namal67@gmail.com

namal67@gmail.com
සටහන් පෙළගැස්ම‍ Prabath Rajasooriya

Sunday, August 26, 2018

සංගීතඥ ආර් ඒ චන්ද්‍රසේන ජීවන තතු - අංක 06

එදවස දෙසවන් නැළවු සත්සර රන්ස්‌වරය  - (1924-1980) -  නොමියෙන නොනිමෙන චන්ද්‍රසේන ගී පහන් සිළ - අංක 06  


තමන් නිරතව වු කටයුත්තේ යෙදීමෙදී ඔහු ඉතාමත් දැඩි පිළිවෙතක්‌ අනුගමනය කලේය සියල්ල නිසි ලෙසත් නිසි පිළීවෙලටත් සම්පූර්ණ වී තිබිම අත්‍යවශ්‍ය වූ අතර පුහුණුවීම් සැසි මෙහෙයවීමේදීද සුඵ අතපසුවීම් පවා නොඉවසුවේය

තම නිර්මාණයන් හා සෘජුව ද වක්‍රවද සම්බන්ධ ව කටයුතු කරන පුද්ගලයන්ගේ හැකියාවෙන් මෙන්ම නොහැකියාවන්ද මනාලෙස වටහගත් හෙතෙම තමා ප්‍රගුණ කොටගත් ශිල්පයෙන් පරිබාහිර එහෙත් ඊට සෘජුව සම්බන්ධ වූ විෂය පඨයන් පිළිබඳව පැහැදිලි අවබෝධයකින් සිටියේ දශක ගණනක අත්දෑකීම් ද අනුසාරයෙනි


ආසනයට අත තබාගෙන සිටින්නේ ආර් ඒ චන්ද්රසේනයන්ය ඔහුට අභිමුඛව වාද්‍ය වෘන්දය දෙස නත්යොමා වම් කෙළවර සිටගෙන සිටින්නේ සංගීතඥ ස්ටැන්ලි පීරිස්ය 
වාද්‍ය වෘන්දයේ සාමාජිකයන් ඒකී කටයුත්තේ යෙදීමේදී අදාළ පුද්ගලයට සරිලන ලෙස මයික්‍රපෝනයන් පවා ස්‌ථානගත කිරීම වැනි කටයුතු ද විමසා බැලීය 

මාස ගණනක පුහුණුවකින් අනතුරුව සියල්ල නිසිලෙස තමන්ට ඇවැසි පරිදි සකසා ගනු ලැබ  තැටි සඳහා ගීත පටිගකිරීමේ තීරණාත්මක  
කටයුත්ත දියත් කෙරිණි

එවකට වෙළඳ තැටි නිර්මාණ මහත් සංඛාවකට  උපත ලබා දුන් තිඹීරිගෙය වු දඵගම සරසවි ශබ්දාගාරය වෙන්කරවාගත්තේ ඊට තම හිතවත් මර්වින් රොද්‍රීගෝ ශබ්ද ඉංජිනේරුවාගේ නොමසුරු දායකත්වද දැන සහතික කරවාගැනීමෙන් පසුවය

මේ අනුව තම මංගල වෙළඳ තැටි ඇල්බමය වෙනුවෙන් ඔහු තෝරාගෙන තිබුණු ගීත පහත පරිදිය

පළමු පැත්ත

01 තේ රබර් පොල් -  සමණළයෝ 

02 කොළඹ 07 - නිහාල් නෙල්සන් 

දෙවැනි පැත්ත

01 මෝහෙන් මුලාවෙලා - වික්‌ටර් රත්නායක 

02 කැවුම් කොකිස්‌  - තිලංගනී චන්ද්‍රසේන හා චම්පා අතපත්තු 

ඉහත කී සියඵ පද රචන සිරිල් ඒ සීලවිමල ගෙනි
-----------------------------------------
මෝහෙන් මුලාවෙළා - මානෙන් උදම්වෙලා.....................

තන්හාව ක්‍රෝධ - ද්වේෂ පාරේ මිනිසා කොහේද මේ....................

රත්තරන් කෙණ්‌ඩියේ සිංහ තෙල් වගේ.....................

මිනිස්‌ ගුණේ සැමදා බැබලේ......................

එය රැකීම අප උරුමේ - වේ.....................


කේලම් කීමෙන් ඕප දූපයෙන් රට කොටවන වැඩ අවදානම්..................

අනුන් හෙළන්නට වළක්‌ කපන්නා - එහි තුල වැටිලා මියයන්නා.........................

කළ දේ පළ දේ මෙළෙසේ ...................

................................


...............................

---------------------------------------------------
සවන්දෙන්න මෙම මුල් තැටි පිටපතට මෙතැනින්


--------------------------------(පාදක සටහන)---------------------------
මෙම ලිපි මාලාවේ පෙර දිගහැරුමක සඳහන් කළ පරිද්දෙන් මේ නිර්මාණයට සම්පූර්ණයෙන්ම පදනම් වුයේ ආර් ඒ චන්ද්‍රසේනයන් හට පෞද්ගලික අත්විඳින්නට සිදුවු හිරිහැර දුක්‌ කම්කටොඵ නිසා හටගත් සන්තාපයෙන් ඔහු සිත තුල පැන නැගි චිත්තාවේගයන්ය 

එනමුදු  එවකට හෙළ ගී අම්බරයේ පායා නැග එමින් ක්‍රමයෙන් සිය ප්‍රභාලෝකයෙන් හාත්පස එකලු කල එය වික්‌ටර් රත්නායක නම් වු අති සුන්දර ගායන තාරකාවේ කිර්ති කදම්බය ලක්‌ පොළා් තලය සිසාරා පතුරාව හැරි නිර්මාණයක්‌ බවට හැරිණි  

උපදේශාත්මක වදන් වැළකින් සමන්විත එය ශ්‍රාවක ඔබ ද මා ද දිවිමගේ කවර කළක හෝ සාමජයේ සෙස්‌සන් හමුවේ  අත්විඳින්නට සිදුවු සෝ තැවුල් අරභයා පොදුය වළංගුය එකරුණම එය ජාති - අගම්  - කුල භේදයන්ගෙන් තොරව සමාජයේ සියඵ වයස්‌ කාන්ඩයන් හි ගී රසිකයන් එකලෙස අදද රසවිඳින අගයන ගී මිණකි 
-------------------------(පාදක සටහනේ අවසානය)----------------


මේ අතරවාරයේ  චන්ද්‍රසේන පවුලට ඉතා හිතවත්වු ද සිනමා ගීත කලාවේ සිය නාමය රැඳවු වල්පොළ යුවලේ  ගීත කෝකිලාවිය ලතා වල්පොළ හට වෙළඳ තැටි ක්‍ෂේත්‍රයට පිවිසිනෙන්ට ඉඩකඩ සලසා දෙන්නේ නම් මැනවයි සිතාගත් ඔහු ඒ සඳහා සිය කාලය හා ශ්‍රමය යොදවන්නට තීරණය කලේය

චන්ද්‍රසේනයන් හට සිය අතීත මතක සැමරුම් සිහියට නැගිනි මින් වසර 20 කටත් එපිටදී තමා සහභාගී වු සඳකිඳුරු ගීත නාටකයේ දසබලධාරි ගීතය වෙනුවෙන් වස්‌දඞුරාවය නැගු ඒ හුරුබුහුටි යව්වනයා පසුව සිය සංගීතායතනයේ ශිල්ප හැදෑරු අයුර පසුව සිය සහය ලබමින් එච් එම් වී තැටි ලේබලයේ ගී ගැයු අයුර මෙන්ම සිය හද සසලකල සිදුවීම් පෙළ හා සබැඳි කොළඹ හාදයෝ සිනමාපටයේ ගීත ගායනයේ නිරත වු අයුරු රූ රටා ඔහුගේ මනසේ මැවි පෙනෙන්නට විය

ප්‍රකට ව්‍යාපාරික විජයපාල හෙට්‌ටිආරච්චි ගේ වෙළඳ තැටි ආයතනයේ බිස්‌වා ලේබලය වෙතින් එළිදුටු මෙකී නිර්මාණය වෙනුවෙන් 
ලතා  - ධර්මදාස පවුලේ එකම දියණි සත්හැවිරිදි පමණ වියේ සිගිති ධම්මිකා  ද පුහුණුකරවනු ලැබිය

ධම්මිකා

බඹර කුමරියන් ඇවිදින් දොරට ගසනවා.......

ලතා

සරසවියට කවි කියන්න පුතුව සොයනවා..................

ධම්මිකා

මොනර මොනරියන් නටමින් පෙළට සිටිනවා...................

ලතා

සරසවියට ගිමන් යන්න පවන් සලනවා...................

දෙදෙනා

බඹරු මොනරු සිංදු කියනවා - අතුරු මිතුරු පවන් සලනවා.....................
දි
---------------------------------------------
සවන්දෙන්න මෙතැනින්

ලේබලය - බිස්‌වා
නිෂ්පාදනය - විජයපාල හෙට්‌ටිආරච්චි
වසර - 1969 පමණ
--------------------------------------------
----------------------(පාදක සටහන)-------------------------------------
ශ්‍රි ලාංකීය සංගීත රස සාගරයේ කිමිද අමිල මුතු මතුකරදුන් එකම පවුලේ සාමාජිකයන් නියොජ්නය කරන ගායන කුලකයන් අතර ධර්මදාස - ලතා  - ධම්මිකා - සුනෙත් - අමිත් පිය - මව් - දියණි  - පුතුන් යටගියාව අදින් අඩසියවසක්‌ද ඉක්‌මවා ඈතට දිවයයි එහි නියමුවා වු ධර්මදාස වල්පොළ නම් වස්‌දඞු වාදකයා - මෝහණිය මධුර ස්‌වරයකින් හඞ අවදිකල ගායකයා අදින් පන්තිස්‌වසකට පෙර 1983 වසරේදි මෙළොවින් සමුගෙන ගියද සෙසු සාමාජිකයන් අදද ක්‍රියාශීලීව හෙළ ගී වංශ කථාවට සිය දායකත්වය ලබා දෙමින් සිටිති
----------------------------------------------------------------------------- 

ශ්‍රි ලංකා රජයේ  නිලදරුවකු ද චන්ද්‍රසේනයන් ගේ ශ්‍රිලනිප දේශපාලන කටයුතු සිදුකිරීමේදීද හමුවු හිතවතෙකු වු අමර කුමාරරත්න මෙහි පදමලාවේ හිමිකරුවාය

හිස දරා තිබුනු මහත් බරකින් නිදහස්‌ වූවා සේ ඔහුට හැගිගියේය ඒa තමන් විසින් ආරම්භ කෙරුණු කටයුත්තේ අල්ප ප්‍රමාණයක නිමාව දකින්නට සමත් වු බැවිනි  එහෙත් කිසියම්ම හෝ විවේකයක්‌ නොවීය සංදර්ශන සඳහා පෙර පරිදීම තම වාදකයන් හා සහභාගි විය යුතුය  එයින් නොනැවතී ඇරයුම් ලැබෙන වෙනත් පටිගත කිරීම් සඳහා දුවපැන ඇවිදිය යුතුය 

කලායතනයේ වැඩකටයුතු බොහෙමයක්‌ සිය ප්‍රියාදර බිරිඳ ශ්‍රියානී විසින් පවරාගනු නොලබන්නට ඔවුන්ගේ ආදයම් මාර්ග සැළකිය යුතු ලෙස ඇහිරි යන්නට තිබිණි සවස්‌ යාමයේ සංගීතය ලැදි සිසු දරු දැරියන්ගෙන්ද ගොම්මන් අඳුර පැතිරෙද්දී සංගීත ශීල්ප සතර ලැබීම රිසි රැකියා වල නියුතුවුවන්ගෙන්ද එහි අඩුවක්‌ නොවීය

ඔහුට විරුද්ධව අවි අමෝරා ගනිමින් නිතිපතා සිදුකරනු ලබන කුමන්ත්‍රණ සිත් රිදවීම් අඩුවක්‌ නොවි තිබුනු තත්වයක තමන්ගේ සුඵ තරම් අතපසුවීම එකී පුද්ගලයන්ට මහමෙරක්‌ තරම් වන බව ඔහු මනාව වටහගෙන සිටියේය


මින්පෙර නිරත නොවූ නුහුරු නුපුරුදු ක්‍ෂේත්‍රයකට අතපොවනු ලැබ පහසුවෙන් ගොඩ නෙඑන මුල්‍යමය නාරවළක කරවටක්‌ ගිලෙන්නට ඉඩ නොතැබිය යුතුය තම පාසල් දරු දැරියන් තිදෙනා ගේ අනාගතය ලංසු තබන්නට ඉඩනොදිය යුතුය
පුහුනුවිම් සැසි දිනපතා ම පාහේ පැවැත්වනු ලැබුවේ වාදක මන්ඩලයද ඒ සඳහා යොදවාගනිමිනි ඔවුන්ගේ ආගන්තුක සත්කාර ද දරුවන්ගේ පාසල් වැඩ කටයුතු අදී මෙකි නොකි වැඩ කටයුතු සියල්ලම චන්ද්‍රසේන මහත්මිය ගේ කරපිට වැටී තිබිණි


මෙතැන් සිට නැවතත් දිනක ඉතිරිය ......................

විශේෂ ස්‌තුතිය - විශ්‍රාමලත් අචාරිණි දර්ශනී චන්ද්‍රසේන මහත්මිය - ආර් ඒ චන්ද්‍රසේන කණිටු දියණිය වෙත

Wednesday, August 1, 2018

සංගීතඥ ආර් ඒ චන්ද්‍රසේන ජීවන තතු - අංක 05

එදවස දෙසවන් නැළවු සත්සර රන්ස්‌වරය  - (1924-1980) - 05 වන යොමුව


ඔහු තමන්ගේ වාද්‍ය වෘන්දයේ පළපුරුදු දක්‍ෂ එක්‌තරා චරිතයක්‌ කෙරෙහි ඇසගසාගෙන සිටියේය ඉන් දශකයකට පමණ ඔබ්බෙන් කන්ද උඩරට තම ගම් පියසේ දී තමා විසින්ම ක්‍ෂේත්‍රයට පිවිසෙන්නට අතදුන් ඔහු දැන් සංගීත විෂය පිළිබඳ ගුරුවරයෙකු බවට පත් ව ඈත වෙල්ලස්‌සේ බදුඵ පුරවරයේ ශිල්ප සතර බෙදාදීමේ නිරතව සිටියේය එය එසේ නමුදු ගීත පටිගතකිරීම් සඳහා සහභාගි වන්නට සති අන්තයේ නිතිපතා අගනුවරට සේන්දු වී මරදානේ චන්ද්‍රසේන සංගීතායතනයේ නැවතී සිටියේය ඔහු එවක ඩී වී රත්නායක නමින් හැඳින්වු පසුව හෙළ ගී කෙත අස්‌වද්දන්නට මල් වරුසා බඳු නිරමාණ ගොන්නක්‌ දායාද කළ ආචාර්ය වික්‌ටර් රත්නායකයන්ය


මේ යුගයෙන් පස්‌වසකට පමණ පෙරදී කන්ද උඩරට  සෙකංඩගලපුරයේ වැව් කොමළිය හමා එන මන්ද මාරුතයේ පහස ලත් කැන්ඩි ලේක්‌ ක්‌ලබ් හී චන්ද්‍රසේනයන්ගේ ආශීර්වාදයෙන් සිය හඞ අවදිකල වික්‌ටර් ඔහු ගේ අමයුරු නැවුම් ගී රස සුවඳ වහනය කරවු  සිහිල් සුළං රැල්ලේ ගීතය නිසා රටතොට හැඳිනගත්තෙක්‌ බවට පත් වි සිටියේය

තමන්ගේ අනුවේදනීය කථාපුවත හකුඵවා දැක්‌වූ නිර්මාණ ද්විත්වයටම ජීවය කවා ඒවා ජනප්‍රිය කරවීමේ අතිශය අවදානම් භාරදුර කටයුත්ත ඔහුට පැවරීමට චන්ද්‍රසේනයන් තීරණය කොට තිබිණි

එහි සෙසු ගීත සඳහා පාසල් සිසු දිවිය හමාර කරන්නට සුදානම්ව සිටි තමන්ගේ දෙටු දියණිය වු තිලංගනී ව  තොරාගන්නට ඔහු තීරණය කලේ මේ ව්‍යාපාරික කටයුත්තේ අවදානම නොබියව අධිෂ්ඨානශීලිව භාරගනිමිනි ඇයගේ සමවයසේ වෙනත් දියණියක්‌ වු චම්පා අතපත්තු ද ඇයට සහය දැක්‌වීමට තෝරාගනු ලැබීය 

නවක ගායකයන් අවශ්‍ය බවට පුවත්පතක පළකරනු ලැබු දැන්විමකට අනුව සිය දෙමව්පියන් සමග චන්ද්‍රසේන සංගීතායතනය වෙත පියනැගූ මෙකි පාසල් සිසුවිය පසුව එහි ද සිසුවියක්‌ බවට පත්විය

දැරියන් දෙදෙනා වෙනුවෙන් තෝරාගත් නිර්මාණ මාස ගණනාවක්‌ දැඩි විනයක්‌ මධ්‍යයේ පුහුණකරවන්නට චන්ද්‍රසේනයන් වගබලා ගත්තේ මරදානේ තම නිවස කුඩා ආදර්ශ ශබ්දාගාරයක්‌ බවට තමා විසින්ම පත්කරගැනීමෙනි  ගීත පටිගතකිරීමේ තාක්‍ෂණය හා ඒ හැ බැඳුනු සෙසු කටයුතු පිළිබඳව ඔහුට තිබුණු පුඵල් අවබෝධය ඊට රුකුලක්‌ වන්නට ඇතැයි කිවමනාය

නිවස සාලය හරහා ආලින්දය දක්‌වා රැහැන් ඇද මයික්‍රපෝන සවිකර තිබිනි  දැරියන් ගේ හඩ ඇතුඵ කාමරයේ සවිකර ඇති ස්‌පිකර ඔස්‌සේ මනාව ශ්‍රවණය කල හැකිය ස්‌වර උසුරුවීමේ හඩ උස්‌පහත් විමේ අඩුපාඩු එයින් නිසිලෙස අධීක්‍ෂණය කල හැකිය 

සීලවිමලයන් අතින් පබැඳුනු තවත් ගීතයක්‌ ඔහු විසින් සුවිශේෂී කටයුත්තකට වෙන්කරවාගෙන තිබුනි  එවකට රටතොට කණින් කොණ දොරින් දොර ජනප්‍රසාදය අත්කරගනිමින් පැවතුණු  කණ්‌ඩායම් ගී කලාවේ නිරත වු යව්වනයන් පිරිසක්‌ වු  රේමන්ඩ් ෆොන්සේකා 

නිහාල් සිල්වා සහ රෝයි ෆොන්සේකා සමනළයෝ නමින් ගායක කන්ඩායමක්‌ බිහිකරවාගෙන පිලිප්ස්‌  ලේබලයෙන් වෙළඳ තැටියක්‌ නිකුත්කරාවාගෙන තිබුනු අතර  එහි 

නැළවෙන මවු උකුලේ පොඩි දරුවන් දෙතොළේ ගීතය විසින් ඔවුහු ශ්‍රාවක ගරු සැළිකිලි බුහුමන් ලබමින් සිටියහ

නැළවෙන මව් උකුලේ ......

පොඩි දරුවන් දෙතොලේ.......

සුරතල් සිගිති සිනා මැවෙන කලේ......

කිරි ඉතිරේ........

ඔන්චිල්ල චිල්ල මලේ.......

වැල්ලේ නෙල්ලි කැලේ ......

නිදියාගන්න පුතේ.......

මවගේ තුරුල්ලේ................
---------------------
පද සංකල්පනය- රේමන්ඩ් ෆොන්සේකා
තනුව - නිහාල් සිල්වා
සංගීත අධ්‍යක්‍ෂණය - ආර් ඒ චන්ද්‍රසේන
වාද්‍ය වෘන්දය සහ සංගීතය මෙහෙයවීම - ආර් ඒ චන්ද්‍රසේන
තැටි ලේබලය - සූරිය 
----------------------------

සවන්දෙන්න මෙතැනින්
--------------------------

පිලිප්ස්‌ සහ සූරිය තැටි ලේබල් ව්‍යාපාරිකයන් විසින් ආරධනා ලැබු ඔවුන් නවතම තැටියක්‌ නිකුත් කරන්නට කටයුතු සුදානම් කරමින් සිටි අතර එහි සත්සර මුසුව සඳහා ඔවුහු චන්ද්‍රසේනයන්ගේ සහය පැතීය

ඒ අනුව සූරිය තැටි ලේබලයේ සී එච් බී 007 අනුක්‍රමික අංකය වෙන්වුනේ සමණළයෝ වෙනුවෙනි සංගීත සංයෝජනය ලේබලය ඉදිරියේ  ආර් ඒ චන්ද්‍රසේන නාමය සටහන් විය

මේ සුහදශීලී නිහතමානී යව්වනයන් ගේ ගැයුම් මිහිර අගයනු ලැබු ඔහු ඔවුන් සිය වාද්‍ය වෘන්දය වෙත බඳවාගන්නට යුහුසුඵ විය

සිය කුඵඳුල් තැටියේ පෙළගැස්‌වුණු ගීත අතරින් එකක්‌ ඔවුන් සඳහා වෙන්කෙරවාදෙන්නටද ඔහු ඉටාගත්තේය


ලස්‌සනට පිපුණු වනමල් ගල් පීරෙන දියවැල්.......

මං ආසා කරණ මැණික්‌ කැටේ නිල් .......

දුර ඈත කැලේ ගල් ගුහාවක වෙසෙනවා කල්......

ලස්‌සන මගේ කිරිල්ලි සුරතල්..........

---------------------
පද සංකල්පනය- සරත් මුණසිංහ
තනුව - ආර් ඒ චන්ද්‍රසේන
සංගීත අධ්‍යක්‍ෂණය - ආර් ඒ චන්ද්‍රසේන
වාද්‍ය වෘන්දය සහ සංගීතය මෙහෙයවීම - ආර් ඒ චන්ද්‍රසේන
තැටි ලේබලය - පිලිප්ස්‌
----------------------------
මෙතැනින් සවන්දෙන්න


ඉන් වසර පහකට පමණ ඉහත කාලයකදී තමා විසින් ක්‍ෂේත්‍රයට හඳුන්වාදුන් නිහාල් නෙල්සන් නම් නව යව්වනයා ගේ දගකාර හඞ කැටිවුනු ඒ ගීතය ද ගුවන් විදුලියෙන් ප්‍රචාරය වෙමින් පැවතිනු අතර එකී තරුණයා උදෙසා තවත් අවස්‌ථාවක්‌ උදාකර දෙන්නට ඔහු නොපැකිළි විය

යළි හමුවෙමු ...........................

(විශේෂ ස්තුතිය - දර්ශනී චන්ද්රසේන මහත්මිය - ආර් ඒ චන්ද්රසේන කණිටු දියණිය)