namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Wednesday, May 4, 2016

කාංචනාගේ අන්දරය

පසුවට ඔබ පසුතැවෙනු එපා


මේ කියන කාංචනා කොළොම්පුරවරයේ යොවුන් දැරිවියක්‌

ඈ තමාට වඩා බෙහෙවින් වැඩිහිටි පුද්ගලයෙකු හා පෙමින් වෙළි සිටියා

ඇගේ දෙම්ව්පියන් එයාකාරයේ සම්බන්ධයකට විරුද්ධ වීම අසන්නත් දෙයක්‌ද ?

 ඔවුන් මහත් සේ කැළඹී සිටියා

ඒ වගේම බෙහෙවින් අසිරූතාවයකට පත් වී සිටියා

 ඇය වැඩිහිටි කිසිවෙකුගේ බහට කන්දෙන්නට සූදානම් ව සිටියේ නෑ ඒ නිසා ඔවුන්ද මහත් අසරණ තත්වයකට පත් වී සිටියා

එය මගේ සිතද බෙහෙවින් සසළ කළා

මේ අතරවාරයේ  ගුවන් විදුලියේ එක්‌තරා වැඩමුඵවකට සහභාගී වීම පිනිස අපට උතුරුමැද පළාතට යන්නට සිදුව තිබුනා

එදා රාත්‍රියේ  ගුරු ඇබැසී පුහුණු විදුහලක අපට නවාතැන් ලැබුනා

ඈතඉමේ රක්‌තවර්ණ අහසේ හිරු අවරට යමින් තිබුන ගොම්මන් වෙලාවේ දී පවා ඇගZට දැණුන අපහසුව කියන්න බැරි තරම්  ග්‍රිෂ්මය සමග තවත් මහ කරදරයකට මුහුණ දෙන්නට අප කන්ඩායමේ සාමාජිකාවකටත් මටත් සිදුවුනා

ඒ කෝඳුරු කරදරයක්‌

මේ කෝඳුරු සේනාවෙන් බේරෙන්නට නම් අපට කොහෙත්ම පුඵවන් වුනේ නෑ

 මෙs ගැන සංවාදයක්‌ ගොඩනැගෙද්දී අපට ඒ පළාතේ උදවියගෙන් දැනගන්නට ලැබුනේ අපූරු කථාවක්‌

ඒ දඵක්‌ ගස්‌වල මල් හටගන්නා කාලයක්‌ බවත් එහි පැණි උරා බොන්නට මේ කෝඳුරුවන් දහස්‌ ගණනින් ඇදි එන බවත් ය

නමුත් දඵක්‌ පැණි විෂ සහිතයි ඒ නිසා මෙa කුඩා සතුන් එහි ඇළි මියයනවා

ඒ සැන්දෑ යාමයේ අප නැවතී සිටි ගොඩනැගිල්ලේ කවුඵවෙන් එපිට ඇසගැටුණු තුරු සෙවණක්‌ යට හිඳ පෙම්බස්‌ දොඩමින්  සිටින යුවළකගේ දසුන කාංචනාගේ සිදුවීම  මතකයට නංවනු ලැබුවා

කෝඳුරු කරදරයද මෙකී සිදුවීම ද පාදක කරගනිමින් මා අතින් කාංචනා පදවැල් එකින් එක ගෙතෙන්නට පටන් ගත්තා

පසු දිනක ත්‍යාගා මා සොයා ආවේ ඇගේ සරළ ගී වැඩසටහනක ගීතයක්‌ සොයාගන්න උත්සහ දරමින් සිටියදීය

එදා ගෙතු පදවැළ ඉතිරි කොටස්‌ එතැනදී සම්පූර්ණ කරනු ලැබq මා එය  ඇය අත තබා විමසා සිටියේ සංගීත නිර්මාණය කරන්නේ කවුරුන්ද යන වගයි

 ඒ අපේ ස්‌ටැන්ලි මාස්‌ටර්

පිළිතුරු ලෙස ඇය ප්‍රකාශ කළ

එදින මෙය පටිගත කරනු ලැබුවා

පසුව මෙය තැටිගත කර ප්‍රචාරය කරන්නට පටන් ගත්තට පස්‌සේ අති මහත් ශ්‍රාවක ප්‍රතිචාරයක්‌ ලැබුවා මතකයි


ඒ මෙය සමහරුන්ගේ පෞද්ගලික ජීවිතයට කෙළින්ම බලපාන කරුණක්‌ අරභයා ලියූ පදවැළක් නිසා වන්නට ඇතැයි සිතෙනවා

ඇය මෙs නිර්මාණයේ පසුබිම් කථාව ට විරාමය තැබුවේ ඒ අයුරින්

ඇය ප්‍රවිණ ගුවන් විදුලි නිවේදිකාවක්‌ කිවිඳියක්‌ පුවත්පත් විශේෂාංග ලේඛිකාවක්‌ වන මාලා වජිරා පෙරේරා ය
 









දඵක්‌  (Euphorbia antiquorum)- වියළි කලාපයේ වැවෙන ඔෂධීය පැළැටියකි කටු සහිතය අර්ශස්‌ මළබද්ධය ඉදිමුම් සමේ රෝග ඇතුඵ රෝග කිහිපයක ප්‍රතිකාර සඳහා භාවිතා කෙරේ


මෙතැනින් අසන්න

(පසු පිටපතකි)

වෙනත් පටිගතකිරීමක්‌ රසවිඳින්න - සුපර් ෂයින් වාදක මන්ඩලය ත්‍යාගා එන් එඩ්වර්ඩ් සමග

(අනුග්‍රහය - ගී සංරක්‍ෂක ළකිඳු පීරිස්‌ මහතා විසිනි)

------------------------------

මේ ඇයගේ කථාවයි


කොළඹ දෙමටගොඩ පදිංචිවී සිටි ඇය හා පුරා කියා අකුරු කලේ යාබදව පිහිටි ශාන්ත ජෝශප් බාලිකා පාසලට ඇතුළත්වීමෙනි


ඉන් පසුව එවකට බැප්ටිස්‌ට්‌ විදුහල ලෙස ද හැඳින්වූ දැන් යශෝධරා බාලිකාවියක්‌ව පාසල් අධ්‍යාපනයේ යෙදෙන අතරතුරදීය ගුවන් විදුලි වැඩසටහන් සඳහා සහභාගි විය

සුගතපාල සෙනරත් යාපා ගේ හන්තානේ කථාව සිනමා සිත්තම වෙනුවෙන් හඩ දායකත්වය සැපයූ ඇය එහි සුඵ චරිතයක්‌ද රගZපැවාය

පසුව ගුවන් විදුලියේ රන් යුගයේ එනම් 1972 වසරේ දී සහන නිවේදිකdවක්‌ ලෙස සේවයට බැඳුනු කණ්‌ඩායමට ඇය ඇතුඵ ආරියසිරි විතානගේ / සමදරා කෝට්‌ටගේ / ඉන්ද්‍රා රාමණායක / සෝමසිරි චන්ද්‍රසේන ද ඇතුළත් විය

 එතැනින් ඔබ්බට පියමං කරමින් ගුවන් විදුලි ළමා වැඩසටහන් නිෂ්පාÈදිකාවක්‌ ප්‍රවෘත්ති ප්‍රකාශිකාවක්‌ ශිල්පීන් පුහුණු කරන්නියක්‌ ලෙස කටයුතු කරනු ලැබූ මාලා වජිරා තම ආයතනයේ අමිල සම්පත වූ තැටි-පටි පුස්‌තකාලය වෙනුවෙන් කරනු ලැබු මහගු කර්තව්‍යය වූයේ එහි ග්‍රැමෆොaන් තැට්‌ වර්ග කර තෝරා ඊට සුචියක්‌ සකස්‌ කිරීමයි

 ඇය ගේ පෑන් තුඩින් ලියෑවුණු ගීත ද සංඛ්‍යාත්මක අඩු ගණනක්‌ වූවද ඒවා ශ්‍රාවක හදවත් ආදරයෙන් වැළඳගත් නිර්මාණයන් විය

 ඒ අතර

 දෑස වසා සිටියා (මායා දමයන්ති) / රන්හූයෙන් (ශීලා පරණමානගේ) /  එපා එපා ඉකිබිඳ හඩනු එපා (අමරා රණතුංග) වැනි නිර්මාණ ද සුවිශේෂීය

පෞද්ගලික දිවියේ විවහක තිදරු මවක්‌ ලෙස කාර්ය බහුල වූවද ඉහත කී වැඩකටයුතු කරමින්ම දිවයිනේ නමගිය පුවත්පත් - සගරා සඳහා ලිපි සැපයීම ද අඛන්ඩව සිදු කළේය

 තම නිසග හැකියාව ගුවන් විදුලියට පමණක්‌ සිමා නොකර ඈ සිනමාවට අවතීර්ණ වූයේ ද ස්‌වකීය ජන්ම දායාදය වූ කටහඩ උපයෝගි කරගනිමිනි ඒ

සිනමා සිත්තම් 250 කට ආසන්න සංඛ්‍යාවකට දෙබස්‌ කවන්නට එක්‌වීමෙනි ඒ අතර  කල්යානි ගංගා / ඇස්‌ ඉÈßපිට / පෙම්බර මධු / සතර පෙර නිමිñති / රත්තරං අම්මා / කෝලංකාරයෝ ද වෙයි

  80 දශකයේදී එවක පැවති රජයේ අමාත්‍ය පෙස්‌ටස්‌ පෙරේරා මහතා යටතේ ක්‍රියාත්මක වූ ධීවර හා විදුලි බල අමාත්‍යංශයන්හි ප්‍රචාරක කටයුතු භාරව කටයුතු කරනු ලැබීය (ධීවරයා සගරාවේ කාන්තා අංශය ද ඇතුලත්ව)


එවකට ගුවන් විදුලි ශ්‍රාවක දන තුඩ තුඩ රැව්දුනු තම නිර්මාණය අනුව යමින් දඵක්‌ මලේ පැණි නමින් වූ චිත්‍ර කථාව රචනා කරන්නට ඇය සමත්වුයේ ඒ යුගෙයේ ජනප්‍රියතම ලේක්‌ හවුස්‌ චිත්‍රකථා ප්‍රකාශනය වූ මධුර පත්‍රය වෙනුවෙනි

 මේ කටයුතු අතරවාරයේ තම සුපුරුදු ගුවන් විදුලියේ තෙවන ප්‍රදේශිය මධ්‍යස්‌ථානය ලෙස ඇරඹුනු මහනුවර සේවයේ එනම් වර්තමාන කඳුරට සේවයේ නිවේදිකාවක්‌ ලෙස ද 1984-86 කාලයේදී කටයුතු කරනු ලැබීය

ඒ එවක ළදරු වියේ පසුවුනු සහෝදර විද්Hqත් මාධ්‍යය වූ ජාතික රූපවාහිනියේ ද කාන්තා හා ළමා වැඩසටහන් සඳහා තම දායකත්වය සපයමින්ය

දශක 3 ට අධික කාලයකදී කලා ක්‍ෂේත්‍රයට කරනු ලැබූ සේවය අගයා ඇය 2014 වසරේ කලාභුෂණ සම්මානයෙන්
පුදනු ලැබිය
-------------------------------------


වෘත්තිය ජිවීතයේදී තම ප්‍රධානීන් ලෙස කටයුතු කළ නැසිගිය රිජ්වේ තිලකරත්න තේවිස්‌ ගුරුගේ මහත්වරුන්ගෙන් ලැබුනු මග පෙන්වීම සහ සහයෝගය ඇය කෘතවේදිව සිහිපත් කරන්නීය

7 comments:

  1. අපූරු ගීතයක් ලියවුනු පසුබිම දැනගන්න ලැබීම ගැන සතුටුයි..
    වැදගත් සටහනක්..

    ReplyDelete
  2. සහෘදයන් තුන්කට්‌ටුවට ස්‌තුතියි

    ReplyDelete
  3. සුන්දර සටහනක් ...

    ReplyDelete
  4. සුන්දර සටහනක් ...

    ReplyDelete
  5. ලස්සන කතා කිහිපයක් ස්තුති අප සමග බෙදා ගත්තට

    ReplyDelete