මහාචාර්ය සුනිල් ආරියරත්නයන් යාපනය සරසවියේ ඇදුරු ව එකී ප්‍රසංගය වටා දස දහස්‌ ගණනක දමිළ ජාතික රසික රසිකාවියන් රොද බැඳවූ යුගයයි
සීමා මායිම් වියුක්‌ත වූ ගී රස කලාව සත්මුහුදු සිසාරා මිනිස්‌ සිත් සතන් සුවපත් කරනු ලබයි හෙළදිවේ මෙනුවරින් එනුවර ට එසේ සරසවි අසිරිය කැන්දු සේම එනුවරින් මෙනුවරට ද සපැමිණ සත්සර නද නැංවු දූත ගමණක පසුබිම් පුවත ඔබ හමුවේ මෙසේ දිගහරින්නෙමි
එදා මේ සුන්දර නිර්මාණපෙළෙහි ගී පද රචකයාණන් ප්‍රවිණ සංගීතඥ ධර්මරත්න සහෝදර නායක ගායන ශිල්පී මෙල්රෝයි ධර්මරත්නයන්ය මේ එදා ඔහු කී කළ දෑය
මේ නිර්මාණකරුවන් දෙදෙනා හා ඔබේ සබැඳියාවට අඩිතාලම වැටුනේ කෙළෙසකද ?
70 දශකයේ මැදභාගයේදී කාර්යාලයේ දිවා ආහාර විවේකයේදී කොළඹ කොටුවේ එවකට පිහිටා තිබුණු අපේ ගී තැටි නිෂ්පාදක ජෙරල්ඩ් විකම්‍රසූරිය මහතාගේ කාර්යාලයයට පිවිස අල්ලප සල්ලපයේ යෙදීම පුරුද්දක්‌ කොට ගෙන තිබුනා
මේදිනද සුපුරුදු පරිදි මා එහි පිවිසෙද්දි ඔහුගේ මේසය ඉදිරිපිට ආගන්තුකයන් දෙපොළක්‌ වාඩිවි සිටියා මා දුටු සැණෙන්ම වික්‍රමසූරිය මහතා හඩ අවදිකලා
මේ එන්නේ නියම මිනිහා වෙලාවට !
මෙන්න මෙයාලා ඇවිත් ඉන්නේ ටි්‍රින්කෝ (trinco) වල ඉඳලා මියුසික්‌ ට්‍රැක්‌ස්‌ (music tracks) වගයක්‌ අරගෙන ඒවාට ලිරික්‌ස්‌ (lyrics) කරගන්න ඕනෑ කියනවා මෙල්රෝයි ට පුඵවන් වෙයි හෙල්ප් (help) කරන්න
ඒ අනුව මම ඔවුන් දෙදෙනාගෙන් තොරතුරු විමසුවිට තමන් දෙපොළ ත්‍රිකුණාමලයේ සිට පැමිණි බවත් ගී තනු නිර්මාණය හා සංගීත අධ්‍යක්‍ෂණයේ යෙදෙන බවත් තමන් විසින් එහිදි නිර්මාණය කෙරුණු තනු ඇසුරෙන් සිංහල ගීත තැටියක්‌ නිකුත් කිරීමට අදහස් කරගෙන සිටින බවත් කියා සිටියා
වෙනත් ආගිය තොරතුරු සුහද කථාබහක නිරතවීමෙන් අනතුරුව මේ පිළිබඳව වැඩිදුර සාකච්ඡා කරන්නට අප කොටහේනේ නිවසට පැමිනෙන ලෙස දන්වා සිටියා
පසුව අප නිවසේදී පරමේෂ් විසින් සිහින් හඩින් මුමුණනු ලැබූ තනු මගේ සාමාන්‍ය ටේප් රෙකෝඩරයෙන් පටිගත කරගනු ලැබුවා
ඒවාට වචන යෙදීම සිදුවූයේ කෙලෙසකද ?
පරමේෂ් විසින් ඒ තනු සඳහා ඒ වනවිටත් ද්‍රවිඩ ගීත ගයා තිබුනා ඒ අනුව ඒ ගීතයන්ගේ මුලික අදහස පිළිබඳව මා ඔවුන්ගේ අදහස් ලබාගනු ලැබුවා
ඒ අනුව යමින් මා විසින් ගීත 04 ක්‌ නිර්මාණය කලා නිසොල්මනේ කාලය ගෙන
ගායක ගායිකාවන් තෝරා ගැනීම සිදුකලේ ඔබ විසින් වන්නට ඇති රෑ
නැහැ ඒ ගීත මා විසින්ම ගයනු ලැබ තිබුනු හඩපටිය ඔවුන් හට ශ්‍රවණය කරන්නට සලස්‌වනු ලැබුවා එහිදී මෙයින් ගීත 02 ක්‌ සඳහා වික්‌ටර් රත්නායකයන් ද එක්‌ ගීතයක් සඳහා සුජාතා අත්තනායකයන්ද සුදුසු යෑයි යෝජනා කලේ පරමේශ් විසින්මයි එවකටත් ඔවුන් දෙදෙනා ක්‍ෂේත්‍රයේ නම්දෑරූ ප්‍රවිණතමයන්ව සිටියා
මා ඒ අදහස අනුමත කරනු ලැබුවේ එය නිවැරදි තේරීමක්‌ ලෙස මටද හැගී ගිය නිසයි එහි ලියෑවුණු එක්‌ ගීතයක් තමන් විසින්ම ගායනා කළයුතුයෑයි පරමේෂ් විසින් පවසනු ලැබ තිබුනා
එය නිසි ලෙස ප්‍රමිතිගතව සිදු නොවුනහොත් ගුවන් විදුලියෙන් වාරණය වීමේ අනතුරක්‌ ඇතිබවට මා විසින් පවසනු ලැබ තිබුනත් එකී අදහස වෙනස්‌ නොවී පැවතුනා පසුව ඒ ගීතය කතුරට හසුව ගියත් ඉතිරි ගීත 03 ම ඒ යුගයේ රසිකයන් ආදරයෙන් වැළඳ ගත්තා
ඔබ ඒ ශිල්පීන් දෙදෙනා ට ඊට ආරධනය කළා ?
නැහැ ඒ සියඵ කටයුතු ඔවුන් එනම් පරමේෂ් -කෝණේශ් දෙදෙනා විසින්ම සිදුකරනු ලැබුවා පුහුණුවිම් දින වකවානු යොදාගැනීම් ආදිය ඇතුඵව
මෙය සූරිය තැටි ලේබලයෙන් නිකුත් කරන්නට අදහස් කරගෙන සිටින්නට ඇති ?
එසේ නොවන්නට ඇතැයි සිතනවා මන්ද ඔවුන් එහි නිෂ්පාදනය හා වෙනත් සියඵ බරපැන දැරු නිසා එහි වෙළඳ ලේබලය ද ඔවුන්ගේම එකක්‌
තවද මෙහිදි කිවයුතු විශේෂ කරුණක්‌ වන්නේ ඔවුන් මේ කටයුත්ත ට සුදානම් විමේදි ඒ සඳහා කරනු ලැබූ කැපවීමයි ගීතයේ සමූහ ගායනා සඳහා ඔවුන් ත්‍රිකුණාමලයේ තම ගම් පියසෙන් යුවතියන් කන්ඩායමක්‌ කැඳවා ගෙනවිත් තිබුණා ශබ්දාගාරය ආසන්නයේ දඵගම නිවසක්‌ කුළියට ලබා ගෙන තිබුනා
ඔවුන් එහිදි මේ යුවතියන් දැඩිලෙස පුහුණු කරවනු ලැබුවා තමන්ගේ සංස්‌කෘතිය හා වත් පිළිවෙත් අකුරටම පිළිපදිමින් ඒ සම්පූර්ණ කාලයම නිර්මාංශව ගත කරනු ලැබූ බව දැනගන්නට ලැබුණා
පටිගත කිරීම් සඳහා ඔබේ සහභාගීත්වය සිදු වුනාද ?
ඕව් ඔවුන් ඒ සඳහා කැළණිය දඵගම සරසවි ශබ්දාගාරය වෙන්කරගෙන තිබුනා එය රාත්‍රි යාමයක සිදු වුනේ විසිපස්‌ දෙනෙකුටත් වඩා වැඩි දැවැන්ත වාදක මන්ඩලයක්‌ ඒ සඳහා යොදාගනු ලැබූ බව කිවයුතුයි එදිනද ඔවුන් සුපුරුදු ලෙසම අදාළ පිළිවෙත් අනුව ගායන - වාදන - කාර්මික කාර්ය මන්ඩල සාමාජිකයන් සියඵ දෙනාටම සංග්‍රහ කලේ නිර්මාංශ ආහාරයෙන්
01සුළගේ ලෙළදෙන නා දල්ලයි
02 දුර ඈත අතීතේ කඳු සීත පලාතේ
03 අහසේ ගෑවෙන සිතු වීමනේ
04 පරමේෂ් ගේ සිංහල ගීතයක්
යන ගීත 04 න් 03 ක්‌ එක්‌තරා දිනයක රාත්‍රී කාලයක කැළණියේ දඵගම සරසවි ශබ්දාගාරයේ පටිගත කරනු ලැබුවේ ශබ්ද ඉංජිනේරු මර්වින් රොද්‍රිගෝ මහතා විසින් විශාල වාදක මන්ඩලයක්‌ සහභාගි වූ මෙම කටයුත්ත ඉතා විශිෂ්ඨ අන්දමින් ඔහු සිදුකර ඇතිබව පෙනීයනවා
මේ ගීතයන්හි සංගීත අධ්‍යක්‍ෂණයේ ඇති මිහිරියාව සිහිගන්වන්නේ සංවධනියක්‌ යමෙකුට ඒවා සිනමා ගී නිර්මාණ ලෙස වැටහි ගියහොත් එය පුදුමයට කරුණක්‌ නොවේ එහි ඇති අපූර්වත්වය ද එයයි මේ පිළිබඳව යමක්‌ කිව හැකිද ?
යමෙකු එසේ වටහගැනීම පුදුමයට කරුණක්‌ නොවේ ඔවුන් සැලකිය යුතු බරපැණක්‌ දරා උත්සහ කරනු ලැබුවේත් මේ තැටිය ඔස්‌සේ සිංහල සිනමා ගී ක්‍ෂේත්‍රයට පිවිසෙන්නට බව පැහැදිලිව පෙනීයන කරුණක්‌ නමුත් ඒ යුගය එය ඉතා අසිරූ කරුණක්‌ ව පැවතුනා මන්ද යත් නිෂ්පාදකයන් විසින් තම තමන්ගේ සිනමා නිර්මාණයන් උදෙසා නිශ්චිත සංගීත අධ්‍යක්‍ෂවරුන් තෝරාගෙන සිටිම නිසයි නව නිර්මාපකයන්ට ඊට පිවිසිමට තිබුණු ඉඩකඩ අවමවයි පැවතුනේ
ජෝ දේව් අනන්දන් එච් ඩී ප්‍රේමරත්නයන් වැනි අධ්‍යක්‍ෂකවරුන්ටද තම නිර්මාණ සඳහා නවකයන් හඳුන්වා දීමේදී දැඩි ප්‍රතිරෝධයකට මුහුණු පාන්නට සිදුවු අයුරු සැලකිය යුතුයි
ඔබ මේ සියඵ නිර්මාණයන්හි පද රචකයා ලෙස හා මේ ගීතයන් පටිගත කරන යුගයේදී පවා අත්දැකීම් බහුල සංගීත අධ්‍යක්‍ෂකවරයෙකු ලෙස මේවයේ සංගීත සංයෝජනය පිළිබඳව යමක්‌ පැවසුවහොත් ?
ඇතැම් තැන්හි යෙදුනු වයලීන් නාදමාලා කොටස්‌ හා ශබ්ද ප්‍රයෝග තරමක්‌ වැඩි බවක්‌ හැගී යනවා එනමුත් එවකට ක්‍ෂේත්‍රයේ අධුනිකයෙකු ලෙස ඔහු විසින් කරනු ලැබූ මේ නිර්මාණ විශිෂ්ඨ බව කිව යුතුයි මා දන්නා පරිදි ඔවුන් හට මේ කර්තව්‍යයේදී මුහුණපෑමට සිදුවු බාධක බොහොමයි වර්තමානයේ මෙන් තාක්‍ෂනය එතරම් දියුණු නොවූ යුගයක මේවා අවම පහසුකම් යටතේ සිදුකරනු ලැබ තිබුනා
ඔබට ස්තුතියි
අහසේ ගෑවෙන සිතු විමනේ
රෝස මල් අතුරපු යහනේ
මුතු මැණික්‌ පිරි ඇත සෙවනේ
කුමරියක්‌ ලෙස මා හැදුනේ
ගායනය - ශිල්පිණී සුජාතා අත්තනායක
පද රචනය - මෙල්රෝයි ධර්මරත්න
සංගීතය - සංගීත සංයෝජනය - පරමේශ් - කෝණේශ්
අසන්න මෙතැනින්
අහසෙ ගෑවෙන සිතුවිමනේ
මුහුණුපොත් සටහන්
දුර ඈත අතීතේ
කඳු සීත පළාතේ
මල් පිබිදෙන කාලේ
දෙහදක කතන්දරේ
ගායනය - ශිල්පි වික්‌ටර් රත්නායක
පද රචනය - මෙල්රෝයි ධර්මරත්න
සංගීතය - සංගීත සංයෝජනය - පරමේශ් - කෝණේශ්
අසන්න මෙතැනින්
මුහුණුපොත් සටහන්
දුර ඈත අතීතේ
කඳු සීත පළාතේ
මල් පිබිදෙන කාලේ
දෙහදක කතන්දරේ
ගායනය - ශිල්පි වික්‌ටර් රත්නායක
පද රචනය - මෙල්රෝයි ධර්මරත්න
සංගීතය - සංගීත සංයෝජනය - පරමේශ් - කෝණේශ්
අසන්න මෙතැනින්
බොහෝ දෙනා නොදන්නා පරමේෂ් -කෝණේශ් ගැන වටිනා විස්තරයක් .පරමේෂ් -කෝණේශ් ගැන සිංහලෙන් ලියවුන එකම සටහනදෝ කියලා හිතෙනවා ප්‍රභාත් මහත්තයෝ .බොහොම ස්තුතියි ඔබතුමාට...
ReplyDeleteඔබටද ස්තුතියි ඇණෝ
Delete++
ReplyDeleteඅගනා අතීත කතාවක්. පුවත්පත් ලිපියක් ලෙස පලකරන්නත් සුදුසුයි.
ReplyDeleteඔව් සැබැවින්ම අවාසනාවකට මේ සංගීතඥයාව තවම සම්බන්ධකරගන්නට හැකිවුයේ නැහැ මේ කථාබහට
ReplyDeleteඅගෙයි.. නොදැන සිටි බොහෝ වටිනා තොරතුරු රැසක් ම ඔබෙන් දැනගන්නට ලැබුණා... ගීතයක කියැවෙන පදමාලාවේ අත්දැකීම හෝ ඒ ගීතයෙන් පද රචකයා අදහස් කළේ කුමක් ද යන්න සොයා දැනගැනීමට වඩා මෙසේ ගීතය නිර්මාණය වුණු අයුරු දැනගන්නට ලැබීම මට නම් ඉතාම වටිනවා..
ReplyDeleteඑකල නිර්මාණ ශිල්පීන් ගීතයක් නිර්මාණය කිරීම සඳහා කළ කැප කිරීම් අමිලයි... එහෙත් ඔවුන් කිසිදු මූල්‍යමය වාසියක් නොතකා මේ නිර්මාණ කළේ කුමක් හෝ ලද දෙයින් සතුටු වෙමින්...
එවන් උතුම් චරිත මෙවන් සොයා යෑම් වලදී දැන හඳුනාගන්නට ලැබීම යි මගේ සතුට...
මෙසේ මේ තොරතුරු වෙහෙස මහන්සිවී සොයා ඉදිරිපත් කරන හිතවත් Prabath Rajasooriya මහතාට ස්තූතිවන්ත වන්නේ ගෞරවපුර්වකවයි..
පින් සිදුවේවා....
ස්තුතියි අදහස් දැක්විම සම්බන්ධයෙන් ඔබටත්
Delete