namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Monday, October 25, 2021

හෙළ ගී මියැසියේ වැයුනු මවුත් ඕගන් නාදරටා සංකලනය... Mouth ORGAN MUSIC in Sinhalese Songs of 70-90s

දෙතොල් පහස හමුවේ මතුවෙන සත්සර මාධූර්යය ................තෙවැනි  දිගහැරුම........

( මර්වින් ප‍්‍රියන්ත මවුත් ඔ්ගන් නාද ප‍්‍රතිභා ප‍්‍රභා......)

 1977 ඉල්මස 18 වැනි දාතමින් තිරයේ මතු වි නැගුනු ’නිවෙන ගින්න’ අදියුරු ’අමරනාත් ජයතිලකයන්ගේය. එසේම ගී ස්වර සංකලන රටා මැවු ආචාර්ය ෂෙල්ටන් ඒවා ශ‍්‍රාවක සවන්පත් අතරට යොමුකරවීම පිනිස තෝරාගත් වාදක මඩුල්ලේ සාමජිකත්වයට සිය ශිෂ්‍ය ’මර්වින් ප‍්‍රියන්ත’ ද ඇතුළත් කලේ ඔහු ලවා ’මවුත් ඔ්ගන්’ හඬ නංවාගනු පිණිසය.


චංචල දෑසක වාසනා ...


තරු එලියක් බබලයි


ජිවිතේ ...


මීවිතයි


ආදරේ ...


මල්සර හීයක දැවටිලා හිත ඔබවෙත ඇදුනයි...


ජිවිතේ...


ගීතයයි ..


අදරේ...


පෙම්සිහිනේ .. ඔංචිල්ලේ .. පැද්දෙන්නේ..


(ගැයුම - ආචාර්ය වික්ටර් රත්නායක, විශාරද සුජාතා අත්තනායක - ගී පබැඳුම - සමන් චන්ද‍්‍රනාත් වීරසිංහ)


------------------------------------

මෙතැනින් සවන්දෙන්න

-----------------------------------

-------------------------------------------------

දිවිමග අත්වැල දිනු දා ....................ප‍්‍රිය සම්භාෂණයේ සුභාශීංසන ලබද්දී................



තම ආදරණිය ගුරුදේව ෂෙල්ටන් පේ‍්‍රමරත්න සහ ඔහු සොයුරු විමල් ජේ ශ‍්‍රියාරත්නයන් සමග මර්වින් ප‍්‍රියන්ත සහ මනාලිය අනෝමා චාන්දනී ....1981 වසර ගතවෙද්දී

-------------------------------------------------

සංගීත සංයෝජනයේ විවිධත්වය රසය තිව්ර කරන්නට නිතිපතා වෙහෙස වූ ’ෂෙල්ටන් මාස්ටර්’ සංගීතවේදියා ඒ සඳහා සිංහල ගීත උදෙසා පෙර භාවිතා නොවූ ලෝ පුරා විවිධ ජාතින් සහ රටවල් විසින් යොදාගන්නා ලද නෙකකාර වාද්‍ය භාන්ඩ නිරතුරු සිය නිර්මාණ සඳහා යොදාගනිමින් ඒවා නැවුම් රසයකින් ශ‍්‍රාවකයා වෙත පිළිගන්වන්නට උත්සහ දෑරිය. මීට නිදසුන් ගණනාවක් ගෙනහැර දැක්විය හැකි වුවද, 1972 වසරේ තිරගත වු ’හිතක පිපුණු මල්’ සංගීතමය සිනමා පටය සඳහා සංගීතය නිර්මාණය කිරීමේදී එහි ගැයෙන ’වැදිගීය’ වු ’මා මෙනි මා දෙයියා.....’ මෙන්ම 1971 ’කළණ මිතුරෝ’ හි බෙග් විසින් ගැයුනු ’අභිමාණනිය ධිර වු අතිජාත භූමි ලංකා’ වෙනුවෙන් ’බෑග්ෆයිප්’ වාදනය කරවිම සඳහන් කළ හැකිය. තම නවතම සිසුවා ’මර්වින් ප‍්‍රියන්ත’ හට යළිත් අවස්ථාවක් ලබා දෙමින් ඔහු ගුවන් විදුලි ගීත නාටකයක් වෙනුවෙන් නිර්මාණය කරන්නට යෙදුනු ගීත පෙළක ගැයුනු පහත දැක්වෙන අපුර්ව නිර්මාණය සිහියට නගාගනු වටනේය. එහි ආර්මභක - අන්තර් සියඵ වාද්‍ය ඛන්ඩ වැයෙන්නේ ’මවුත් ඔ්ගනයේ’ ආධාරයෙනි.


කඳනා ඩි මැසනඩ් විදුහලෙන් අකුරු කළ මෙකී මවුත් ඔ්ගන් ශිල්පියා එවකට යම්තම් විසිදෙහැවිරිදි වියේ පසුවු යෞවනයෙකි. ගුවන් විදුලි වාද්‍ය වෘන්දයේ සාමජිකත්වය නිල වශයෙන් හොබවන්නට පෙරාතුව ඔහු එහි පිවිසියේ එවකට අධුනික ගායන ශීල්පිනියෙක වු නැසිගිය බී ඇස් මාලිනී එනම් මාලිනි බුලත්සිංහල හඬින් ගැයෙන්නට නියමිතව තිබින.

 

අන්තර් වාද්‍ය රටා වෙනුවෙන් සැකසී තිබුනු තම ස්වර ලිපිය වෙනත් වාද්‍ය භාන්ඩ යොදා වයන්නට උත්සහ දරා එයින් තෘප්තිමත් නොවු සංගීතවේදී ආචාර්ය ෂෙල්ටන් තම කන්ඩායමට එක් වුනු යෞවනයා විමසිය.


උත්සහ කරමු ද බලන්න...............?’


’හොඳයි සර්’


පුහුණු සැසියක නිරතවන්නට සුඵ විරාමයක අවසරයක් ලබගත් මර්වින් ප‍්‍රියන්ත අතරැුඳි හුරු බුහුටි වාද්‍ය භාන්ඩය දෙතොලග රඳවා වයන්නට පටන් ගත්තේය. 


නාදරටා වාද්‍ය ඛන්ඩ හා හඬ මුසුකිරීම වෙනත් අවස්ථාවන්හිදී සිදුකරන්නට ’ගුවන් විදුලි මැදිරි පටිගතකිරීම’ හිදී එදා අවසර නොලැබුනා පමණක් නොව එසේ කිරීමේ තාක්ෂණික ක‍්‍රමවේදයන්ද තිබුනේ නැත. එනම් ප‍්‍රසංග වේදිකා අත්දැකිමක් මෙන් එහිදි ගායකයා වාද්‍ය වෘන්දය සමග සජිවීව ගයනා කළ යුතු අතර අතපසුවිම් අත්වැරැුදි සඳහා අවස්ථාවක අවම කරගත යුතුමය.


ගීතය පටිගත කෙරිනි. වහා ආධුනික ශීල්පියා වෙත එළැඹි මේ මහා සංගීතවේදියා ඔහුගේ සුරත ගෙන සුභ පැතුවේය. කාරුණික දිරිගැන්විමේ වදන් තෙපළමින් ධෛර්ය නමැති ශක්තිධාරාව දැල්වූයේය. 


අඩසියවසකට ආසන්න යුගයකට පෙර බිහිවු එකී අපුර්ව නිර්මාණයේ ’මවුත්ඔ්ගන් වාද්‍ය මිහිරෙන්’ ශ‍්‍රාවකයන් අදද මත්වෙයි. ඇතැම්හූ එය නොඅදහති. තාක්ෂනික ප‍්‍රයෝගයක් යැයි කියා සිටිති. ’මාලිනි බුලත්සිංහල’ ගායනවේදිනිය එය යළි යළීත් නොයෙක් වර ගැයුවාය. නමුත් මුල්ගීයේ රසය එදත් අදත් එකලෙස මිහිර මවයි.



සඳ මඬලේ සිට .................


තරු මඬලේ සිට ......


දිවැස් හෙළන පුතුනේ ....


බලාගන්න පුත .. බලාගන්න පුත ...


ලස්සන ලක් දෙරණේ ....


පුරන් කුඹුරු වපුරන්නේ පුතුනේ ...


හෙට උපදින පුතුටයි ...


කම්හල් නව නිපැයුම් නිමවන්නේ ..


ඒ සුරතල් පුතුටයි ..............


සාර කෙතේ අස්වනු පීදෙන්නේ ...


පුතුනි ඔබේ නමටයි ....


නුඹේ පියාගේ දෑත රත්තරං


පුතු ලද දෙව් පිහිටයි .................


(ගැයුම - මාලිනි බුලත්සිංහල)


------------------------------------

සම්පුර්ණ සංගීත ඛන්ඩයන් මවුත්ඔ්ගනයෙන් වාදනය කරන ලද මෙම මුල් ගීතය ට සවන්දෙන්න

-------------------------------------

නිර්මාණය කර දුන් ස්වර ප‍්‍රස්ථාරයේ එකිනෙකට දුරින් පිහිටි ස්වරයන්ගෙන් සමන්විත ’සඳ මඬලේ’ අන්තර්වාදනය තමන් එදාමෙදා තුර වාදනය කරන ලද්දාවු වඩාත් ම අසිරු වාද්‍ය අනුඛන්ඩයන්  අතරින් එකකැයි ඔහු අවධාරණය කර සිටියේය. 

පෙර සඳහන් කළ අයුරින්, ආචාර්ය දයාරත්න රණතුංගයෝ තමන් ගයන්නට නියමිත නවතම ගුවන් විදුලි ගීතාවලිය උදෙසා ’මර්වින් පි‍්‍රයන්ත’ ගේ දායකත්වය නිරතුරු ලබාගත්තේය. ප‍්‍රථිපලය වුයේ ගුවන් විදුලි සරළ ගීයේ නව හැඩතලයන් මතුකරමින්  මවුත් ඔ්ගන් වාදනයෙන් සුසැදි නැවුම් ආරක ගී පෙළක් එයින් බිහිවිමයි (පෙර ලැයිස්තු ගත වි ඇත).

මේ හුරුබුහුටි කුඩා වාද්‍ය භාන්ඩය වාදකයන් අතර අතිනත හුවමාරු කරගත යුතු නොවන්නක් බව ඔහු කියා සිටී. ඒ යමෙකු ගේ ඛේටය නිරන්තරයෙන් එහි තැවරී ඇතිවා පමණක් නොව ඒවා සිදුරු තුලින් අභ්‍යන්තරයටද කාන්දු වන නිසාවෙනැයි කියනු ලබයි. එසේම එය අන් වාද්‍ය උපකරණයන් මෙන්  වසර ගණනාවක් භාවිත කල නොහැක්කක් බවට පත්වන්නේද උක්ත කාරණය නිසාම ඊට හානි සිදුවි කාර්යක්‍ෂමතාව හින වීම නිසා බවද හෙළිදරවු කරයි.


පියමං කෙරුවෙමු මහ වේ මැද්දෙන් ............


පෙම්බස් දෙඩුවෙමු උයන් කොණක හිඳ ............


ශිල්ප උගත්තෙමු නැණ ලැබ ගත්තෙමු ............


දෙපා වාරු නැත ඔබ හැර යන්නට ................



නිල් තණ පළසෙහි ගැටුන දෙපාවයි.....


කෝල බැලුම් කෙළි කවට සිනාවයි...


මල් නැටුමයි කළගෙඩි නැටුමයි ...


මගේ දෑස තුල යළිත් රැුඳේවිද .............



නෙත කඳුලින් හස කැණින් මුවාකල ..........


සොඳුරු පැතුම් පුරවා මන්මත් කල .....


මගේ කෙළිලොල් විය ගෙවුනු වගයි ...


මා හැදු පාසල් මවුනි දයාදර ..........


---------------------------

ගී පද සහ තනුව - සංගීතවේදී සෝමතිලක ජයමහ


නිපැයුම - ලංකා ගුවන් විදුලිය


සහය ගායිකාව - නීලා වික‍්‍රමසිංහ


වසර - 1978 පමණ

----------------------------


මෙම ’යුග ගී නිර්මාණය’ සෝමතිලක ජයමහ සහ නීලා වික‍්‍රමසිංහ නම් වු එදා අතිශය ජනප‍්‍රිය ගුවන් විදුලි ගායන ශීල්පීන් විසින් ගැයුවේ 80 දශකයේ එළපත්තේදීය. ගායකයා විසින් පද රචනය කරන ලදුව සංගීතවත් කල එය එදා ’ගුවන් විදුලි’ යෙන් දොරට වැඩි දහසක් ගී අතර ශ‍්‍රාවක මතකයේ නිදන්ව පවතී. එහි දී ’මර්වින් ප‍්‍රියන්ත’ තත්පර පහක පමන ඉතා කෙටි වාදනයක නිරත වෙයි.


70 දශකයේ ගෙවියද්දී ජ්‍යෙෂ්ඨ සංගීතවේදි සරත් දසනායකයන් ප‍්‍රවිණ සිනමාවේදී හර්බට් රංජිත් පීරිස් ගේ ’එක්ටැම්ගේ’ (රගපෑම් - රවින්ද‍්‍ර රන්දෙණිය - මාලිනි ෆොන්සේකා) වෙනුවෙන් ස්වර රටා සම්පාදනයේ යෙදී සිටියේය. සිඳුතෙරින් එපිට හුදකලා ’එක්ටැම්ගෙය’ මත්තෙහි පේ‍්‍රමවියෝගයෙන් දැවෙන මානවකයා ගේ චංචල සිතුවිලි මතුකරදැක්වෙන අපුරු ගීතය සඳහා හඬ මුසුකලේ නැසිගිය ගුණදාස කපුගේ සංගීතවේදී ගායන ශීල්පියා විසිනි. එහි වැයෙන සුළලිත සංගීත ඛන්ඩ මතුවි නැගෙන්නේ ද ’මර්වින් ප‍්‍රියන්තයනගේ දෙතොල් අතර රැුඳුනු මවුත්ඔ්ගනයෙනි.

ඔහු සමගින් වික්ටර් දඵගම,මර්වින් විජේවර්ධන,ගේ‍්‍රෂන් ආනන්දයන්ද, මර්වින් පෙරේරා සහ පැට‍්‍රීක් දෙණිපිටියද සිය ළැමට තුරුඵ කරගත් ’බොක්ස් ගිටාරයන්’ හි තත් පිරිමදිමින් ඊට සහය වුහ. ගුවන් විදුලි සිනමා ගී අති විශාල සංඛ්‍යාවක් වෙනුවෙන් සිතාරයේ තත් හැඬවූ වයි එම් සුමනසිරි හා බොංගෝ කට්ටලය වයමින් කරුණාරත්න ජයසිංහ මෙන්ම ඩබල් බේස් අතදරාගත් නේසන් මානික්කවාසගර් ද යන මේ රසවතුන් ද චිත‍්‍රාගාර වාද්‍ය වෘන්දය වර්ණවත් කළහ. 



උන්මාද සිතුවම් මැවේ බිඳේ ....


මිහිදුම් වළා රැුඳි අතීතයේ ...


බිඳුනු පෙමින් ගිනිගත් හදවත් ...


තනිවේ එක්ටැම්ගේ .........................


(ගැයුම - නැසිගිය ගුණදාස කපුගේ, ගී පද-  මහාචාර්ය සුනිල් ආරියරත්න - සංගීතය නැසිගිය සරත් දසනායක, ජවනිකාවේ පෙනී සිටිම රංගනවේදී රවින්ද‍්‍ර රන්දෙණිය - ’එක්ටැම්ගේ’ නැසිගිය හර්බට් රංජිත් පීරිස් සිනමාවේදියාගේ නිමැයුමකි - 1980)

ප‍්රහර්ෂය ප‍්‍රමෝදය මතුකර දක්වනු පිනිස යොදා ගන්න ’මවුත් ඔ්ගනය’ විරහ වේදනාව මතුකර දක්වනු උදෙසා යොදාගෙන ඇති මේ නිර්මාණයේදී ’වාදකයා’ ද එකී ගීතය වැයෙන රූප රාමු පෙළෙහි චරිතයට ආරූඩ වී එය තමන් විසින් අත්දකින ලද්දකැයි යන්න සළකා සිය කාර්යයේ නිරතවීමේදී වඩාත් සොඳුරු නාදමාලා ජනිත කළ හැකි වන්නේයැයි තමන් විශ්වාස කරන බව ඔහුගේ අදහසයි

------------------------

මෙතැනින් සවන්දෙන්න

-----------------------


මුවමත රඳවා තබා වයන ’මවුත්ඔ්ගනය’ පරදන සුඵ සාක්කුවේ රුවාගෙන යා හැකි එහි නිවුන් සොයුරු බඳුවු පොදුජන රසවතුන්ගේ එදිනෙදා සංගීත රසය මවන ශූශිර වාද්‍ය භාන්ඩය ’බටනළාවයි’. ගුවන් විදුලි - වෙළඳ තැටි - සිනමා ගී - කැසට් පට ගී නිර්මාණ වංශකථාවේ නොමැකෙන ලෙස සිය නාමය රැුඳවූ ’වස්දඬු වාදකයන්’ අතර ආනන්දනීය තනු මවන  සංගීතවේදී වී හේමපාල පෙරේරා ද වෙයි. 70 දශකයේ දෙවන භාගයේ එක්තරා දිනයකදී ඔහු මිමිණු මනමෝහණිය තනුවක අසිරිය මවා එයින් ශ‍්‍රාවක දෙසවන් කුල්මත් කරවුයේ ප‍්‍රවිණ ගායිකා ආචාරිනී සුජාතා අත්තනායකය. එහි වැයෙනා ’මවුත් - ඔ්ගන්’ ස්වරරටාව රසගැන්වුයේ ද අන් කවරෙක් නොව මර්වින් ප‍්‍රියන්ත නම් වු ඔහුමය. ඒ රමණිය හෙළ පද එකතැන් කරමින් ගී කවි පබැදූ උපාලි ධනවල විතානයන්ගේ පදමාලාවක් වෙනුවෙනි.


ඔබ රජ කුමරුන් වේ මා සිතුවා ....................


යොවුන් කල්පනා ටජ්මහලේ .....................


මගේ පුංචි ලෝකේ ............................


මගේ පුංචි ලෝකේ ...................


---------------------------

නිර්මාණය - ලංකා ගුවන් විදුලිය විසිනි


ගැයුම - ආචාර්ය සුජාතා අත්තනායක


වසර - 1977 පමන


සංගීතය සහ තනු නිර්මාණය - සංගීතවේදී වී හේමපාල පෙරේරා


මවුත්ඔ්ගන් හඬ මාධූර්යය  - මර්වින් ප‍්‍රියන්ත (ගුවන් විදුලි වාද්‍ය වෘන්දය)

----------------------------------

මෙතැනින් සවන්දෙන්න

----------------------------------


මවුත් ඔ්ගනයේ නාද මාධූර්යය කැටිවු සිංහල ගීත සංඛ්‍යාත්මකව මෙන්ම සංසන්දනාත්මකව ද සුඵ ප‍්‍රතිශතයකි. එහෙත් ඒ සෑම ගීයකම පාහේ තනුව භාවපූර්ණය ළගන්නා සුඵය. මෙම ලිපි මාලාව සබැඳිව ඉදිරිපත් කරන ’ගීත’ ද එදවස ගුවන් විදුලියේ සැගව ගීයා නොවේ. ඒවා නිතිපතා නිරතුරු ශ‍්‍රාවක වින්දනය සඳහා ගුවන් තරංග අතරට මුදාහරින ලදී. එහි ප‍්‍රතිඵලය ලෙස ඒවා ශ‍්‍රාවක හදවත් හි නොමැකෙන ලෙස ලැගුම් ගත් අතර ’රියැලිටි වේදිකාවේ’, ’රූපවාහිනි සංගීතමය විචිත‍්‍රාංගයේදී’, කඩමන්ඩියේ, බස්පොළේ, පමණක් නොව තමන් පදවායන රථයේ ද ඒවා යළි යළිත් අසමින් රසවිඳීමට ඉන් නොනැවතී සිහින් සරින් මුමුණන්නට, උස් හඬින් ගයා දවස පුරා විඩාවට පත් සිත නිවා සුවපත් කරගන්නටද ආදරණිය ගී රසිකයා එදාද අදද මෙන්ම මතුද පෙළඹෙනු ඇත.


ගී පෙළහර මින් නිමා නොවේ...එහි රසමිහිර විඳගන්නට යළි හමුවන තුරු වෙන්ව යමු... ඔහුගේ කර්ණරසායන ගී අනුවාදනයේ දැහැන් ගත වෙමින්...


-------------------------

උපුටා ගැනීම - මර්වින් ප‍්‍රියන්ත ගී අනුවාදන කැසට් පටය - 1983?  - මෙතැනින් සවන්දෙන්න

’නංගිලා මල්ලිලා .... ඉන්නවාදෝ බලා...මං එති දැන් එති දැන් කියා.....’


ගැයුම - නැසිගිය සිඩ්නි ආටිගල - 50 දශකයේ ගුවන් විදුලි ගීතයක් වු අතර ඉන් පසු දශක ගණනාවකදී රසිකයන් විසින් සෙනෙහසින් වැළඳ ගත් නිර්මාණයකි.


------------------------------


(විශේෂ ස්තුතිය - ප‍්‍රවිණ මවුත් ඔ්ගන් වාද්‍ය ශිල්පී මර්වින් ප‍්‍රියන්ත සංගීතඥයා වෙත)

එදා ඇසුණු ගී - ගී මුතුමාලා බ්ලොග් ලිපි ගොණු එකතුව - 2021  - ඔක්තෝබර් 26 දිනදීය.

Sunday, October 10, 2021

ලාංකිය ගීත සාහිත්‍යයේ මවුත් ඔ්ගන් නාද ප‍්‍රතිභා ප‍්‍රභා...... Mouth ORGAN MUSIC in Sinhalese Songs of 70-90s

 දෙතොල් පහස හමුවේ මතුවෙන සත්සර මාධූර්යය ......................02 වන සටහන

(
හර්බට් ගුණවර්ධන මර්වින් ප‍්‍රියන්ත මවුත් ඔ්ගන් නාද ප‍්‍රතිභා ප‍්‍රභා......)

ගී නිර්මාණකරුවන් පිළිබඳව තතු විත්ති දැන හැඳිනගත් ලාංකීය සංගීත ලෝලීන් ගේ මුවග නිරතුරු රැුව් දෙන නාමය ’රෝහණ විරසිංහ’ ය. ඔහු ගී කලාවේ සුන්දර 70 දශකයේ සිය ගී තනු නිර්මාණ කර්තව්‍යය දියත් කරමින් 80 දශකයේ එහි හිනිපෙත්තට එළඹ අඩසියවසකට ආසන්න කාලයක සිට වර්තමානය දක්වාද එදා තරම් නොවුනත් මධුරතර ගී තනු සහ සංගීත ඛන්ඩ මවයි.




ආචාර්ය වික්ටර් රත්නායක ගේ ’ස’ ප‍්‍රසංගයේ මුල් යුගයේ එහි වාද්‍ය වෘන්දයේද අත්වැල් ගායනයේද කැපී පෙනෙන භූමිකාවක් රග දැක්වු ඔහු 70 දශකයේ මධ්‍ය භාගයේ පවා ජනප‍්‍රිය ගුවන් විදුලි ගායකයෙකු ලෙස රසිකයන් දැන හැඳින සිටියහ.


ඊට නිමිති වූ එක්තරා ගුවන් විදුලි ගීතයක ඇතැම් වාද්‍ය ඛන්ඩ පුර්ණ ලෙස හැඩගන්වා තිබුනේ ’මවුත්ඔ්ගනයෙනි’. සුමිතුරු පේ‍්‍රමකීර්ති ගේ පදමාලාවක් උපයෝගී කරගන්නා ලදුව වික්ටර් රත්නායකයන් එය නිර්මාණය කිරීමෙන් නොනැවතී ’රෝහණ’ ගේ අත්වැල් ගායකයා බවට පත් වුයේය. එහි මවුත් ඔ්ගන් වාදන රසය මතුකර දුන්නේ බාහිර වාද්‍ය ශිල්පී ’හර්බට් ගුණවර්ධන’ විසින් බව කියා සිටිනු ලැබිය.


නෙඵම් මලේ එක පෙත්තද තියෙන්නේ ...........?


ගිළිහෙද්දෙන් එක පෙත්තක් තවත් එහි තිබේ රොත්තක් .....


ගිළිහුනු පෙත්තකට මොටද අඩන්නේ ...............


මහ සයුරේ එක රැුල්ලද නැගෙන්නේ ...............?


බිඳෙනා විට රැුළි හඞදී තව සිය දහසක් උපදී ................


නිමවීමක් කිමදෝ සිදු නොවන්නේ ........?


--------------------------------------

ගී පද - නැසිගිය පේ‍්‍රමකීර්ති ද අල්විස්


ගී තනු - ආචාර්ය වික්ටර් රත්නායක


සහය ගැයුම - ආචාර්ය වික්ටර් රත්නායක


මවුත් ඔ්ගනය - හර්බට් ගුණවර්ධන


වසර - 1974 පමණ

-------------------------------

මෙතැනින් සවන්දෙන්න

--------------------------

හර්බට් ගුණවර්ධනයෝ මර්වින් ප‍්‍රියන්තයන්ගේ පුර්වගාමියා වෙති. ඔහුගේ ආගමනයට මත්තෙන් ගැයුනු ගීත ගණනාවක නැගෙන ’මවුත්ඔ්ගන්’ රාවය මතුකරදුන්නේ ’හර්බට්’ය. 


කතරට කුමටද වසන්තයක්.............


සයුරට කුමටද අනන්තයක්..................


ඔබ පිළිබඳ සිත මගේ තනියට ඇත..................


මට කුමටද වෙන සිතක් කයක් ...................


දුහුවිලි සුළි සුළි නැගෙයි බිඳෙයි.............


දියරැුලි දියඇලි ඇදෙයි නැගෙයි ..............

-----------------------------

ගැයුම - ආචාර්ය වික්ටර් රත්නායක


ගී සංකල්පනා - නැසිගිය පේ‍්‍රමකීර්ති ද අල්විස් විසිනි


තනුව සහ සංගීතරටා සැකසුම් - ආචාර්ය වික්ටර් රත්නායක


නිෂ්පාදනය - ලංකා ගුවන් විදුලිය


මවුත් ඔ්ගන් වාදන ශූරී - හර්බට් ගුණවර්ධන


වසර - 1972 පමන

-------------------------------------

මෙතැනින් සවන්දෙන්න

------------------------------------



එපමකුදු නොව මිල්ටන් මල්ලවාරච්චි ගැයු ’සුන්දරත්වයෙන් පිරි සොඳූරුම සිහිනේ’ (ගී පද නැසිගිය කේ ඩි කේ ධර්මවර්ධන) ’දිනක රන් සඵ පළඳා සඳ නැගි මේලාවෙන් (ගී පද නැසිගිය පේ‍්‍රමකීර්ති ද අල්විස්), පායන සඳ ගැන මොනව හිතන්නද (පුන්‍යසිරි මහවත්ත)  වැනි නිර්මාණයන් හිදි මෙකි කමණිය සංගීත භාන්ඩයේ රසය මුසු කරදෙන්නට මෙම නිර්මාණයන්ගේ සත්සර නිමැයුම්කරු වික්ටර් රත්නායකයන් යන්ත දැරිය. ඊට පෙළෙඹෙන්නට, ඇතැම්විට ඊට ඔහු ’දෝස්ති’ හින්දි සිනමා ගී රසයේ මෙන්ම එහි ලාංකීය ප‍්‍රතිනිර්මාණය වු ’කළණ මිතුරෝ’ හිදී ඔහු විසින්ම ගැයු ගී මිහිර ඔප් නැංවු වාදන ඛන්ඩයන්හි නාදරසය හේතු පාදක වන්නට ඇතැයි අනුමාන කළ හැකිය.


පායන සඳ ගැන මොනව හිතන්නද ................


හිතුවත් ඒ ගැන මොනවා කියන්නද ...


කිව්වත් කිසිවෙක් අහන්නේ නෑ.............


එයද ආදරය වාගේ............

-----------------------------

ගී පද  - නැසිගිය පුන්‍යසිරි මහවත්ත සංගීතවේදියාගෙනි

තනුව - ආචාර්ය වි්ක්ටර් රත්නායක

ගැයුම - ආචාර්ය වික්ටර් රත්නායක

මවුත් ඔ්ගන් වාදනය - හර්බට් ගුණවර්ධන විසිනි

වසර - 1973 පමන

-----------------------------------------

මෙතැනින් සවන්දෙන්න

-----------------------------

ආචාර්ය වික්ටර් , කේ ඩි කේ ධර්මවර්ධන, විජය කුමාරණතුංග, පේ‍්‍රමකීර්ති ද අල්විස් ඇතුඵ සහෘද සංගමයේ සාමාජිකයන් පොල්හේන්ගොඩ තලකොටුව වත්තේදී එක්ව හමුවි සතුටු ප‍්‍රියසාද සම්භාෂනයන්හි නිරත වු 70 දශකයේ මුල් වසර කිහිපයේදී ’හර්බට්’ ද ඔවුන් ඇසුරේ කල දවස ගෙවූ රසිකයෙකුව සිටියේය. 

ගුවන් විදුලි පටිගතකිරීම් පැවති දිනයන්හි ’මවුත්ඔ්ගනය’ සුරත දරා ගත් ඔහු වික්ටර් රත්නායකයන් කැටුව එහි පිවිසියේය. ලැබුනු උපදෙස් අකුරටම පිළිපදිමින් නියමිත ’ස්වර ඛන්ඩයන්’ ’නියමිත පරිදි වාදනය කළේය. මෙකී මිතුරු හවුල වෙත යතුරු පැදිය පදවා ගෙන දිනක පැමිනි ’විජය කුමාරණතුංගයන්’ ඔහු ඊට තරමක් දුරින් පිහිටි නාරාහේන්පිට ’ලංකා’ චිත‍්‍රාගාරය වෙත කැටුව ගියේ ’සංගීතවේදී සෝමදාස ඇල්විටිගල’ ගෙන් තමන්ට එසේ කරන ලෙස උපදෙස් ලැබි තිබු නිසා බව කියැවිනි.
----------------

ප‍්‍රිය රසිකයනි,

හදුනාගන්න - .. හෙළ ගී රසකලසේ මවුත් - ඕගන් මධූර්යයේ නියමුවන් දෙපොළ - 

හර්බට් ගුණවර්ධන (වම -සිටගෙන) සමග මර්වින් ප‍්‍රියන්ත (දකුණ -වඩිවි)

------


එහිදී එකි හෝරාවේ එදවස ලක් දෙරණේ යව්වන ප‍්‍රජාව වසග කරගත් එදා සුපිරි ගායන තරුව ’ක්ලැරන්ස් විජේවර්ධන’ සහ ’ගෝල්ඩන් චයිම්ස්’ සගයන් කිසියම් ගීයක් ගයන්නට සැදි පැහැදි සිටි අතර ’කලබල නොවන’ ලෙසද ’අදාළ වාද්‍ය කොටස් නිවිහැනහිල්ලේ පුහුණුවි වාදනය කරන’ ලෙසද ඉල්ලීමකි.





උඩරට මැණීකෙට පටසඵ පොරවන..............


සුදුමුදු මීදුම් දෝනාවේ.................


කඳුරට දිවයන දුම්රිය මැදිරිය.....


ආලේ ආලක මන්දාවේ ......................


(ගී පද - නැසිගිය කරුණාරත්න අබේසේකර සංගීත අධ්‍යක්‍ෂණය - නැසිගිය ක්ලැරන්ස් විජේවර්ධන)

------------------

මෙතැනින් සවන්දෙන්න

------------------

එහි එසේ එදා ගැයුනු ගීතය ඉන් ටික කලකට පසු දිවයිනේ සතර දිග සිනමාහල් සිසාරා රැුව් පිළිරැුව් දෙන්නට වුයේය. යොවුන් තරුණයන් කන්ඩායමක් විවිධාකාර සංගීත භාන්ඩ අතදරා දුම්රිය මැදිරියක අසුන් අරා සිටිමින් ගයන ජවනිකා පෙළ තිරයේ එකිනෙක මැවි ගියේය. සිනමාහලේ ඉදිරිපිට අටවා ඇති දැවැන්ත පසුතල දර්ශනයේ ’සිහසුන’ අධ්‍යක්‍ෂනය - ’ටයිටස් තොටවත්ත’ යනුවෙන් ලියැවි තිබුනි.

ඒ වෙද්දී ’හර්බට්’ තිස්එක්හැවිරිදි’ වියේ පසුවිය. ’ස’ ප‍්‍රසංගයේදී ’මවුත්ඔ්ගන්’ වාදන නොඇසී ගියත් ඔහු එහිදී වික්ටර් රත්නායකයන් හා සමිපව කටයුතු කළ අතර අදද එය ඔහුගේ දෙතොල් පහස ලබමින් මියුරු නාදරටා උපදවයි.

හර්බට් ගුණවර්ධන නම් වු ජ්‍යෙෂ්ඨ වාද්‍ය ශීල්පියාණන් පිළිබඳ යටගියාවේ තතු විත්ති විමසා දැනකියා ’එදා ගී රසය’ ඉවකළ ශ‍්‍රාවක සහෘදයන් හට මතු ලිපියකදී ඉඩකඩ විවර කර දෙනු වටී.

(හර්බට් ගුණවර්ධන විසින් වැයු මවුත් ඔ්ගන් ගී අනුවාදනය මිහිර - රූපවාහිනි සංස්ථා වැඩසටහනකි )


-------------------------------

යළිදු වරකදී ඉඳ හිට හෝ නෑසෙන ’හර්මොනිකා’ සංගීත රාවය ඇතුළත් ගීයක උපත සිදුවුයේ 80 දශකයේ මුල් යුගයේදීය. දස දහස් සංඛ්‍යාත රසපූර්ණ මනමෝහනීය ගී තනු රටා නිර්මාපක ආචාර්ය රෝහණ විරසිංහ නම් වු සොඳුරු ගාන්ධර්වයා ගේ සත්සරයෙන් ඔපවත් වූ ඊට හඞ දායකත්වය ’සුනිල් එදිරිසිංහ’ විසිනි.


මලක සුවඳ සේ යොවුන් ජිවිතේ............


පිළිගමු අපි නැවුම් ආදරේ ..................


හද සිනාවේ නෙතු දයාවේ ............


මහිම කියමු සොඳුරු ලොවක සිත නිවේවි...


(කුමාරදාස සපුතන්ත‍්‍රි ගී සංකල්පනාවකි)

---------------------

මෙතැනින් සවන්දෙන්න

------------------------

තම සිනමා නිර්මාණයන්හිදී ඇසෙන ගී රාවයේ මිහිර පිළිබඳව දැඩි ලෙස අවධානය යොමු කරමින් ඊට සංවේදී වු සිනමාකරුවා ’එච් ඩී පේ‍්‍රමරත්න’ වේ. 1976 වසරේදී ඔහු තැනූ ’සිකුරුලියා’ හි සිට නිර්මිත සෑම සළරුවකදී ම ඔහු සදා ශ‍්‍රාවක පේ‍්‍රක්‍ෂක මතකයේ රැුඳ පවතින ගීතාවලියක් දායාද කරන්නට වග බලා ගනු ලැබිය. 1993 දී ඔහු සිය ’සප්ත කන්‍යා’ සිනමා නිර්මාණයේ මියැසි රටා මවන්නට ’ආචාර්ය රෝහණ වීරසිංහ’ හට ඇරයුම් කරනු ලැබීය. ඔහු එදා ඊට එක්කල සදාතනික ගී මතක සටහනක රසමිහිර ඔප් නංවන්නට ඔහු නැවතත් ’මවුත් ඔ්ගනය’ යොදා ගනු ලැබිය.


උන්මාද වූ පේ‍්‍රමාදරේ ........................


සමනළ වසන්ත යව්වනේ ..................


සංසාරයේ සුභ ප‍්‍රාර්ථනා ඉඳුනිල් දෙනයන සදහට....

(ගායනය - රංගන ශිල්පී කමල් අද්දරආරච්චි සහ දමයන්ති ජයසූරිය)

පද රචනය - ආචාර්ය අජන්තා රණසිංහ මවුත් ඔ්ගන් වාදක  - මර්වින් ප‍්‍රියන්ත කී බෝඩ් වාදකයන් - මර්වින් ප‍්‍රියන්ත සමග ජගත් වික‍්‍රමසිංහ

-------------------------

මෙතැනින් සවන්දෙන්න

------------------------

70 දශකයේ දෙවන අර්ධයේදී ලාංකීය ගීත නිර්මාණ කලාවේ තාක්‍ෂනය වැඩි දියුණු කරන්නට පාදක වූයේ ඒ වනවිටද ලොවපුරා භාවිතයේ පැවති ස්පූල් හෙවත් චුම්බක පටි ධාරකයන් ගේ ක්ෂුද‍්‍ර අනුප‍්‍රාප්තිකයා වූ ’කැසට් පටියයි’. එහි මුල් අවධියේදී ඒ දක්වා ප‍්‍රචලිතව පැවති ඊ පී තැටි ක‍්‍රම ක‍්‍රමයෙන් ඉවත් වෙමින් පැවතෙද්දී වෙළඳ පොළට නිකුත් වු එවන් නවතම ගී තැටියක නිෂ්පාදකයා වුයේ විජය රාමණායකය. ඔහු ගේ ’තරංගා’ වෙළඳ ලේබලයක ඇතුළත් කරන්නට යෙදුනු ගී සතරක සංගීත අධ්‍යක්‍ෂනය කරන්නට එදවසද ප‍්‍රවිණ සංගීතඥයෙකු වූ ’මෙල්රෝයි ධර්මරත්න’ වෙත පැවරෙද්දී එකි ගීතාවලියට පූර්ණ ලෙස හඞ මුසුව සිදුකලේ ගායිකා ත‍්‍රී සිස්ටර්ස් නායිකා ’ඉන්ද‍්‍රානී පෙරේරා’ ය.


අතිශය ප‍්‍රායෝගික ලෙස ද නිර්මාණශිලී ලෙස ද සංගීත සංයෝජනය කෙරී පැවති එකි ඇල්බමයේ දී සිංහල ගීතයන්හිදී නිතර වාදනය නොවුනු ’කොම්බෝ බෙර’ පවා යොදාගෙන තිබු අතර එහි නිම්නාද වූ ’මවුත්ඔ්ගන්’ හඞ ඇතුළත් වූ ගියක පද රචනය නැසිගිය කේ ඩි නිකලස් ගෙනි.


නොනිදා පහන් කලේ .............


මේ මුඵ රෑ‍ කවුරු නිසාදෝ .......................


නොනිදා පහන් කලේ .............

--------------------------------

නිෂ්පාදනය - නැසිගිය විජය රාමණායක


සංගීතය සහ තනු - සංගීතඥ මෙල්රෝයි ධර්මරත්න විසිනි


ගී පද - නැසිගිය ප‍්‍රවිණ ගී පද  - තිරකථා රචක කේ ඩි නිකලස්


තැටි ලේබලය - තරංගා (45 ධාවන වේග)


වසර - 1977 පමන


ගැයුම - ප‍්‍රවිණ ගායිකා ඉන්ද‍්‍රානි පෙරේරා


මවුත් ඔ්ගන් වාද්‍ය ශිල්පී - මර්වින් ප‍්‍රියන්ත

--------------------------------

මෙතැනින් සවන්දෙන්න

------------------------------

එකී තැටියේ ඇතුළත් වු ගීත සංඛ්‍යාව සතරකි එයින් තවත් ගීයක පද සංකල්පනාව සංගීතඥ මෙල්රෝයි ධර්මරත්නයන් විසින්ම සිදුකරන ලද අතර එහි ද නැගෙන්නේ මවුත්ඔ්ගන් රාව ප‍්‍රතිරාවයයි.


ගිය ඉරිදා ඔබ මා සමගයි..........


මේ ඉරිදා ඔබ වෙන තැනකයි ...


වෙන තැනකයි ඔබ වෙන රටකයි...


ඒ මුත් මගේ හිත ඔබ සමගයි...


ඔබ නැති පාඵව සිතට දැනෙයි...


සෝ ගිනි දැල් හද තුල ඇවිළෙයි.....


--------------------------------

නිෂ්පාදනය - නැසිගිය විජය රාමණායක


සංගීතය සහ තනු - සංගීතඥ මෙල්රෝයි ධර්මරත්න විසිනි


ගී පද - සංගීතඥ මෙල්රෝයි ධර්මරත්න විසිනි


තැටි ලේබලය - තරංගා (45 ධාවන වේග)


වසර - 1977 පමන


ගැයුම - ප‍්‍රවිණ ගායිකා ඉන්ද‍්‍රානි පෙරේරා


මවුත් ඔ්ගන් වාද්‍ය ශිල්පී - මර්වින් ප‍්‍රියන්ත

--------------------------------

මෙතැනින් සවන්දෙන්න

--------------------------------

පෙර සඳහන් කරන්නට යෙදුනු පරිදි ලංකිය ගීත කලාව ’මවුත්ඔ්ගනයේ’ නාදමිහිර ඔස්සේ පෝෂණය ලබන්න ගුරු වුයේ උත්තර භාරතිය සිනමා සංගීතය බව නොරහසකි. ඇමෙරිකානු ගොපඵ’ ජන ජිවිතය අළලා නිර්මාණය වු ’ගොපඵ’ සිනමා කෘති උදෙසා ’සුරුවන්බෑම’ සහ මෙකී ’මවුත්ඔ්ගන්’ නාදරටා යොදාගනු ලැබ තිබුනේ ’එනෝ මොරිකොනෝ’ නම් ඉතාලි ජාතික ගාන්ධර්වයා විසින් බව කියැවේ.

’බෙසාමේ මුචෝ’  ලෙසින් හැඳින්වෙන "ටිනෝ රෝසයි"  විසින් 1945 වසරේදීගයන ලද ගීතයේ අනුවාදනය ’මර්වින් ප‍්‍රියන්ත’ ශීල්පියා විසින් මවුත් ඔ්ගනයේ මිහිර කැටිකොටකරගනිමින් වාදනය කල අවස්ථාවකි මේ

------------------------

මෙතැනින් සවන්දෙන්න
--------------------


90 දශකයෙන් මෙපිට නිර්මාණය කෙරුනු නව ගීතයන් හි ඉඳහිට හෝ මෙකී සුමියුරු සංගීත රාවය කණ වැකුනු බවක් මතකයේ නැත. රූපවාහිනි මාධ්‍ය කලාවේ ප‍්‍රගමනය සිදුවු එකී යුගයේදී වාද්‍ය වෘන්දයන් ගේ සජිවි සංගීතයට ගී ගයන සංගීතමය වැඩසටහන් අතිමහත් රාශියක් විසුරුවා හැරියද එහිද මේ වාද්‍ය භාන්ඩය වැයෙනවා නෙතට හසු වු බවක්ද මතකයේ නැත.

පෙර කී ලාංකීය සංගීත ක්‍ෂේත‍්‍රයේදී ’හර්මොනිකා හෙවත් ’මවුත් ඔ්ගන්’ වාදනයේ යෙදුනු ශිල්පීන් සංසදනාත්මකව සිමිතය. එකී වාද්‍ය භාන්ඩයේ රසය මතුකළ නිර්මාණ ද ඒ නිසා සිමිතය. ඇතැම් අවස්ථාවන්හිදී සංගීතඥයන් ඊට තැත් දරන්නට ඇතිවා නිසැකය. නමුත් ඇවැසි ශීල්පී දායකත්වය නිසි කලට නිසි පමණින් සපයාගනු නොහැකි වු විටකදී සිය උත්සහය අතහැර දමන්නටද ඇත.

ඈත කාලින නිදසුන ප‍්‍රවිණ සංගීතඥ ෂෙල්ටන් පේ‍්‍රමරත්නයන්ගේ ’කළණ මිතුරෝ’ ගීත සමුච්ඡුයයි. පෙරකී ලෙසින් එහි මවුත් ඔ්ගන් වාදකයා ලෙස කටයුතු කරනු ලැබුවා යැයි කියැවෙන්නේ එවකට දිවයිනේ ප‍්‍රවිණ සැක්සෆෝන් වාදන ශිල්පියෙකු ලෙස කටයුතු කරන ලද්දා වු ’කුමාර් මොල්ලිගොඩ’ ගේ නාමය වේ. පසුකාලීනව සංගීතඥ පේ‍්‍රමරත්නයන් එකි භාරදුර කර්තව්‍ය පවරාදීම සඳහා සුදුසු යෞවනයෙකු සිය ’වත්තල’ ප‍්‍රදේශය පවත්වාගෙන යනු ලැබු කලායතනයේදී පුහුණු කරවා ගන්නා ලදී. බොරැුල්ල ’සුදර්ශී’ ශාලාවේදී සංගීතඥ ’රංජිත් යාපා ද අල්විස්’ ගේ මගපෙන්විම අනුව පේ‍්‍රමරත්නයන් වෙත යොමු කෙරුණු ඔහු ’සංගීත ක්‍ෂේත‍්‍රයේ’ සාමාජිකයන් හොඳින් හැඳිනගත් පසුව එකී වාද්‍ය කලාවේ ප‍්‍රවිණයෙකු ලෙස අබිසෙස් ලත් ’මර්වින් ප‍්‍රියන්ත’ ය.

------------------
කුමාර් මොල්ලිගොඩ’ 
----------------


පෙර සඳහන් දයාරත්න රණතුංග සහ සරත් දසනායක ගී නිර්මාණයන්හි ද ඊට ද පෙරාතුව ෂෙල්ටන් පේ‍්‍රමරත්නයන්ගේ සංගීත නිර්මාණයන්හිදීද 80 දශකයේ එකී වාද්‍ය භාන්ඩයේ රසමිහිර කැටිවු සෑම ගීතයකම මවුත් ඔ්ගන් වාද්‍ය ශිල්පියා ලෙස කටයුතු කලේ ඔහුය.


රාමා සීතා ඔබයි මමයි..........


ආදරේ ගිනි කන්ද  ඔබයි..............


හද සිටු මැදුරක සුරසැප දෙයි .........


හෙට මග හිගමන් යදින්න වෙයි ..............


ගුවන් විදුලියේ වත්මන් සභාපති හඩ්සන් සමරසිංහයන් විසින් පබැඳූ ගායන ශිල්පී ක‍්‍රිස්ටෝපර් පෝල් ගේ මනරම් හඬින් ගැයෙන උක්ත ගීතය ’70 දශකයේ’ අමරණිය ගුවන් විදුලි ගී මුතු දාමය ඔප කළේ සංගීතවේදී ෂෙල්ටන් පේ‍්‍රමරත්න ගේ මෝහණීය නාදරටා මහිමයෙනි. එහි මතුවි නැගෙන ’මවුත් ඔ්ගන්’ වාදන ඛන්ඩ ’මර්වින් ප‍්‍රියන්ත’ ගේය.

------------------

නිෂ්පාදනය - ලංකා ගුවන් විදුලිය

තනු සහ සංගීත අධ්‍යක්‍ෂණය - ප‍්‍රවිණ සංගීතවේදී ආචාර්ය ෂෙල්ටන් පේ‍්‍රමරත්න විසිනි

ගී පද රචක - ලංකා ගුවන් විදුලියේ වත්මන් සභාපති ප‍්‍රවිණ ගී පද රචක හඩ්සන් සමරසිංහ විසිනි

වසර - 1976 පමණ

මවුත් ඔ්ගන් හඬ - මර්වින් ප‍්‍රියන්ත 

-------------------------------

මෙතැනින් සවන්දෙන්න

------------------------------

ටවර් හෝල් යුගය ඔපවත් කල සාදිරිස් මාස්ටර්ගේ ගේ ජ්‍යෙෂ්ඨතම පුතු වූ  ආචාර්ය ෂෙල්ටන් පේ‍්‍රමරත්න ශූරීන් ගේ සෙවණේ රැුඳෙමින් ඔහුගේ මගපෙන්වීමෙන් හා ගුරුහරුකම් ලබමින් සත්සර ශීල්ප සතර හැදෑරූ ’මර්වින් ප‍්‍රියන්ත’ විසින් වාදනයෙන් රසගැන්වු රසාලිප්ත නිර්මාණ පෙළ සුඵපටු නොවේ. එහි යටගියාවේ හරබර තතු හුවා දක්වනු පිනිස මෙම සටහනේ තෙවැනි දිගහැරුම මතු පළවෙන තෙක් ඉවසනු මැනව.

(ස්තුති පුර්වක ප‍්‍රණාමය - ගුවන් විදුලි වාද්‍ය සමූහයේ හිටපු සාමාජික සංගීතඥ මර්වින් ප‍්‍රියන්ත මහතා වෙත)

--------------------------------------