එසේ ’ඇය’ වෙනුවෙන් ලියු.... ගැයූ .....වගයි - 01 දිගහැරුම...
ඉතිහාසයේ සෑම කල්හීම සෑම සංස්කෘතියකම පාහේ සාහිත ලෝකයේ සුවිශේෂී ස්ථානයක් අත්කරගන්නේ කාන්තාවයි. දිවිගමනේ යෙදනෙ ඇයගේ භූමිකාව පිළිබඳව සඳහන් නොවුනු නොලියැවුනු ගද්‍ය පද්‍ය වම්පු කාව්‍යය තොරතුරු කවි ගී නෘත්‍ය සිනමා වෘතාන්ත ජනකථා වීරකාව්‍යයන් විරළය.
ඇය ගතකරන දිවියේ මුලික අවධි මෙන්ම මුහුණපෑ දුක් කරදර කම්කටොඵ ව්‍යාසන මෙන්ම විවිධාකරයේ සුභාසුභවාදී අත්දෑකිම් ඒවාට පාදක වෙයි.
බිළිඳිය - ළදැරිය - සිගිත්තිය- බාලිකාව - සිසුවිය - නව යෞවනිය යුවතිය භාර්යාව මව මිත්තනිය ලෙසින් දිවිමග චාරිකාවේ ඇය පසුකරයන මංසළයන්හීදීී ලොව මිනිස් සමාජයේ තැනුම් ඒකකය වු පවුල් සංස්ථාවේදී වරෙක ඇය දියණියකි අක්කන්ඩියකි නැගනියකි පෙම්වතියකි භාර්යාවකි මවකි සුඵමවකි සේවිකාවකි ගුරුවරියකි නැන්දනියකි - මිතුරියකි - ලේලියකි - නෑනන්ඩියකි - මිනිබිරියකි - මිත්තනියකි මේකී භූමිකාවන් හමුවේ ඇය ලබන්නා වු මුහුණදෙන්නා වූ අත්දෑකීම් සිංහල ගී පද සංකල්පනාකරුවන් ගේ පරිකල්පනය නම් වූ නෙතින් දුටු අයුරු මතුකර දක්වනු පිනිස මේ සටහන පෙළගස්වනු ලැබ තිබේ.
ශිෂ්ඨ සම්පන්න ලෝක සම්මතය ට ගරුකරමින් සරණ බන්ධනයෙන් එක්ව බැඳීමෙන් පසු මෙළොව දිවිගමනේ නිමාව දක්නා තෙක් එක්ව අත්වැල් පටලා ගමන් කරන්නට සපථ කරගන්නා යුවතිපතින්ගේ ඒකායන පැතුම දරු සම්පතයි. එයින් ඇය උත්තරීතර මව් පදවියෙන් පිදුම් ලබන්නේ සිය හිමියා එපමණ බුහුමන් ලබන පිය පදවිය උරුමකරමිනි.
සිංහල ගීත සාහිත්‍යය ද ’ඇය’ වෙනුවෙන් ලියු ගී කවි පදවැළ් වලින් පරිපුර්ණය පොහොසත්ය. ඒවා සර්වකාලීනය අර්ථපුර්ණය ධ්වනීපුර්ණය රසපුර්ණය.
වරෙක බටහිර නාදමලාවෙන්ද තවත් විටෙක හින්දුස්ථානි රාගධාරි සංගීත ශිල්පීයෝපක‍්‍රම ද ඒවා හැඩගන්වා තිබේ.
පළමුකොට මෙකී ගීතාවලියේ පෙළගැස්ම ඇරඹිය යුත්තේ ’බිළිඳිය’ ගෙනි. එය සමාප්ත විය යුත්තේ ’මිත්තණිය’ ගෙනි. ඈත යුගයේ සිට සිහල ගීත කලාවේ සමනළ සමය එළැඹි වියැකී ගිය මෑත අතීතය දක්වා ළදැරියන් වෙනුවෙන් පබැඳුනු ගී පදමාලාවන් සංඛ්‍යාත්මකව ද මධූරත්වයෙන්ද අනල්පය.
ඇය හෝ ඔහු හෝ ඔවුන් දෙදෙන එක්ව සිය කැදැල්ල ඒකාලෝක කරනු පිනිස කුඵඳුලේ ඇරයුම් කරන්නේ දියණියකට නම් ඒ අහිසංක පැතුම මල්ඵල ගැන්විනි නම් බිළිඳියකගේ රන්රසුදැල් රාව බඳුවන් කිරි සිනා හඞින් ඒ කැදැල්ල පිරී ඉතිරී යන අවධිය ගේය පද නිර්මාපකයෙකු සිය සංකල්ප රූපාවලියට හසුකරගන්නේ යම්බඳු ආකාරයක විය හැකිද ?
එක්තරා යුගයක සිංහල ගීත සාහිත්‍යයට කලාව වෙනුවෙන් නවාංගයන් මුසුකල ක්ලැරන්ස් විජේවර්ධන නම් ගී පද රචකයා - සංගීතඥයා
සිය සිත්හි නැගුනු සිත්තම් චිත‍්‍රනය කලේ මෙයාකාරයෙනි ඒ ඉන්ද‍්‍රාණි පෙරේරා නම් පාසල් සිසුවිය ගීත ගායනා ලොවට හඳුන්වාදෙන්නටය.
රන් ඔන්චිල්ලේ ඇයව හොවාලා ..
පදවන්නට සිතුනා .....
රන්තැටියේ කිරි පැණි පුරවාලා
ගෙන එන්නට සිතුනා ....
රන්වන් තටු ඇති ...
සමණළයින් දැක ඇයගේ දෙතොල් පිරුණා ...
රන්වන් මුහුණේ ..
ලස්සන දැකලා ..
සිපගන්නට සිතුනා ...
රසවිඳිනට පිවිසෙන්න මෙතැනට
--------------------------------
Music File Hosting - Embed
Audio Files -
-------------------
සංවාදය ’ලක්හඞ’ ගුවන් විදුලියේ ’ඉන්ද‍්‍රසිරි සුරවිර’ විසිනි. 2003-4 යුගයේ එහි විකාශය වු සංගීතමය වැඩසටහනකින් උපුටාගන්නා ලදී.
ඉරණමේ ආශිර්වාදය ලදුව පැතු පැතුමන් සිතූ ලෙස ඉටුකෙරී මව්පිය පදවිය ලබනට වරම් ලබා තමන් වෙත තිළිණ කරදුන් බිළිඳිය වෙත ඔවුන් දක්වන අපිරිමිත සෙනෙහස වදන් වැල් පෙළකට මෙළෙස හැරවුයේ යතිවර රඹුකන සිද්ධාර්ථ හිමිපාණන්ය. ඒ අතුල අධිකාරී සමිතා මුදුන්කොටුව ගැයුම් මිහිර හා කලතනු පිණිසය.
සඳතරු මල් මට දන්දුන් ..
මගේ රුසිරු නුඹ අරගන්නයි ...
හිරුතෙද වන් මට දන්දුන්
මගේ ඔටුනු නුඹ ලාගන්නයි ...
දායාද එයැයි මගේ දෝණිට
අප දෙන්නාගේ ...
ගණ දෙවිඳුන් මට දන්දුන්.....
මගේ නුවණ නුඹ අරගන්....
පතිනි මවුන් මට රැුකදුන්...
පතිනි බලය නුඹ අරගන්...
ඇළදොළ ගං මට දන්දුන්
හදේ සිසිළ නුඹ අරගන් ..
මහවනවිල් මට දන්දුන් ..
හිතේ සුවඳ නුඹ අරගන් ...
අලෝකේ පතුරා
දායාද එයැයි මගේ දෝණිට
අප දෙන්නාගේ ...
---------------------------------
උදා ළහිරු උනුසුම ද සැඳෑ සෞම්‍ය සඳු සිසිලස සුවයද වාර සිය ගණනක් විඳි බිළිඳිය දැන් අත්පොඩි නගා හිනැහෙන ළදැරියකි. ඇය ආයාසයෙන් සුරතල් බස් තෙපළන්නට උත්සහ දරන්නීය. ඇගේ හසකැන් පහසින් ප‍්‍රමුදිත මව්පිය දෙදෙනා ගේ සිතුවිලි දහර ගේය පද රටාවකට පෙළගස්වන්නේ වාග්ගෙයකාර ශීල්පයේ නිපුණ ක්ලැරන්ස් විජේවර්ධනයන්ය ඒ අතක ඇගිලි ගණනකට සමානවූ අක්කා- නගෝ පාසල් යුවතියන් පෙළක් උදෙසාය. ඔවුන් ගීත ගැයු ශීල්ප රටාව අනුව යමින් ඉංග‍්‍රිසි බසින් වින්ස් ලෝ සික්ස් ලෙස තමන් හඳුන්වාදෙන්නීය.
මුතුවාගේ බබළනවා
නෙත ඈගේ දිළීසෙනවා
දුවරෝසි හිනැහෙනවා
සුරලෝකේ සිහින මවන්
දුවරෝසි තනිව ඉඳන්
දගකාරි පහන අපේ
හැඩකාරී ඇයය නෙතේ
සිරියාවී සැමගේ සිතේ
දුවරෝසී මැණික අපේ
-----------------------
පිවිස මෙතැනට විඳිනු මැන ගී රසය රිසිලෙස
---------------------------
බිළිඳිය ළදැරියකව පෙරපාසල් වියේ ගතකරමින් සිටී. නිවහන රජමැදුරක සිරිය නංවමින් ඒ අවට දුවපැන ඇවිදින ඇයව තනිකර දමා හෙට දිනය සරිකරනු වස් රැුකියාවට පිටත්ව යන්නට කෙසේ නම් මවකගේ සිත ඉඩදේද ?
එවන් මවක ලද අත්දැකීමක චන්ද‍්‍රසේන රංගේ නම් වු ගුවන් විදුලි ශිල්පියා විසින් ගී පදවැල් බවට පෙරළන්නේ දයාරත්න රණතුංග සංගීතවේදියා ගේ ස්වරසංකලනයකින් හැඩගැන්වීමටය. ගැයුම් රසය මතුකරදෙන්නී මහාචාර්ය අමරා රණතුංග විසිනි.
චූටී චූටී මගේ දුව චූටී
ඔන්න අම්මා යන්න හදන්නේ
චූටි විහිඵවක් කරලා චූටි තොත්තුවක් දීලා
අම්මට දුව යන්න කියන්න
බලන්න ඔය චූටී මුණ හැන්දැ නොවී එන්න කියන්න
ෙඅම්මට දුව යන්න කියන්න
පුංචි කාලේ මටත් ’චූටි’ කිව්ව මගේ අම්මා..
ඒ කියන්නේ චූටිගේ ලොකු අම්මා...
හබුං කවන වේලාවේදී විහාර මහ දේවි ගැන...
කියලා දේවි.............
මිරිස් සැරයි කියලා හේම අහක බලා ගත්තෝතින්...............
ලොකු අම්මා ඒ කථාව කියල නොදේවී....
හැන්දෑවට මං ආවම චූටි එක්ක මිදුලේ
මල් පඳුරේ මම හැංගිලා ඉන්නම්
කුරුල්ලෝ එන වෙලාවේදී
අද හවසත් අර පොඩි චූටික්කා ඒවී
ඒ ආවාම මම හැංගිලා චූටිට සෙල්ලං කරන්න
චූටික්කව චූටිට මං අල්ලලා දෙන්නං
-----------------------------------------------
ගීතය මෙහි වාදනය වෙයි.
----------------------------------------
Listen Music Files - Free Audio - සටහන -
----------------------------------
ගීතයේ ප‍්‍රසංගිකත්වය ඔප් නංවන ළදැරියකගේ හඞ ඊට කවා ඇත්තේ තත්කාලීනව ගුවන් විදුලි විකාශයන් සිය හඞින් වර්ණවත් කල නැසිගිය ’පේ‍්‍රමකිර්ති ද අල්විස්’ විසිනැයි කියැවේ. ඒ අන් කවරෙකු හෝ නොව ඔහුගේම ’සුරංගි’ දියණියයි. ගුවන් විදුලියේ ගීතය වාදනය කෙරෙද්දී සියඵ නිවේදක නිවේදිකාවන් එය හඳුන්වා දෙන්නට පුරුදුව සිටියේ ’විශාරද අමරා රණතුංග සමග සුරංගී ද අල්විස්’ ලෙස වුවද ඇය ගේ හඞ පටයක් ගීතයට තාක්‍ෂණිකව පුරුද්දා ඇති බවකිය පැවසෙන්නේ.
පද රචනයේදී ’මගේ අම්මා චූටිගේ ලොකු අම්මා.....’ යෙදුම පිළිබඳව සැක උපදවාගන්නන් ඇතැම් මිණිපිරියන් සිය මිත්තණිය ’ලොකු අම්මා’ නමින් අමතන්නට පුරුදු වි ඇති බව පසක් කොට ගනිමින් එයින් අත්මිදෙති.
-----------------------------------------------------------------
මෙයින් ඔබ්බට මතු දිනයකට ................
සේයාරුව - මෙණුදි සිරිවික‍්‍රම මහත්මිය ගෙනි
----------------------------------------------
එදා ඇසුණු ගී බ්ලොග් විමන - 08 බිනර මස 2020
No comments:
Post a Comment