එදා මියැසි සාදයේ නැගි රස ගී සරය - මොහොමඩ් සාලි - සිව්වෙනි දිගැහැ‍‍ර‍ැම
සාලි සංගීතඥයාගේ සුමියුරු තනු නිර්මාණ උල්පත පිළිබඳ හොඳින් දැනුවත් වු ගායක ගායිකාවන් නොසිටියා නොවිය හැකිමුත් ඔහුගෙන් නිසි ඵල ප්‍රයෝජන ලද්දේ අතැගිලි ගණනක ශිල්පීන් ය ඔවුන් අතරින් රූපා ඉන්දුමතී සහ ඇගේ සැමියා ලක්‍ෂමන් රුද්‍රිගෝ කැපී පෙනෙති
රූපා ඉන්දුමතී නම් ගුවන් විදුලි ගායිකාව ගැයු ගිතාවලියේ චමත්කාරය ඔප් නැංවුයේ සාලි විසිනි
වසන්ත දූතය - වසන්ත දූතය....
අරුමැසි හඩනගනා....
ගයන්න ගීතය - ගයන්න ගීතය.....
දෙසවන රසකරනා - දෙසවන රසකරනා....
පබා කුමාරියේ - පබා කුමාරියේ.....
නුරා කැඵම් හෙළනා - අවන් පතින් මට පවන් සළනු මැන......
දිවි මග ගිනි නිවලා .....................
මෙතැනින් සවන්දෙන්න
Embed Music Files - Audio Hosting - ------------------
පද රචනය - නැසිගිය කරුණාරත්න අබේසේකර
ගැයුම - රෑපා ඉන්දුමතී සහ ලක්ෂ්මන් රොද්රිගෝ
-------------------
ඔහු ගේ සංගීත භාවිතාවේදී යෙදුනු ගුවන් විදුලි ගී චාරිකාවේදී එහි නියමයන්ට අනුකූලවෙමින් ද සරළ ගී ආකෘතියේ දී අදාළ බලධාරින් විසින් නිර්දේශිත රාමුවට අනුගත වෙමින්ද පෙරදිග වාද්‍ය භාන්ඩ අනුසාරයෙන් නාදරසය නංවන්නට පෙළෙඹුනද තමන්ට ඒ බැමි සිමා මායිම් සිඳබිඳ දමා සිත් සේ නිර්මාණකරණයේ යෙදෙන්නට ඉඩ කඩ ලැබුනු හැමවිටම ඉන් උපරිම ඵලප්‍රයෝජනය ලබනට පසුබට නොවි ඇති බව ට නිදසුන් ද හිග නොවේ
බටහිර සංගීතයේ යෙදෙන ශීල්පිය උපක්‍රම වඩාත් පුඵල් ලෙස උපයෝගී කරගනිමින්ද එහි භාවිතාවන වාද්‍ය නාද මිහිර සියුම් ලෙස කැටිකොට ගනිමින්ද එයින් සිය නිර්මාණයන්හට නව ජවයක්‌ අත්කරදෙමින්ද වෙළඳ තැටි ගී නිපැයුම්කරුවන්ගේ ඇරයුම් ඉටු කර දෙන්නට ගත් උත්සහය මෙපරිදිය
ඔහු ගේ මියෑසිවරම නිතිපතා පතමින් සිංහල ගීත ශ්‍රාවකයන් හට අපුර්ව විරහ ගී සමුච්ඡයකින් සංග්‍රහ කල නැසිගිය ජේ ඒ මිල්ටන් පෙරේරා ගේ හිතවත් රසික සහෘදයකුගේ සිගිති දියණියක ගේ ගායන දස්‌කම් මතුකර දෙන්නට ගත් තැතකි ඒ
අම්මාගේ උකුලේ නැළවී .................
තාත්තාට හුරතල් වෙවි .............
පාසල් ගොසින් උදය කාලේ ..............
පසුවිලා යයි මාගේ බාලේ .............
දෙගුරුන්ගේ අවවාද අසලා ...
අවුරුද්ද අවුරුද්ද ගෙවලා ...
ලොකු පොත් සොයාලා කියෝලා ...
ඉගෙනීම අවසාන කරලා .............
අසන්න මෙතැනින්
Podcast Hosting - Podcast Hosting -
---------------------------
පද රචනය - නැසිගිය කරුණාරත්න අබේසේකර
ගැයුම - ළමා ගායිකා දමයන්ති ඒකනායක
වසර - 1974 පමණ
නිෂ්පාදනය - නිව් සවුන්ඩ් ලේබලය
නිෂ්පාදක - ඊ බී ඩී කේ පෙරේරා
----------------------------------
විවිධ පැතිකඩ ඔස්‌සේ සිය මියෑසි සජ්ජායනය මෙහෙයවු මොහොමඩ් සාලී සංගීතවේදියා පෙර සඳහන් කළ පරිදි ගීතයේ පදමාලාවෙන් ඇතිකරණ මනෝභාවයන් පිළිබඳව එහි ගායනවේදියාගෙන් මනා ලෙස දැනුවත් ව ඊට මනාව පෑහෙන තනුවක්‌ ද එකී තනු නිර්මාණය අනාථ නොවන වාදන රසයකින්ද ඒවා සැරසු බවට ගෙනහැර පෑ හැකි තවත් එක්‌ නිදසුනක්‌ මෙසේ ගෙනහැර පෑ හැකිය පද දෙපේළීයකින් පමණක්‌ සුසැදි වන සේ පෙළගැස්‌වු එකී තනුවෙන් මතුකරන චමත්කාරය කොතරම් වේද ?
තම්බපන්නි ජන්මභූමි ශ්‍රී ලංකා .....
ශ්‍රී ලංකා ....පින්බරයි ................
සවන්දෙන්න මෙතැනින්
Free Music - Share Audio -
-----------------------
ගැයුම - නැසිගිය මොරිස්‌ දහනායක
පද සංකලනය - නැසිගිය කරුණාරත්න අබේසේකර
---------------------------------
මන්සුර් අද්වානී ගේ නිර්මාණයක්‌ ලෙස 1985 වසරේ තිරගත වු සුදුමාමා වෙනුවෙන් හුදකලා ව මුඵගන්වනු ලැබු මේ සංගීතඥයා දායකත්වය ලබාගෙන තිබුනි දිවයිනේ විශීෂ්ඨතම ප්‍රමුඛ ගායන ශීල්පීන් වු මිල්ටන් මල්ලවාරච්චි ඇතුඵ ආචාර්ය වික්‌ටර් රත්නායක කලාශුරී ලතා වල්පොළ සහ ජෝති ගේ ගැයුම් ඇතුලත් වු එහි මොහොමඩ් සාලි සත්සර විසිතුරු දිගහැරි ලතාවයි මේ
ඒ වනවිට දිවියෙන් සමුගෙන දෙවසරක්‌ ගත වී තිබු කරුණාරත්න අබේසේකරයන්ගේ පදවැළක්‌ වු එය මිල්ටන් ගේ 80 දශකයේ සිනමා ගී අතර කැපී පෙනෙන නිර්මාණයකි
විනෝද සයුරකි - මේ ජිවේ....
අමෝද කුසුමක - මා පාවි.....
සුරංගනා ලඳුන් මනා...
පෑදේ මිණිමුතු පෑදේ.....
පෙරපින පෑදේවි....
මෙතැනින් සවන්දෙන්න
Upload Music Files - Free Audio -
------------------
සිනමා පටය - සුදු මාමා - 1985
ගැයුම - නැසිගිය මිල්ටන් මල්ලවාරච්චි
පද සංකල්පනාව - නැසිගිය කරුණාරත්න අබේසේකර
-----------------------------------
සැබැවින්ම ඔහුගේ දිවිමග එසේම විය එය එකම විනෝද සයුරක ගිලි පැවතියේය 1987 වසරේ ලක්‌ දින දසුනේ සැප්තැම්බර් පිටුව පෙරළී තිබියදී මරදානේ ඔහු දිවිගෙවු කුඩා නිවසේ ක්‌ලාන්තව බිම ඇද වැටුනු මෙකී අධි රුධීර පිඩන රෝගියාගේa එක්‌ පාදයක්‌ අප්‍රාණික විය එක මොහොතින් සිඳි බිඳි සුණුවිසුණු වි ගියේ ඔහුගේ ඔදතෙද පමණක්‌ නොවේ හිරිමල් වියේ කුඩා දැරියන් තිදෙනෙකුගේ ද තරුණ බිරිඳකගේද ජීවන චාරිකාවයි
සාලි ගේ දිවියේ වසන්ත සමය නිමාකර දුන් ඉරණම විසින් ගෙන ආ ගිම්හානයේ දාහය තාපයෙන් විඩාබර වු සාලි ගේ සිරුරෙන් අනියත දහමේ ලකුණු අකලට පහළ වන්නට විය රුදුරු රෝ දුක්‌ රකුසාගේ ග්‍රහනයට හසුවු ඔහුගේ නිර්මාණ උල්පත කෙමෙන් වියළි වියෑකි යද්දී මිරිකුණු ජීවන බරින් එය දෙගුණ තෙගුණ වන්නට ඇත
සියඵ සතුන් මිහිමත දිවිය රඳා පවත්නා ආහාරය ඔහුගේ මුඛයෙන් පහළට නොයවන්නට වගබලා ගන්නට තරම් මේ අපුර්ව නිර්මාණවේදියාගේ දෛවය කුරිරුවිය
විදුලි සැපයුම බිඳහෙඵ ජලසැපයුම බිඳහෙඵ සිය ගරාවැටුනු නිවසේ අපමණ දුක්‌ වේදනා ලද මොහොමඩ් සාලි නම් මේ සොඳුරු ගාන්ධර්වයා සිය නිර්මාණ පෙළින් අපමණ සුවය මිහිර විඳින හෙළයන් තම සුරිය වසන්ත මංගල්‍යයේ අසිරිය සමරමින් සිටි බක්‌මහේ තුදුස්‌වන දිනයේදී සදහටම නෙතු පියා ගත්තේය ඒ දිනදසුන 1988 වසර සටහන් කරද්දීය
ඉස්‌ලාම් භක්‌තික චාරිත්‍රානුකූලව විසිහතරපැය ගෙවෙන්නට පළමුව මරදාන කුප්පියාවත්ත සුසාන භුමියේ සාලි දේහය මිහිදන් විය
ඒ වනවිට ඔහුගේ වැඩිමහල් දියණියට යම්තම් විසිවිය සපිරුණා පමණි පිළිවෙළින් දෙවැන්නී දසවසක්‌ද තෙවැන්නිය නවවසරක්‌ද පසුකළ සිගිත්තියන් විය
මොහොමඩ් හනීෆා සාලී විජාතිකයෙකු හෙළ සංස්‌කෘතියට බසට ආගන්තුකයෙකු ලෙස හෙළදීපයේ ජන්ම ලාභය ලබන්නට නියම විය ඒ නියමයෙන් දෛවෝපගතව සුවහසක්‌ හෙළ ගී රසිකයන් සනසා නළවා සැනහෙන යුග යුග පවතින අසමසම මියෑසි රටා දාමයක්‌ මවමින් ඔවුන් ගේ සිත් සුවපත් කරන්නට යොමු කෙරුවේය
සියඵ සත්වයෝ නිදුක්‌ වෙත්වා ....
නිරෝගී වෙත්වා ...........
පහන් වැස්‌සෙන් සකල වැස්‌සන් තෙමි තෙමි යෙත්වා
සියඵ සත්වයෝ නිදුක්‌ වෙත්වා
නිරෝගී වෙත්වා ...................
මෙතැනින් සවන්දෙන්න
Embed Music - Download Audio - ----------------------------------------------
ගී පද - නැසිගිය කරුණාරත්න අබේසේකර
ගායනය - නැසිගිය ජේ ඒ මිල්ටන් පෙරේරා
----------------------------------------------
කෘතවේදී සිහළ සුභාවිත ගී ලොලීන් සැම හදවත් හී ඔහු පිළිබඳ මතකය නොසිඳ නොබිඳ නොවියෑකී පවතීවා ....
සමාප්තයි (මුලාශ්‍ර - ගාන්ධර්ව අපදාන - අංක 05 - මහාචාර්ය සුනිල් ආරියරත්න - ගොඩගේ ප්‍රකාශනයකි)
No comments:
Post a Comment