එදා ගී වසන්තය එළැඹී දා.............අහසේ මිදුම් වළා අතරේ රැව්දුන් කිරිල්ලියන්ගේ ගී හඞ - 09
’ඉන්ද්‍රානි පෙරේරා’ අඩසියවසකට පෙර දිවිගෙවු ඇගේ මව්බිමේ වැසියන් පුරුදු ලෙසින් හඳුනාගන්නට සමත් වු, කාර්යභාරය ඇයට ඉටුකරදුන්නේ ද ඇයව ගීත කලාවට හඳුන්වාදුන්නේද ශ්‍රී ලංකාවේ කලක් මහත් සේ පැතිර පැවති ’වෙළඳ තැටි ගී’ කලාවයි. පෙර සඳහන් කළ පරිදි 1969 ’දිල්හානි දුවනී’ ගීතය ’සූරිය’ තැටි ලේබලයෙන් එළිදුටු පසුව නිරන්තරයෙන් ඇය පසුපස ඔවුහූ එකිනෙකා හඹා එන්නට විය.
1975 තරංගා සිනමා පටයේ ගීත පටිගතකරමින්
වමේ සිට විමල් වෛද්‍යසේකර, පන්ඩිත් අමරදේව, ඉන්ද්‍රානි, මානෙල් වානගුරු (තරංගා චරිතය), රවින්ද්‍ර රන්දෙනිය (චරිත නිරූපනය) සහ ගී පද රචක ධර්මසිරි ගමගේ ශුරීන්
------------------------
ජෙරල්ඩ් වික්‍රමසූරිය ව්‍යාපාරික සහෘදයා ගෙන් පසුව ඉහත සඳහන් කළ පරිදි
අජන්තා විජේසේන - අර්ටෙක්
ක්‍රිශාන්ත කුරේ - ලෝටස්
විජය රාමණායක - තරංගා
විජයපාල හෙට්ටිආරච්චි - ජෙම්ටෝන්
ෂන්මුගම් - ෂාන්
කෙනත් පෙරේරා - සිල්වර්ලයින්
සහ ඇයගේ පවුලේ සාමාජිකයන්ගේ සහයෝගීත්වයෙන් එළිදුටු ’ඊ එම් අයි’ ලේබලය විසින් ඇය ඇතුඵ සොයුරියන්ගේ ගීත දෙසියය ඉක්මවා තැටිගත කරන්නට යෙදුනි. ඒවා අතරින් රසිකයන්ගෙන් වසන්ව සැඟව ගිය ගීතයක් වේ නම් එය අතැඟිලි ගණනටත් අඩුය. මේ ලැයිස්තුව ආවර්ජනය කළේ නම් එය පහත පරිදිය.
ඉන්ද්‍රානි පෙරේරා ඒකල ගීතාවලිය - වෙළඳ තැටි
පිළීවෙල
ගීතය - ගීත පද රචනය - සංගීතය - ලේබලය
ආදර නංගී මා පොඩි මල්ලී - ප්‍රේමකිර්ති ද අල්විස් - ක්ලැරන්ස් විජේවර්ධන - තරංගා
අන්න සුදු අර පාට වලා - හර්බට් එම් සෙනවිරත්න- නව සංගීතය - ක්ලැරන්ස් - සූරිය (1953 කැළෑහඳ - රුක්මණි දේවි උපහාර)
ආරාධනා දෑසේ සඟවා තියා - උපාලි ධනවල විතාන - ක්ලැරන්ස්
කාලෝ කාලෝ - මේල්රෝයි ධර්මරත්න - තරංගා
දෑසේ සිනාවෙන් ඔබේ කල්පනා - කරුණාරත්න අබේසේකර - වික්ටර් දඵගම - අයි එම් අයි
දිගේ අදවාගේ රබන් ගසන්නා - වර්ණන් පෙරේරා - මයික් ගුණසේකර - සිල්වර්ලයින්
දිල්හානී දුවනී - ක්ලැරන්ස් විජේවර්ධන - සූරිය
උදාර සිංහල (දොයි දොයි පුතුනේ) - කරුණාරත්න අබේසේකර - ක්ලැරන්ස් - ලෝටස්
එදා තරම් මගේ සිතේ (සැණකෙළියේ) - ක්ලැරන්ස් විජේවර්ධන - ලෝටස්
එක දවසක් මම දුටුවා - ක්ලැරන්ස් - ලෝටස්
ගාමිනි පැරකුම් රජවරු බිහිකල - ප්‍රියා පීරිස් - ප්‍රියා පීරිස් - සූරිය
ගිය ඉරිදා ඔබ - මෙල්රෝයි ධර්මරත්න - මෙල්රෝයි - තරංගා
හා හා හොරේ දැනුනා - ක්ලැරන්ස් - ලෝටස්
ජැන්ඩි පහට ඇඳලා - හේමසිරි හල්පිට - ක්ලැරන්ස්
ජේසු බිළින්දා ලෝකේ උපන්දා - ක්ලැරන්ස් - ලෝටස්
කල්පනී දුවනි සිත් සතන් - ක්ලැරන්ස් විජේවර්ධන - ආටෙක්
කං කං බූරූ සිං සිං ඥෝරූ - ක්ලැරන්ස් - සිල්වර්ලයින්
කවුදෝ කවුදෝ මා සෙව්වේ - කේ ඩි කේ ධර්මවර්ධන - සරත් දසනායක - ලෝටස්
කඳුකරයේ සීතලේ මිහිදුම් තිර (ක්ලැරන්ස් සමග) - ක්ලැරන්ස් - ආටෙක්
කඳුළෙන් තෙමිලා මගේ දෙනෙත - ක්ලැරන්ස් - ආටෙක්
මා පුංචි ඒ කාලේ මේ පුංචි ගම්මානේ - ප්‍රේමකීර්ති ද අල්විස් - ක්ලැරන්ස් - සිල්වර්ලයින්
මට මතකයි ඔබ - ප්‍රේමකීර්ති ද අල්විස්, ස්ටැන්ලි පීරිස්
මගේ හිත වෙනතක යාවි ඇතිබව - කේ ඩි කේ ධර්මවර්ධන. සරත් දසනායක - ලෝටස්
මයුරී මගේ සුදු කෙල්ලේ - උපාලි ධනවල විතාන- ලාල් තේනබදු
මතකය ඇසුරින් සිහියට ගන්නට (අම්මා) - ක්ලැරන්ස් - ලෝටස්
නීල දෑසේ මගේ ආසාව පිරිලා - ලක්ෂ්මන් පෙරේරා, අර්නස්ට් සොයිසා - ආටෙක්
නෙල්ලි කැලේ වැල්ල දිගේ එන්න සොයා - ප්‍රේමකීර්ති ද අල්විස් - සරත් දසනායක - ආටෙක්
නිරංජලා කාටfාද් ආදරේලු දැන් (ප්‍රියන්ත ප්‍රනාන්දු සමග) -අජන්තා රණසිංහ, ක්ලැරන්ස් - ලෝටස්
නිසංසලේ අපි තනිවෙලා - ක්ලැරන්ස් - සිල්වර්ලයින්
නොනිදා පහන් කලේ - කේ ඩි නිකලස් - මෙල්රොයි - තරංගා
ඔබ මවෙත ගෙනා - ක්ලැරන්ස්
ඔළිඳ කැලේ හිමිදිරියේ ඔළිඳ නෙළලා - වර්ණන් පෙරේරා, ක්ලෝඩ් ප්‍රනාන්දු
පවුරු වළල්ලක් බැඳලා - (ඇනස්ලි මාලේවන සමග) - කරුණාරත්න අබේසේකර - සරත් දසනායක - ආටෙක්
රන් පහනකි පැල්පතේ - ක්ලැරන්ස් - අයි එම් අයි
සාගරය පරදා උතුරා - ප්‍රේමකීර්ති ද අල්විස් - සරත් දසනායක - ආටෙක්
සලා දෙතොල් මල් පෙති විදා - කේ ඩි නිකලස් - මෙල්රෝයි ධර්මරත්න - තරංගා
සමුගෙන යන්නෙමි මම ඔබ )වර්ණන් පෙරේරා සමග) - ක්ලැරන්ස් විජේවර්ධන - සූරිය
මගේ දෑස නැලවී සඳරේණු දුවනී - ෂෙල්ටන් වීරරත්න- ක්ලැරන්ස් - ලෝටස්
සැන්දෑවෙලා එන්නම් කියාලා - කරුණාරත්න අබේසේකර - වික්ටර් දඵගම - අයි එම් අයි
සැංගී සැංගි ඔය සෙව්වේ නංගී - ක්ලැරන්ස් - ලෝටස්
සැරදේ සැරදේ සුබ උපන් දිනක් වේ - ක්ලැරන්ස් - ලෝටස්
සතුටු සුළං රැලි හමා ගියා - කේ ඩි කේ ධර්මවර්ධන- සරත් දසනායක - සූරිය
සිරිකත වැඩියා අද දවසේ - ක්ලැරන්ස් - ලෝටස්
සිතින් මා ඔබේ ආදරේ - ක්ලැරන්ස් - සිල්වර්ලයින්
සුදු අසු පිට නැගලා - හඩ්සන් සමරසිංහ - ලාල් තේනබදු - සිල්වර්ලයින්
සුමුදු මල් පිපුණු අතුකොනේ - ක්ලැරන්ස් - සූරිය
තැල්ල ගෙලේ ලා ඉහේ මල් ගවසාලා - කරුණාරත්න අබේසේකර - සරත් දසනායක - ලෝටස්
තිළීනේ ලෙසින් පිළීගන්වමී - වර්ණන් පෙරේරා - මිල්ටන් පීරිස් සහ ස්ටැන්ලි පීරිස් - සිල්වර්ලයින්
යොවුන් වියේ මල් - ක්ලැරන්ස් - ලෝටස්
-----------------ඉන්ද්‍රානි රන් රසු දැල් රාවය අතරින් දුලබ ගී කිහිපයක්--------------------------------
ඇය ගැයූ ගීත පදමාලා එකක් දෙකක් හැරුණුවිට, අන් සියල්ල අරුත්බරය, රසපූර්ණය. කාව්‍යරසයෙන් පරිපුර්ණිතය. ඇයගේ යුගය සිංහල ගීතාවලියේ කෙළිලොල් සැණකෙළි සමයයි, චමත්කාරජනක ගී පද සංකල්පනා මැවිය හැකි, උන්මාදනීය මාධූර්යෙයන් සපිරි ගී තනු රචනා මැවිය හැකි, කවියන්, සංගීතඥයන් සිය ප්‍රතිභාව අරුණෝදයේ පිබිදෙන රත්තඹුරු මෙන් විකසිත කරගත් යුගයයි. ඇයගේ ද ගී රසික අපගේ ද වසනා මහිමයෙන් ඇය එදා ඒ පරපුරේ සාමාජිකාවක්ව දොරට වැඩියාය.
අදද ’ඉන්ද්‍රානී’ වැනි දුලබ හඞ මාධුර්යයන් සතු යුවතියන් එමට සිටිනවා විය හැකිය. ඔවුන් ද ඇය මෙන්ම රුවින් සපිරි පංචකල්‍යානියන් නොවන්නට හැකිය. එහෙත් ඔවුනට පෙරට එන්නට අත්වැල සපයන්නට මානව ගුණයෙන් යුත් උත්තර මිනිස් දහමින් සුසැදි මානවයන්, සංගීතඥයන්, කවියන් නැත්තේය. ඔවූහූ කැළෑ මන්ඩියේ පිපී එහිම පරවී යන්නට නියමිතය.
01
සැන්දෑවෙලා එන්නම් කියාලා..........
යද්දී ගියේ හැරිලා බලා ....
නොදැනීම රෑවේ සඳ දැන් සිනා වේ....
සිත චංචලයි..මා බයයි...මන්ද නාවේ .....
ගමනක් ගියාදෝ..වරදක් වුනාදෝ...?
සුසුමක් නැගී මා දැවේ..මක් උනාදෝ...?
------------------------------
ගී පද - කරුණාරත්න අබේසේකර - 1974
සංගීතය - වික්ටර් දඵගම
-------------------------------
02
නීල දෑසේ මාගේ ආසාව පිරිලා ....
සීන ලෝකේ රැඳිමි මම්....
වාසනාවේ ප්‍රිතියෙනී දෑතේ ඔබගේ වෙළෙමින් ආදරේ.....
ඔබ මා දුටු දවසේ සිට
බැඳුනේ හද රඑසේ මගේ
මල් සීනය හෙළිවී ඇත මිහිරේ මගේ
මේ ගීතය හැමදාකම මිහිරක් වී ගයමි මම
ඔබ මාගේ මේ දෑස පියනා තුරා
මිහිරි ලෝකේ රස වෑහෙනා
දෑසේ තෙරපිලා උතුරා ගලයි
-------------------------------
ගී පද - ලක්‍ෂමන් පෙරේරා
සංගීතය - අර්නස්ට් සොයිසා
-----------------------------
03
රන් පහනකි පැල්පතේ ආදර බර සුදුපුතේ....
දේ සැනසුම මේ ලොවේ මා සතු එක වස්තුවේ...
රොන් සොයද්දී සමණලුන් චූටි පුතු දැකලා ...
පුංචි මලකැයි රැවටිලා මූණ සිඹලා ගියා...
පුන් සඳක් වළාකුලින් කැඵම් පෙරලා දෙමින්...
මාගේ මැණිකට ආසාවෙන් ඈතින් එබී බලයි.....
--------------------------------
ගී පද සහ සංගීතය - ක්ලැරන්ස් විජේවර්ධන
-----------------------------
දිර්ඝ ස්වර උසුරුවීම (ආලප්) පෙරදිග සංගීතයේ යෙදෙන සුලභ ක්‍රමවේදයකි. ඇය එහි කවරාකාරයෙන් නිරතවේද ? විමසා දැන සවන් දෙන්න
04
තැල්ල ගෙලේ ලා ඉහේ මල් ගවසාලා...
මුදු පළඳන්නේ කෙළෙසදෝ..............
මා කැඳවා යන්නේ කවුරුදෝ......................
මා නම් නෑ සනෙහසින් මුලාවුනේ ...
නෑ කිසිවෙකුත් මුළාකලේ .....
මා රැවටුනේ නෑ මෙතෙක් මේ ලොවේ ....
-------------------------------
ගී පද - කරුණාරත්න අබේසේකර
සංගීතය - සරත් දසනායක
-----------------------------------
05
ඔළිඳ කැලේ හිමිදිරියේ ඔළිඳ නෙළලා....
තව මතකයි පැළඳුව හැටි මාල සදාලා ...
පොරොන්දු වන හැටි මතකද ඔබ දිවුරාලා....
නැතිවද තව රත්තරනින් මාල සදාලා....
සිංහල කුලසිරිත ලෙසට මම ඔබේ අත ගන්නම්...
දුක සැප එක විලසට සමව බෙදා ගන්නම්...
රජ මැදුරක නැති සැනසුම පැළතුල සලසන්නම්...
ඔබ රජෙකුට සමව සිතා සැමවිට ලඟ ඉන්නම්...
1979 වසරෙන් මතුවට, ලක්දිවට සැපත් වූ ගීත රසවින්දනයේ නව ප්‍රවණතාවය වූයේ හුරුබුහුටි කුඩා චුම්බක පට ඇතුළත් ’කැසට්’ ය. ඒවා වාදනය කළ හැකි යන්ත්‍ර වෙළඳ පොළ පිරි ඉතිරි ගිය අතර, ගී තැටිය විඳි ආයු කාලයට සමාන කාලයක් එනම් නව සහස්‍රකයේ මුල් වසර කිහිපය දක්වාම ඒවා සංසරණය වෙමින් පැවතියේය. එහි කුටප්ප්‍රාප්තිය සටහන් වූයේ 1979-89 දශකයයි.
මේ දෑස කාගේදෝ - ප්‍රේමකීර්ති ද අල්විස් - ස්ටැන්ලි පීරිස් - 1980
ඉර මුදුනේ ගිරවුන්ගේ කලබලේ - මහාචාර්ය සුනිල් ආරියරත්න - ආචාර්ය රෝහණ වීරසිංහ - 1982
වේගරිද්මයෙන් පොප් ගී නිතර ගැයූ ඇයගේ සුපැහැදිළි ගී හඞ ’විරහ ගී’ රසගන්වන්නේද ? ඊට පිළිතුරු සපයන්නට ඇයට සහය වූයේ ද සංගීතවේදී සරත් දසනායකයන්ය. විරහ වෙන්වීමක් ගැන කියවුනු ප්‍රේමකීර්ති ද අල්විස් ගී පදමාලාව ඇය විසින් පණපොවා දැන් දශක පහකට ආසන්නය. එහෙත් එහි මිහිර වියැකි නැත්තේය.
සාගරය පරදා උතුරා පිදුව පෙරදිනේ...........
ආදරය කොයිදෝ ඔබගේ නපුරු කුමරුනේ....
ඔබේ කතා නෑසි ගියා..............
පෙර මාගේ දෑතේ බැඳි දෑත ඈගේ දෑතේ පැහිලා....
මල හා ජලාසේ..විලසේ බැඳේවා ..වේවි වාසනා....
දෙදෙනා සැරදේ ..ජයවේ ...ජයවේ ...................
ඉන්ද්‍රනි පෙරේරා ගේ හඞ සුමටය සුමුදුය. එය ඇය සතු සම්පතකි ඇය ලද විරල දායාදයකි. මක් නිසාද යත් ඇයගේ හඞ අනුකරණය කරනන්ට සමත් යුවතියන් කිසිවෙකු රියැලිටි හෝ එකල පවා අධුනික ගායන තරඟයකදී ප්‍රකට නොවූ හෙයිනි. මේ වග ඇයව ක්‍ෂේත්‍රයට සම්බන්ධ කරවීමට අත හිත දුන් සූරිය තැටි ලේබලයේ නිර්මාතෘ ජෙරල්ඩ් වික්‍රමසූරිය මහතා ද තිර කල බව වෙසෙසා යළි දක්වනු මනාය.
මෙම ලිපි මාලාව පරිශීලනය කරනාතුරාවට ඇයගේ විවිධ ආරයේ සිනමා - ගුවන් විදුලි - ජන ගී සම පොප් ගී රසවිඳි රසිකයන් පවා නොපැකිළිව ඒ බව පිළිගන්නා බව නිසැකය. ඊට නිදසුන් ලෙස ඇයගැයු ගීත ගණනාවක් මෙම ලිපි මාලාවට අමුණා තැබුවෙමි.
ඇයට අයුරාරෝග සම්පත සමගින් චිර ජීවනය ඉත සිතින් පතමින් මෙම ලිපිපෙල මෙතෙකින් අවසන් කරන්නට අවසර පතමි.
සමාප්තයි.
