සමප‍්‍රදායික ’භාරත ගී කලාව’ උඩුයටිකුරු කලේ අන් කවරෙක්ද ඔහු මිස.................... 02 කොටස
මෙහි සියඵ ගීත මත ක්ලික් කිරීමෙන් යූ ටියුබය හරහා නරඹන්න
’යේ ෂාං මස්තානි ...........’ (කිශෝර්)
යේ ජෝ මොහාමද් හයි................. (කිශෝර්)
ප්‍යාර් දිවානා හෝ තා හේ.............(කිශෝර්)
1972 ලෝ සුපතල අනගිභවනීය ’ෆිල්ම් ෆෙයාර්’ සම්මානය හොඳම නිළිය ලෙසින් එහි රංගන කුසලතාවයේ යෙදුනු ’ආශා පර්කේ’ වෙත පිරිනැමුනු අතර ආදායම් වාර්තා පිහිටුවා 1971 බොලිවුඩ් සිනමාවේ සයවැන්නට වැඩිම ආදායම් උපයා දෙන්නට එය සමත්විය.
කල්කටාවේදී 1939 වැනි වසින් ජූනි 27 දිනක උපත ලද ’රාහුල්’ විසිසත්වැනි වියේදී සිය ගී ශ‍්‍රාවිකාවක් වූ ’රීටා පතෙල්’ ජීවන සහකාරිය ලෙස තෝරා ගනු ලැබුවද සතර වසරකට සිමා වූ ’යුගදිවිය’ 70 දශකය උදාවෙද්දී වියැකි සුනුවිසුනු ව ගීයේ එතැන් සිට දශකයක පමණ කාලයක් ඔහු ’තනිකඩයෙකු’ බවට පත් කරමිනි.
සිනමා ශබ්දාගාරයේදී ඔහු හා නිතර ගණුදෙනු කළ, ඔහුගේ නිර්මාණ ලෝ දනන් වෙත බෙදාහදා දුන් ප‍්‍රමුඛතම කාන්තා ගී හඞ ’ආශා බෝස්ලේ’ ඔහුගේ හුදකලා දිවියේ විරාමය සටහන් කරන්නට එක්වෙද්දී 80 දශකය උදාවෙමින් තිබුනි.
හින්දී ගී රස උන්මාදය ලොවට බෙදාදෙන්නට ’බර්මන්’ පරපුරේ තෙවැන්නෙකුගේ සම්ප‍්‍රාප්තිය යථාර්ථයක් බවට පත්නොවීම ඔහුගේ සත්සර මිහිර වෙත පෙම්බැඳි සුවහසක් ශ‍්‍රාවක දනන්ගේ අපේක්‍ෂා සුන්කර දැමුවා වන්නට ඇත.
සිහිළැල් දිය දහරක් සේ ගත සිත නිවා සනහා සවනත අම මි බිඳු තැවරූ සාම්ප‍්‍රදායික භාරතීය ගී ආර 50 දශකයේ ’මධුමතී’ සිනමා පටය තිරයේ දිගහැරි යුගයේ සිට පැවති අතර එය කළඹා කළතා උඩු යටිකුරු කළ ’රාහුල්’ ගී ආර’ උච්චාස්ථානයට පත් වුයේ 70 දශකයේ උදාවේදීය.
’දේව් ආනනද්’ ගේ ’හරේ රාමා හරේ ක‍්‍රිෂ්ණා’ ඒ නමින් හැඳින්වෙන තත්කාලීනව බිහිවු ආගමික ’හිපි’ සංස්කෘතිය මෙන්ම එහි ප‍්‍රතිවිපාක ලෙස පැතිර ගිය ’මත්ද‍්‍රව්‍ය’ උවදුර හුවා දක්වා ගෙතුනු අතර එහිදී ’බොලිවුඩ්’ සිනමා ගීතකලාව පුර්ණලෙස ’බටහිරකරණයට’ ලක් වී ඇති බවක් පෙනියයි.
ලෝ වාසින් අතර ජනප‍්‍රිය ව පැවති ’රොක් ඇන්ඩ් රෝල්’ රිද්මය අනුව ’ආශා’ ගැයුවාය.
’දම්මරෝ දම් ....මිට් ජය ගම්........... ’
’බොලොසුව ෂාම්...හරේ ක‍්‍රිෂ්ණා හරේ රාමා..........’ (ආශා බෝස්ලේ)
’කංචාරේ කංචරේ ..... (ලතා මංගේෂ්කර් සහ කිශෝර් කුමාර්)
’දේකෝ ඔ් දිවානා....... (කිශෝර් කුමාර්)
’පෝලොන් කා තරොන් කා සබ්නා කේනා හේ..................(කිශෝර් කුමාර්)
’හරේ රාමා හරේ ක‍්‍රිෂ්ණා’ (ඌෂා උතුප්)
මෙහිද ’ආශා’ යළිදු වරක් අනගිභවනීය ’ෆිල්ම් ෆෙයාර්’ සම්මානනයට පාත‍්‍රවුයේ ’දම් මරො දම්.............’ ගීතය වෙනුවෙනි. ’හින්දි සිනමාවේ’ එදා නව පරපුරේ යව්වන යව්වනියන් ආදරයෙන් වැළඳ ගත් මේ නිර්මාණ භාරතයේ වාසය කළත් ’බටහිර’ ගීත කලාව වෙත ආශක්ත වූවන් එයින් බැහැර කරවා නැවතත් ’බොලිවුඩය’ වෙත කැඳවා ගත් ’ඇම’ ලෙස ක‍්‍රියා කරන්නට ඇත.
’රාහුල්’ සත්සර රාවය කෙරෙහි වසග වූ ’නසීර් හුසේන්’ යළිත් වරක් 1971 වසරේදී තම ’කැරවන්’ (සංචාරකයන්* නමින් වු සළරුව උදෙසා ඔහු ව කැඳවිය.
’කැබරේ’ ශිල්පියක‍්‍රමය අනුව ගැයුනු ’පිය තූ අබ් තු ආජා...............’ සහය ගායනය සඳහා ’රාහුල්’ ද සිය ගැඹුරු ගොරහැඩි හඞින් සහභාගී වු අතර පුර්ණ ලෙස බටහිරකරණයට ලක් වු නාදමාලාවට ’හින්දී’ වදන් වාත්තු කරමින් එය ජාත්‍යන්තර සිනමා වෙළඳ පොළ ග‍්‍රහනය කරගැනිමේ අභිප‍්‍රායන් මනා ලෙස සඵල කර ගත්තේය. 1979 වසරේදී ’චින’ සිනමා ලෝලීන් විසින් පළමුවටයේදී පමණක් ඉන්දියානු රුපියල් මිලියන 88 ක් ඊට උපයා දී තිබිනි. නමුත් පසුව එය මිලියන 300 තරම් අතිවිශාල මුදල් සම්භාරයක් උපයා ගනිමින් එතුවක් ’චිනයේ’ තිරගත වු අන් සියඵ විදේශිය සිනමා ආදයම් වාර්තා බිඳහෙළා සුනුවිසුණු කලේය.
ගීතය නරඹන්න පහතින්
------------------------
Song
Artist
Album
Writers
එහි ඇතුළත් වූ හින්දුස්ථානිකරණයෙන් බැහැර වූ සංගීත නාදරටා ඒ තත්වය උදාකරගන්නට සැළකිය යුතු ලෙස බලපාන්නට ඇතැයි අනුමාන කළහොත් ඒ සියඵ ගෞරව බුහුමන් ’රාහුල්’ වෙත පිරිනැමිය යුතුය.
එහි ඇතුළත් වු ’රාහුල්’ ගී ආනන්දය මතුකල වෙනත් ගී අතර
කිත්නා ප්‍යාරා වාදා.....හේ (ලතා මංගේෂ්කාර්- මොහොමඩ් රාෆි)
හම් තෝ හි රාහි දිල්කේ .... (කිශෝර් කුමාර්)
ගොරියා කහන් තෙහෙර දිස් රේ... (ආශා බොස්ලේ - මොහොමඩ් රාෆි)
දිල් බර් පා දිල් සේ ප්‍යාරේ.......(ලතා මංගේෂ්කාර්)
චන්දි ජවානි මෙරේ......... (ලතා මංගේෂ්කර් - මොහොමඩ් රාෆි)
ආබ් ජෝ මිලේ හාන්....(ආශා බෝස්ලේ)
70 දශකයේ බොලිවුඩ් තාරකා රංගනශිල්පී සුන්දර රූපකායකට හිමිකම් පෑ ’රාජෙෂ් ඛන්නා’ හට යළිදු ’රාහුල්’ මියැසිය අනුව රගදෙන්නට ලැබෙන්නේ ’මෙරේ ජීවන් සාති’ හිදීය. එහි ඇතුළත් වු ඒකාකාරී රිද්මයකට ගැයුනු ගී පෙළ ලාංකීය රසිකයන් අතර පවා එතරම් බලපෑමක් කරන්නට සමත් වු බවක් වර්තා නොවේ.
’රාම්පුර් කා ලක්‍ෂමන්’ වැනි සිනමා නිර්මාණයන් හි ඇතුළත් ගී ද ඒ ඉරණමට නතු වුවද ’අප්නා දේශ්’ (අපේ දේශය) යළිත් භාරත ගී ලොව’ ද එය ඉක්මවා අසල්වැසි ලක්බිමේ හින්දි ගී රසික පර්ෂදයද නොමැකෙන සිහිවටන පෙළකින් සරසවාලීය.
’රාජේෂ් ඛන්නා’ නිළි ’මුම්ටාස්’ සමග පෙනි සිටින දර්ශනය උදෙසා ගැයුනු
’දුනියා මේන් ලොගොන් කෝ................’ ’රාහුල්’ ගේ සුපුරුදු බටහිර පොප් සංගීත ශෛලිය හොඳින් මතුකර දැක්වු අතර ඔහු විසින්ම ’ආශා’ සහය ගායිකාව ලෙස යොදා ගනිමින් ගැයු එහි දී මේ අපුරු භාරතිය සංගීතවේදියා ගේ සාමාන්‍ය ගයනා විලාසය හොඳින් අධ්‍යයනය කළ හැකිය.
රාහුල් දේව් විසින් මෙහි යොදා ඇති ගායන ප්රයෝග (ගැඹුරැ බැරැුන්ඩි හඩින් අත්වැල් ගායන කොටස්) පසුව සිංහල සිනමා ගීත නිර්මාපකයන් විසින්ද එක්තර දුරකට අනුකරණය කරන්නට පෙළෙඹුනු බව පෙනී යයි
සරත් දසනායකයන් විසින් සංගීතවත් කල 1983 වසරේ තිරගත වු ඈතින් ඈතට සිනමාපටයේ ගැයෙන (මිල්ටන් මල්ලවාරච්චි ප්රියා සූරියසේන ඇතුඵ පිරිස)
සීතයි හරියට හිම ගානයි, ගීතයේ ද
ඔහු ඊට පළමුව ගී නිර්මාණයෙන් දායක වූ "නිල්ල සොයා" - 1976 සිනමාපටයේ "මිල්ටන් මල්ලවාරච්චි සහ ඇන්ජලීන් ගුණතිලක දෙපොළ ගැයු
"පෙම් පෙම් පෙම් නද පාවේ...."
"මධු සද පානේ....."
නම් වු ගැයුමේද
එවැනි ගායන කොටස් ඇතුළත්ය
පහතින් නරඹන්න
-------------------------
Duniya Mein Logon Ko Dhoka -
Director: Jamboo Producer: A. V. Subramaniam, T. M. Kittu Music: R. D. Burman Main Cast: Om Prakash, Rajesh Khanna, Madan Puri, Mumtaz... more Genre: Drama
50 දශකයේ සිට ’ලංකා ගුවන් විදුලිය’ ඔස්සේ භාරත ගී රස වින්දන සංගීතය විචිත‍්‍රාංග විසුරුවා හැරි බොහෝ අවස්ථාවන්හිදී උක්ත ගීතය ද එහි සෙසු ගීත සමගින් එයින් ගිලිහි නොගියේය. ’ළමා - වැඩිහිටි’ ගුවන් විදුලි රසිකයන් ගේ මනසේ ’අප්නා දේශ්’ ගීතාවලිය දශක ගනන් රැුව් පිළිරැුව් දෙන්නට එය හේතුවිය.
’රාජේෂ් ඛන්නා’ රංගනයේ යෙදෙමින් එහි ගැයුනු ’රෝනා කබි නහි රෝනා...............’ නාදරටාව උපුටා ගත් ලාංකීය ’සුරේඛා’ (1974) සිනමාපටයේ නිර්මාණකරුවන් වෙත සිංහල ගී පද ආදේශ කලේ ඒ කර්තව්‍යයේ විශේෂඥ ’කරුණාරත්න අබේසේකරයන්’ නොව ඔහුගේ ගුවන් විදුලි සිසු ’පේ‍්‍රමකිර්ති’ ය. (මෙම ලිපිමාලාවේ මුල් කොටස වෙත යොමුවන්න)
පහතින් නරඹන්න
--------------------------------
Movie: Apna Desh
Song: Ro Na Kabhi Nahin Rona
Singers: Kishore Kumar, Vijeyta Pandit & Sandhya Pandit
Music: R. D. Burman
Lyrics: Anand Bakshi
Starring: Rajesh Khanna, Mumtaz, Om Prakash, Jagdeep & Madan Puri
Director: Jambu
Produced by A.V. Subramaniam & T.M.Kittu
Production House: Venus Pictures
-----------------------------------------------
’හින්දි සිනමා ගී තනු සිංහල සිනමාවට ණයට ගැනීමේ’ විශේෂඥයා පී එල් ඒ සෝමපාලයන් විසින් සුපුරුදු පරිදි එහි සංගීත අදියුරු භූමිකාව රගදක්වන ලදී. කෙසේ වෙතත්, එදවස ලාංකීය රසිකයන්ගේ ප‍්‍රධානතම සහ ජනප‍්‍රියතම දෘෂ්‍ය විනෝද මාධ්‍යය වූ ’සිනමාව’ කර්මාන්තයක් ලෙස ආරක්‍ෂා කර දෙමින් එය ’මුදල් ඉපයිමේ යන්ත‍්‍රය’ ක් ලෙස භාවිතා කරන්නට දායකත්වය දැක්වූවන් අතරින් ’සෝමපාල’ ගේ දායකත්වය අනගිභවනීයය. අසල්වැසි භාරතයේදී එය එසේම වූ බව ඉහත සටහන් විමසා බැලීමෙන් පැහැදිලි වනවා ඇත්තේය.
-------------------නැවත මතු දිනක හමුවෙමු---------------------
No comments:
Post a Comment