එදා මියැසි සාදයේ නැගි රස ගී සරය - මොහොමඩ් සාලි -දෙවැනි පිටුව
සිංහල බස පිළිබඳ පැහැදිලි නිරවුල් අවබෝධයකින් තොරවු සාලි ගීතයේ අදහස කුමක්‌ සම්බන්ධවදැයි තමන්ගෙන් පුහුණුව ලබනා ගයන ශිල්පියාගෙන් විමසන්නට පුරුදුව සිටි බවද එය හරිහැටි පැහැදිලි කරගත් වහාම ඊට සුදුසු තනුව නිර්මාණය කර දෙන්නට උත්සුක වූ බව විශ්මයජනක යැයි ද කියැවේ
ඉහත සඳහන් නිදසුන් මගින් මේ කරුණ වඩාත් පැහැදිලි වේ
60 දශකයේ උදාවේදී ජේ ඒ මිල්ටන් පෙරේරා නම් සිනමා ගී ගායකයා ගුවන් විදුලි විරහ ගී වෙසරදයෙකු ලෙසින් අභිෂේක කලේ කරුණාරත්න අබේසේකරයන් විසිනි ඒ ගීතාවලියට ඇතුළත් වූ අපුරු පේම්ගීතයක පදවැළ ළපැටියෙකුගේ චර්යා රටා විස්‌තර කරමින් නැවුම් අදහසක්‌ ජනිත කරවන්නට ඔහු වරෙක සමත්විය ඒ සරළ සුගම පදවැළෙන් මැවෙනා සුන්දර රූප දසුන් එදා ළමාවියේ ගතකළ අපද මෙන්ම වැඩිහිටියන්ද එකලෙස කුල්මත් කරනට ඇති බව නිසැකය
ඊට මනාලෙස අනුගත වෙන ලෙස ඔහු යොදා ඇති තනුව ද අන්තර් වාද්‍ය ඛන්ඩ ද විමසා බලනු වටී
ටික්‌කි ටිකිරි මගේ පුතා - කොල අරගෙන කුරුටු ගාන .......
පුංචි පුංචි රූප වගෙයි - ඔබගේ ආදරේ .......
මල්වැල් ගස්‌වල සුලගට - සිංහ පැටව් පියඹා යති .....
ලන්ද උඩින් නැව් යනවා - නැතුව සාගරේ ......
මුහුණු ඇස්‌දෙක ඔඵවේ - තාරකා දිළෙයි පොළවේ
ඔරුව වගේ ගගේ ඇදේ - අහස්‌ යන්තරේ ...............
-------------------
ගැයුම - නැසිගිය ජේ ඒ මිල්ටන් පෙරේරා
ගී පද සංකල්පනාව - ගුවන් විදුලි මාධ්‍යවේදී නැසිගිය කරුණාරත්න අබේසේකර
--------------------------------
ගීතය රසවිඳිනට මෙතැනට පිවිසෙන්න
Embed Music Files - Audio Hosting -
මනු ලොවින් සමුගෙන නික්‌ම යනතුරු කිසිවෙකුගේ හෝ ඇගයීමකට සම්භාවනාවකට කිසියම්ම හෝ දිනක පාත්‍ර නොවුනු මේ ශිල්පියා හෙළ සිනමා ගීතය රසගන්වන්නට දායකත්වය ලබා දුන්නේද ඔහුගේ නිර්මාණ දිවියේ වසන්ත සමයේදීය
1963 වසරේ බී ඒ ඩබ්ලිව් ජයමාන්න විසින් නිර්මිත මංගලිකා සලරුව රසගන්වමින් ඔහු ඊට පිවිසියේය ඉන් අනතුරුව වසරකින් කළඑළි බට ඩබ්ලිව් එම් එස්‌ තම්පෝ ගේ සැමියා බිරිඳගේ දෙවියාය සංගීතවත් කලේ සිය ප්‍රතිභාව වඩාත් දියුණු තියුණු කරගනිමිනි
හෙළයේ අග්‍රගන්‍ය ගී - නිළි රැජිනිය ලෙසින් විරුදාවලිය ලද රුක්‌මණී දේවිය වෙනුවෙන් එහි පද බැඳුම චිත්‍රානන්ද අබේසේකරයන්ගෙනි
ලස්‌සන රත්තරං බබෝ - මුතුඇටයක්‌ නේද බබෝ........
සුවඳ මලකි ඔයා බබෝ - දෙයියෝ දුන්න පුංචි බබෝ ..........
------------------
ගැයුම - හෙළයේ ජනකාන්ත සිනමා නිළි - ගායන තරුව නැසිගිය රුක්‌මණි දේවී
පද රචනය - නැසිගිය ගුවන් විදුලි මාධ්‍යවේදී චිත්‍රානන්ද අබේසේකර (කරුණාරත්න අබේසේකරයන්ගේ ඥාතියෙකු නොවේ)
-------------------------
මෙතැනින් සවන්දෙන්න
Free Music - Embed Audio Files -
එතැන් සිට උතුරේ තල්අරඹේ වැසියන් වු ද ප්‍රකට ව්‍යාපාරිකයන් වූද තම්පෝ පිය පුතු නිර්මාණ වු සතුටුයි කඳුල (1965) සැගවෙන සෙවනැල්ල (1966) මහදැනමුත්තා (1966) සැනසිලි සුවය (1966) දෙහදක දුක (1968) බී ඒ ඩබ්ලිව් ජයමාන්නගේ මගුල් පෝරුව (1967) අසෝක ඩේවිඩ් ගේ සරණ (1967) යන සල රූ සිත්තම් සත්සරයෙන් රසගන්වා වසර 06 ක විරාමයකින් නැවතත 70 දශකයේ රසිකයන් හමුවට පැමිණියේ හදවත් නැත්තෝ (1974) වෙතිනි ඒ සිය සහෝදර ගුවන් විදුලි ශීල්පී ශීල්පී ටී ෂෙල්ටන් පෙරේරා සමගිනි
මේ ගීතය ඇතුළත් වුයේ එහිය එහි නිර්මාපකයා කවුරුදැයි අපැහැදිලිය
උදාගිරෙන් පායා - දිනපතිඳා................
පිණිකඳුළැලි සෝදා - මිහිකත වත පිසලා.....
චංචල දේහයේ - නිසසල සමයේ..........
අරුණඵ සුවඳ ගෙනේ......
සපුමල් අරණේ - සිහිළැල් සෙවනේ...
නොඉඳුල් සුවය දැනේ......
(විශාරද සුජාතා අත්තනායක - කරුණාරත්න අබේසේකර)
------------------------------
සවන්දෙන්න මෙතැනින්
Share Music - Share Audio -
1977 එස්‌ රාජනායගම් ගේ හිතුවක්‌කාරයෝ සහ 1983 වසරේ තිරගත වු සසර වසන තුරු ද 1984 හදවතක වේදනා ද යන මේ සිනමාපට අල්ප සංඛ්‍යාව පවා සාලි සංගීතඥයා ගේ දායකත්වය ලබා ගත්තේ ඒවායේ නිෂ්පාදකවරු විජාතිකයන් වීම නිසදෝ යන සැකය මතුවෙයි
ගුවන් විදුලියේ බහුතර ගායන ශිල්පීන් ද සිනමා කලාවේදීන් ද මේ නිර්මාණකරුවාට අවස්‌ථාවක්‌ ලබා දෙන්නට මැළිව ඔහුව හුදකලා කරනට හේතු කාරණ කවරේද යන්න අපැහැදිලිය
මෙතැන් සිට .........තොරතුරු යළිත් දිනයකදී ................
(මුලාශ්‍ර - ගාන්ධර්ව අපදාන - අංක 05 - මහාචාර්ය සුනිල් ආරියරත්න - ගොඩගේ ප්‍රකාශනයකි)
එදවස දෙසවන් නැළවු සත්සර රන්ස්‌වරය - විදුලි සරින් ඇදී යන ඔහු අතැගිලි - නොනිමෙන චන්ද්‍රසේන ගී පහන් සිළ
- 10 විවරණය
චන්ද්‍රසේන පවුලේ බඩ පිස්‌සිය වු බොරැල්ල ගෝතමි බාලිකාවේ 06 ශ්‍රේණීයේ ඉගෙනුම ලබමින් සිටි දොළොස්‌හැවිරිදි දර්ශනී හා පුරා කියා හෙළ ගී කලාකෙතට බැසීමේ සුභ දිනය එදින උදාවිය ගීතයේ පදවැළ අරුත් ගැන්වී ඇති සේම කලාලොව දිගු චාරිකාවක නිරත ව සංගීත ලැදි සිසුදරුකැළ ඥානයය කරවමින් ආ මගේ මුලාරම්භය එය විය
ක්‍ෂේත්‍රයේ අත්දෑකිම් සපිරි දෙටු දියණිය පරයමින් සිය කණිටු දියණීය මතු දුර අනාගතයේ දිනයක චන්ද්‍රසේන ගී මුතු දාමයේ අස්‌වනු මතු පරපුර වෙත උරුම කරදීමේ මහගු කර්ත්‍යයේ සියඵ වගකිම් සියකරපිට පටවා ගනිමින් තමාගේ නාමය සුරකිනු ඇති බවට ඔහු එදා නොදැන සිටියා පමණක්‌ නොව නොසිතන්නට ද ඇත
මේ අවධියේ චන්ද්‍රසේනයන් ලාංකික තැටි ව්‍යාපාරික ක්‍ෂේත්‍රයේ කිසියම් ස්‌ථාවරත්වයක්‌ ගොඩ නගාගනිමින් එහි කැපී පෙනන කාර්ය භාරයක්‌ ඉටුකරමින් සිටියේ සිය නාමයෙන් ලේබල ද්විත්වයක්‌ යටතේ තැටි වර්ග 04 ක්‌ වෙළඳ පොලේ සංසරණය වන්නට ඉඩ හරිමිනි
මෙහිදි ඔහු සිය නවතම තැටිය බෙදාහැරිමේදී වෙනස්‌ පිළිවෙතක්‌ අනුගමනය කරමින් එය එවක දිවයිනේ අනික්‌ ප්‍රමුඛතම තැටි ව්‍යාපාරය වු සිමාසහිත විසාකාමාල්ස්‌ ආයතනය සිය නියෝජිතයා ලෙස පත්කරගත්තේය එය ප්‍රකට ව්‍යාපාරිකයෙකු හා චිත්‍රපට නිෂ්පාදකයෙකු රසවතෙකු වු විජයපාල හෙට්‌ටිආරච්චි මහතාගේ ජෙම්ටෝන් තැටි ලේබලය පවත්වාගෙන යනු ලැබු ආයතනයද වෙයි
දිවයිනේ සියඵ ප්‍රමුඛතම ගායක ගායිකාවන්ගේ නවතම ගී හා එවක ජනප්‍රියතම ගුවන් විදුලි පටිගතකිරිම් හි නව නිෂ්පාදන බිහිකළ ලේබලය එය විය
වාසනා නමින් වෙස්‌වළාගත් ආර් ඒ සී ලේබලය පිළිබඳව දැනුවත් කිරීම් ගුවන් විදුලිය වෙත නියමිත කලට නියමිත පරිදි ලැබි තිබුනෙන් ප්‍රතිඵලය වුයේ සුපුරුදු ලෙසම එකී බලධාරීන්ගේ යකඩ ඇණ චිත්‍ර කලා ශිල්පයේ පහස ලබන්නට වාසනා තැටියට ද සිදුවිමයි
කෙටි කාලයකින් නැවතත් නිෂ්පාදකයන්ගෙන් වෙනත් පිටපතක්‌ එහි එවනු ලැබිය ගීත කෙටි කලකට වාදනය විය යළිත් නිහඞ වුයේ දෙවන පිටපතද සිතුවම් කඩදාසියක්‌ බවට හැරවීමෙනි
මේ අතරවාරයේ තැටියෙන් කළඑළි බට නවතම ළමා ගායිකාව පිළිබඳව දනන් තුඩ තුඩ පැතිරයද්දී ඊට සමගාමිව ඇයට සිය පාසලේ කෙණෙහිළිකම් වැඩි වැඩියෙන් ලැබෙන්නට විය සංගීත ගුරුතුමිය අභියෝගයට ලක්‌කිරීම පාප කර්මය ඇයගේ හිසමත කඩා වැටිණි දසත පතල ළමා ගායිකාවක්‌ බවට පත්කරවනු ලැබු ඇයගේ ගීතය ගි ගයන්නට බැරියෑයි කී ගුරුතුමියට පරිභව කිරීමක්‌ ලෙස සලකා කටයුතු කරනු ලැබිය
කන්ඩායම් ගී රැල්ල ක්‍රමයෙන් උස්‌ව නැගි එමින් පැවති ඒ යුගයේ වේග රිද්ම ගී කලාව ට පැවති ඉල්ලුම විසින් ඔහු ගේ මිලග නිකුතුව උදෙසා යෞවනයේ නිහාල් නෙල්සන් ව තෝරා ගන්නට පොළඹවන්නට ඇත ධනපාල උඩවත්ත ට වෙන්වුනු ගීතය හැරෙන්නට සෙසු ගීත සියල්ල වෙන්කෙරුනේ නිහාල් වෙනුවෙනි
එම ගීත පෙළ ඉන්පෙර බිහිකළ සියඵ නිර්මාණයන්ට වඩා වෙනස්‌ අයුරකින් නිම කරන්නට ඔහු සිතන්නට ඇත සෞන්දර්යාත්මක සාම්ප්‍රදායික ගී පදමාලා වලින් මදකට බැහැර ගොස්‌ හුදු විනෝදාස්‌වාද ඉලක්‌කරගත් ගීත පෙළක්‌ මෙවර වෙළඳ පොළට නිකුත් කරවා එහි අලොවිය කිරාමැන බැලීමේ අවදානම් සහගත කටයුත්තට ඔහු අත ගැසීය
01 දමා කොළඹ පන්නේ.....
02 ගම නගරේ ඇවිදිනා....
03 කියයි මිහිරි කථා......
04 රෙදි වියන කෙල්ල ලස්‌සනයි.........
ධනපාල උඩවත්ත සහභාගි වු කියයි මිහිරි කථා පද සැකැස්‌ම කරුණාරත්න අබේසේකරයන් විසින් සිදු කරනු ලැබු අතර එය පමණක්‌ පසුව ඉරුදින බයිලා තීරයේ වාදනය විම නිසා ජනප්‍රිය වු අතර සෙසු ගීත සරත් මුණසිංහ ගේ පද රචනා වේ
සුපුරුදු ලෙස දඵගම සරසවි ශබ්දාගාරයේ දී 1971 නොවැම්බර් මස දී මෙම පටිගත කිරීම සිදුකරන ලදී
------------------------------------------------------
කියයි මිහිරි කථා - නිතර රසට ගොතා ................
බොළඳ සුපෙම් කථා - මලකි නාරිලතා ..................
ඔමරි කරන ලතා - සුවඳ සමන් ලතා .........................
ආවේමි හදපතා - හිනාවෙයන් ලතා .....................
රුන්ද රුන්ද ගත මලවට බඹරු නටන්නේ ...............
ඇයි මන්ද මන්ද මගේ හදවත ඔබට නොදෙන්නේ .........
සවන පිනන මන බන්දන - ගී අසමින ඔබට ගයන ...............
මගේ පුංචි පැළ ඇතුලට එන්න දයාවී ...............
----------------------------------------------
ගී පද - කරුණාරත්න අබේසේකර
ගැයුම - ධනපාල උඩවත්ත
-----------------------------
අසන්න මෙතැනින්.......
Music podcasts - Download Audio -
--------------------------------(සටහන)--------------------------------------
70 දශකයේ අවසන් වසර දෙකතුන සහ 80 දශකයේ දී මේ තැටියේ ඇතුළත් කර තිබූ ධනපාල උඩවත්ත ගැයු ගීතය පමණක්‌ නිරතුරු වාදනය කරන්නට ගුවන් විදුලිය පියවර ගෙන තිබු නමුදු එය නිතැතින්ම ඉරුදින පමණක්‌ මධ්‍යයන 12 30 සිට විනාඩි 15 ක කාලයකට සිමා වු බයිලා නම් ගීත වැඩසටහනට පමණක්‌ සිමාකරන්නට ද වගබලා ගත්තේය
ඒ වැඩසටහන වෙන්කෙරී තිබුනේ අනෙකුත් බයිලා ගායකයන් ලෙස හංවඩු ගැසී තිබු නිහාල් නෙල්සන් (ඔරු පදින්න පහළ ගගට බෝගන්විලා මලේ - ලස්‌සනට පිපුණු වනමල් - යුරෝපයේ අති සුන්දර - මා ලොකු වූ පසු දොස්‌තර මහතෙකු) - සෝමසිරි ප්‍රනාන්දු (මාගේ පැලේ අඳුර නසන්න) ඇන්ටන් ජෝන්ස්‌ (සීගිරි ගිරි ශිඛරය කසුප් රජුගේ) එම් එස්‌ ප්‍රනාන්දු (සීත සුලං අවට හමන්නේ - රස ආහාර කවලා - සැවැන්දරා සුගන්ධයේ - පුතෙක්‌ උපන්නා - කොළඹ කාක්‌කා -කැකිරි පැලෙන ටිකිරි හිනාවයි - ටිකිරි ටිකිරි ටිකිරි ලියා ) මැක්‌ස්‌වෙල් මෙන්ඩිස්‌ (මම බොහොම බයවුනා - මහදැනමුත්තා) මයිකල් පෙරේරා (කස පුපුරන හඞ ලගම ඇසෙන විට) ජිප්සීස්‌ (ඔබ හමුවු මුල් දිනේ) යන මේ ගීත කිහිපය යළි යළි වාදනය කරන්නට දෝ යෑයි සිතේ
වෙළඳ තැටි ගී කලාවෙ වේග රිද්ම ගී ලතාවේ නම රැන්දු ඩෙස්‌මන්ඩ් ද සිල්වා - මරියසෙල් ගුණතිලක - ඩැල්රීන් ආනෝල්ඩා යන මේ ශිල්පී ශීල්පීනියන් ගේ එකදු ගීතයක්‌ හෝ මේ මිනිත්තු පහළොව තුල ප්‍රචාරය නොකරන්නට ද වග බලා ගත්තේය එනමුදු පසුව තැටි නිෂ්පාදකයන් සිය බරපැණ යොදා නිෂ්පාදනය කරවා ගත් අනුග්‍රහක වැඩසහන් අතරවාරයේ මේ දෙදෙනාගේ ගීත වාදනය නොකර සිටින්නට නොහැකි විය
ඒ කෙසේ නමුදු මෙකී බයිලා වැඩසටහන සම්පූර්ණයෙන්ම යෑපුනේ ගුවන් විදුලියේ පී ඛාන්ඩය යටතේ වර්ගීකරණය කෙරෙන්නා වු පරිත්‍යාග තැටි එනම් මෙකී වෙළඳ තැටි මගිනි එයින් අදාළ ගීත රැගත් තැටි ඇල්බමයන් වෙත නොමිළේ ලැබුනු ප්‍රචාරණය අතිමහත් විය
------------------------------------------------------------------------------
ගුවන් විදුලියේ පනින රිළවුන්ට ඉනිමං බැඳී එකිගීත පෙළ අපේක්‍ෂා කල පරිදීම වහාම වාරණය කරනු ලැබිය එවන් ගීත තැටියක්‌ නිකුත් විනැයි රසික ප්‍රජාව දැනුවත් නොවි තිබිණි ප්‍රතිඵලය වුයේ ඒ ඇණවුමේ තැටි අන් කවර නිකුතුවකටත් වඩා අලෙවි නොවි චන්ද්‍රසේන සංගීතායතනයේ ගොඩගැසිනි
එවර ඔහු සපුරා අසාර්ථක වු සෙයකි පවුලේ ආදායම් තත්වය නරක අතට හැරෙන්නට වුයේ ආයෝජනය කල මුදල උපයා ගන්නට මේ වාරයේ ඔහු අසමත් වු නිසාය
සිය ව්‍යාපාරය පසෙක ලා වෙනත් තැටි නිෂ්පාදකයන්ගේ නිර්මාණ සඳහා දායක වන්නට ඔහුට සිදු වි තිබු අතර වසරකටත් අධික කාලයකින් ආර් ඒ සී තැටි නිෂ්පාදනය ඇණහිට තිබිනි
1972 වසර ගෙවි යමින් තිබුනේ සිංහල සිනමාවේ වෙළඳ තැටි ව්‍යාපාරයේ සහ ගුවන් විදුලියේ ගී එකිනෙක පරයා විශාල වශයෙන් එළි දැක්‌වෙමින් තිබියදීය ක්‍ෂේත්‍රයට සම්බන්ධ සියඵ ශිල්පීන්ට එය ඉතා කාර්ය බහුල අවධියක්‌ විය සිංහල ගීතයේ ස්‌වර්ණමය අවධිය වු 70 දශකයේද සුවිශේෂී වසරක්‌ ලෙස මෙය සටහන් විය
එවර චන්ද්‍රසේන සංගීතඥයා සිය දෙටු දියණිය සුවිශේෂි පටිගතකිරීමක්‌ සඳහා පුහුණුකරන්නට පටන් ගත්තේය සිය හිතවතා වු මර්වින් රෝද්‍රිගෝ ශබ්ද ඉංජිනේරුවරයා වෙත සිය මනසේ මැවි තිබු නිර්මාණයේ තාක්‍ෂණික තොරතුරු පැහැදිලි කරමින් ඒවා නිරාකරණය කරගන්නා ක්‍රමවේදයන් පිළිබඳව අදහස්‌ හුවමාරු කරගත්තේය
මතු දිනයක මෙතැන් සිට ඉදිරියට ........
සේ යා රැ සැපයීම විශේෂ ස්‌තුතිය - විශ්‍රාමලත් අචාරිණි දර්ශනී චන්ද්‍රසේන මහත්මිය - ආර් ඒ චන්ද්‍රසේන කණිටු දියණිය වෙත
එදා මියැසි සාදයේ නැගි රස ගී සරය - මොහොමඩ් සාලි - පළමුවැනි පිටුව
ඔරුවක පාවෙන රෑ ඝන අඳුරේ .....
ඈත එපිට දුර ආකාසේ ....
70 දශකයේ යෞවනයේ අසහාය හඞ පෞරුෂය සතු වු ශිල්පී මිල්ටන් මල්ලවාරච්චි ක්‍ෂේත්‍රයට පිවිසෙමින් ගැයු වෙළඳ තැටි ගීත අතර රැඳී වත්මනෙහි ද එකලෙස රසික සම්භාවනාවට පාත්‍ර වෙයි
මෙකී තැටිය නිකුත් වු යුගයේ අගනුවර ප්‍රිය සම්භාෂණ - සංගීත සංදර්ශන සංගීතවත් කළවුන් අතර දසත පතල කීර්තියක්‌ අත්පත් කරගෙන සිටි සංගීත ශීල්පීන් අතර මොහොමඩ් සාලි ද වූ බව කියෑවෙයි
මේ ඔහු ගුවන් විදුලියේ කරුණාරත්න අබේසේකරයන් හා එක්‌ව ක්‍ෂේත්‍රයේ හිනිපෙත්තේ වැජඹුනු පළමු මිල්ටන් නාමධාරියා එනම් ජේ ඒ මිල්ටන් පෙරේරා වෙනුවෙන් විරහ ගී මාලා සම්පාදනය කරමින් සිටි අවධියයි
ක්‍ෂේත්‍රයේ දෙවන මිල්ටන් නාමධාරියා ලෙස මිල්ටන් මල්ලවාරච්චි නම් යව්වන අධුනිකයා අබිසෙස්‌ ලැබුවේ මොහොමඩ් සාලි සංගීතඥයා ගේ තනු නිර්මාන රැගත් උක්‌ත ගී සමුච්ඡයෙනි
ඔරුවක පාවෙන රෑ ඝන අඳුරේ ......
තොටියෙකි මා මෙහි සීතල වතුරේ ....
පායා එන්න සඳේ මට දී ආලෝකේ .........
එපමණකුදු නොව මොහොමඩ් සාලී නම් වු මේ ගාන්ධර්වයා නොසිටින්නට මිල්ටන් පෙරේරා නමැති සුලලිත විරහ ගී විශේෂඥයා බිහිනොවන්නට ද ඉඩ තිබුනි
මිල්ටන් පෙරේරා ට අමතරව රූපා ඉන්දුමතී - ලක්‍ෂමන් රොද්‍රිගෝ - ගාමිණි රොද්‍රිගෝ යන මෙකී ශීල්පීන් වෙනුවෙන් මෝහණිය ගුවන් විදුලි සරළ ගී රැසක්‌ බිහිකල සාලි මාස්‌ටර් 60 දශකයේ දී ආර් ඒ චන්ද්‍රසේන ජ්‍යෙෂ්ඨ සංගීතඥයා ගේ වාද්‍ය වෘන්දයේ සාමාජිකත්වය දරනු ලැබිය
සිංහල භාෂා සාහිත්‍යය හා සංස්‌කෘතිය පිළීබඳව අල්ප මාත්‍ර හෝ දැනුමක්‌ සතු නොවි සිටියෑයි කියෑවෙන මේ අපුර්ව මියෑසි විසිතුරු රටා මවන්නා වෙත අදාළ නිර්මාණයට සහභාගි වෙන සෙසු ශිල්පීන් නියමිත ගීතය පිළිබඳව එහි අර්ථය කුඵගන්වා පැහැදිලි කිරීමක්‌ ලබාදිය යුතු විය
නමුත් එහි අරුත් ගැන්වු සැණින් ඔහු සිය ඇගිලි තුඩු හර්මෝනියම් වාද්‍ය භාන්ඩය මත යුහුසුඵව ළෙලවා භාවපූර්ණ සංවේදී තනු රටා මැවි යෑයි වාර්තා වේ එපමණකින් නොනැවතුණු සාලි ඒවායේ මිහිර තෙගුණ දෙගුණ කරන්නට මධුර මනෝහර අන්තර් වාදන රටා එක්‌කලේය
සියඵ සත්වයෝ - නිදුක්‌ වෙත්වා - නිරෝගී වෙත්වා ......
දහම් වැස්‌සෙන් සකල වැස්‌සන් - තෙමි තෙමි යෙත්වා........
(පද කරුණාරත්න අබේසේකර - ගැයුම මිල්ටන් පෙරේරා)
-------------------------
මෙතැනින් සවන්දෙන්න
------------------------
Share Music - Embed Audio Files -
දයානන්ද කුමාරසිරි නම් 70 දශකයේ කවියා පබැඳු මේ පදවැලට ඔහු දුම්රියේ ගමන් ලතාව මුසුකලේය එයින් නැගෙන විවිධ හඞ මතුකර දැක්‌වීම පිනිස මනස්‌කාන්ත අන්තර් වාදන රටා වැයෙන්නට වග බලා ගත්තේය
විදුලි දුම්රියේ චංචල නාදෙන් - සවනත වැකෙන සඳේ.......
කඵඳු පිරි දෙනෙත් අතරින් මිහිරක්‌ - මතුවිය සැළෙන හදේ.....
සීත කඳුකරේ මිහිදු මහ දිගයි - පමා වුනෙමි සොඳුරේ......
රූපවාහිනි අංජන රේඛා - නලගන ඔබද ලඳේ ......
---------------------------
ගීතය රසවිඳින්නට මෙතැනට පිවිසෙන්න
----------------------------
මේ ගීතය කළඑළි බට 70 දශකයේ මුල් යුගයේ එයින් ගෙනහැර දක්‌ව සංසිද්ධීන් ලාංකිකයන්ට සිහිනයක්‌ම පමණක්‌ විය
ජාතික ගුවන් විදුලියේ ප්‍රමුඛ නිවේදිකා රත්නා ලංකා අබේවික්‍රම ද කරුණාරත්න අබේසේකර - ප්‍රේමකීර්ති ද අල්විස්‌ - කේ ඩි කේ ධර්මවර්ධන - ධර්ම ශ්‍රී වික්‍රමසිංහ - චන්ද්‍රා වයමන් - චිත්‍රානන්ද අබේසේකර - ලලිත් එස්‌ මෛත්‍රිපාල - දයා ද අල්විස්‌ - කුසුම් පීරිස්‌ - චන්ද්‍රසේන රංගේ - හේමන්තා තිලකසිරි - සුමනා ජයතිලක - තිලක සුධර්මන් ද සිල්වා - මාලා වජිරා පෙරේරා - පාලිත පෙරේරා - සමන් ආතාවුද හෙට්‌ටි යන මෙකි නොකී සිය සෙසු කාර්ය මන්ඩල සාමාජිකයන් අනුව යමින් තෙමේද අරුත්බර ගීත ගණනාවක්‌ පබැඳුවාය
වරෙක ඇය පතිකුලයට යන යුවතිය අරබයා මෙසේ ලියා තැබීය
උඩට උඩු වියන් - පාවඩ පයට අතුරලා..........
දෙපස මල් යහන් ආසිරි - දසත පතුරලා..................
සිහල උණුසුමයි - පැළ ඇතුලේ එකසමයි ..........
අමිල හදවතයි - ඇය පතන සැනසුමයි .................
-----------------------
ගී පද - රත්නා ලංකා අබේවික්‍රම
ගැයුම - රූපා ඉන්දුමතී සහ ලක්‍ෂමන් රොද්‍රිගෝ
---------------------------
සවන්දෙන්න මෙතැනින්
Embed Music - Embed Audio Files -
රූපා ඉන්දුමතී - ලක්‍ෂමන් රොදි්‍රගෝ සරළ ගී වැඩසටහනකින් උපත ලැබු එහි පදඅරුත බිඳකුදු හෝ බිඳී නොයන තනුවකින් එය සරසාලන්නට මොහොමඩ් සාලි නම් මේ විජාතික තනු නිර්මාපකයා සමත්විය
ඔහුට පෙරාතුව ඔහුගේ සමකාලීනයන් වූ ටී එෆ් ලතීෆ් ද ඔහුට පසුව සිනමා ගීත රසය කැළතූ ගලගෙදර හක්‌ ද නොමියන රුසිරු තනු බිහිකරන්නට සමත් වු බව සැබවි එනමුදු ලක්‌දිව සිංහල ගීත කෙතේදී ඔවුන් හෝ අන් කිසිම මූසල්මානුවෙකු එදවසද මෙදවසද ඔහු පෑ ගී තනු විකුම් අසලකටවත් ලං වන්නට සමත් වි නොතිබිණි
දෙවැනි පිටුව ට පිවිසෙන්නට පෙර විරාමය ...................
(මුලාශ්‍ර - ගාන්ධර්ව අපදාන - අංක 05 - මහාචාර්ය සුනිල් ආරියරත්න - ගොඩගේ ප්‍රකාශනයකි)
