namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Sunday, January 22, 2017

ප්‍රවිණ සංගීතඥ ආර් ඒ චන්ද්‍රසේන ජීවන තතු - 02 කොටස

එදවස දෙසවන් නැළවු සත්සර රන්ස්‌වරය  - 02 (1924-1980)

සංගීතය හැදෑරීම යනු හින්දුස්‌ථානි රාග තාල පුහුණුවී අසල්වැසි භාරතයේ ඒ සම්බන්ධ ලෝ ප්‍රකට විද්‍යායතන වූ ශාන්ති නිකේතනය භාත්ඛන්ඩේ ආයතනයන්හි පාඨමාලාවන්හි ලියාපදිංචි වීම යෑයි එදා පමණක්‌ නොව අදද ජනමතයයි













ඒ ගුරුකුලයන්හි ශිල්ප සතර හැදෑරුවේ මෙහි සංගීත ප්‍රතිපත්තිය විනිශ්චය කරන්නෝ ය ඒ සම්බන්ධ අධ්‍යාපනය පරිපාලනය කරන්නෝයදි

චන්ද්‍රසේනයන් ඉහත කුමනාකාරයේ හෝ ගුරු කුලයකට බැඳී එකී විෂය හැදෑරුවෙක්‌ නොවේ ඔහු සම්පූර්ණයෙන්ම ස්‌වයං පුහුණුවෙන් හා විෂය ස්‌වෝත්සහයෙන් එමතුදු ගැඹුරින් හැදෑරීමෙන් ශිල්ප දැක්‌වූ අපූර්ව ගායකයෙකි වාදකයෙකිදි

ක්‍ෂේත්‍රයේ ඉහත කී ගුරු කුලයේ සාමජිකයන් හා ඔවුන්ගේ ගෝල බාලයන් විසින් පනවාගෙන තිබූ වැට කඩොඵ සිමාමායිම් අතික්‍රමණය කර නවමං සොයා පියමං කරන්නට ඔහු තැත් දැරීය

ගීතකලාවේ මහගෙදර අරා සිටි භාරතීය ගෝල පරපුර වෙතින් පමණක්‌ නොව ඉන් පිටතදීත් මුහුණ පාන්නට සිදුවූ අපමණ කෙණෙහිලිකම් සිත් රිදවීම් බාධා තර්ජන මාධ්‍යයේදි ඒ කටයුත්ත සෑහෙන පමණකට සාර්ථක කරගන්නට හෙතම සමත්ව සිටියේය
විෂයේ න්‍යයානුකූල අංශය හා ප්‍රයෝගික භාවිතය යන මෙකී දෙකරුණෙන් ගී ලෝලී ශා්‍රවකයන් ගේ හදබැඳ ගන්නට සමත් වනුයේ පසුව කියූ තත්වයයි එහි අගතැන්පත්වූ දේශීය සංගීත ශිල්පීන් අතරින් තම හැකි වෙර යොදා උපරීම කැපවීමෙන් එකී කටයුත්තේ නිරතවූවන් අතර ඔහුගේ නාමය පෙරටුවම කියෑවෙයි

පූර්වගාමි ආනන්ද සමරකෝන් ගේ ගුරු හරුකම් ලැබ එයින් නොනැවතුනු චන්ද්‍රසේනයන් බටහිර ගී ආරේ ශිල්පීය ක්‍රම සිංහල සංගීතයට මුසුකරවන්නට සමත් වූ බී ඇස්‌ පෙරේරා සංගීතවේදියාණන් හා සමකාලිනව එකී කටයුත්තේ දැඩිව නිමග්න විය
පෙර ලිපියෙන් ඔබ්බට


රිදී තිරයේ වැයුණු චන්ද්‍රසේන සත්සරය
දසබලධාරී ගීතය නිසා ශ්‍රාවක මුවග කියෑවුණු චන්ද්‍රසේනයන් සිංහල සිනමාවේ පුරෝගාමි මහ දැවැන්තයෙකු වූ මීගමුවේ මිනර්වා නාට්‍ය කන්ඩායමේ ප්‍රධානී බී ඒ ඩබ්ලිව් ජයමාන්නයන් වෙත යොමුකරවනු ලැබුවේ ජයමාන්න කණිටු සොයුරු මිනර්වා සාමාජික එඩී ජයමාන්නයන් විසිනි

ඒ අනුව 1954 වසරේදී අයිරංගනී සිනමා පටයේ එස් එස් වේදා සමග සහය සංගීත අධ්‍යක්‍ෂනයේ නිරතවූ ඔහුට ජයමාන්නයන්ගේ මිලග නිර්මාණය වූ මතභේදය සිනමාපටයේ සප්තස්වර හැඩ ගැන්වීමේ සම්පූර්ණ වගකීම පැවරිණි ඉන් දෙවසරක ඇවැමෙන් දෛව විපාකය සඳහා ඒ කටයුත්තේ නිරතවන්නට ඔහු සමත්වී තිබිණි

ඉන් මද කලකට පසුව දුගී නාදය නමින් වූ සිනමාපටයක සංගීතය මෙහෙයවන්නට ඔහුව තෝරාගෙන තිබුන නමුත් එය සැගවී නොපෙනී ගියේය

ලෝක සිනමාවේ ද කෙම්බිමක්‌ බඳු දක්‍ෂින භාරතයේ දී සංගීතය පටිගතකල මෙම නිර්මාණයන්හි සමහරක වාද්‍ය වෘන්දය මෙහෙයවිමේ භාරදුර වගකීම චන්ද්‍රසේනයන් විසින් දරන ලදී ඒ අනුව බැද්දලියනගේ ශ්‍රීණාත් පෙරේරා ගෙන් පසුව භාරතයේදීම එහි වැසියන්ගෙන් සමන්විත වාදකයන් කළමනාකරණය කරන්නට වාසනා ගුණය ලත් දෙවැනි සිංහල ජාතිකයා යන ගෞරව බහුමානය ලද්දා චන්ද්‍රසේනය

පසුව ඔහු තම මව්බිමේදී ඒ කර්තව්‍යයේ නිරත වුයේ වනලිය නම් සිනමා නිර්මාණය වෙනුවෙන් 1958 වසරේදිය මතු අනාගතයේ හෙළ සිනමා සංගීතයේ කිරුඵ දරන්නට දෛවය විසින් යොමුකරවනු ලැබුවෙකුගේ සිනමා කළ එළි මංගල්‍යයද ගුවන් විදුලි සරළ ගී හැඩගැන්වූවෙකුගේ ද චිත්‍රාගාරාගමනය ද එදිනම සිදුවිය ඒ එවකට චන්ද්‍රසේන වාද්‍ය වෘන්දයේ වාදක මන්ඩල සාමාජිකයන්ව කටයුතු කරනු ලැබු ප්‍රේමසිරි කේමදාස හා මොහොමඩ් සාලි ය

ශිල්පීය නිපුණතාවයෙන් හිනිපෙත්තේ සිටි ඔහු දායකත්වය දැක්‌වූ මෙකි නිර්මාණ කිසිවක ඔහුගේ ස්‌වත්‍රන්ත්‍ර තනු අඩංගු නොවීය ඒවා හින්දි ගී තනු අනුකරණයන්ය නමුත් මෝහනීය නව සංගීත අදියුරු වලින් මනාලෙස හැඩගන්වනු ලැබීය එදා මෙන්ම අදද සාමන්‍ය රසිකයන් ඒවා විදේශිය තනු ලෙස නොහඳුනයි ඒකි ගී නිර්මාණයන්හි රසය දශක 06 ක්‌ ඉක්‌මවා අදද එකලෙස ගී රසිකයන් පිනවයි
ආර් ඒ චන්ද්‍රසේන සංගීත රටා මුසුකළ එකළ පරසිඳු මිගමුවේ මිනර්වා නාට්‍ය කණ්‌ඩායමේ ප්‍රධානී බී ඒ ඩබ්ලිව් ජයමාන්න සිනමා නිර්මාණ පෙළ - පහත දැක්‌වෙන සියඵ ගී පද රචනා ඒ ජේ ද සොයිසා විසිනි

හින්දි හා ද්‍රවිඩ සිනමාවේ දැවැන්ත සෙවණැල්ලෙන් වසාගත් 50 දශකයේ ලාංකීය සිනමා ගී රසිකයන් ඒ තනු නිර්මාණයන්ගෙන් මෝහනයට පත් වී තිබිණි එය කොතරම්ද යත් දේශිය ස්‌වත්‍රන්ත නිර්මාණයන් රසවිඳීම අගය කිරීම ප්‍රතික්‍ෂේප කරන්නට වූ අතර සිනමා ගීත නොවන වෙනත් ගුවන් විදුලි නිර්මාණ පවා ඒ බලපෑමට යටත් ව හින්දි තනු අනුකරණයන්ම විය

මේ නිසා දේශිය සිනමා නිර්මාණයන්හි අයිතිකරුවන් වූ ඒවයේ නිෂ්පාදකයන් ද රැල්ලට අනුගත වෙමින් වඩාත්ම ජනප්‍රිය හින්දි තනු හැකි උපරිම සංඛ්‍යාවක්‌ තම සිනමා කෘතියට රිංගවා ගන්නට උත්සුක වුහ 
අදාළ සිනමාපටයේ  ගී තනු නිර්මාණයේ යෙදුනු ප්‍රතිභාපූර්ණ සංගීතඥයන් ට ඒ සඳහා බලපෑම් කරවනු ලැබිය

 දේශිය නිර්මාණකරුවන් බිහිවීම වළක්‌වන මේ ව්‍යාසනයේ බරපතල බව මනාලෙස වටහගත්තේ ගුරුදෙවි සුනිල් සාන්තයන් මොරටු පුරවරයේ කලාකමි ගායකයෙකු වු ක්‍රිස්‌ටෝපර් ටියුඩර් ප්‍රනාන්දු (සී ටී) ඇතුඵ කිහිපදෙනෙකු පමණකි ඔවුහු මිට එරෙහි දේශිය ගීත කලාවේ විප්ලවීය වෙනසකට මුල පිරීය ඒ මුඵමනින්ම හින්දුස්‌ථානි සංගීතයෙන් යෑපීමෙන් වැළකී ඊට හිස නොනමා බටහිර නාදමාලා ඇසුරේ නිර්මාණකරණයේ යෙදීමෙනි 

දේශීය හින්දුස්‌ථානි ගුරුකුලයේ අනන්ත අපරිමාණ කෙනෙහිලිකම් බාධා කුමන්ත්‍රණ අවහිරකිරීම් හුමවේ මෙකි නැවුම් රටාවක ගී පෙළ සිංහල ගී රසිකයන් වසා පැතිර පැවති එකි අඳුරු කඩතුරාව සුනු විසුනු කරවාදැමිය

හින්දුස්‌ථානි සංගීතය මනාව හදාර තිබියදීත් ඒ වෙනුවෙන් ආ වැඩීමෙන් වැළකුණු අනන්ද සමරකෝන් ශූරීන් ද ඇතුලත්ව ඉහත කි පුරෝගාමින් අතරට එක්‌විය යුතු එක්‌කල හැකි මිළග සංගීතඥයා ආර් ඒ චන්ද්‍රසේනයන් ය

හින්දි තනුවට සිංහල වදන් පිරිද්දීමේ කලාව ප්‍රගුණ කලෝ එවකට ද හිග නොවුවද එය කලාත්මකව වඩාත් අර්ථ පූර්ණව සිදු කරන්නට සමත් වූවෝ නොසිටිය තරම්ය  ඒකී දුර්ලභ හැකියාවෙන් පරිපුර්ණ වු පුරෝගාමි ගී පද රචකයෙකු වු ඒ ජේ ද සොයිසා සිංහල සිනමාවට හඳුන්වාදීමේ ගෞරවයද චන්ද්‍රසේනයන් සතුය

තමාට ලැබෙන සිනමා කෘති වල නිෂ්පාදකයන් ඉල්ලා සිටින හින්දි තනු උදෙසා ඔහුගේ සාපේක්‍ෂව අර්ථපුර්ණ වදන් පෙළගැස්‌ම චන්ද්‍රසේනයන් ගේ පැසසුමට ලක්‌ වූ අතර ඒවා එවක්‌ පටන් යුග යුග හද රැඳි නිර්මාණ බවට පත් විය

ඒ නිසාදෝ මේ නිර්මාණයන්හි 25 වන සංවත්සරය සැමරූ 1978-79 වසරවලදී තත්කාලින නවීන තාක්‍ෂණය වු ස්‌ටීරියෝ ඩොල්බි ක්‍රමයට ඒවා යළි පටිගත කරන්නට කටයුතු කරනු ලැබීය ඒ සිංහල ගීත කැසට්‌ පට නිෂ්පාදනයේ ලාංකික පුරෝගාමියා වු නැසිගිය විජය රාමණායකයන් විසිනි 

සංගීතඥ නැසිගිය ස්‌ටැන්ලි පීරිස්‌ (සැක්‌සපෝනය)
- රංජිත් පෙරේරා (ටෙනර් සැක්‌සපෝනය)
- පද්මසිරි පැස්‌කුවල් (රිදම් ගීටාරය)
 - මහින්ද බන්ඩාර  (ලිඩ් ගීටාරය)
- මිල්ටන් පීරිස්‌ (බේස්‌ ගිටාරය)
- ප්‍රේමනාත් කොඩිතුවක්‌කු (තබ්ලා - හාර්මෝනියම්)
නෙල්සන් ත්‍යාගරාජා (ඇකොස්‌ටික්‌ස්‌ ඩ්‍රම්ස්‌)
ක්‌ලෝඩ් ප්‍රනාන්දු (ඕගන්)


නියෝජනය කල ද ෆෝර්චූන්ස්‌ වාද්‍ය වෘන්දය ඊට සංගීතය මුසුකරනු ලැබු අතර බටහිර තුර්ය වාදන මුසුකල නව සංගීත සංයෝජනය සඳහා එවර චන්ද්‍රසේනයන් සහභාගි කරවනු තබා දැනුවත් කිරීමක්‌ පවා සිදු නොකළ බව වාර්තා වේ

..............................................  

අයිරාංගනී - 1954 අප්‍රේල් 10
තරු පායන ආකාසේ - මොහිදීන් බෙග් හා රුක්‌මණී දේවි
ජිවිතේ ජිවිතේ - රුක්‌මණී දේව්
රාණී එන්කෝ නැගී මපෙම් - බෙග්

..................................................
මතභේදය - 1955 අප්‍රේල් 14
(ආර් ඒ චන්ද්‍රසේන හා පුරා කියා සම්පූර්ණ තනි සංගීත අධ්‍යක්‍ෂණයේ නිරතවීම)
සමුදුරේ සොය යති නදී ප්‍රියා - රුක්‌මණි දේවි හා සූර්යරාණී

පෙම්මල් මාලා නෙළා ගොතාලා - බෙග් - රුක්‌මණී


ආදර පාන සුදා - රුක්‌මණී


පෙම් සිහින ලෝකේ මායා - බෙග් - රුක්‌මණී


දෙවියන් කෝ සමන් දෙවියන් - රුක්‌මණී

..............................................
දෛව විපාකය - 1956 මැයි 21

දොයි දොයි රන් පුත - ග්‍රේස්‌ ජයමාන්න (බී ඒ ඩබ්ලිව් බිරිඳ)


සරා ගොයියා හරි මිනිහා - මේබල් බ්ලයිත්


සුරතලියේ සුකොමළියේ - බෙග් - රුක්‌මණී


සුදෝ සුදු රන් කඳේ මගේ පෙම් - බෙග්


මේ ගීත සදා රසික සිත් රංජනය කරවනු ලබයි

                    xxxxxxxxxxxxxxxxxxxxxxxxxx
සිනමාපටය - මතභේදය - 1955 අප්‍රේල් 14
අධ්‍යක්‍ෂණය - බි ඒ ඩබ්ලිව් ජයමාන්න - මිනර්වා නාට්‍ය කන්ඩායම මිගමුව
නිෂ්පාදනය - බි ඒ ඩබ්ලිව් ජයමාන්න  - එඩී ජයමාන්න - රුක්‌මණි දේවි

01 පෙම් මල් මාලා නෙලා ගොතාලා - ප්‍රේම ප්‍රේමේ විනෝදේ පාලා .............

ඒ වෙනුවෙන් ගායනය - මොහිදින් බෙග් - රුක්‌මණි දේවි
සංගීත අධ්‍යක්‍ෂණය - ආර් ඒ චන්ද්‍රසේන 
සිංහල වදන් මුසුව - ඒ ජේ ද සොයිසා


සිනමාපටය වෙනුවෙන් කරනු ලැබු මෙකී මුල් පටිගතකිරීමට මෙහි සවන්දෙන්න


සිනමාපටයෙන් බැහැර සිංහල පිටපත


ගායනය - මොහිදීන් බෙග් හා ලතා වල්පොල
සංගීතය අධ්‍යක්‍ෂණය - ස්‌ටැන්ලි පීරිස්‌ 
නිෂ්පාදනය - විජය රාමණායක
ලේබලය - තරංගා රෙකෝඩ් බාර්  - කොටුව  - කොළඹ 01
වසර - 1979
25 සංවත්සර නව සංගීතය මුසු පිටපතට මෙහි සවන්දෙන්න


හින්දි සිනමාපටයේ මුල්ම පිටපත
(ගයා අන්ධෙරා හුවා උජාරා චම්කා චම්කා සුභා කා තාරා ..............))

සිනමාපටය සුභා කා තාරා   - 1952 

හින්දි මුල් සංගීතය හා තනුව - සී රාමචන්ද්‍රන්
හින්දි මුල් ගායනය තලාට්‌ මෙහෙමුද්-ලතා මංගේෂ්කර්

මෙතැනින් නරඹන්න

 (යු තලය) ...........................................................
02 සමුදුරේ සොයා යති නදී ප්‍රියා - අපි කුසුම් සොයා සැනසෙමු ගං තීරේ පාවි ......................

ගායනය - රුක්‌මණි දේවි - එව්ලින් බාලසූරිය හෙවත් සූරියරාණී
පද සංකල්පනය - ඒ ජේ ද සොයිසා
සංගීත සංයෝජනය - ආර් ඒ චන්ද්‍රසේන

මෙහි සවන්දෙන්න
                         

(විශේෂ ස්තුතිය - ආචාරිනී දර්ශනී චන්ද්රසේන - ආර් ඒ චන්ද්රසේන කණිටු දියණිය)
                        XXXXXXXXXXXXXXXXXXXX



යළිත් හමුවෙමු ...................
































Monday, January 9, 2017

සතර දිගන්තේ සරසා ආ තුරුණු වසන්තයේ රිදි කුමරිය

සිසිර සේනාරත්න සිනමා ගීතාවලිය - 03 -සතර දිගන්තේ සරසා ආ තුරුණු වසන්තයේ රිදි කුමරිය



සිංහල සිනමාවේ පුරෝගාමි මහ පුරුෂයන්ගේ ලැයිස්‌තුවට තම නාමය ඇතුළත් කළ අදියුරු ටයිටස්‌ තොටවත්තයන් ගේ විස්‌කම් රූ රටා හා සකසූ ලතාව මෙපමණයෑයි ගෙනහැර පෑ සිනමා සිත්තමකි   කවුද හරි ලෙසින් නම්වුයේ ඒ 1969 වසරේ ම බක්‌මස එකොළොස්‌වන දිනදීය එහිදි සිසිරයන් තම සුපුරුදු ශෛලියෙන් නිර්භවය මෑත් ව ගියේ එහි ආ ජවනිකාව හා හඩ මුසුකළ වේගරිද්ම බටහිර ශෛලියේ අනුගාමික සී ටී ප්‍රනාන්දු ගායකයාණන්ගේ ගී ගායනා ලතාව වඩ වඩාත් බබළවන්නටය



මී වදයකි ජීවිතේ මී පැණි පිරිලා ඇතේ - මත්විලා ගුම් ගුම් නද දීලා සැනසෙමු අපි හිතුමතේ

මලින් මලට පියඹමු තුඩින් තුඩග රොන්ගමු - ලියන් තමා රසි ඉහිරෙන මල් වැල් ඔවුන් සොයාගෙන යමු



රජයේ සංගීත විදුහලේ දෙවන කණ්‌ඩායමේ සමාජිකයෙකු ව එවකට නැගී එමින් සිටි ආධුනික ගායන ශිල්පියෙකු ලෙස කටයුතු කල වික්‌ටර් රත්නායකයන් ද තමා ව රසික හදවතේ නිදන් කරවු ගුරුදෙවි සුනිල් සාන්තයන්ගේ ළබැඳි අගසිසු අයිවෝ ඩෙනිස්‌ වෙනුවෙන් ද මුල්වරට සිසිර සේනාරත්නයෝ සප්තස්‌වර රටා ඇමුණුයේ මෙයාකාරයෙනි



නැගෙන වැටෙන වැටී නැගෙන පෙරළෙන ලෝකේ- වාසනාවේ දාදු කැටේ අපේ ජීවිතේ

අසන්න මෙතැනින්




පද මුසුව- හෙළ හවුලේ සමාජික ගල්කිස්‌ස සාන්ත තොමසුවන්ගේ විදුහලේ සිංහල බස ගුරුවරයා ලෙස කටයුතු කල අරිසෙන් අහුබුදු ශූරීන් විසිනි



එහෙත් එයින් නොනැවතී  ඔහු සුපුරුදු හඩ අවදිකරන්නට නෙමැළි විය

රිදී කුමාරී සීතල ඇල්ලයි මේ මුඵ ගම්මානේ සෝබන ගම්මානේ

රිදී සිනාවේ ආදර මැණිකේ කදු පාමුල ඉන්නේ - කන්ද උඩින් ආවේ

 අසන්න මෙතැනින්

(ගී පද සංකල්පනාව - නැසිගිය ධර්මසිරි ගමගේ )

Share Music - Embed Audio -

රිදී තිරය අතුපතර විහිදා දඵ ලා වැඩි ගිය වසන්ත සමය උදාවූයේ 70 දශකයේ දීය නොමැකෙන මතක සටහන් ගණනාවක්‌ බිහිකළ අමරණීය ගී නිර්මාණ අතිමහත් ප්‍රමාණයකින් එය හැඩවැඩවූයේ ඊට ආධුනිකයන්ව එක්‌ව තම දායකත්වය සැපයූ සංගීතඥයන් ගණනාවක්‌ නිසයි එහෙත් රාජකාරිමය කටයුතු හා පෞද්ගලික ව කාර්ය බහුල වූ සිසිරයන් හට ඊට එළෙඹෙන්නට කාලය විසින් සිමා බන්ධන පැණවු බව කියෑවෙයි


නිෂ්පාදකයන්ගේ සිහිනමල් පුබුදුවන්නටම උත්සුක නොවී ඉතා හොඳින් සිතාබලා තෝරාබලා තමා තෘප්තිමත් වන්නේ නම් පමණක්‌ එය සාර්ථක නිර්මාණයක්‌ බවට පත්වන්නේ යැයි හැගේ නම් පමණක්‌ ඒ කටයුත්ත භාරගැනීම ඔහුගේ සිරිතයි  මෙකී ස්‌වරණමය දශකයේ අඩකටත් වඩා ගෙවී යන තෙක්‌ම සුපුරුදු ගී රසය මවන්නට ඔහු ඉදිරපත් නොවීය

දේශපාලන ආර්ථික හා සංස්‌කෘතික සංක්‍රාන්ති සමයක්‌ එළැඹී එහි එළිපත්තේ රැඳුනු ලාංකික ගී රසිකදනෝ හට ඔහුගේ ගී නිර්මාණයක අසිමිත රසය විඳගන්නට යළිත් අවස්‌ථාව උදාකර දුන්නේ ප්‍රවිණ සළරූ අධ්‍යක්‍ෂවරයෙකු වූ එම් වී බාලන් විසිනි ඒ ඔහුගේ මගේ රන් පුතා ලෙසින් නම්වු සිනමාපටය ඔස්‌සේය ඒ 1978 නවම්  මස 02 වන දාතමින්ය



ආවාදෝ පැතුම් සඳේ කැඵම් දරා  - ආවාදෝ තුරුණු වසන්තේ

සරසලා සතර දිගන්තේ- මැණික්‌ තලා පාවේ මැණික්‌ රිදී යාවී

විහගුන් ගයනා ඒ ගී නාදේ - රැව්දේවි මධුර වසන්තේ

ආවාදෝ තුරුණු වසන්තේ- සරසාලා සතර දිගන්තේ



ලෙසින් සමූහ ගායිකාවන් හා හඩ මුසුකලේ යළිත් ඇයය එනම් ඉන්ද්‍රාණිය

ගී පද බැඳුම - හර්බට් එම් සෙනවිරත්න ශූරීන් විසිනි
අසන්න මෙතැනින්


Upload Music - Upload Audio Files -

මෙයද ඇතුලත්ව

01අනුරාගි අපාර අහසේ (වික්‌ටර් රත්නායක සමග ඉන්ද්‍රාණි විජයබන්ඩාර)

02   ජීවිතේ මේ සුවදේ සැපදේ
03  කෝ යුක්‌ති ධර්මේ මේ පූර්ව කර්මේ
04   සඳපායා සඳ මඩලේ  ඕ සැනසේවා නැළවේවා


යන මේ ගී දාමයෙන් එකි සිනමා සිත්තම හැඩගැන්විනි

තෝරාපත් ව ආ නව පාලක පැලැන්තියේ නව ආර්ථික පෙරළි හා මුල්‍ය ප්‍රතිපත්තිය අනුව  ගී රස වින්දනයේ යෙදුනු රසිකදනා හට නව තාක්‍ෂණීක උපකරණ වැඩිමනත්ව ලැබී තිබිණි ඊට ගැළපෙන ලෙස පෙර දෙදශකයේ ගැයුණු සිනමා ගීතද ගුවන් විදුලි ගීතද තාක්‍ෂනික ප්‍රයෝග ඔස්‌සේ නවිකරණය වන්නට පොළඹවා තිබුනු අතර එය සංගීත කලාවේ නියෑලි ව්‍යාපාරික ප්‍රජාව වෙත නව ආදායම් මාර්ග ජනිත කරවන සම්පත් ආකාරයක්‌ විය ඒ අනුව සිසිර ඉන්ද්‍රණී යුවළ හට නව ආරාධන ගලා විත් අතිශයින් කාර්ය බහුල විය

එහෙත් ඉහත සිනමා සිත්තම තිරගත වී යම්තම් සයමසක ඇවෑමෙන් ඔහුට යළිත් ඇරයුමකි ඒ ප්‍රවිණ සිනමා නිමැයුම්කරු ධර්ම ශ්‍රී කල්දේරා ගේ දිපංජලී වෙනුවෙනි

ඒ වෙනුවෙන් ද තම කාලය හා ශ්‍රමය කැපකල මේ සත්සරවේදියාණන්හට ඊට සුදුසු බුහුමණ කැන්දා අවේ සිය ප්‍රිය බිරිඳ විසින් හඩමුසුකල මෙකී ළයාන්විත ගී පද සංකල්පනය වෙතිනි


ජීවිතයේ ප්‍රේම කථාවේ මාද ඔබේ සිහින කුමාරි - ආදරයේ වස්‌දඩු රාව්

නිනාද නැගේවි රැඳේවි සවන් පුරා


දීපාංජලී වෙනත් ගී

ලස්‌සන ලෝකේ සැදූවේ - ජෝර්ජ් ලෙස්‌ලි රණසිංහ

හඳපානේ මදහාසේ - උපාලි ධනවල විතාන

කොට ගවුමටා - ආචාර්ය අජන්තා රණසිංහ


මෙකී කන්කඵ ගීතාවලියේ හිමිකරුවාණෝ සංගීතඥ සිසිර සේනාරත්නයන්  තමා භාරගත් ගී නිර්මාණ  හැකි උපරිම අයුරින් විශිෂ්ඨ ලෙස නිම කරන්නට වෙර දරයි ගායනයට සහභාගි වන ශිල්පීන් ගේ පුහුණුවිම් පිළිබඳව ඉතාම සැලකිල්ලේන් කටයුතු කරයි

සැඳෑ හිරු කිරණ දෙරණත සිප සනසන යාමයේ අගනුවර රාජකාරි ස්‌ථානයෙන් බැහැරව එවකට ඔහු විසූ කැළණිය පුරවරයේ නිවෙස කර පියමං කරනු ලබන්නේ අදාළ කටයුත්තට වහා වහා එළඹ දයාබර බිරිඳ ඉන්ද්‍රානි ද කැඳවාගනිමින් ඊට සුදානම් වෙයි

අදාළ පදමාලාව කියවමින් ඊට ඇවැසි තනුව මුමුණයි වරෙක හාර්මෝනියම් වාද්‍ය භාන්ඩය මත කඩිසරව ඇගිලි තුඩු දිවයාමට සලස්‌වයි නැවතත් මුමුණයි

ගී රස මවන ක්‍රියාන්විතයේ තමාගේ සෙවනැල්ල බඳු ප්‍රවිණ ගුවන් විදුලි වාද්‍ය ශිල්පී ටී එෆ් ලතීෆ් කැඳවයි තමා මුමුණන ගී තනු ස්‌වර ප්‍රස්‌ථාර ලෙස ඔහු ලවා ප්‍රතිනිර්මාණය කරවයි සංගීත අදියුරු සැලසුම්කිරීමේදී අදාළ වාද්‍ය මන්ඩලය සපයා දෙන ලෙස දන්වයි

අති විශිෂ්ඨයන් ගේ සුමියුරු වාද්‍ය රටා මගින් තම දරුකැළ වන් ගී නිර්මාණ සරසවාගනු ලබයි එම් කේ රොක්‌සාමි හා පැට්රික් දෙණිපිටිය මෙකී සිසිර - ඉන්ද්‍රාණී ගීතාවලිය හැඩගැන්වුන් අතර ප්‍රමඛතමයන්ය

80 දශකය ට පිවිසෙද්දී දිවයිනේ දේශපාලන කැළඹිලි හා අස්‌ථාවරභාය කෙමෙන් හිස ඔසවන්නට පටන් ගෙන තිබුණු අතර 1983 කුප්‍රකට ජූලි වාර්ගික අර්බුදය එහි හැරවුම් ලක්ෂ්‍යයක්‌ බවට පත් විණි සිංහල සිනමාවේ කඩ ඇණය ලෙස පැවති එකී ජනවාර්ගයේ ශිල්පීන් ගේ නිර්මාණ දේපොළ සුණුවිසුණු ව  සිංහල සිනමාවේ ස්‌වරණමය යුගය මියයමින් පැවතිණි

මෙකී ප්‍රවිණයාගේ සිනමා ගී චාරිකාව ද එයින් නිම වූ බවක්‌ පෙනිනි ඔහුගේ සුමියුරු ගුවන් විදුලි නිර්මාණපෙළ ද ක්‍රමයෙන් වියෑකී යන්නට පටන් ගැණනි ආරාධනා ප්‍රතික්‍ෂේප කරන්නට සිදුවූයේ තම හෘද සාක්‍ෂියට එකගව නිර්මාණකරණයේ යෙදෙන්නට අවකාශය සිමිත වූ බැවිනි


ශ්‍රවණ රමණී - පන්ඩිත් අමරදේව

ශ්‍රවණ ආරාධනා - නන්දා මලනී

ස - වික්‌ටර් රත්නායක

ස්‌වර්ණ කුන්ඩල -  සනත් නන්දසිරි- මල්කාන්ති නන්දසිරි  

70 දශකයෙන් ඇරඹ දැවැන්ත රසික ආකර්ෂණයක්‌ අත්කරගත් ලාංකීය ගෘහස්‌ත සංගීත ප්‍රසංග මාලා මෙකී දශකයේදීද  රැළි නංවමින් ගලා ගියේය



එයින් මෙතෙරින් එතෙරට පමණක්‌ ගලා ගියේ ඔවුන්ගේ  සිසින්ද්‍රා ගී ප්‍රසංගයයි 1983 න් ඇරඹ එංගලන්තය  ප්‍රංශය  ඕසට්‍රේලියාව  ඉතාලිය හරහා මැද පෙරදිග කලාපයේ සුවහසක්‌ ලාංකීය රසික ජනයා ගේ සුන්දර අතීතාවර්ජනය සිතිවිලි ධාරා කුල්මත් කරමින් එය පැවැත්විනි

1996 වසරේදී චතුර්දශකයක රාජ්‍ය සේවයෙන් ඉසිඹුලැබ විවේක සුවය සැහැල්ලු ලෙස හා විනෝදයෙන් ගතකල ඔහු ටද ලෝ දහමට නතුවන්නට සිදුවුයේ ඉන් සයවසරක ඇවැමෙන් අනපේක්‍ෂිතව රෝගාතුර වීමෙනි තම නිර්මාණ දිවිය අත්හළ සිසිරයන් හට ඔහුගේ රසිකදනා හා ඇසුරට තවත් වසර තුදුසක්‌ අවසර ලැබ තිබිණි

විසිඑක්‌වැනි සියවස ගෙවී තවත් වසර පසළොසක ඇවෑමෙන් නවම් මස සයවන දිනක ඔහු තම ආදරණීය බිරිඳ ඉන්ද්‍රාණී හා තෙදරුවන් හා ඔහුගේ නිර්මාණ රසවිඳි සුවහසක්‌ රසිකදනාගේ වර්තමාන භවයන්හට සමුදී නික්‌ම ගියේය


සිසිර සේනාරත්න ගුවන් විදුලි ගී අතරින්......

අහසේ ඈතට පා වි යනවා (සරුංගලේ) - දයා ද අල්විස්‌

සල්සපු මල් දෙවැට දිගේ
 

නුහුරු නුපුරුදු රහස - කරුණාසේන ජයලත්


ගයා ගීතයන් ගමේ වෙල් එලියේ


අදරණිය සුජාතා


නිල්මිණි දැසේ මැවු ආලෝකය


මංගල මල් දම් පතා ඉඳිමි මම (වික්‌ටර් රත්නායක සමග)


සයුර වෙත යන ගග පරිද්දෙන් 


නටපං නයිහාමි


රෑ හඳ පායාලා අද වාගේ 



ජනප්‍රිය වෙළඳ තැටි නිර්මාණ සමහරක්‌


පිවිතුරු සිතින් - ප්‍රේමකීර්ති ද අල්විස්‌


අදරේ පෑ ඉරේෂා - කරුණාරත්න අබේසේකර


කතරගමේ සුරදෙව් පුරේ - ප්‍රේමකීර්ති ද අල්විස්‌


සල්මල් විමානේ සැංගී සිනා සේ


සිහිනෙන් ලංවි


විශේෂ ස්‌තුතිය ප්‍රවීණ ජ්‍යෙෂ්ඨ ගායන ශිල්පිනී ඉන්ද්‍රාණී විජයබන්ඩාර මහත්මිය

ගී නිර්මාණ විස්‌තර - ළකිඳු පීරිස්‌ මහතා

       xxxxxxxxxxxx   ස මා ප් ත යි xxxxxxxxxxxxxxxxxxxxxx