
        ඒ ආදරේ කඳුලින් නුවන් තෙමනා..............
       මේ පාඵ යාමේ ආදරේ හඳුනා............
        සිත සැඵණා ..................

සහය - ශිල්පී ටී එම් ජයරත්න

අසන්න මෙතැනින්
     

                                      xxxxxxxxxxxxxxxxxx

ලේබලය - දර්ශන (DARSHANA)

දිනය - 1978 ඔක්‌තෝබර්

නිෂ්පාදනය - ධර්මදාස ගලබඩගේ

පටිගත කිරීමේ ඉංජිනේරු - ඩොනල්ඩ් අයිවන්
ශබ්දාගාරය - බිෂොප් හවුස්‌- බොරැල්ල කොළඹ 08
ධාවන වේගය - 45 භ්‍රමණවට (45 rpm)

ගීත සංඛ්‍යාව - 04

පළමු පැත්ත (SIDE A)

01 ලන්ද දිගේ හැංගි හොරා
02 මා අමතන්න එපා


දෙවැනි පැත්ත (SIDE B)

01 මේ වේදනා මේ චේතනා (සහය ටී එම් ජයරත්න)
02 ගොම්මන් එළියේ (සහය ටී එම් ජයරත්න)

පද රචනා - කුලරත්න ආරියවංශ

තනු නිර්මාණය හා සංගීත අදියුරු - ස්‌ටැන්ලි පීරිස්‌

-----------     සමාප්තයි   -----------------

පසු සටහන් -
(විශේෂ ස්‌තුතිය - ජ්‍යෙෂ්ඨ ශීල්පිනි නන්දා පතිරණ මහත්මිය වෙත)

Tuesday, April 4, 2017

කේ ඩි කේ ධර්මවර්ධන මතක සුවද - හෙල පෙළපත අභිමන් දද බැන්දා


සැමදා සුපුෂ්පිතය සුගන්ධවත්ය ඵලබරය ඒ අමිල ගී තුර -  - 04 වන කොටස
නමුදු ඔහු ගේ පරිකල්පන ය ඔස්‌සේ මුවහත් වූ නැණැස මෙහෙයවූයේ මිනිසත්බව එකී පැතිකඩ ඔස්‌සේ පමණක්‌ම නොවේ ඔහුමැවූ යොවුන් ප්‍රේමවිජිතයේ සටන් ජයලබනුයේ දෙහදක්‌ එක්‌විමෙනි


ඉක්‌බිති ඇය උත්තරීතර මව් පදවිය ලැබ අපිරිමිත දාරක ස්‌නේහයෙන් හද පුරවා ළදරු වියෙන් නික්‌මීයන තම සිගිත්තාගේ ලෝකය හා එක්‌වන අයුරුයි මේ

වැටි වැටි ඇවිදින මගේ පුංචි පුතා හැංගුණදෝ - ඔන්න මං අල්ලන්නට එනවා දැන් ඔට්‌ටුයිදෝ ?

කෝ අනේ පුංචි හොරා උන්නා මේ කාමරයේ නෑ සද්දක්‌ දොරමුල්ලේ එත් අනේ දොරහෙල්ලේ

(ශ්‍රීමතී තිලකරත්න - සප්තස්‌වර මුසුව මහින්ද තිලකරත්න විසිනි)

අද මානව පරිකල්පනය මොටකර මුලිනුපුටා දමන රූපයන්ත්‍රයේ ග්‍රහණයට ලක්‌වන්නට පෙරාතුව එදා ගුවන් විදුලිය මාධ්‍ය ට හුරුව සිටි රසිකයන්ගේ ගේ මනස සිසාරා දිවයන එවන් සුන්දර රූපාවලියක්‌ මැවූයේ ද කේ ඩි කේ ය

අසන්න ගීතය මෙතැනින්



පුරාණ සාහිත්‍යයේ අතැඹුලක්‌ කොටගත් මේ ගේයපද රචකයාණෝඅන්ධානුකරණය පිළිකෙව් කලේය ඒවා විචාර පූර්වක ව තර්කාණුකුල අර්ථ විවරණය කරන්නට විය තත්කාලීන කලා නිර්මාණ හා වියත් අදහස්‌ ද ඔහු සැළකිල්ලට බඳුන් කරන්නට ඇතැයි අනුමාන කිරීම යුක්‌තියුක්‌තය

වරෙක ඔහු මෙසේ ප්‍රකාශ කර තිබිණි

රාමායණයේ දැක්‌වෙන කථා ප්‍රවෘත්තිය හා එයාකාරයෙන්ම එකග වීම ප්‍රඥාගෝචර නෙවන්නේ යෑයි මම කියමි එය පක්‍ෂග්‍රාහි යෑයි පැවසෙන විද්වත් මත යුක්‌ති සහගත වේ යෑයි මමද සිතමි එහි කථානායකයාණෝ භාරත යේ දශරථ රජ පුත්‍රයාණන් වූ රාම චරිතය උත්කර්ෂණයට ලක්‌ කර තිබීමත් ඔහුගේ ප්‍රතිමල්ලවයා වූ ලංකාද්වීපයේ පාලකයා වූ රාවණ නිග්‍රහයට පාත්‍ර වන්නට සැලැස්‌වීමත් සිදුකර තිබෙයි එහෙත් මෙහි පවතින්නා වූ ජනකථා ජනශ්‍රැතිය හා වෙනත් මුලාශ්‍ර ඒ හා සපුරා අනුගත නොවේ

 එවර ඔහුගේ පන්හිඳ තුඩගින් මෙසේ ලියෑවී තිබිණි



සිතාවනි ඔබ හැඩරුව ඇති බව - දිවි හිමියෙන් පති දම් සුරකින බව

දනිමි ඔබත් දැනගත යුතු මේ බව - ඔබේ සෙනෙහස මට ඕනෑ නැති බව

අපේ කුලගොත වත ඉහළයි හැමවිට- එහි අභිමානය රකිනෙමි හැමවිට

අන්සතු අගනක සෙනෙහස පැතුමට - දීන නොවේ මේ රාවණ පෙළපත

මගේ සොහොයුරියක්‌ පෙර දවසක්‌දා - රමා කුමරුගෙන් හිරිහැර වින්දා

පිළිතුරු ලෙස ඔබ සිරකර රන්දා - හෙල පෙළපත අභිමන් දද බැන්දා



රසවිඳින්න මෙතැනට පිවිස



(වින්ස්‌ටන් ප්‍රේමසිරි ගී හඞ වෙනුවෙන් ස්‌වර රටාව ආචාර්ය වික්‌ටර් රත්නායක)



රාවණ නරපති තෙම එසේ තෙපළයි ශ්‍රාවක සිත් සසල කරවයි සුපුරුදු ලෙස මෙවර ද ඔහු තම ගී රසිකයාගේ නෙතග කඳුලු නංවයි එහෙත් ?

හාත්පසින්ම වෙනස්‌ ප්‍රස්‌තුතයක්‌ ඔස්‌සේය ඒ ඔහුගේ අපමණ නිර්මාණ කෞෂල්‍යයයි
කේ ඩි කේ විසින් ඒ භූපතියාණෝ පිළිබඳව මහත් දායානුකම්පාවක්‌ ජනිත නොකෙරුවේද ඔබ තුල රෑ හදවත හඩා නොවැටුනේද ඔහු පිළිබඳව ඔබගේ ?

ඉන්දීය ආගමික සාහිත්‍යයයේ පූජාර්භ වන ලෝ තලයේ ම පතල සිමිත සංඛ්‍යාවක්‌ මහා කාව්‍ය අතරද ප්‍රමුඛත්වය ලබන මහා භාරතය මෙන්ම මේ කථාවස්‌තුව ගෙනහැර දක්‌වන රාමායණය ඇතැම්හු පුරාවෘත්තයක්‌ ලෙස ද සලකති එසේ නොවන්නේ යෑයි කියා සිටින්නෝ ද වෙති

 රාමායනයේ මේකී පුවත කියෑවෙන අයුරු මෙසේය

දුරාතීතයේ යුගයක ලංකාද්වීපය පාලනය කළ රාවණ නම් තෙදැති පාලකයා ලෝ නියාම ධර්මයට පටහැනිව ක්‍රියා කරයි ඒ අනුව ඔහු විසින් භාරතයේ ඉසුරුමත් අයෝධ්‍යාපුර පාලක දශරථ නරවරයා විසින් වනප්‍රස්‌ථ දිවියකට පිටමං කළ ඔහු පුත් රාමයන්ගේ අතිශය රූබර භාර්යා තොමෝ වූ සීතා දේවිය පැහැරගෙන මෙහි ගෙන එන ලබන්නේ සල්ලාලකම නිසයි

ඒ නිසා මෙකී දුෂ්ඨ පාලකයා හා ඔහුගේ පරපුර විනාශ කර දමන්නට පාරිශුද්ධත්වයේ සංකේතය වූ රාමයන් විසින් යුධ ප්‍රකාශ කරනු ලැබ ඊට ඇවැසි ගෝත්‍රික සේනා රැස්‌කරවා මෙහි විත් වසර ගණනක බිහිසුණු යුද්ධයකින් රාවණ තෙමේ දිවි තොර කරනු ලබයි ඒ ඔහු සොයුරු විභිෂණ ගේ සහයෙනි

ඊට ප්‍රතිඋපකාර ලෙස විභිෂණ ලක්‌ කිරුළ පවරා රාමයන් සීතා දේවිය හා නික්‌ම ගොස්‌ ඇය අමතා තමා ගේ නිකැළැල් බව ඔප්පු කර දක්‌වන මෙන් නියෝග කරයි

40 දශකයේ මුල්භාගයේදී මුණිදාස කුමරතුගුවන් විසින් බිහිකල හෙළ හවුලේ සාමාජික පිරිස්‌ වූ හරිස්‌චන්ද්‍ර විජේතුංග ජයන්ත වීරසේකර අරිසෙන් අහුබුදු මෙම සිදුවීම ප්‍රතික්‍ෂේප කරයි තම මතවාදය ජනගත කිරීම සඳහා අහුබුදුවන් සක්‌විති රාවණ නම් වේදිකා නඵව මෙන්ම ලිපි හා පුස්‌තක කිහිපයක්‌ එළිදැක්‌වීය

දිඑවකට රාවණයන්ගේ යටත් විජිතයක්‌ වූ දක්‍ෂීණ භාරතයේ දන්ඩක වනයට අනවසරයෙන් ඇතුඵවු රමා - සීතා හා සොයුරු ලක්‍ෂමණ ගෙන් කරුණු විමසන්නේ එහි අන්ඩුකාර ධුරන්දර රාවණ සොයුරිය ශුපර්ණිකාය එහිදී ඈ ට එරෙහිව ඇගේ නාසය හා කන් සිඳලනු ලබයි

රාවණ සීතා පැහරගන්නේ මීට පළිගැනීමට මිස ඇයව අපහරණය කරන්නට නොවේ

කේ ඩි කේ ගේ මෙම නිර්මාණය ට හෙළ හවුලේ මතය හා ලාංකික ගැමි ජනප්‍රවාද සාහිත්‍යයය සෘජුව හෝ වක්‍රව බලපාන්නට ඇතැයි අනුමාන කළ හැකිය

90 දශකයේ මැදභාගයට එපිටින් යුගයේ පොදුරසිකයන් වෙත නිති ගී රස ළංකරදුන් එකම විදුමාධ්‍ය වූ රජ්‍ය ගුවන් විදුලියේ එවක සේවය කළ නිවේදක මඩුල්ල කිසිම විටක එකිනෙකාට දෙවැණි නොවිනි එහෙත් ඔවුන් අතරින් වඩාත් කැපී පෙනෙන සුන්දර රූපකායක හිමිකාරුවාණෝ වූ මේ ගේයපද කවියාණන් එහි දී ආරාධන ස්‌වර දැහැන හා වෙනත් වෙළඳ වැඩසටහන් අතිමහත් සංඛ්‍යාවකට දායකත්වය සැපයීය

ප්‍රවිණ ජ්‍යෙෂ්ඨ මාධ්‍යවේදී සිංහල සේවා අධ්‍යක්‍ෂ පාලිත පෙරේරා හා එක්‌ව සෙවණැල්ලක්‌ මෙන් සිටිමින් සම්ප්‍රදායික ගතානුගතික එකී අයාතනය නවිණ ලෝකය වෙත කැන්දාගෙන යන්නට ඔහු ද අතහිත දුන්නේ ලාංකිය පුරෝගාමි එෆ් එම් චැනලය වූ සිටි එෆ් එම් බිහිකරන්නට දරදිය ඇදීමෙනි

දේශපාලන විපර්යාසයන් අනුව හමන සැඩ සුළගින් නිති හසුවන ගුවන් විදුලියේ 1994 හැමූ තීරණාත්ම මාරුතයකින් පෙරඵනු වෘක්‍ෂයන් ට තැළි පොඩිවී ගසාගෙන ගිය කේ ඩි කේ ට දශක තුනක්‌ තමා ගේ සොඳුරු නිවහන බඳු වු ඒ ආයතනයෙන් බැහැරව යන්නට තින්දු වී තිබිණි


ඔහු මේ කොදෙව්වෙන් බැහැරව වැඩිම ලාංකික ගී රසිකයන් රැසක්‌ එක්‌රැස්‌ වූ කලාපයක නව නවාතැනක සුපුරුදු කලාව ප්‍රගුණ කරන්නට වූයේය ඒ එක්‌සත් අරාබි එමීර් රාජ්‍යයේ උමා අල් ක්‌වේන් ප්‍රාන්ත ගුවන් විදුලියේ සිංහල වැඩසටහන් මෙහෙයවන්නටය

නව සහස්‍රය ඈත ක්‍ෂිතජයෙන් එබි එකොළොස්‌ මසක්‌ ගතවී ගොස්‌ තිබිණි ඔහු මෙවර ජීවන චාරිකාවේ සයපනස්‌විය පසුකරමින් සිටියේය

අදින් තෙසැත්තාවකට පෙර මෙහි සපැමිණි කේ ඩි කේ ධර්මවර්ධනයෝ සුරත රැඳි පන්හිද පසෙකින් තබන්නට ඉරණම විසින් තින්දු කර තිබිණි ඔහු ඈත ක්‍ෂිතජයේ සැගව ගිය සෙයකි මතු මහල් තලයක රැඳී නෙත් පහත යොමා තම ගේයපද රසිකයන් වෙත දයාබරිත බැලුම් හෙළන්නේද ?

තමන් වසග කල එවන් අමයුරු ගීතාවලියක රසඋල්පත සිඳි ගිය බව කණවැකුණු රසිකයන් වැළනොකැඩි රෝහල් සයනය මත නිසලව නිදන කේ ඩි කේ රුව දසුන තවත් එකම වරක්‌ තම දෙඇස්‌ හි සටහන් කරගන්නට පොරකෑහ

මතු දිනක එයින් මෑත්ව යළි මෙහි පැමිණ විරාමය ලත් තැනින් ඒ සුන්දර ගීතාවලිය අරඹන තෙක්‌ ඔවුහූ නොඉසිලිමත්ව රැඳි සිටිනු ඇත

       xxxxxxxxxx     සමාප්තයි    xxxxxxxxxxxxxxxx


 අධෝලිපිය

 කේ ඩි කේ ධර්මවර්ධන සිනමා ගීතපෙළ අතරින් සමහරක්‌

ශ්‍රී මදාරා - පළිගු බඳුන් - මිල්ටන් මල්ලවාරච්චි

පෙම්බර මධු - දෙණුවන් බිගුන් - බඹරිදු රොන්සුනු එච් ආර් ජෝතිපාල - ඇන්ජලීන්

මග පෙන්වන තරු සළකුණු - චන්ද්‍රීකා සිරිව්ර්ධන

මරුවා සමග වාසේ - බඹර කලාපේ -

මිල්ටන් මල්ලවාරච්චි - ඇන්ජලීන් ගුණතිලක
සැණකෙලිය - බොල්පිණි මැද - සුජාතා අත්තනායක
වස්‌තුව - බඹර පහස - එච් ආර් ජෝතිපාල - ඇන්ජලීන් ගුණතිලක
අනුරාධා - තාරුකා දිහා - මිල්ටන් මල්ලවාරච්චි

මල් කැකුඵ - ලස්‌සන දෑසක්‌ ඉස්‌සර මා සෙව්වා - මිල්ටන් මල්ලවාරච්චි -
ෂ්‍යාමි ෆොන්සේකා

සහෝදරියකගේ කථාව - පැතුමන් බොඳවී- අමරදේව

සිකුරු දසාව - සසලව කැළඹී - ලතා වල්පොල මහමග තැන තැන - රූපා ඉන්දුමතී - මිල්ටන් පෙරේරා

සඳවට රන්තරු - සැගවීලා - එච් ආර් ජෝතිපාල

රන්දම්වැල් - ළංවෙන්නවාදෝ වෙන්වූයේ - එච් ආර් ජෝතිපාල - ලතා වල්පොල - වෙන්වෙන්නවදෝ ළංවුයේ - වික්‌ටර් රත්නායක
යළී හමුවෙන්නයි - ආදරේ මන්දිරේ වැසුනා - චන්ද්‍රලේඛා පෙරේරා
දුර්ගා - රසමුසු ජය කල්පනා - නීලා වික්‍රමසිංහ


 රූපවාහිනි ටෙලි නිර්මාණ පෙළ අතරින්


හිමි අහිමි හඳහඩන පණනල - සුනිල් එදිරිසිංහ

ප්‍රමාද වැඩියි - ආදර සීනුව පෙම්ලොව දොරලග- ග්‍රේෂන් ආනන්ද

සම්බන්ධිකරණය කෘතඥතාපූර්වක ස්‌තුතිය - ප්‍රවිණ ගුවන් විදුලි මාධ්‍යවේදිණි - නිවේදිකා සමදරා කෝට්‌ටගේ මහත්මිය (කේ ඩි කේ ධර්මවර්ධන මහත්මිය)